دریائے جہلم کے کناروں پر واقع تاریخی پتھر مسجد کو مغل بادشاہ جہانگیر کی شریک حیات نور جہاں نے سال 1623 میں تعمیر کروایا تھا۔ اس مسجد کے نو محراب ہیں جن میں مرکزی محراب سب سے بڑا ہے۔

سری نگر: سری نگر کے زینہ کدل علاقے میں واقع تاریخی پتھر مسجد کو دوران شب آگ کی ایک واردات میں جزوی نقصان پہنچا ہے۔

سرکاری ذرائع نے بتایا کہ پتھر مسجد میں دوران شب آگ نمودار ہوئی جس سے مسجد کا منبر مکمل طور پر خاکستر ہوا۔ انہوں نے بتایا کہ چونکہ مسجد پتھروں کی بنی ہوئی ہے لہٰذا آگ سے زیادہ نقصان نہیں ہوا ہے۔

ذرائع نے بتایا کہ فائرٹینڈرس، پولیس اور مقامی لوگوں کی کوششوں کے نتیجے میں آگ پر جلد ہی قابو پالیا گیا۔
انہوں نے بتایا کہ یہ آگ شارٹ سرکٹ ہونے سے لگی تھی۔

قابل ذکر ہے کہ پائین شہر کے زینہ کدل میں دریائے جہلم کے کناروں پر واقع تاریخی پتھر مسجد کو مغل بادشاہ جہانگیر کی شریک حیات نور جہاں نے سال 1623 میں تعمیر کروایا تھا۔

اس مسجد کی تعمیر وادی کی دیگر مساجد کی تعمیر سے بالکل منفرد ہے۔ روایتی چھت کے برعکس اس کا چھت ڈھلوان ہے۔ اس مسجد کے نو محراب ہیں جن میں مرکزی محراب سب سے بڑا ہے۔

پلوامہ میں مسلح تصادم میں اب تک ایک عدم شناخت دہشت گرد اور ایک عام شہری مارا گیا ہے۔ علاقے میں آپریشن جاری ہے۔

جموں و کشمیر پولیس کے ایک ترجمان نے بتایا کہ پانپور میں جاری تصادم میں ایک عدم شناخت دہشتگرد مارا گیا ہے۔ انہوں نے مزید کہا کہ علاقے میں آپریشن جاری ہے۔

سرکاری ذرائع نے بتایا کہ تصادم کی جگہ پر جمعرات کی شام زخمی ہونے والے دو عام شہریوں میں سے ایک سری نگر کے شری مہاراجہ ہری سنگھ ہسپتال میں زخموں کی تاب نہ لاتے ہوئے دم توڑ گیا ہے۔ انہوں نے مہلوک شہری کی شناخت عابد نبی کے طور پر ظاہر کی ہے۔

ذرائع نے تفصیلات فراہم کرتے ہوئے بتایا کہ جموں و کشمیر پولیس، فوج کی 50 راشٹریہ رائفلز اور سی آر پی ایف کے اہلکاروں نے جب جمعرات کی شام میج پانپور میں ایک مشتبہ جگہ کو محاصرے میں لیا تو وہاں موجود دہشتگردوں نے ان کو نشانہ بنا کر فائرنگ کی اور گرینیڈ داغے۔

انہوں نے بتایا کہ واقعے میں دو عام شہری زخمی ہوئے جنہیں فوری طور پر ہسپتال منتقل کیا گیا۔ ان میں سے جہاں عابد نبی نامی شہری کی جمعہ کی صبح ایس ایم ایچ ایس ہسپتال میں موت واقع ہوئی وہیں کفایت احمد سری نگر کے برزلہ علاقے میں قائم ہڈیوں و جوڑوں کے ہسپتال میں زیر علاج ہے۔

ذرائع نے بتایا کہ دہشتگردوں کی ابتدائی فائرنگ کے بعد طرفین کے درمیان تصادم چھڑ گیا جس میں اب تک ایک عدم شناخت دہشتگرد مارا گیا ہے۔

مسٹر بائیڈن نوادہ صوبہ میں بھی برتری بنائے ہوئے ہیں جس سے ان کے لئے وہائٹ ہاوس تک رسائی آسان ہوسکتی ہے۔ تاہم، رواں ہفتے کے آخر تک صدارتی انتخابات کے حتمی نتائج متوقع ہیں۔

واشنگٹن: امریکہ میں ہوئے صدارتی انتخابات کے لیے گنتی جاری ہے جس میں ڈیموکریٹک پارٹی کے امیدوار جو بائیڈن اور نائب صدر کے لیے ہندوستانی نژاد ان کی ساتھی امیدوار کملا ہیرس جیت کی جانب بڑھتے ہوئے دکھائی دے رہے ہیں۔

اب تک ہوئی گنتی میں مسٹر بائیڈن سخت مقابلے کے بعد مشیگن اور وسکانسن صوبوں میں جیت حاصل کرنے کے بعد 264 الیکٹورل ووٹ حاصل کرچکے ہیں۔امریکہ کا اگلا صدر بننے کے لیے انہیں 270 کے جادوئی اعدادوشمار تک پہنچنے کے لیے اب محض چھ الیکٹورل ووٹ کی ضرورت ہے۔

تازہ ترین رپورٹوں کے مطابق ڈیموکریٹک پارٹی کے امیدوار مسٹر بائیڈن نوادہ صوبہ میں بھی برتری بنائے ہوئے ہیں جس سے ان کی وہائٹ ہاوس تک پہنچنے کی راہ آسان ہوسکتی ہے۔ حالانکہ صدارتی انتخابات کے حتمی نتائج اس ہفتہ کے آخر تک آنے کی امید ہے۔

مسٹر بائیڈن منیسوٹا، نیوہیمشائر اور ایریزونا میں آگے چل رہے ہیں جبکہ ریپبلک پارٹی کے امیدوار صدر ڈونلڈ ٹرمپ فلوریڈا، آئیووا، اوہیو، ٹکساس، نارتھ کیرولنا، پنسلوانیا اور جارجیا میں برتری بنائے ہوئے ہیں۔

مسٹر بائیڈن اور مسٹر ٹرمپ کے درمیان سخت مقابلہ چل رہا ہے اور دونوں ہی لیڈران اپنی اپنی جیت کا دعویٰ کررہے ہیں لیکن دونوں ہی ابھی 270 کے اعدادوشمار سے دور ہیں۔

ٹرمپ اس سے قبل مشیگن اور پینسلوینیا میں بیلٹ ووٹوں کی گنتی رکوانے کے لئے عدالت میں اپیل کی تھی۔ ان کا کہنا ہے کہ ان کے آبزروروں کو غیر قانونی طریقے سے انتخابات میں داخل ہونے سے محروم رکھا گیا۔

ایسوسیئٹڈ پریس نے اپنی رپورٹ میں یہ اطلاع دی ہے۔ اس سے پہلے بدھ کو مشیگن اور پینسلوینیا میں بیلٹ ووٹوں کی گنتی رکوانے کے لئے عدالت میں اپیل کی تھی۔ مسٹر ٹرمپ کا کہنا ہے کہ ان کے آبزروروں کو غیر قانونی طریقے سے انتخابات میں داخل ہونے سے محروم رکھا گیا۔

ادھر فاکس نیوز کے مطابق ڈیموکریٹک امیدوار اس وقت آگے چل رہے ہیں۔ انہوں نے صدارتی عہدے کے لئے طے 270 الیکٹورل ووٹوں میں سے 264 ووٹ حاصل کرلئے ہیں، جبکہ موجودہ صدر ڈونلڈ ٹرمپ کو 214 ووٹ ملے ہیں۔

جو بائیڈن نے ریاست مشی گن میں کامیابی حاصل کی ہے، جبکہ گزشتہ الیکشن میں مسٹر ڈونلڈ ٹرمپ اس ریاست میں کامیاب ہوئے تھے۔

واشنگٹن: امریکہ میں صدارتی انتخابات میں ڈیموکریٹک امیدوار جو بائیڈن نے ریاست مشی گن میں کامیابی حاصل کی ہے۔

یہ اطلاع سی این این نیوز چینل نے دی ہے۔

سی این این کے مطابق مسٹر بائیڈن اس کے ساتھ ہی 16مزید الیکٹورل ووٹ حاصل کریں گے۔ گزشتہ الیکشن میں مسٹر ڈونلڈ ٹرمپ اس ریاست میں کامیاب ہوئے تھے۔

کورونا وبا کے درمیان سماجی دوری اور دیگر احتیاطی تدابیر قائم رکھنے کے لیے سی بی ایس ای کی جانب سے 135 شہروں میں سی ٹیٹ امتحان کا انعقاد کیا جائے گا۔

نئی دہلی: سنٹرل بورڈ آف سیکنڈری ایجوکیشن (سی بی ایس ای) کی جانب سے انتظامی کاموں کی وجہ سے ملتوی کی گئی 14ویں سینٹرل ٹیچنگ ایلیجیبلٹی ٹیسٹ (سی ٹی ای ٹی) اب 31 جنوری 2021 کو منعقد کی جائے گی۔ اس سلسلے میں سی بی ایس ای نے بدھ کے روز نوٹیفکیشن جاری کی ہے۔ 

کورونا وبا کے درمیان سماجی دوری اور دیگر احتیاطی تدابیر قائم رکھنے کے لیے سی بی ایس ای کی جانب سے 135 شہروں میں سی ٹیٹ امتحان کا انعقاد کیا جائے گا جبکہ اس سے پہلے پانچ جولائی 2020 کو 112 شہروں میں اس کا انعقاد کیا جانا تھا۔ نئے شہروں کی فہرست میں لکھیم پور، نوگاؤں، بیگوسرائے، گوپال گنج، پورنیہ، روہتاش، سہرسہ، سارن، بھلائی/دُرگ، بلاس پور، ہزاری باغ، جمشید پور، لدھیانہ، امبیڈکر نگر، بجنور، بلند شہر، دیوریا، گونڈہ، مین پوری، پرتاپ گڑھ، شاہجہاں پور، سیتا پور اور اودھم سنگھ نگر شامل ہے۔ 

سی بی ایس ای نے نوٹیفکیشن میں کہا، ’کورونا وائرس وبا کے سبب امیدواروں کو ہونے والی پریشانی کے پیش نظر انھیں شہر چننے کے آپشن میں اصلاح کے لیے ایک موقع دینے کا فیصلہ کیا گیا ہے۔ وہ سات سے 16 نومبر تک آن لائن کے آپشن میں اصلاح کر سکتے ہیں۔

امیدواروں کی جانب سے منتخب شہروں میں انھیں ایڈجسٹ کرنے کی مکمل کوشش کی جائے گی لیکن اگر ایسا نہیں ہوتا تو امیدوار ان کی جانب سے منتخب چار شہروں کے علاوہ کوئی بھی شہر الاٹ کیا جا سکتا ہے۔

امریکی نیٹ ورکس کے مطابق ڈیموکریٹ نے ایوان نمائندگان میں اکثریت برقرار رکھی ہے، جوبائیڈن نے 238 جبکہ ڈونلڈ ٹرمپ نے 213 الیکٹورل ووٹ حاصل کر لیئے ہیں۔

واشنگٹن: ڈیموکریٹک صدارتی امیدوار جوبائیڈن نے جہاں امریکی عوام سے اپنے خطاب میں کہا کہ وہ فتح کی جانب بڑھ رہے ہیں۔ وہیں امریکی صدر ڈونلڈ ٹرمپ نے اپنی جیت کا اعلان کر دیا ہے۔

صدارتی انتخابات کے حتمی نتائج آنے سے پہلے جوبائیڈن نے کہا ہے کہ ان کے حامی یقین رکھیں وہ کامیابی کے راستے پر ہیں۔ دوسری طرف ڈونلڈ ٹرمپ نے وائٹ ہاؤس میں اپنے ایک خطاب میں کہا ہے کہ اپنے طور پر وہ الیکشن جیت چکے ہیں اور انہیں ایک شاندار فتح حاصل ہوئی ہے۔

جوبائیڈن نے کہا ہے کہ الیکشن کون جیتے گا یہ میرا یا ٹرمپ کا فیصلہ نہیں بلکہ عوام کا فیصلہ ہوگا۔ ویسے بعض ریاستوں کے نتائج ان کے حق میں توقع سے زیادہ اچھے رہے۔ اس لئے جن لوگوں نے بھی ڈیموکریٹکس کے لیے مہم چلائی اور محنت کی وہ ان سب کے شکر گزار ہیں۔

امریکی نیٹ ورکس کے مطابق ڈیموکریٹ نے ایوان نمائندگان میں اکثریت برقرار رکھی ہے، جوبائیڈن نے 238 جبکہ ڈونلڈ ٹرمپ نے 213 الیکٹورل ووٹ حاصل کر لیئے ہیں۔ باوجودیکہ 19 ریاستوں میں ری پبلکن امیدوار ٹرمپ کو ہی برتری حاصل ہے، 16 ریاستوں میں ڈیموکریٹک امیدوار بائیڈن آگے ہیں۔ ابھی 16 ریاستوں سے صدارتی انتخاب کے نتائج آنا باقی ہیں۔

جوبائیڈن نے جہاں نیوہیپمشائر میں کامیابی حاصل کر لی وہیں الاباما میں سینیٹ کی نشست ری پبلکن کے پاس ہی برقرار رہی۔

امریکی صدر ڈونلڈ ٹرمپ نے بعض انتخابی نتائج روکنے کو فراڈ قرار دے کر صورتِ حال پر سپریم کورٹ جانے کا اشارہ بھی دے دیا۔

انہوں نے کہا کہ وہ واضح طور پر جیت رہے تھے کہ اچانک سب کچھ روک دیا گیا، نتائج آتے آتے رک گئے ہیں۔
امریکی صدر نے مزید کہا کہ یہ امریکی عوام کے ساتھ دھوکا اور بڑا فراڈ ہے، سپریم کورٹ جائیں گے تاکہ تمام ووٹنگ کو روک دیا جائے۔

34 فیصد رائے دہندگان کے لئے معیشت ایک بڑا مسئلہ ہے۔ 21 فیصد کے لئے نسلی عدم استحکام بنیادی مسئلہ ہے، جبکہ صرف 18 فیصد نے کورونا وائرس کی وبا کو ایک بڑا مسئلہ قرار دیا۔

واشنگٹن: امریکہ میں اقتصادی مسائل اور نسلی عدم استحکام رائے دہندگان کے لئے سب سے اہم مسائل ہیں، جب کہ رائے دہندگان میں صرف ایک تہائی ووٹرز کووڈ – 19 کو ایک اہم مسئلہ سمجھتے ہیں۔

سی این این نیوز چینل کے ذریعہ کئے گئے سروے میں 34 فیصد رائے دہندگان نے معیشت کو ایک بڑا مسئلہ قراردیا۔ اسی دوران 21 فیصد نے نسلی عدم استحکام کو بنیادی مسئلہ قرار دیا، جبکہ صرف 18 فیصد نے کورونا وائرس کی وبا کو ایک بڑا مسئلہ قرار دیا۔

قابل ذکر ہے کہ کووڈ – 19 سے امریکہ بری طرح متاثر ہے اور اس کی وجہ سے ہونے والی ہلاکتوں اور متاثرین کے معاملہ میں دنیا میں پہلے نمبر ہے۔ اسی طرح 11 فیصد رائے دہندگان نے جرائم، سیکیورٹی اور صحت کی دیکھ بھال کی پالیسی کو ایک اہم مسئلہ قرار دیا۔

یہ اعداد و شمار فون کے ذریعے 115 مقامات پر 7،774 رائے دہندگان کے درمیان کرائے گئے سروے کے ساتھ 4،919 ووٹروں کے ساتھ تیار کیے گئے ہیں۔

ارنب کو آج ان کے گھر سے پولیس حراست میں لیا گیا۔ ارنب نے پولیس پر اپنے ساتھ مارپیٹ کرنے کا الزام بھی لگایا ہے۔

ممبئی: مہاراشٹر کے ممبئی میں بدھ کی صبح ریپبلک کے ایڈیٹر ان چیف ارنب گوسوامی کو پولیس نے حراست میں لے لیا۔ ارنب کو پولیس نے آج ان کے گھر سے حراست میں لیا ہے۔ انہوں نے پولیس پر اپنے ساتھ مارپیٹ کرنے کا الزام بھی لگایا ہے۔

مرکزی اطلاعات و نشریات کے وزیر جناب پرکاش جاوڈیکر نے ٹویٹر پر ارنب پر پولیس کی کارروائی کی مذمت کی ہے اور اسے ایمرجنسی کے واقعہ سے تشبیہ دی ہے۔ 

پرکاش جاوڈیکر نے بدھ کو ریپبلک ٹی وی کے ایڈیٹر ان چیف ارنب گوسوامی کو پولیس حراست میں لئے جانے کی سخت مذمت کرتے ہوئے کہا کہ اس نے ہمیں ایمرجنسی کی یاد دلا دی۔

We condemn the #Congress, led by Sonia Gandhi & Rahul Gandhi, for its fascist and emergency mindset, which is on display in #Maharashtra @republic

— Prakash Javadekar (@PrakashJavdekar) November 4, 2020

جناب جاوڈیکر نے ٹویٹ کیا،’’ہم مہاراشٹر میں پریس کی آزادی پر حملے کی مذمت کرتے ہیں۔یہ پریس کے ساتھ برتاؤ کا طریقہ نہیں ہے۔ اس نے ہمیں ایمرجنسی کی یاد دلا دی،اس وقت بھی پریس کے ساتھ ایس اہی کیا گیا تھا۔

ممبئی پولیس نے ر ارنب گوسوامی کو 53 سالہ انٹیریئر ڈیزائنر انوے نائک کو خودکشی کرنے کے لئے اکسانے کے معاملے میں گرفتار کیا گیا۔

پولیس نے ارنب کو آرکیٹیکٹ انوے کو خودکشی کےلئے اکسانے کے معاملے میں گرفتار کیا۔ آرکیٹیکٹ انوے نے مئی 2018 میں خودکشی کی تھی۔

انوے نے اپنے خودکشی نوٹ میں الزام لگایا تھا کہ وہ خودکشی کےلئے مجبور ہے۔ اس نے ارنب پر 5.40 کروڑ روپے کی بقایا رقم کی ادائیگی نہیں کرنے کا ذکرکیا تھا۔

ایڈیٹرز گلڈ نے گرفتاری کی مذمت کی

ایڈیٹرز گلڈ آف انڈیا نے ریپبلک ٹی وی کے ایڈیٹر انچیف ارنب گوسوامی کی گرفتاری کی مذمت کرتے ہوئے اسے ایک انتہائی تشویشناک اقدام قرار دیا ہے۔

ایڈیٹرز گلڈ نے ایک بیان میں کہا ہے کہ "ہم اچانک گرفتاری کی مذمت کرتے ہیں اور اسے انتہائی تشویشناک قرار دیتے ہیں”۔

گلڈ نے مہاراشٹر کے وزیر اعلی ادھو ٹھاکرے سے کہا کہ وہ اس بات کو یقینی بنائیں کہ ان کے ساتھ منصفانہ سلوک کیا جائے اور میڈیا کی تنقیدی رپورٹنگ کے خلاف ریاست کی طاقت کا استعمال نہ کی جائے۔

ریپبلک ٹی وی نے دعوی کیا ہے کہ ان کے چیف ایڈیٹر کی گرفتاری کے وقت، عمارت کے احاطے میں پولیس کی 8 گاڑیاں اور کم سے کم 40–50 پولیس اہلکار موجود تھے، جن میں سے بہت سے افراد مسلح تھے۔

شیوسینا کے رہنما سنجے راوت نے دفاع کیا

شیوسینا کے رہنما سنجے راوت نے ارنب کی گرفتاری کا دفاع کرتے ہوئے کہا کہ ریاستی پولیس قانون کی پیروی کرتی ہے۔ مسٹر راوت نے کہا کہ جب ارنب کو حراست میں لیا گیا تو مہاراشٹرا پولیس نے اس قانون کی پیروی کی۔

اگر پولیس کے پاس کسی کے خلاف کوئی ثبوت ہے تو وہ کارروائی کر سکتی ہے۔ انہوں نے کہا کہ جب سے ریاست میں ادھو ٹھاکرے کی زیرقیادت حکومت اقتدار میں آئی ہے، کسی کے خلاف انتقامی کارروائی نہیں کی گئی ہے۔

بہار میں آج دوسرے مرحلے میں 17 ضلعوں کی 94 سیٹوں پر ووٹنگ ہونی ہے۔ پہلے مرحلے میں 28 اکتوبر کو 16 ضلعوں کی 71 سیٹوں پر ووٹنگ ہوئی تھی اور آخری مرحلے میں سات نومبر کو باقی 78 سیٹوں کے لئے ووٹ ڈالے جائیں گے۔

نئی دہلی: کانگریس کے سابق صدر راہل گاندھی نے اسمبلی انتخابات میں دوسرے مرحلے کی ووٹنگ میں بھی بہار کے ووٹروں سے پسند کی نئی حکومت کا چناؤ کرنے کے لئے لازمی طور پر ووٹنگ کرنے کی اپیل کی ہے۔

مسٹر گاندھی نے منگل کی صبح ٹویٹ کیا، ’’آج بہار کے کچھ ضلعوں میں ووٹنگ کا دوسرا مرحلہ ہے۔ ووٹ ضرور کریں تاکہ آپ کی پسند کی نئی حکومت بنے۔‘‘

انہوں نے بہار میں انتخابی تشہیر کے اپنے پروگرام کی بھی معلومات دی اور لکھا، ’’آج آپ سب سے ملنے بہار کے کوڑھا اور کشن گنج آرہا ہوں۔ بڑھتی بے روزگاری، کسانوں پر آفات، کمزور معیشت جیسے کئی مسئلوں پر بات ہوگی۔‘‘

واضح رہے کہ بہار میں دوسرے مرحلے میں 17 ضلعوں کی 94 سیٹوں پر آج ووٹنگ ہونی ہے۔ پہلے مرحلے میں 28 اکتوبر کو 16 ضلعوں کی 71 سیٹوں پر ووٹنگ ہوئی تھی اور آخری مرحلے میں سات نومبر کو باقی 78 سیٹوں کے لئے ووٹ ڈالے جائیں گے اور دس نومبر کو ووٹوں کی گنتی ہوگی۔