اترپردیش کے ضلع متھرا اور سونبھدر میں مختلف سڑک حادثات میں 6 افراد کی موت ہوگئی، جبکہ 7 افراد شدید طور پر زخمی ہوگئے۔ زخمیوں کو اسپتال میں داخل کرایا گیا ہے۔

متھرا / سونبھدر: اترپردیش کے ضلع متھرا کے شیر گڑھ علاقے میں کار کے نہر میں پلٹ جانے سے 4 افراد ہلاک اور 4 افراد شدید طور سے زخمی ہوگئے۔ وہیں ضلع سونبھدر کے چوپن علاقے میں علی الصبح بولیرو کا ٹائر پھٹنے سے بے قابو ہوکر گڈھے میں پلٹ گئی جس سے اس میں سوار دو افراد کی موت ہوگئی جبکہ دیگر 3 زخمی ہوگئے۔

پولیس نے آج یہاں بتایا کہ کل دیر رات شیر گڑھ علاقے کے پے گاؤں علاقے میں کار بے قابو ہوکر نہر میں گر گئی۔ جس میں 4 افراد کی موت ہوگئی جبکہ دیگر 4 زخمی ہوگئے۔ زخمیوں کو اسپتال میں داخل کرایا گیا ہے۔ کار سوار بدایوں سے ہریانہ جارہے تھے۔ مہلوکین کی شناخت کنور پال، رشی، موہن شیام اور لکشمی نارائن کے طور پر ہوئی ہے۔

وہیں اترپردیش کے ضلع سونبھدر کے چوپن علاقے کے بیشنو مندر کے نزدیک آج علی الصبح بولیرو کا ٹائر پھٹنے سے بے قابو ہوکر گڈھے میں پلٹ گئی جس سے اس میں سوار دو افراد کی موت ہوگئی جبکہ دیگر 3 زخمی ہوگئے۔

پولیس ذرائع کے مطابق بولیرو سوار افراد اوبرا ویشنو مندر کے راستے سے گذر رہے تھے۔ مندر کے نزدیک پہنچتے ہی بولیرو کا اگلا ٹائر پھٹ گیا جس س وہ دو فٹ گہرے گڈھے میں پلٹ گئی۔ حادثے میں اوبرا سیکٹر دو باشندہ دیپک دوبے، سونو کمار کی موت ہوگئی۔ حادثے میں مندیپ سنگھ، راجیش سنگھ اور سجیت سنگھ شدید طور سے زخمی ہوگئے۔ سبھی کو ضلع اسپتال میں داخل کرایا گیا ہے۔

نائجیریا میں ایک کشتی کے ڈوبنے سے 18 لوگوں کی موت ہوگئی۔ تباہ حال کشتی مزدوروں کو ان کے کھیتوں تک لے جارہی تھی۔ ہلاک شدگان میں آٹھ سے 15 سال کی بچیاں بھی شامل ہیں۔

ابوجا: نائجیریا کے شمالی باؤچی صوبے میں اپنی صلاحیت سے زیادہ بھری ہوئی ایک کشتی کے ڈوبنے سے کم از کم 18 لوگوں کی موت ہوگئی۔ ہلاک شدگان میں زیادہ تر نابالغ اور نوجوان شامل ہیں۔

باؤچی صوبے کے پولیس کمان کے ترجمان احمد محمد وکیل نے جمعہ کو یہ اطلاع دی۔ مسٹر وکیل نے بتایا کہ اس حادثے کے سلسلے میں مقامی لوگوں نے پولیس کو اطلاع دی۔

حادثے کی اطلاع ملتے ہی ڈیوژنل پولیس افسر راحت اور بچاؤ اہلکاروں کی ٹیم کے ساتھ فوراً جائے وقوع پر پہنچ گئے۔ کشتی حادثے میں ڈوبے لوگوں کو اسپتال لے جایا گیا جہاں ڈاکٹروں نے 18 لوگوں کو مردہ قرار دے دیا جبکہ پانچ کو بچا لیا گیا۔

حادثے کا شکار کشتی مزدوروں کو ان کے کھیتوں تک لے جارہی تھی۔ ہلاک شدگان میں آٹھ سے 15 سال کی بچیاں بھی شامل ہیں۔ اس حادثے میں نور عبداللہ نامی ایک 20 سالہ شخص کی بھی موت ہوئی ہے۔

کابینہ کی ہوئی میٹنگ میں آج 16ویں قانون ساز اسمبلی کو تحلیل کرنے کی سفارش گورنر سے کی گئی ہے۔ وزیراعلیٰ نتیش کمار نے کابینہ کے سبھی اراکین کا تعاون کیلئے شکریہ بھی ادا کیا۔

پٹنہ: بہار حکومت نے جمعہ کو 16 ویں قانون ساز اسمبلی کو تحلیل کرنے کی سفارش گورنر سے کی ہے۔

وزیراعلیٰ نتیش کمار کی صدارت میں آج کابینہ کی ہوئی میٹنگ میں 16ویں قانون ساز اسمبلی کو تحلیل کرنے کی سفارش گورنر سے کی گئی ہے۔ وزیراعلیٰ نتیش کمار نے کابینہ کے سبھی اراکین کا تعاون کیلئے شکریہ بھی ادا کیا۔

غور طلب ہے کہ انتخابی کمیشن نے جمعرات کو ہی 17 ویں اسمبلی کے منتخب اراکین اسمبلی کی فہرست گورنر کو سونپی تھی۔ اس کے بعد نوٹیفکیشن جاری ہوگئی ہے۔ اس کے بعد 16 ویں اسمبلی کو تحلیل کرنے سے متعلق سفارش گورنر کو بھیج دی گئی ہے۔

کابینہ کی میٹنگ کے بعد وزیراعلیٰ نے گورنر سے ملنے کا وقت مانگا ہے۔ وہ شام 4.45 بجے گورنر ہاﺅس جاکر گورنر پھاگو چوہان سے ملیں گے اور اپنا استعفیٰ انہیں پیش کریں گے۔

اس سے قبل آج وزیراعلیٰ مسٹر کمار کی سرکاری رہائش گاہ پر قومی جمہوری اتحاد (این ڈی اے) کے چاروں حلیف بھارتیہ جنتا پارٹی (بی جے پی) ویکاس شیل انسان پارٹی (وی آئی پی) اور ہندوستانی عوام مورچہ (ہم) کے لیڈران کے ساتھ میٹنگ ہوئی۔ میٹنگ میں 15 نومبر کو دو پہر ساڑھے 12 بجے این ڈی اے قانون ساز پارٹی کا اجلاس طلب کرنے کا فیصلہ لیا گیا۔ اسی اجلاس میں بطور وزیراعلیٰ مسٹر نتیش کمار کے نام پر مہر لگے گی۔

مسٹر ٹرمپ انتخابی نتائج کے باضابطہ اعلان سے قبل ہی ڈیموکریٹک پارٹی کے امیدوار جو بائیڈن کو منتخب صدر کے طور پر پیش کرنے پر فاکس نیوز سمیت کئی میڈیا اداروں سے ناراض ہیں۔

واشنگٹن: امریکی صدر ڈونلڈ ٹرمپ انتخابی شکست سے شدید مایوس ہیں اور اپنی مدت پوری ہونے کے بعد ایک نئی ڈیجیٹل میڈیا کمپنی کے قیام کے منصوبے پر غور کر رہے ہیں۔

مسٹر ٹرمپ انتخابی نتائج کے باضابطہ اعلان سے قبل ہی ڈیموکریٹک پارٹی کے امیدوار جو بائیڈن کو منتخب صدر کے طور پر پیش کرنے پر فاکس نیوز سمیت کئی میڈیا اداروں سے ناراض ہیں۔

امریکی نیوز ویب سائٹ ایکسیوز نے جمعرات کے روز ایک رپورٹ میں اس سے وابستہ عہدیداروں کے حوالے سے یہ اطلاع دی۔

مسٹر ٹرمپ مہنگے کیبل ٹیلیویژن چینل کو کھولنے کے بجائے ایک نئی ڈیجیٹل میڈیا کمپنی کے قیام پر غور کررہے ہیں۔ ٹرمپ نئے آن لائن میڈیا پلیٹ فارم کے ذریعے فاکس نیوز کے حامیوں کو اپنی جانب راغب کرناچاہتے ہیں۔ مسٹر ٹرمپ اور ان کے مشیروں اور کنبہ کے افراد نے ابھی تک نیا میڈیا ادارہ تشکیل دینے پر کوئی تبصرہ نہیں کیا ہے۔

امریکی وزیر خارجہ مائک پومپیو نے ایک بیان میں کہا ہے کہ انتخابات کے بعد اقتدار کی منتقلی میں کوئی دشواری نہیں ہوگی اور یہ عمل کے تحت ہموار طریقے سے ہی ہو گا۔

لیبیا میں 120 مہاجرین سے بھرا ایک جہاز پلٹ گیا، جس میں کم از کم 74 مہاجروں کی موت ہوگئی۔ لیبیائی ساحلی محافظ دستے اور ماہی گیروں نے تقریباً 47 لوگوں کو  بچایا۔

الجزیرہ کی رپورٹ کے مطابق آئی او ایم نے بتایا کہ جہاز میں تقریباً 120 لوگ سوار تھے۔

لیبیائی ساحلی محافظ دستے اور ماہی گیروں نے تقریباً 47 لوگوں کو اس حادثے سے بچایا۔ اس حادثے میں بچائے گئے ایک چھ ماہ کے بچے کے کچھ گھنٹوں بعد موت ہوگئی۔ یکم اکتوبر سے اب تک بحیرہ روم میں اس طرح کا یہ آٹھواں واقعہ ہے۔

مسٹر تیجسوی نے کہا کہ مایوس ہونے کی ضرورت نہیں ہے کیونکہ ہم ہارے نہیں بلکہ ہرائے گئے ہیں۔ انتخابی نتائج ہم لوگوں کے حق میں آئے ہیں جبکہ فیصلہ ان کے حق میں آیا ہے۔

پٹنہ: بہار میں راشٹریہ جنتادل (آرجے ڈی) زیر قیادت مہاگٹھ بندھن کے لیڈر تیجسوی پرساد یادو نے اسمبلی انتخابات کے نتائج سے متعلق کہا کہ ہم ہارے نہیں بلکہ ہرائے گئے ہیں۔

مسٹر یادو نے اسمبلی انتخابی نتائج کے بعد پہلی مرتبہ مہاگٹھ بندھن کی حلیف جماعتوں کے ساتھ میٹنگ کی۔ انہوں نے مہاگٹھ بندھن کے نومنتخب اراکین اسمبلی سے کہا ”مایوس ہونے کی ضرورت نہیں ہے کیونکہ ہم ہارے نہیں بلکہ ہرائے گئے ہیں۔ انتخابی نتائج ہم لوگوں کے حق میں آئے ہیں جبکہ فیصلہ ان کے حق میں آیا ہے“۔

مہاگٹھ بندھن کے لیڈر نے کہا ”سال 2015 کے اسمبلی انتخاب میں بھی یہی ہوا تھا۔ سب سے بڑی پارٹی ہونے کے بعد بھی ہمیں اقتدار سے ہٹاکر بھارتیہ جنتا پارٹی (بی جے پی) چور دروازے سے اقتدار میں آئی تھی۔ اس بار بھی بی جے پی نے انتخاب کو ہائی جیک کرلیا۔ انتخاب کے دوران ہم نے صحیح اور عوام سے متعلق مسائل کو اٹھایا تھا اور پہلی بار ایسا ہوا جب اپوزیشن نے ایجنڈا سیٹ کیا تھا۔ ہم نے مثبت طور سے ایشوز بنائے جسے عوام کا بھر پور تعاون ملا“۔

انتخاب کے نتائج دولت، طاقت اور چھل سے بدلا گیا

مسٹر یادو نے کہا کہ ملک کا نوجوان، مزدور، کسان، جیویکا دیدی، نیوجت اساتذہ یا دیگر طبقہ ہو سبھی میں غم وغصہ ہے۔ انہوں نے کہا کہ لوگوں میں غصہ اس بات کا ہے کہ انتخاب کے نتائج دولت، طاقت اور چھل سے بدلا گیا۔ انہوں نے وزیراعظم نریندر مودی پر طنز کرتے ہوئے کہا کہ ایک طرف سب سے طاقتور وزیر اعظم اور دیگر لیڈران تھے تو دوسری جانب 31 سال کا نوجوان تھا پھر بھی آر جے ڈی کو سب سے بڑی پارٹی بننے سے نہیں روک پائے۔

مہاگٹھ بندھن کے لیڈر نے کہا کہ جو لوگ یہ کہہ رہے ہیں کہ آر جے ڈی کو انہوں نے کہاں سے کہاں پہنچا دیا تو وہ خود تیسرے نمبر پر چلے گئے ہیں۔ انہوں نے وزیراعلیٰ اور جنتادل یونائٹیڈ (جے ڈی یو) کے قومی صدر نتیش کمار پر طنز کرتے ہوئے کہا کہ کچھ لوگ ضرور کرسی پر بیٹھیں گے لیکن وہ جانتے ہیں کہ ان کی چاندنی بس چار دنوں کی ہے۔ انہوں نے کہا ”آپ کرسی پر بیٹھے اور ہم عوام کے دلوں میں بیٹھے ہیں، کیونکہ عوام کو معلوم ہے کہ انتخاب میں کیا ہوا ہے۔ اگر مسٹر کمار میں معمولی بھی اخلاق بچا ہو تو وہ کرسی چھو ڑ دیں گے۔
عوام نے ہمیں قومی جمہور ی اتحاد (این ڈی اے) سے زیادہ حمایت دی ہے اس لئے ہم ریاست میں ”دھنیہ واد یاترا“ نکالیں گے، عوام کے مابین جائیں گے کیونہ ہم ہارے نہیں جیتے ہیں۔“

مسٹر یادو نے کہا کہ اگر این ڈی اے حکومت 19 لاکھ روزگار نہیں دیتی ہے تو جنوری سے بڑی عوامی تحریک چلائی جائے گی۔ ہم لوگ رونے والے نہیں عوام کے درمیان رہنے والے لوگ ہیں۔ انہوں نے کہا کہ جہاں بھی رہیں گے لوگوں کی آواز بلند کریں گے۔

مہاگٹھ بندھن کی حلیف آر جے ڈی، کانگریس، سی پی آئی ایم ایل، سی پی آئی اور سی پی آئی ایم کے لیڈران کی میٹنگ میں مہاگٹھ بندھن کے سبھی 110 اراکین اسمبلی نے مسٹر یادو کو اپوزیشن لیڈر بنائے جانے کے ساتھ ساتھ مہاگٹھ بندھن کا لیڈر بھی منتخب کرلیا۔

پٹنہ: بہار میں راشٹریہ جنتادل (آر جے ڈی) زیر قیادت مہاگٹھ بندھن عہدہ کے امیدوار رہے تیجسوی پرساد یادو کو آج مہاگٹھ بندھن کا لیڈر منتخب کرلیا گیا۔

سابق وزیراعلیٰ رابڑی دیوی کے یہاں 10 سرکلر روڈ واقع سرکاری رہائش پر مہاگٹھ بندھن کی حلیف آر جے ڈی، کانگریس، سی پی آئی ایم ایل، سی پی آئی اور سی پی آئی ایم کے لیڈران کی میٹنگ ہوئی۔ میٹنگ میں مہاگٹھ بندھن کے سبھی 110 اراکین اسمبلی نے مسٹر یادو کو اپوزیشن لیڈر بنائے جانے کے ساتھ ہی مہاگٹھ بندھن کا لیڈر بھی منتخب کرلیا۔

اس سے قبل آر جے ڈی کے نومنتخب اراکین اسمبلی کا اجلاس ہوا۔ اجلاس میں آئندہ کی حکمت عملی کے سلسلے میں غور و خوض کیا گیا۔

اس طرح کانگریس کے نومنتخب اراکین اسمبلی پارٹی کے ریاستی ہیڈکوارٹر صداقت آشرم میں بھی میٹنگ ہوئی۔ پارٹی کے سینئر لیڈران نے نومنتخب اراکین اسمبلی کے ساتھ صلاح و مشورہ کیا۔ اجلاس کے دوران لیڈران کے چہرے پر کم سیٹوں کی وجہ سے حکومت نہیں بنا پانے کا ملال واضح طور پر دکھائی دیا۔

ماکن نے ٹویٹ کرکے ریکارڈ کیسز پر تشویش کا اظہار کرتے ہوئے کہا ’’اروند کجریوال جی دہلی میں فوراً لاک ڈاؤن لگاؤ۔ دہلی میں کورونا وائرس کا ریکارڈ ٹوٹ گیا ہے۔

نئی دہلی: قومی دارالحکومت دہلی میں کورونا وائرس کے کیسز میں ایک بار پھر دن بہ دن ریکارڈ نئے کیسز اور عالمی وبا کووڈ – 19 سے ہونے والی اموات کی تعداد میں اضافے پر تشویش کا اظہار کرتے ہوئے دہلی کانگریس کے سابق صدر اجے ماکن نے وزیر اعلی اروند کجریوال سے فوری طور پر لاک ڈاؤن لگانے کا مطالبہ کیا ہے۔ 

بدھ کے روز دہلی حکومت کی وزارت صحت نے 24 گھنٹوں کے دوران کورونا وائرس کے 8593 نئے کیسز رپورٹ ہوئے اور 85 افراد کی ہلاکت کی اطلاع ہے۔

ماکن نے ٹویٹ کرکے ریکارڈ کیسز پر تشویش کا اظہار کرتے ہوئے کہا ’’اروند کجریوال جی دہلی میں فوراً لاک ڈاؤن لگاؤ۔ دہلی میں کورونا وائرس کا ریکارڈ ٹوٹ گیا ہے۔ گزشتہ 24 گھنٹوں کے دوران کووڈ کے 8،593 نئے کیسز رپورٹ ہوئے ہیں۔ بہتر ہوگا کہ ہم دیوالی نہ منائیں، جہاں ہزاروں (یا لاکھ سے زیادہ) لوگوں کی آخری دیوالی ثابت نہ ہو۔ برائے مہربانی یہ ایک ہنگامی صورتحال ہے‘‘۔

.@ArvindKejriwal ji, lock Delhi down immediately!

Delhi breaks record-
We have 8,593 COVID cases in last 24 hours!

Better that we don’t celebrate Diwali, than thousands (or even lakhs) celebrating their last Diwali!

Please, it’s an emergency! pic.twitter.com/F2I9aPl1fP

— Ajay Maken (@ajaymaken) November 11, 2020

خیال رہے دہلی میں کورونا وائرس کیسز کی مجموعی تعداد بڑھ کر 4،59،975 اور اموات کی مجموعی تعداد 7،228 ہوچکی ہے۔

نوجوان ولی عہد شہزادہ کو صرف بحرین کے اندرونی مذہبی تنازع کو قابو میں کرنے کے لئے نیا وزیر اعظم مقرر کیا گیا ہے۔

بحرین کی سرکاری خبر رساں ایجنسی بی این اے نے شاہی خاندان کی جانب سے اس سلسلہ میں جاری ایک ایڈ منسٹریٹو آرڈر کے حوالہ سے یہ اطلاع دی۔

خیال رہے بحرین کے وزیر اعظم خلیفہ بن سلمان آل خلیفہ کا بدھ کے روز انتقال ہوگیا تھا۔ 84 سالہ خلیفہ بن سلمان آل خلیفہ طویل عرصے سے علیل تھے اور امریکہ میں زیر علاج تھے۔ ان کا نام دنیا کی کسی بھی حکومت کے طویل ترین سربراہ کا ریکارڈ ہے۔ بحرین نے ان کی وفات پر ایک ہفتہ کے قومی سوگ کا اعلان کیا ہے۔ میڈیا رپورٹس کے مطابق، شاہ بحرین نے ولی عہد شہزادہ سلمان بن حماد آل خلیفہ کو فوری طور پر ملک کا نیا وزیر اعظم مقرر کیا ہے۔

بحرین کے شاہی خاندان کو یہ حق حاصل ہے کہ وہ پارلیمنٹ سے مشورہ کیے بغیر ملک کے وزیر اعظم کی تقرری کرے۔

علاقائی ماہرین کا خیال ہے کہ نوجوان ولی عہد شہزادہ کو صرف بحرین کے اندرونی مذہبی تنازع کو قابو میں کرنے کے لئے نیا وزیر اعظم مقرر کیا گیا ہے۔ بحرین کے شیعہ مسلمانوں نے مرحوم وزیر اعظم پر ان کے حقوق پامال کرنے کا الزام عائد کیا ہے۔

شمالی ریلوے نے کسانوں کے احتجاج کے سبب پنجاب سے گزرنے والی اور ریاست سے چلنے والی تمام ٹرینوں کے روٹ کو مستقل یا جزوی طور پر منسوخ یا تبدیل کردیا ہے۔

فریدکوٹ: پنجاب میں کسان یونینوں کے نئے زرعی قوانین کے خلاف احتجاجی مظاہرے کے سلسلے میں گذشتہ اکتوبر سے جاری احتجاج کی وجہ سے ریل ٹریفک میں خلل پیدا ہونے کی وجہ سے عام لوگوں کی مشکلات میں اضافہ ہوتا جارہا ہے۔

ریلوے اور صنعتوں کو بھاری نقصان اٹھانا پڑ رہا ہے کیونکہ ریل خدمات کی عدم فراہمی کی وجہ سے ریاست کی کاروباری سرگرمیاں بھی شدید متاثر ہیں۔ شمالی ریلوے نے کسانوں کے احتجاج کے سبب پنجاب سے گزرنے والی اور ریاست سے چلنے والی تمام ٹرینوں کے روٹ کو مستقل یا جزوی طور پر منسوخ یا تبدیل کردیا ہے۔

ٹرینوں کی تفصیلات

ریلوے ذرائع کے مطابق، دہلی – بھٹنڈا ایکسپریس – بھٹنڈا – دہلی ایکسپریس ٹرین 20 سے 21 نومبر اور نئی دہلی – کٹڑا ایکسپریس 12 سے 19 نومبر تک اور کٹڑا – نئی دہلی ایکسپریس 13 سے 20 نومبر تک، امرتسر – اسپیشل 12 سے اجمیر ایکسپریس اجمیر امرتسر ایکسپریس اسپیشل کو 19 نومبر اور اگلی 18 نومبر تک منسوخ کردیا گیا ہے۔

وہیں 12 نومبر کو، بھی کئی میل اور ایکسپریس ٹرینوں کو بند کردیا گیا ہے۔ سری گنگا نگر ۔ دہلی ایکسپریس ٹرین وایا بھٹنڈا اور دہلی۔ 12 نومبر کو سری گنگا نگر ایکسپریس، امرتسر – 13 نومبر کو ڈبروگڑھ ایکسپریس اور 12 نومبر کو چنڈی گڑھ ۔ پاٹلی پترا ایکسپریس، ریشی کیش – باڈمیر ایکسپریس اسپیشل بذریعہ بٹھنہ 12 کو، 09806 ادھم پور – کوٹہ ایکسپریس ۔ اسپیشل ٹرین 12 اور کٹڑا ۔ امبیڈکر نگر ایکسپریس کی خصوصی ٹرین 13 نومبر کو منسوخ ہوگی۔

فیروز پور ۔ دھن آباد ایکسپریس 12 نومبر کو امبالہ سے شروع ہوگی اور امبالہ فیروز پور ۔ امبالہ کے درمیان جزوی طور پر منسوخ ہوگی۔ امرتسر ۔ ناندیڈ سچکھنڈ ایکسپریس 12 نومبر کو نئی دہلی سے روانہ ہوگی اور یہ نئی دہلی – امرتسر – نئی دہلی اور امرتسر کے درمیان جزوی طور پر منسوخ ہوجائے گی۔

بانڈرا ٹرمینس ایکسپریس 12 نومبر کو امبالہ سے اور جزوی طور پر امبالہ – امرتسر – امبالہ کے درمیان جزوی طورپر منسوخ رہنے کا فیصلہ کیا گیا ہے۔ آج بھی بہت ساری ٹرینیں منسوخ کردی گئیں۔ ریلوے ذرائع نے بتایا کہ ان سبھی ٹرینوں کے علاوہ کافی ٹرینوں کو منسوخ رکھنے کا فیصلہ کیا گیا ہے۔