راجستھان کے اجمیر میں کورونا وائرس کے بڑھتے ہوئے خطرے سے نمٹنے کے لئے، ضلعی انتظامیہ نے ویکسین کی دستیابی، تنہائی اور دیگر معلومات اکٹھا کرنے کے لئے کورونا مریضوں کے گھروں کا دورہ کرنے کا حکم دیا ہے۔

اجمیر: راجستھان کے اجمیر میں کورونا وائرس کے بڑھتے ہوئے خطرات کو دور کرنے کے لئے ضلع انتظامیہ نے اجمیر میں کورونا مریضوں کے گھر جاکر ویکسین کی دستیابی، تنہائی اور دیگر معلومات اکٹھا کرنے کے احکامات دیئے۔

ضلع کلکٹر پرکاش راج پروہت نے آج انسیڈنٹ کمانڈروں کو یہ ہدایات دیں۔ اس کے تحت انسیڈنٹ کمانڈر اجمیر میں منتخب ایک ہزار سے زیادہ کورونا مریضوں کے گھر پہنچے گا اور معلومات حاصل کرے گا۔

ادھر، ریاست کے طبی اور صحت کے وزیر ڈاکٹر رگھو شرما نے آکسیجن کی کمی کے پیش نظر جواہر لال نہرو اسپتال میں 800 سلنڈر بھیجے ہیں، جو سنگین مریضوں کے لئے استعمال ہوں گے۔ اسپتال سپرنٹنڈنٹ ڈاکٹر انل جین نے کووڈ وارڈوں میں جسمانی تصویر بنائی ہے اور مریضوں میں آکسیجن کی سطح بڑھانے کے لئے عوام کیلئے بھی یہ جاری کیا ہے۔ اگرمریض معدہ کے مخالف سمت پر لیٹا ہے تو اس کے آکسیجن کی سطح میں اضافہ ہوسکتا ہے۔ تصویر میں دی گئی ہدایات کے مطابق جو افراد آکسیجن کی کمی کا شکار ہیں وہ گھر میں بھی آکسیجن کی سطح بڑھا سکتے ہیں۔

اجمیر شمالی کے ایم ایل اے اور سابق وزیر تعلیم واسودیو دیوانانی نے کورونا کنٹرول کے لئے ایم ایل اے فنڈ سے 40 لاکھ روپے کی امداد فراہم کی ہے جس کے ذریعہ آکسیجن پلانٹ اور آکسیجن کنسنٹریٹر آلات کی خریداری کی جائے گی۔

عراق کے وزیراعظم مصطفى الکاظمی نے بغداد میں کووڈ اسپتال میں آگ لگنے کے  واقعے کے اسباب کی فوری طور پر جانچ کئے جانے کے احکام جاری کئے ہیں۔ بیان میں کہا گیا ہے کہ جانچ مکمل ہونے تک اسپتال کے سربراہ، سیکیورٹی سروسز کے ڈائریکٹر اور آلات کی دیکھ ریکھ کے ذمہ دار افراد زیر حراست رہیں گے۔

بغداد: عراق کے وزیراعظم مصطفى الكاظمی نے راجدھانی بغداد میں کووڈ اسپتال میں آگ لگنے کے واقعہ کی جانچ ہونے تک اسپتال کے سربراہ کو حراست میں رکھے جانے کے احکام جاری کئے۔

وزیراعظم کے دفتر نے اتوار کو یہ اطلاع دی۔

بغداد میں واقع ایک کووڈ اسپتال میں ہفتہ کی رات آکسیجن سلنڈر میں دھماکہ ہو جانے سے آگ لگ گئی۔ مقامی میڈیا کی تازہ رپورٹوں کے مطابق واقعہ میں مرنے والوں کی تعداد 28 ہوگئی ہے جبکہ 50 سے زیادہ لوگ زخمی ہوئے ہیں۔

رپورٹ میں مرنے والوں کی تعداد میں اضافے کا خدشہ ظاہر کیا گیا ہے۔ وزیراعظم کے دفتر کی جانب سے جاری بیان کے مطابق مسٹر الکاظمی نے فوری طور پر حادثے کے اسباب کی جانچ کئے جانے کے احکام جاری کئے ہیں۔ بیان میں کہا گیا ہے کہ جانچ مکمل ہونے تک اسپتال کے سربراہ، سیکیورٹی سروسز کے ڈائریکٹر اور آلات کی دیکھ ریکھ کے ذمہ دار افراد زیر حراست رہیں گے۔

دلی کے پینٹامیڈ اسپتال کے ذرائع نے بتایا کہ یہاں 50 ایسے مریض ہیں جنہیں آکسیجن کی ضرورت ہے جبکہ کچھ وینٹی لیٹر پر ہیں۔ اسپتال میں آکسیجن کی کمی کے سبب بحران کی صورتحال ہے۔

نئی دہلی: قومی راجدھانی کے پینٹامیڈ اسپتال میں صرف ایک گھنٹے استعمال کی آکسیجن بچی ہے۔

اسپتال کے ذرائع نے بتایا کہ یہاں 50 ایسے مریض ہیں جنہیں آکسیجن کی ضرورت ہے جبکہ کچھ وینٹی لیٹر پر ہیں۔ اسپتال میں آکسیجن کی کمی کے سبب بحران کی صورتحال ہے۔

انہوں نے کہا ’’اسپتال نے 55 سلنڈر ریفلنگ کے لئے نزدیک کے پلانٹ میں بھیجے تھے لیکن ابھی تک ایک بھی سلنڈر ریفل نہیں ہوا ہے۔ ہمارے ملازمین گزشتہ شب سے اس کے لئے قطار میں لگے ہوئے ہیں‘‘۔

واضح رہے کہ آکسیجن کے بحران کا سامنا کررہی دلی میں اب تک 45 لوگوں کی زندگی بچانے والی آکسیجن کی کمی کے سبب موت ہوچکی ہے۔

عراقی دارالحکومت بغداد میں ہفتہ کی شب ایک کووڈ اسپتال میں آتشزدگی سے کم از کم 21 افراد ہلاک اور 40 زخمی ہوگئے۔ رپورٹ کے مطابق مرنے والوں کی تعداد میں اضافہ ہوسکتا ہے۔

بغداد: عراق کی راجدھانی بغداد میں ہفتہ کی شب ایک کووڈ اسپتال میں آتشزدگی سے کم از کم 21 مریضوں کی موت ہوگئی اور 40 دیگر زخمی ہوگئے۔

نیوز پورٹل بغداد الیوم نے ذرائع کے حوالے سے اپنی رپورٹ میں بتایا کہ آکسیجن سلنڈر میں دھماکہ ہونے سے آگ لگ گئی۔

رپورٹ کے مطابق مرنے والوں کی تعداد میں اضافہ ہوسکتا ہے۔

امرتسر کے نیل کانٹھ اسپتال کے ایم ڈی نے بتایا کہ آکسیجن کی کمی کی وجہ سے پانچ مریضوں کی موت ہوگئي۔ یہاں پچھلے 48 گھنٹے سے آکسیجن کی کمی ہے اور انتظامیہ کا کہنا ہے کہ سرکاری اسپتالوں سے پہلے پرائیویٹ اسپتالوں کو آکسیجن نہیں دی جاسکتی ہے۔

امرتسر: پنجاب میں امرتسر کے نیل کانٹھ اسپتال میں آکسیجن کی کمی کے باعث 6 کورونا مریضوں نے دم توڑ دیا، جبکہ ایک کی حالت تشویشناک ہے۔

اطلاع ملتے ہی اہل خانہ موقع پر پہنچ گئے اور اسپتال انتظامیہ کے خلاف ہنگامہ برپا کردیا۔

دوسری جانب اسپتال کے ایم ڈی نے بتایا کہ آکسیجن کی کمی کی وجہ سے پانچ مریضوں کی موت ہوگئي۔ یہاں پچھلے 48 گھنٹے سے آکسیجن کی کمی ہے اور انتظامیہ کا کہنا ہے کہ سرکاری اسپتالوں سے پہلے پرائیویٹ اسپتالوں کو آکسیجن نہیں دی جاسکتی ہے۔ اسپتال کی انتظامیہ نے ضلع انتظامیہ پر الزام لگایا ہے کہ وہ اسپتالوں کو آکسیجن کی فراہمی یقینی نہیں بنا رہی ہے۔

قابل ذکر ہے کہ پنجاب کے وزیر اعلی کیپٹن امریندر سنگھ نے وزیر اعظم کے ساتھ منعقدہ ورچوئل جائزہ اجلاس کے دوران ریاست میں آکسیجن کی کمی کا معاملہ اٹھایا تھا۔ وزیر اعلی نے آکسیجن کی سپلائي کی مناسب مشینری بنانے کے لئے ضروری اقدامات کرنے کا مطالبہ کیا تھا۔

جمعہ کے روز ڈسٹرکٹ ڈپٹی کمشنر گرپریت سنگھ کھیرا نے بھی حکم جاری کیا تھا کہ جن اسپتالوں میں آکسیجن کی کمی ہے وہاں کے مریضوں کو گرو نانک دیو اسپتال منتقل کیا جائے۔

قومی دارالحکومت کے سروج اسپتال نے آکسیجن گیس کی عدم دستیابی کے باعث مریضوں کو داخل کرنا بند کر دیا ہے۔

نئی دہلی: قومی دارالحکومت کے سروج اسپتال نے آکسیجن گیس کی کمی کی وجہ سے مریضوں کو داخل کرنا بند کر دیا ہے۔

اسپتال کے ذرائع نے یو این آئی سے فون پر کہا، ’تمام بیڈ بھر گئے ہیں۔ علاوہ ازیں آکسیجن کی کافی قلت ہے، لہٰذا ہم مریضوں کا داخلہ بند کر رہے ہیں‘۔

مذکورہ اسپتال میں ابھی 141 مریض داخل ہیں۔ قبل ازیں اسپتال نے جمعرات کو دہلی ہائی کورٹ سے آکسیجن کی سپلائی کے لیے ہدایت دیے جانے کا مطالبہ کیا تھا۔

بالی ووڈ اداکارہ بھومی پیڈنیکر نے کورونا وائرس کی دوسری لہر کے دوران لوگوں کی مدد کے لئے ایک مہم کا آغاز کیا ہے۔ کورونا کی دوسری لہر کے درمیان بالی ووڈ کی متعدد مشہور شخصیات نے لوگوں کی براہ راست مدد کرنے کی ذمہ داری بھی لی ہے۔

ممبئی: بالی ووڈ اداکارہ بھومی پیڈنیکر نے کورونا وائرس کی دوسری لہر کے دوران لوگوں کی مدد کے لئے ایک مہم شروع کی ہے۔

کورونا وائرس کی دوسری لہر کے درمیان بالی ووڈ کی متعدد مشہور شخصیات نے لوگوں کی براہ راست مدد کرنے کی ذمہ داری بھی لی ہے۔

وہیں بھومی پیڈنیکر نے اپنے ٹویٹر اکاؤنٹ کے ذریعہ لوگوں کی مدد کرنے کے لئے ایک مہم شروع کی ہے جس کے تحت بھومی نے ایک فارم کا فارمیٹ پوسٹ کیا ہے جس میں مریض کا نام، عمر، جنس، اسپتال، بلڈ گروپ کی معلومات طلب کی گئی ہیں۔

بھومی نے لکھا، جو لوگ مدد کے لئے آ رہے ہیں وہ اس فارمیٹ میں بھیجیں۔

For all those reaching out for help please send in this format :
Patient Name-
Age-
Gender-
Hospital (if admitted)-
Blood group –
Blood bank name (plasma)-
HRCT-
SP O2-
Requirement-
City-
Contact-
Other info-
This makes it quicker for us to help find resources.#covidwarrior

— bhumi pednekar (@bhumipednekar) April 23, 2021

بھومی کے علاوہ منوج باجپئی، سوشانت سنگھ، انوبھو سنہا، ویر داس جیسی مشہور شخصیات اپنے ٹویٹر اکاؤنٹس سے لوگوں کی اپیل کو ری ٹوئیٹ کرکے اضافہ کر رہے ہیں۔

پرینکا چوپڑا بھی لگاتار کووڈ انڈیا ہیش ٹیگ کے ساتھ ضروری معلومات شیئر اور ری ٹوئیٹ کررہی ہیں۔

سونم کپور ان دنوں لندن میں ہیں لیکن انہوں نے اپنے سوشل میڈیا اکاؤنٹس کو کووڈ ۔ 19 کے مریضوں کی مدد کے لئے کھول رکھا ہے۔ انسٹاگرام پر سونم نے ایک ویڈیو پوسٹ کی، جس میں انہوں نے بتایا کہ انہوں نے انسٹاگرام کے ذریعے کووڈ ۔ 19 کے وسائل شیئر کیے ہیں۔

سونم نے کہا کہ انہیں اپنی ضرورت کو ٹیگ کیجیئے اور وہ اس میں اضافہ کریں گی۔
سونم ٹویٹر کے ذریعے اس کام میں مصروف ہیں۔

اسپتال کے ذرائع نے بتایا کہ آکسیجن کی کمی کا سلسلہ بدستوری جاری ہے اور اب تو یہاں صرف 30 منٹ کی سپلائی کے لائق ہی آکسیجن باقی بچی ہے۔

نئی دہلی: قومی راجدھانی دلی میں آکسیجن کی کمی کا سلسلہ بدستوری جاری ہے۔ جے پور گولڈن اسپتال میں آکسیجن گیس کی کمی کے سبب کل دیر رات کم از کم 20 سنگین مریضوں کی موت ہوگئی۔

اسپتال کے ذرائع نے بتایا کہ آکسیجن گیس کی کمی مسلسل جاری ہے اور اب تو یہاں صرف 30 منٹ کی سپلائی کے لائق ہی آکسیجن باقی بچی ہے۔

اس سے قبل دلی کے سر گنگا رام اسپتال میں جمعہ کو 20 مریضوں کی موت ہوگئی تھی، اگرچہ یہاں کی اسپتال انتظامیہ نے ان اموات کا سبب آکسیجن کی کمی ہونے سے انکار کیا ہے۔

تھانے میں ٹاٹا امانترا کووڈ کیئر سینٹر سے دو قیدیوں کے فرار ہونے کے سلسلے میں چار پولیس اہلکاروں کو معطل کردیا گیا ہے۔

تھانے: مہاراشٹر کے تھانے میں ٹاٹا امنترا کووڈ کیئر سینٹر میں داخل دو قیدیوں کے فرار ہونے کے معاملے میں چار پولیس اہلکاروں کو معطل کردیا گیا ہے۔

پولیس ذرائع نے سنیچر کو یہ اطلاع دی۔ انہوں نے بتایا کہ کلیان اور بھیونڈی کے درمیان واقع کووڈ کیئر سینٹر میں کلیان آدھاواڑی جیل کے تقریباً 30 قیدیوں کو بھی علاج کے لئے رکھا گیا تھا۔ ان میں سے دو قیدی جمعہ کے روز عمارت کی 15 ویں منزل کے بیت الخلاء سے فرار ہوگئے، جن کی شناخت جعفری اور خورشید عبدالحمید شیخ کے طور پر کی گئی ہے۔

انہوں نے بتایا کہ متعلقہ معاملے میں چار پولیس اہلکار کو معطل کردیا گیا ہے۔ پولیس نے فرار قیدیوں کے خلاف معاملہ درج کرلیا ہے اور انہیں پکڑنے کے لئے مہم شروع کردی ہے۔