لوک سبھا کی کارروائی آج صبح جیسے ہی شروع ہوئی اسپیکر اوم برلا نے اراکین کو پچھلے دنوں ایوان کے چار سابق ممبران کی موت کے بارے میں آگاہ کیا۔ ایوان نے ان کے اعزاز میں دو منٹ کی خاموشی اختیار کی۔ اس کے بعد مسٹر برلا نے ایوان کی کارروائی غیر معینہ مدت تک ملتوی کرنے کا باقاعدہ اعلان کیا۔

نئی دہلی: پیگاسس جاسوسی کیس، کسانوں کا مسئلہ اور مہنگائی کے سلسلے میں حزب اختلاف اور حکومت کے درمیان پارلیمنٹ کے مان سون سیشن میں جاری تعطل مکمل طور پر ختم نہیں ہو سکا اور لوک سبھا کی کارروائی مقررہ تاریخ سے دو دن پہلے غیر معینہ مدت کے لیے ملتوی کر دی گئی۔

ایوان کی کارروائی آج صبح 11:00 بجے جیسے ہی شروع ہوئی اسپیکر اوم برلا نے اراکین کو پچھلے دنوں ایوان کے چار سابق ممبران کی موت کے بارے میں آگاہ کیا۔ ایوان نے ان کے اعزاز میں دو منٹ کی خاموشی اختیار کی۔

اس کے بعد مسٹر برلا نے ایوان کی کارروائی غیر معینہ مدت تک ملتوی کرنے کا باقاعدہ اعلان کیا۔ اس دوران انہوں نے اپوزیشن کی جانب سے تعطل کی وجہ سے ایوان کے کام کاج کے متاثر ہونے پر گہرے دکھ کا اظہار کیا۔

انہوں نے کہا کہ اس سیشن میں تعطل کی وجہ سے صرف 17 نشستیں منعقد ہوئیں اور صرف 21 گھنٹے 24 منٹ کام کاج ہو سکا جو کہ کل طے شدہ مدت کا صرف 22 فیصد ہے۔

اسپیکر نے کہا کہ ارکان کی ہنگامہ آرائی کی وجہ سے کام 74 گھنٹے 46 منٹ تک متاثر ہوا۔ انہوں نے اس سیشن میں منظور شدہ او بی سی کی فہرست سے متعلق آئین ترمیمی بل سمیت مختلف بلوں کا بھی حوالہ دیا۔

اس کے بعد اسپیکر نے ایوان کی کارروائی ملتوی کردی۔ اس دوران وزیر اعظم نریندر مودی، وزیر داخلہ امیت شاہ اور بیشتر مرکزی وزراء بھی ایوان میں موجود تھے۔ کانگریس صدر سونیا گاندھی بھی اپوزیشن کی گیلری میں موجود تھیں۔

سعودی حکومت نے کہا ہے کہ جائیداد مکہ یا مدینہ میں نہیں خریدی جاسکتیں، غیرملکی افراد صرف رہائشی مقصد کے لیے جائیداد خرید سکتے ہیں۔

ریاض: سعودی حکومت نے اصلاحات کی جانب ایک اہم قدم اٹھاتے ہوئے سعودی اقامہ رکھنے والے غیرملکیوں کو مملکت میں جائیداد خریدنے کی اجازت دے دی ہے۔

عرب میڈیا کے مطابق سعودی حکومت کی جانب سے جائیداد خریدنے کے لیے شرائط مقرر کی گئی ہیں جس کے مطابق جائیداد خریدنے کے لیے اقامہ درست اور تجدید شدہ ہونا ضروری ہے۔ اعلامیہ کے مطابق جائیداد کی معلومات سرکاری دستاویزات کی کاپی کے ساتھ دینا ہوگی، جائیداد خریدنے والے کے نام دوسری جائیداد نہیں ہونی چاہیے۔

سعودی حکومت نے کہا ہے کہ جائیداد مکہ یا مدینہ میں نہیں خریدی جاسکتیں، غیرملکی افراد صرف رہائشی مقصد کے لیے جائیداد خرید سکتے ہیں۔

دوسری جانب ابشر اکاؤنٹ انتظامیہ کا کہنا ہے کہ ملک میں مقیم غیرملکیوں کو ایک عدد غیرمنقولہ جائیداد کی ملکیت رکھنے کا اختیار ہے۔ ابشر اکاؤنٹ کے ذریعے وہ غیرمنقولہ جائیداد خریدنے کی درخواست جمع کرواسکتے ہیں جس کا جائزہ لینے کے بعد انہیں منظوری دی جائے گی۔ انتظامیہ کا کہنا ہے کہ اس کے لیے غیرملکی کا نافذ العمل اقامہ ضروری ہے، اقامہ کی مدت ختم ہو تو درخواست قبول نہیں ہوگی۔

ابشر اکاؤنٹ لاگ ان کریں اس کے بعد مائی سروس پر جائیں، سروس کو کلک کریں، پھر جنرل سروس پر جاکر غیرمنقولہ جائیداد پر کلک کریں۔ درخواست کے ساتھ خریدی جانے والی جائیداد کی مکمل تفصیل، اس کی ملکیتی دستاویزات اور تصویر منسلک کرنا لازمی ہے۔

دہلی کے جنتر منتر کے نزدیک کچھ تنظیموں نے ’بھارت چھوڑو آندولن‘ کی سالگرہ کے موقع پر ’بھارت جوڑو آندولن‘ شروع کیا تھا۔ اس دوران انگریزوں کے زمانے کے کچھ قوانین کو واپس لینے کی مانگ کی گئی۔ اسی دوران اشتعال انگیز نعرے بازی کی گئی جو سوشل میڈیا پر وائرل ہے۔

نئی دہلی: دہلی کے جنتر منتر کے نزدیک آٹھ اگست کو ’بھارت چھوڑو آندولن‘ کے مظاہرے کے دوران مبینہ طور پر مخصوص مذہب کے خلاف اشتعال انگیز نعرے بازی کرنے کے معاملہ میں سینئر وکیل اشونی اپادھیائے سمیت چھ لوگوں کو پولیس نے گرفتار کرلیا ہے۔

دہلی پولیس کے رابطہ عامہ کے افسر چنمے بسوال نے منگل کو بتایا کہ مخصوص مذہب کے خلاف اشتعال انگیز تقریر کرنے کے معاملے میں کناٹ پیلیس تھانہ کی پولیس نے اشونی اپادھیائے کے علاوہ ونود شرما، دیپک سنگھ، ونیت باجپئی، پریت سنگھ اور دیپک کمار کو گرفتار کیا ہے۔ ان لوگوں نے کناٹ پیلیس میں واقع بینک آف بڑودہ کے سامنے اشتعال انگیز نعرے لگائے تھے۔

انہوں نے کہا کہ دہلی پولیس نے ان تمام سے پوچھ گچھ کے بعد انہیں گرفتار کیا ہے۔ پولیس معاملہ کی تفتیش کررہی ہے۔

دہلی پولیس کے مطابق اس پروگرام کی اجازت نہیں دی گئی تھی

دہلی پولیس نے کل ایک بیان جاری کرکے کہا تھا کہ دہلی پولیس معاملے کی جانچ کررہی ہے اور کسی بھی طرح کی فرقہ وارانہ نفر ت کو برداشت نہیں کیا جائے گا۔ دہلی پولیس کے مطابق اس پروگرام کی اجازت نہیں دی گئی تھی۔

خیال رہے کہ اتوار کو دہلی کے جنتر منتر کے نزدیک کچھ تنظیموں نے ’بھارت چھوڑو آندولن‘ کی سالگرہ کے موقع پر ’بھارت جوڑو آندولن‘ شروع کیا تھا۔ اس دوران انگریزوں کے زمانے کے کچھ قوانین کو واپس لینے کی مانگ کی گئی۔ اسی دوران متنازعہ نعرے بازی کی گئی جو سوشل میڈیا پر وائرل ہے۔

اس معاملہ میں عام آدمی پارٹی کے رکن اسمبلی امانت اللہ خان نے اشونی اپادھیائے کے خلاف پولیس میں شکایت کرکے کارروائی کی مانگ کی تھی۔

انہوں نے آج ٹویٹ کرکے کہا کہ دہلی کے جنتر منتر کے نزدیک انسانیت کو تار تار کرنے والوں کو صرف گرفتار کرکے دہلی پولیس خانہ پری نہ کرے۔ ابھی اگر یہ مسلم، دلت یا سکھ کمیونٹی سے ہوتے تو انہیں این ایس اے/یو اے پی اے کے تحت سلاخوں کے پیچھے بھیج دیا جاتا۔ ان پر بھی این ایس اے /یو اے پی اے کے تحت سخت کارروائی ہو۔

दिल्ली के जंतर-मंतर के पास इंसानियत को तार-तार करने वाले हैवानों को सिर्फ़ गिरफ़्तार कर @DelhiPolice खाना पूर्ति न करे।

अभी अगर ये मुस्लिम,दलित या सिख़ समुदाय से होते तो इन्हें NSA/UAPA के तहत सलाख़ों के पीछे भेज दिया जाता।

इन हैवानों पर भी NSA/UAPA के तहत सख़्त कार्रवाई हो।

— Amanatullah Khan AAP (@KhanAmanatullah) August 10, 2021

آبادی کنٹرول پر قانون بنانے کے مطالبہ کے سلسلہ میں میڈیا اہلکاروں کے سوال کا جواب دیتے ہوئے وزیر اعلیٰ نتیش کمار نے کہا کہ قانون اپنی جگہ ہے، اگر کوئی ریاست اس سلسلہ میں قانون بنانا چاہے تو یہ اس کا اختیار ہے۔

پٹنہ: وزیر اعلیٰ نتیش کمار نے 2,705.35 کروڑ روپے کے 989 پروجیکٹوں کا ریمورٹ کے ذریعہ سنگ بنیاد و افتتاح پروگرام کے بعد آبادی کنٹرول پر قانون بنانے کے مطالبہ کے سلسلہ میں میڈیا اہلکاروں کے سوال کا جواب دیتے ہوئے کہا کہ قانون اپنی جگہ ہے، اگر کوئی ریاست اس سلسلہ میں قانون بنانا چاہے تو یہ اس کا اختیار ہے۔

انہوں نے کہا کہ آبادی پر کنٹرول کے سلسلہ میں شروع سے ہی ہم لوگوں نے بہار میں مطالعہ اور اندازہ کیا ہے۔ جس میں یہ بات سامنے آئی ہے کہ شوہر بیوی میں اگر بیوی تعلیم یافتہ ہو تو زچگی کی شرح کم ہے۔ پہلے بہار میں زچگی کی شرح 4 فیصد سے بھی زیادہ تھی۔ جو اب کم ہو کر 3 فیصد سے بھی کم ہو گئی ہے۔ آئندہ 5-7 سال کے اندر بہار کی زچگی شرح 2 فیصد تک پہنچ جائے گی۔

وزیر اعلیٰ نے کہا کہ آبادی پر کنٹرول کے سلسلہ میں اگر کوئی شخص اپنی باتوں کو سامنے رکھتا ہے تو اس سے مجھے کوئی مطلب نہیں ہے، ہم لوگ اپنا کام بتا سکتے ہیں۔ دہلی میں اپوزیشن پارٹیوں کے لیڈران کی میٹنگ کے سلسلہ میں پوچھے گئے سوال کے جواب میں وزیر اعلیٰ نے کہا کہ اس سے ہمارا کوئی لینا دینا نہیں ہے۔

ایران میں کورونا بے قابو ہوتی نظر آرہی ہے۔  سرکاری ٹی وی کے مطابق ایران میں ہر 2 سیکنڈ میں ایک شخص کورونا سے متاثر ہو رہا ہے اور تقریباً ہر 2 منٹ میں ایک شخص کورونا وائرس سے ہلاک ہو رہا ہے۔

تہران: ایک بار پھر ایران میں کورونا بے قابو ہوتی نظر آ رہی ہے۔ کورونا سے کل اموات 94،603 تک پہنچ گئی ہیں۔ گزشتہ 24 گھنٹوں کے دوران کورونا کے مزید 40،808 نئے کیسز سامنے آئے ہیں۔

برطانوی خبر ایجنسی کے مطابق ایران کے سرکاری ٹی وی کا کہنا ہے کہ ملک میں ہر 2 منٹ بعد ایک شخص کورونا سے ہلاک ہو رہا ہے اور ایک دن میں 588 اموات کا نیا ریکارڈ بھی قائم ہوا ہے۔

اس حوالے سے حکام کا کہنا ہے کہ شہریوں کی جانب سے سماجی فاصلے کی پابندی نہیں کی جارہی، جسے یقینی بنانا ضروری ہے۔

سرکاری میڈیا کا کہنا ہے کہ مریضوں کی تعداد میں مسلسل اضافہ ہو رہا ہے اور کئی شہروں کے اسپتالوں میں نئے مریضوں کے لیے بستر ختم ہو چکے ہیں۔ کچھ سوشل میڈیا صارفین نے سست ویکسینیشن پر حکام کو تنقید کا نشانہ بنایا ہے اور کہا ہے کہ 8 کروڑ سے زائد آبادی والے ملک میں اب تک صرف 4 فیصد آبادی کو کورونا ویکسین لگائی گئی ہے۔

ایرانی وزارت صحت کا کہنا ہے کہ کورونا سے کل اموات 94،603 تک پہنچ گئی ہیں۔ گزشتہ 24 گھنٹوں کے دوران کورونا کے مزید 40،808 نئے کیسز سامنے آئے ہیں۔

ایران میں ہر 2 سیکنڈ میں ایک شخص کورونا سے متاثر ہو رہا ہے

سرکاری ٹی وی کے مطابق ایران میں ہر 2 سیکنڈ میں ایک شخص کورونا سے متاثر ہو رہا ہے اور تقریباً ہر 2 منٹ میں ایک شخص کورونا وائرس سے ہلاک ہو رہا ہے۔ اگر اس کا موازنہ گزشتہ مہینے سے کیا جائے تو اس وقت تقریباً 3 منٹ میں کورونا سے ایک ہلاکت رپورٹ ہو رہی تھی۔

واضح رہے جنوری میں ایران کے سپریم لیڈر آیت اللہ علی خامنہ ای نے امریکی اور برطانوی ساختہ ویکسین کی درآمد پر پابندی عائد کرتے ہوئے کہا تھا کہ وہ ناقابل اعتماد ہیں اور کورونا کے پھیلاؤ کا سبب بن سکتی ہیں۔

ایران کے نئے صدر ابراہیم رئیسی ‘جنہوں نے اتوار کے روز ایرانی ساختہ ویکسین کی پہلی خوراک لگوائی تھی’ نے حکام پر زور دیا ہے کہ وہ ویکسینیشن کو تیز کریں اور وبائی امراض کو روکنے کے لیے ہر ممکن اقدامات کریں۔

چین کی عالمی سطح پر ترقی کا راستہ روکنے میں اور اپنے دشمنوں کے لئے کئے گئے اقدامات میں ناکامی سے ثابت ہوتا ہے کہ دنیا پر امریکہ کی حکمرانی کا دور ختم ہو رہا ہے۔

واشنگٹن: چین کی عالمی سطح پر ترقی کا راستہ روکنے میں اور اپنے دشمنوں کے لئے کئے گئے اقدامات میں ناکامی سے ثابت ہوتا ہے کہ دنیا پر امریکہ کی حکمرانی کا دور ختم ہو رہا ہے۔ یہ دعوی نیشنل انٹرسٹ میں شائع ایک مقالے میں کیا گیا ہے۔

امریکی بین الاقوامی تعلقات کے جریدے نیشنل انٹرسٹ کے شائع کردہ مقالے میں کہا گیا ہے کہ سرد جنگ کے بعد امریکہ کی زیرِ قیادت شروع ہونے والا واحد قطبی عالمی نظام اب تبدیل ہونا شروع ہو گیا ہے۔

مقالے میں افغانستان اور عراق میں امریکہ کی ہزیمت کی طرف توجہ مبذول کروائی اور کہا گیا ہے کہ واشنگٹن نے مشرق وسطیٰ میں خاص طور پر شام، یمن اور لیبیا کے بحرانوں سے متعلق کوئی موقف اختیار کرنے کا کام انقرہ، ماسکو اور تہران پر چھوڑ دیا ہے۔

ان عناصر کے ساتھ ساتھ چین کی عالمی سطح پر ترقی کا راستہ روکنے میں اور اپنے دشمنوں کے لئے اٹھائے گئے اقدامات میں ناکامی سے ثابت ہوتا ہے کہ امریکہ اپنی سابقہ طاقت کھو بیٹھا ہے۔

مقالے میں اس پہلو پر بھی غور کیا گیا ہے کہ واحد قطب والے عالمی نظام کے بعد نیا عالمی نظام کیا ہو گا۔ تجزئیے میں کہا گیا ہے کہ اس وقت امریکہ، چین اور روس کی شرکت سے کثیر قطبی یا  پھر 2 قطبی نظام جیسے مختلف نظام ایجنڈے پر ہیں۔

مزید کہا گیا ہے کہ یہ متعدد عالمی نظام ایک دوسرے کے ساتھ مسلسل رقابت کی حالت میں ہیں اور کسی ایک نظام کے غالب ہونے میں بیسیوں سال کا عرصہ لگ سکتا ہے۔

افغانستان میں سرکاری سکیورٹی فورسز نے گزشتہ 24 گھنٹوں کے دوران 570 سے زائد طالبان کو ہلاک کیا ہے۔

کابل: افغانستان میں سرکاری سیکیورٹی فورسز نے گزشتہ 24 گھنٹوں میں 570 سے زائد طالبان کو ہلاک کیا ہے۔ افغان وزارت دفاع نے پیر کو یہ اطلاع دی۔

وزارت دفاع نے ٹویٹ کیا کہ پچھلے 24 گھنٹوں کے دوران ننگرہار، خوست، لوگر، پکتیا، قندھار، ہرات، فراہ، جوزان، سمگن، ہلمند، تخار، قندوز اور پنج شیر صوبوں میں سیکیورٹی فورسز کی کارروائیوں میں 579 طالبان مارے گئے اور 161 دیگر زخمی ہوئے۔

579 #Taliban terrorists were killed and 161 others were wounded as a result of #ANDSF operations in Nangarhar, Khost, Logar, Paktia, Kandahar, Herat, Farah, Jowzjan, Samangan, Helmand, Takhar, Kunduz & Panjshir provinces during the last 24 hours. pic.twitter.com/5K4VHNpuwv

— Ministry of Defense, Afghanistan (@MoDAfghanistan) August 9, 2021

افغانستان سے امریکی فوجیوں کے انخلا کے آغاز کے بعد سے ملک میں طالبان کے حملوں میں اضافہ ہوا ہے۔ سیکیورٹی فورسز نے طالبان کے حملوں کو روکنے کے لیے اپنی کارروائیاں بھی تیز کر دی ہیں۔

افغانستان سے امریکی افواج کے انخلاء کے حتمی مرحلہ کے دوران امریکہ نے کہا ہے کہ وائٹ ہاؤس افغانستان پلان پر نظر ثانی کا ارادہ نہیں رکھتا۔ أفغانستان میں 650 کے لگ بھگ امریکی فوجی موجود ہیں اور انخلاء پروگرام طے شدہ شکل میں آگے بڑھ رہا ہے۔ 

واشنگٹن: افغانستان سے امریکی افواج کے انخلاء کے حتمی مرحلہ کے دوران امریکہ نے کہا ہے کہ وائٹ ہاؤس افغانستان پلان پر نظر ثانی کا ارادہ نہیں رکھتا۔ انخلاء طے شدہ شکل میں جاری رکھا جائے گا۔ یہ اطلاع نیویارک ٹائمز نے دی ہے۔

امریکہ کے صدر جو بائیڈن نے کہا ہے کہ افغانستان سے انخلاء طے شدہ شکل میں جاری رکھا جائے گا۔

نیویارک ٹائمز کی، ناموں کو پوشیدہ رکھتے ہوئے اعلیٰ سطحی حکام کے حوالے سے شائع کردہ خبر کے مطابق وائٹ ہاؤس افغانستان پلان پر نظر ثانی کا ارادہ نہیں رکھتا۔ خبر کے مطابق حکام نے کہا ہے کہ اس بارے میں تجسس کا اظہار کیا جا رہا تھا کہ افغانستان میں طالبان کی تیزی سے پیش رفت کے جواب میں واشنگٹن انتظامیہ کیا قدم اٹھاتی ہے۔ لیکن واشنگٹن انتظامیہ انخلاء کے پلان پر ثابت قدم ہے اور قندوز شہر کے حالات پر بغور نگاہ رکھے ہوئے ہے۔

حکام نے کہا ہے کہ طالبان کے خلاف محدود پیمانے کا فضائی آپریشن کیا گیا ہے لیکن اس کے علاوہ زیادہ وسیع قدم اٹھائے جانے کی توقع نہیں ہے۔ ایک سرکاری شخصیت نے اخبار کے لئے جاری کردہ بیان میں کہا ہے کہ أفغانستان میں 650 کے لگ بھگ امریکی فوجی موجود ہیں اور انخلاء پروگرام طے شدہ شکل میں آگے بڑھ رہا ہے۔

حالیہ ایک ماہ کے دوران ایک ہزار سے زائد شہری ہلاک

واضح رہے کہ افغان حکومتی فورسز کے کنٹرول سے نکلنے والے صوبائی مراکز کی تعداد شمال مشرق میں صوبہ تخار کے شہر تالقان کے بھی طالبان کے کنٹرول میں جانے سے 5 ہو گئی تھی۔

وقتاً فوقتاً افغان فوج کے ساتھ تعاون کے لئے امریکی فوجی کاروائیاں مہینے کے آخر میں ختم ہو جائیں گی۔ اقوام متحدہ کے مطابق طالبان کے حملوں اور جھڑپوں میں حالیہ ایک ماہ کے دوران ایک ہزار سے زائد شہری ہلاک ہو چکے ہیں۔

افغانستان آزاد انسانی حقوق کمیشن کے جاری کردہ اعلان کے مطابق ماہِ مئی کے آغاز سے اب تک تقریباً ایک لاکھ شہریوں کو نقل مکانی پر مجبور کیا جا چکا ہے۔

طالبان کے ترجمان نے کہا ’’ہم افغانستان میں امریکی مداخلت کے خلاف وارننگ دے رہے ہیں۔

قاہرہ: طالبان نے امریکہ کو خبردار کیا ہے کہ وہ افغانستان کے معاملات میں مداخلت نہ کرے۔
طالبان کے ترجمان نے الجزیرہ سے یہ بات کہی ہے۔

امریکہ نے سنیچر کے روز بی 52 اسٹریٹوفورٹریس طیارہ سے افغانستان کے صوبہ زرنج کے دارالحکومت شبرغان میں طالبان کے ٹھکانوں پر ہوائی حملے کئے جس میں 200 سے زائد لوگ مارے گئے تھے۔

طالبان کے ترجمان نے کہا ’’ہم افغانستان میں امریکی مداخلت کے خلاف وارننگ دے رہے ہیں۔

افغانستان سے امریکی فوجیوں کی واپسی شروع ہونے کے بعد سے اس ملک میں طالبان کے حملے بڑھ گئے ہیں۔ افغانستان سے غیر ملکی فوجیوں کی واپسی 11 ستمبر تک مکمل ہونے کا امکان ہے۔