ناردا اسٹنگ آپریشن معاملے میں ضمانت پر رہا ترنمول کانگریس کے تین سینئر لیڈران فرہاد حکیم، سبرتو مکھرجی، ممبر اسمبلی مدن مترا اور سابق میئر شوبھن چٹرجی سی بی آئی کی خصوصی عدالت جج انوپم مکھرجی کے سامنے پیش ہوئے۔

کلکتہ: ناردا اسٹنگ آپریشن معاملے میں ضمانت پر رہا ترنمول کانگریس کے تین سینئر لیڈران فرہاد حکیم، سبرتو مکھرجی، ممبر اسمبلی مدن مترا اور سابق میئر شوبھن چٹرجی سی بی آئی کی خصوصی عدالت جج انوپم مکھرجی کے سامنے پیش ہوئے۔

17 مئی کو سی بی آئی کے خصوصی جج نے ان چاروں افراد کی ضمانت منظور کرتے ہوئے 4 جون کو جسمانی طور پر پیش ہونے کی ہدایت دی ہے۔ یہ چاروں بنک شال کورٹ میں روکنے کے بعد روانہ ہوگئے۔

سی بی آئی کی خصوصی عدالت سے ضمانت ملنے کے بعد کلکتہ ہائی کورٹ نے روک لگادی تھی مگر طویل انتظار کے بعد 28 مئی کو عبوری ضمانت منظور کرلی تھی۔

نندی گرام سے اسمبلی انتخابات ہارنے کے باوجود وزیر اعلیٰ کا عہدہ سنبھالنے والی ممتا بنرجی اب کلکتہ شہر کے بھوانی پور سے اسمبلی انتخاب میں حصہ لیں گی۔ کانگریس نے ان کے خلاف امیدوار نہیں دینے کا فیصلہ کیا ہے۔ کانگریس ممتا بنرجی کے خلاف امیدوار نہیں اتار کر اچھا پیغام دینا چاہتی ہے۔

کلکتہ: نندی گرام سے اسمبلی انتخابات ہارنے کے باوجود وزیر اعلیٰ کا عہدہ سنبھالنے والی ممتا بنرجی اب کلکتہ شہر کے بھوانی پور سے اسمبلی انتخاب میں حصہ لیں گی۔ کانگریس نے ان کے خلاف امیدوار نہیں دینے کا فیصلہ کیا ہے۔ اس فیصلے سے ظاہر ہوگیا ہے کہ بائیں محاذ اور کانگریس کی راہیں الگ ہوگئی ہیں۔

امید ہے کہ 2024 کے اسمبلی انتخابات میں کانگریس اور ترنمول کانگریس کے درمیان معاہدہ ہوسکتا ہے۔ ریاستی کانگریس کے صدر ادھیر رنجن چودھری، جو وزیر اعلی ممتا بنرجی کی شدید مخالف کے طور پر مشہور ہیں، نے کہا ہے کہ ان کی پارٹی بھوانی پور اسمبلی کے ضمنی انتخاب میں ممتا بنرجی کے خلاف امیدوار نہیں کھڑا کرے گی۔

انہوں نے مرکزی قیادت کو بتایا ہے کہ اس بار ممتا بنرجی نے اسمبلی انتخابات میں بھاری اکثریت سے کامیابی حاصل کی ہے اور وہ خود بھوانی پور سے کھڑی ہو رہی ہیں۔ لہذا فیصلہ کیا گیا ہے کہ ان کے اعزاز میں کانگریس کوئی امیدوار میدان میں نہیں اتارے گی۔ تاہم حتمی فیصلہ پارٹی کی اعلیٰ قیادت کرے گی۔

چودھری نے کہا کہ بھوانی پور میں کانگریس بہت خاص مضبوط نہیں ہے۔ امیدوار کھڑا کرنے کے باوجود کچھ نہیں ہوگا۔ لہذا ممتا بنرجی کے خلاف امیدوار نہیں اتار کر اچھا پیغام دینا چاہتی ہے۔

آج امریکی قومی سلامتی کے مشیر جیک سلیوان نے مشترکہ عالمی پالیسی کے امور پر تبادلہ خیال کے لئے فرانسیسی قومی سلامتی کے مشیر ایمانوئل بون سے واشنگٹن میں ملاقات کی۔ دونوں نے ’رینسم ویئر‘ جیسی خطرناک سائبر سرگرمی اور دہشت گردی پر تبادلہ خیال کیا۔

واشنگٹن: امریکی قومی سلامتی کے مشیر جیک سلیون نے فرانسیسی قومی سلامتی کے مشیر ایمانوئل بون کے ساتھ خطرناک سائبر سرگرمی ’رینسم ویئر‘ اور دہشت گردی پر تبادلہ خیال کیا۔

امریکی قومی سلامتی کونسل کی ترجمان ایملی ہارن نے یہ اطلاع دی۔

انہوں نے جمعرات کو ایک بیان میں کہا کہ آج قومی سلامتی کے مشیر جیک سلیوان نے مشترکہ عالمی پالیسی کے امور پر تبادلہ خیال کے لئے فرانسیسی قومی سلامتی کے مشیر ایمانوئل بون سے واشنگٹن میں ملاقات کی۔ دونوں نے ’رینسم ویئر‘ جیسی خطرناک سائبر سرگرمی اور دہشت گردی پر گفت شنید کی۔

بیان میں کہا گیا کہ مسٹر سلیوان اور مسٹر بون نے آئندہ شمالی اٹلانٹک معاہدہ تنظیم (ناٹو) سربراہی اجلاس پر بھی تبادلہ خیال کیا۔

بیان کے مطابق، مسٹر سلیوان اور مسٹر بون نے کووڈ ۔19 ویکسین تک عالمی سطح پر رسائی پر ہم آہنگی جاری رکھنے پر بھی اتفاق کیا۔ دونوں رہنماؤں نے عالم کاری سے پیدا ٹیکس چیلنجوں سے نمٹنے کے لئے بات چیت کی بھی حمایت کی۔

ملک کے چار بڑے میٹرو شہر میں پٹرول 27 پیسے اور ڈیزل 30 پیسے مہنگا ہوا۔ اس کی وجہ سے ممبئی میں پٹرول 101 روپے اور ڈیزل 93 روپے فی لیٹر کے قریب پہنچ گیا۔

نئی دہلی: پٹرول اور ڈیزل کی قیمتیں دو دن مستحکم رہنے کے بعد ایک بار پھر اضافے کے ساتھ نئی ریکارڈ سطح پر پہنچ گئیں۔ اس کی وجہ سے ممبئی میں پٹرول 101 روپے اور ڈیزل 93 روپے فی لیٹر کے قریب پہنچ گیا۔

ملک کے چار بڑے میٹرو شہر میں پٹرول 27 پیسے اور ڈیزل 30 پیسے مہنگا ہوا۔ اس کی وجہ سے ممبئی میں پٹرول 101 روپے اور ڈیزل 93 روپے فی لیٹر کے قریب پہنچ گیا۔

ممتاز آئل مارکیٹنگ کمپنی انڈین آئل کارپوریشن کی ویب سائٹ کے مطابق، ممبئی میں پٹرول 26 پیسے اضافے سے 100.98 روپے اور ڈیزل 30 پیسے اضافے سے 92.99 روپے فی لیٹر مہنگا ہوگیا۔

قومی دارالحکومت دہلی میں پٹرول کی قیمت میں 27 پیسے اور ڈیزل کی قیمت میں 28 پیسے کا اضافہ ہوا ہے۔ یہاں ایک لیٹر پٹرول 94.76 روپے اور ڈیزل کا ایک لیٹر 85.66 روپے ہوگیا۔

گزشتہ 4 مئی سے لے کر اب تک 18 دن پٹرول اور ڈیزل کی قیمتوں میں اضافہ کیا گیا ہے، جبکہ باقی 14 دن تک قیمتوں میں کوئی تبدیلی نہیں کی گئی ہے۔ اس دوران دہلی میں پٹرول 4.36 روپے اور ڈیزل 4.93 روپے مہنگا ہوچکا ہے۔

کولکاتہ میں پٹرول 26 پیسے مہنگا ہوکر 94.76 روپے اور ڈیزل 28 پیسے اضافے سے 88.51 روپے فی لیٹر ہوگیا۔ چنئی میں، پٹرول کی قیمت میں 24 پیسے اور ڈیزل کی قیمت میں 26 پیسے کا اضافہ ہوا ہے۔ وہاں ایک لیٹر پٹرول 96.23 روپے اور ایک لیٹر ڈیزل 90.38 روپے مل رہا ہے۔

پٹرول اور ڈیزل کی قیمتوں کا روزانہ جائزہ لیا جاتا ہے اور اسی بنیاد پر روزانہ صبح 6 بجے سے نئی قیمتیں نافذ کی جاتی ہیں۔

آج ملک کے چار میٹرو شہروں میں پٹرول اور ڈیزل کی قیمتیں حسب ذیل ہیں:

شہر کا نام —— پٹرول روپے / لیٹر —— ڈیزل روپے / لیٹر

دہلی —————- 94.76   ——————  85.66
ممبئی ————— 100.98 ——————  92.99
چنئی —————- 96.23  -—————-  90.38
کولکاتا ————— 94.76  —————— 88.51

اترپردیش حکومت نے محکمہ پولیس میں بڑے پیمانے پر ردوبدل کرتے ہوئے 9 آئی پی ایس افسران کا تبادلہ کردیا۔ جبکہ ریاست کے پانچ اضلاع میں نئے پولیس سربراہ تعینات کردیئے گئے ہیں۔

لکھنو: اترپردیش حکومت نے بدھ کی رات محکمہ پولیس میں بڑے پیمانے پر ردوبدل کرتے ہوئے 9 آئی پی ایس افسران کا تبادلہ کردیا۔ جبکہ ریاست کے 5 اضلاع میں نئے پولیس سربراہوں کی تعیناتی کی ہے۔

آفیشیل ذرائع کے مطابق فیروزآباد، منی پور، مہوبہ، ہردوئی اور جھانسی کے پولیس سربراہوں کو تبدیل کیا ہے۔ محترمہ سدھا سنگھ کوکہ او اے سی پریاگ راج کی کمانٹنڈنٹ تھی اب وہ مہوبہ کی ایس پی ہوں گی جبکہ ویٹنگ میں رکھی گئیں ایس پی شیوہری مینا کو جھانسی کا نیا ایس ایس پی بنایا گیا ہے۔

مرادآباد پی اے سی کے کمانٹنڈنٹ اشوک کمار (چہارم) کو فیروزآباد کا جبکہ سونبھدر کے پی اے سی کمانٹنڈنٹ اشوک کمار رائے کو منی پور کا ایس پی بنایا گیا ہے۔ ایس پی مہوبہ ارون کمار سریواستو نے مسٹر اشوک کمار رائے کی جگہ لی ہے جبکہ منی پور کے ایس پی اونیش پانڈے نے محترمہ سدھا سنگھ کا مقام لیا ہے۔

ہردوئی کے ایس پی انوراگ وتس مرادآباد پی اے سی کے کمانٹندنٹ ہوں گے جبکہ ایس پی فیروزآباد اجے کمار ہردوئی کے ایس پی بنائے گئے ہیں۔ جبکہ فارغ کئے گئے ایس ایس پی جگانسی روہن پی۔کنائے کو لکھنو کے جی ڈی پی ہیڈکواٹر پر لاجسٹک کا ایس پی بنایا گیا ہے۔

دہلی میڈیکل ایسوسی ایشن نے عدالت میں دائر اپنی عرضی میں دعوی کیا تھا کہ رام دیو کی کمپنی پتانجلی کورونیل کٹ پروڈکٹ کے ذریعہ کورونا وائرس بیماری سے متعلق غلط معلومات کی تشہیر کررہی ہے۔

نئی دہلی: دہلی ہائی کورٹ نے کورونیل کٹ پر دائر دہلی میڈیکل ایسوسی ایشن (ڈی ایم اے) کی عرضی کی سماعت کرتے ہوئے یوگا گرو بابا رام دیو کو جمعرات کو سمن جاری کیا۔

ڈی ایم اے نے عدالت میں دائر اپنی عرضی میں دعوی کیا تھا کہ رام دیو کی کمپنی پتنجلی کورونیل کٹ پروڈکٹ کے ذریعہ کورونا وائرس بیماری سے متعلق غلط معلومات کی تشہیر کررہی ہے۔

پتنجلی گروپ کے بانی رام دیو گزشتہ کئی دنوں سے ایلوپیتھی پر تنازعات میں گھرے ہیں۔ ان کے ایلوپیتھی کے ڈاکٹر کا مذاق بنانے والے کئی ویڈیو سوشل میڈیا پر وائرل ہونے کے بعد انڈین میڈکل ایسوسی ایشن نے اس پر اعتراض ظاہر کرتے ہوئے اسے سائنس اور ڈاکٹروں کی شبیہ کو مٹی میں ملانے کی کوشش قرار دیا تھا۔ ایک ویڈیو میں رام دیو نے دعوی کیا تھا۔ ایلوپیتھی اسٹوپڈ سائنس ہے۔

عدالت نے کہا کہ اگر مجھے لگتا ہے کہ کچھ سائنس نقلی ہے۔۔۔ کیا آپ کا ماننا ہے کہ وہ میرے خلاف مقدمہ دائر کریں گے؟ یہ ایک رائے شماری ہے۔ رام دیو ایک انسان ہیں، انہیں ایلوپیتھی پر اعتماد نہیں ہے۔ ان کا (رام دیو) کا خیال ہے کہ یوگ اور آوروید سے سب کچھ ٹھیک ہوسکتا ہے۔  ایک شخص رائے رکھ سکتا ہے جس کے لئے اس کے خلاف مقدمہ دائر نہیں کیا جاسکتا ہے۔

جج دی ہری شنکر نے ڈی ایم اے کی طرف سے دلائل سننے کے بعد بابا رام دیو کو ایلوپیتھک دواوں کے خلاف کوئی بھی بیان دینے سے روکنے سے یہ کہتے ہوئے انکار کردیا کہ یہ صرف ایک رائے تھی۔

عدالت نے رام دیو کے وکیل کو زبانی طور پر یہ بھی ہدایت دی کہ وہ سماعت کی اگلی تاریخ تک کوئی اشتعال انگیز بیان نہ دیں اور معاملہ کو جواب داخل کرنے اور آگے کی سماعت کے لئے 13 جولائی تک ملتوی کردیا۔

ملک میں نوجوان کاروباری افراد کے طور پر تسلیم شدہ اسٹارٹ اپ کی تعداد 50،000 تک جا پہنچی ہے۔ ان میں سے 10 ہزار اسٹارٹ اپ صرف گزشتہ 180 دنوں میں وجود میں آئے ہیں۔ تسلیم شدہ اسٹارٹ اپ نے مالی سال 2020-2021 میں تقریبا 1.7 لاکھ ملازمتیں پیدا کیں۔

نئی دہلی: ملک میں نوجوان کاروباری افراد کو تسلیم کئے جانے والے اسٹارٹ اپ کی تعداد پچاس ہزار تک ہوگئی ہے۔ ان میں سے 10 ہزار اسٹارٹ اپ صرف گزشتہ 180 دنوں میں وجود میں آئے ہیں۔

مرکزی وزارت تجارت و صنعت نے جمعرات کو یہاں بتایا کہ تسلیم شدہ اسٹارٹ اپ اب 623 اضلاع میں پھیلے ہوئے ہیں۔

تسلیم شدہ اسٹارٹ اپ نے مالی سال 2020-2021 میں تقریبا 1.7 لاکھ ملازمتیں پیدا کیں۔

انڈسٹری اینڈ انٹرنل تجارت کے فروغ کے شعبے نے 50،000 نئی صنعتوں کو اسٹارٹ اپ کے طور پر تسلیم کیا ہے۔ ان میں سے 19،896 کو یکم اپریل 2020 ء سے تسلیم کیا گیا ہے۔ تسلیم شدہ اسٹارٹ اپ اب 623 اضلاع میں موجود ہیں۔ ہر ریاست اور مرکز کے زیرانتظام ریاست میں کم سے کم ایک اسٹارٹ اپ ہے۔ ملک کی 30 ریاستوں اور مرکز کے زیر انتظام ریاست نے اسٹارٹ اپ کی حمایت کے لئے مخصوص اسٹارٹ اپ پالیسیوں کا اعلان کیا ہے۔ مہاراشٹر، کرناٹک، دہلی، اترپردیش اور گجرات میں سب سے زیادہ تعداد میں اسٹارٹ اپ ہیں۔

وزارت نے بتایا کہ تسلیم شدہ اسٹارٹ اپ نے روزگار کے حصول میں نمایاں شراکت داری کی ہے۔ اوسطا 11 ملازمین فی اسٹارٹ اپ کے ساتھ 48 ہزار 93 اسٹارٹ اپ نے 5،49،842 ملازمتوں کی اطلاع دی ہے۔ تسلیم شدہ اسٹارٹ اپ نے مالی سال 2020-2021 کے دوران صرف 1.7 لاکھ ملازمتیں پیدا کیں۔

بیشتر اسٹارٹ اپ ‘فوڈ پروسیسنگ’، ‘پروڈکٹ ڈویلپمنٹ’، ‘ایپلی کیشن ڈویلپمنٹ’، ‘آئی ٹی کنسلٹنگ’ اور ‘بزنس سپورٹ سروسز’ میں قائم کئے گئے ہیں۔ ان میں سے 45 فیصد اسٹارٹ اپ کی سربراہی خواتین کررہی ہیں۔

ریلائنس انڈسٹریز نے آج اعلان کیا کہ کورونا سے ہلاک ہونے والے ملازمین کے سبھی بچوں کی گریجویشن تک کی تعلیم پر آنے والا 100 فیصد خرچ کمپنی برداشت کرے گی۔ کمپنی متوفی ملازمین کے خاندان کو 5 سال کی تنخواہ دے گی۔ اس کے علاوہ ریلائنس انڈسٹریز نے ملازمین کی شریک حیات، والدین اور بچوں کو زندگی بھر میڈیکل کوریج دینے اور سبھی ملازمین اور ان کے اہل خانہ کیلئے ویکسین کی بھی یقین دہانی کرائی ہے۔

نئی دہلی: کورونا وبا کی وجہ سے جب ملک کی معیشت کا پہیہ تھم سا گیا ہے اور بیشتر لوگوں کو مالی دشواریوں کا سامنا ہے، ایسے میں ریلائنس انڈسٹریز نے اپنے نصب العین ’ریلائنس میں ملازمین اور ان کے خاندان سب سے پہلے‘ کو آگے بڑھاتے ہوئے اور ’ایک ریلائنس پریوار‘ کے وعدے کو پورا کرتے ہوئے اپنے ملازمین کیلئے مدد کا ہاتھ بڑھایا ہے۔

ریلائنس انڈسٹریز نے کورونا وبا کی زد میں آنے والے اپنے تمام ایسے متوفی ملازمین کے لئے جو پے ۔ رول پر نہیں تھے، ان کے لواحقین کو 10 لاکھ روپے کی مالی مدد دینے کا اعلان کیا ہے۔ ریلائنس انڈسٹریز نے آج اعلان کیا کہ کورونا سے ہلاک ہونے والے ملازمین کے سبھی بچوں کی گریجویشن تک کی تعلیم پر آنے والا 100 فیصد خرچ کمپنی برداشت کرے گی۔ کمپنی متوفی ملازمین کے خاندان کو 5 سال کی تنخواہ دے گی۔ اس کے علاوہ ریلائنس انڈسٹریز نے ملازمین کی شریک حیات، والدین اور بچوں کو زندگی بھر میڈیکل کوریج دینے اور سبھی ملازمین اور ان کے اہل خانہ کیلئے ویکسین کی بھی یقین دہانی کرائی ہے۔

ریلائنس انڈسٹریز کے چیئرمین اور منیجنگ ڈائریکٹر مکیش امبانی نے اپنے تمام ملازمین کو لکھے ایک مکتوب میں انہیں بھروسہ دلایا کہ ایک ریلا ئنس پریوار کے طور پر مصیبت کی اس گھڑی میں کمپنی ان کے ساتھ ہے۔ انہو ں نے کہا حالانکہ وقت مشکل ہے، ہمیشہ یہ ضرور یاد رکھیں کہ آپ تنہا نہیں ہیں، ریلائنس پریوار ہمیشہ آپ کے ساتھ ہے۔ ایک ٹیم کے طور پر اپنے اتحاد کا مظاہرہ کرنے کیلئے ہم ایک ساتھ کھڑے ہیں اور ہم اس وقت تک اس وباء کے خلاف لڑتے رہیں گے جب تک ہم اس کے خلاف لڑائی جیت نہیں جاتے۔

ریلائنس فاونڈیشن کی چیئرپرسن نیتا ایم امبانی نے اپنے تمام ملازمین کی حوصلہ افزائی کرتے ہوئے کہا کہ جدوجہد کے جذبہ کے ساتھ ہم ہار نہیں مانیں گے کیونکہ ہمیں یقین ہے کہ آنے والے دن ہمارے لئے بہتر ہونگے۔ جب تک بہتر دن نہیں آتے ہمیں مصیبت زدہ خاندانوں کیلئے دعا کرنی چاہئے۔ آیئے ایک دوسرے کی مدد کے سلسلے کو جاری رکھیں اور بہتر مستقبل کیلئے پرامید رہیں۔

غور طلب ہے کہ کورونا کے اس دور میں ریلائنس انڈسٹریز اپنے ملازمین کے علاوہ ملک کے عام شہریوں کی فلاح و بہبود کیلئے بھی سرگرم ہے۔ اس وقت ملک میں کل آکسیجن پیداوار کا 11 فیصد صرف ریلائنس بنا رہا ہے۔ ریلائنس ہر روز کی 1000 میٹرک ٹن آکسیجن بنا رہاہے جو 1 لاکھ کورونا مریضوں کو ہر دن سانسیں دینے کیلئے معقول ہے۔ یہ آکسیجن پوری طرح سے مفت دی جا رہی ہے۔ اس کے علاوہ مہاراشٹر اور گجرات میں ریلائنس فاونڈیشن نے 1875 کووڈ بستروں کا انتظام بھی کیا ہے۔ یہ انتظام بھی عوام کیلئے بالکل مفت ہے۔

مرکز کو ہدایت دی گئی ہے کہ وہ اپنی ٹیکہ کاری پالیسی پر نظرثانی کرے اور 31 دسمبر 2021 تک ویکسین کی ممکنہ دستیابی کا خاکہ پیش کرے۔

نئی دہلی: مرکزی حکومت کی ٹیکہ کاری پالیسی کی نکتہ چینی کرتے ہوئے سپریم کورٹ نے کہا ہے کہ 18 سے 44 سال کی عمر کے افراد کو مفت ٹیکہ فراہم نہ کرنے کا فیصلہ بادی النظر میں "من مانی اور غیر معقول” لگتا ہے۔

جسٹس ڈی وائی چندرچوڑ کی زیر صدارت تعطیل یافتہ بنچ نے اپنے حالیہ تبصرے میں کہا ہے کہ 45 سال سے زائد عمر کے لوگوں کو مفت ٹیکے لگانے اور اس سے کم عمر کے لوگوں کو رقم ادائیگی کے عوض ویکسین دینے کا نظام بنانے کی مرکز کی پالیسی بادی النظر میں ‘من مانی اور غیر معقول’ نظر آتی ہے۔

بنچ نے دیہی آبادی کے لئے ٹیکے کی قلت کے تناظر میں متعدد دیگر خامیوں کی نشاندہی کرتے ہوئے مرکز کو ہدایت دی ہے کہ وہ اپنی ٹیکہ کاری پالیسی پر نظرثانی کرے اور 31 دسمبر 2021 تک ویکسین کی ممکنہ دستیابی کا خاکہ پیش کرے۔

اس معاملے کی اگلی سماعت اب 30 جون کو ہوگی۔ ڈویژن بنچ میں جسٹس ایل ناگیشورا راؤ اور جسٹس ایس رویندر بھٹ بھی شامل ہیں۔

اسرائیلی وزیر اعظم بنجامین نیتن یاہو کو عہدے سے ہٹانے اور سیاست میں ‘تبدیلیاں’ لانے کے لیے اسرائیلی سیاستدانوں کے اتحاد کا قیام آخری مراحل میں پہنچ گیا۔

تل ابیب: اسرائیل میں سیاسی اتھل پتھل اور اسرائیلی وزیر اعظم بنجامین نیتن یاہو کو اقتدار سے بے دخلی کا معاملہ آخری مرحلے میں پہنچتا نظر آ رہا ہے۔

اسرائیلی وزیر اعظم بنجامین نیتن یاہو کو عہدے سے ہٹانے اور سیاست میں ‘تبدیلیاں’ لانے کے لیے اسرائیلی سیاستدانوں کے اتحاد کا قیام آخری مراحل میں پہنچ گیا۔

غیر ملکی خبر رساں ادارے کی رپورٹ کے مطابق ان کے پاس رات 12 بجے تک کا وقت ہے کہ وہ ایک متبادل گورننگ اتحاد قائم کریں جس سے ‘بی بی’ کے نام سے مشہور دائیں بازو کے رہنما کی حکومت کا خاتمہ ہوگا جس نے گزشتہ 12 سالوں سے اسرائیل پر حکومت کی ہے۔

اس کی قیادت سابقہ ٹی وی اینکر یائر لاپڈ کر رہے ہیں جو سیکولر سینٹرسٹ ہیں اور جنہوں نے چند روز قبل ہی ایک ارب پتی دائیں بازو کے مذہبی قوم پرست نفتالی بینیٹ کی اہم حمایت حاصل کی تھی۔
نفتالی بینیٹ کے ترجمان نے ایک بیان میں کہا کہ ‘اتحادیوں کی مذاکراتی ٹیم نے پوری رات بیٹھ کر اتحادی حکومت بنانے کی سمت پیشرفت کی ہے’۔

اسرائیل کی 120 نشستوں والی پارلیمنٹ میں 61 نشستوں کی اکثریت حاصل کرنے کے لیے ان کے غیر متوقع اتحاد میں انہیں بائیں بازو اور دائیں بازو کی جماعتوں کو بھی شامل کرنا پڑے گا۔ امکان ہے کہ انہیں عرب اسرائیلی سیاستدانوں کی حمایت کی ضرورت ہوگی۔

اسرائیل کے زیر قبضہ مغربی کنارے میں یہودی آبادکاری جیسے فلیش پوائنٹ پر گہرے نظریاتی اختلافات کے باوجود 71 سالہ بنجامین نیتن یاہو کو عہدے سے ہٹانے کے لیے گروپ بندی کو متحد ہونا پڑے گا۔

واضح رہے کہ اسرائیلی صدر نے حکومت سازی اور دعوی کے لئے آج رات (بدھ کی رات) 12 بجے کا وقت دیا ہے۔