کرناٹک قانون ساز کونسل کے ڈپٹی اسپیکر ایس ایل دھرمے گوڑا کی لاش دیر رات ریل کی پٹری کے نزدیک پائی گئی۔

تلنگانہ میں نیا کورونا وائرس داخل ہوگیا ہے۔ ذرائع کے مطابق یہ شخص، جو نئی شکل کے کورونا کا شکار ہوا ہے، دسمبر کے دوسرے ہفتے میں برطانیہ سے ورنگل پہنچا تھا اور 24 دسمبر کو اس کا معائنہ کیا گیا۔

حیدرآباد: تلنگانہ میں نیا کورونا وائرس داخل ہوگیا ہے۔ سی سی ایم بی کے سائنسدانوں نے ورنگل سے تعلق رکھنے والے ایک شخص کو برطانیہ میں شروع ہونے والے نئی شکل کے کورونا وائرس سے متاثر ہونے کی نشاندہی کی ہے۔

محکمہ صحت کے عہدیداروں نے بھی اس معاملے کی تصدیق کی ہے اور مرکزی حکومت کی جانب سے اس کا اعلان کیا جائے گا۔ ذرائع کے مطابق یہ شخص، جو نئی شکل کے کورونا کا شکار ہوا ہے، دسمبر کے دوسرے ہفتے میں برطانیہ سے ورنگل پہنچا تھا اور 24 دسمبر کو اس کا معائنہ کیا گیا۔

کورونا مثبت ہونے کی وجہ سے جنین کے نمونے سی سی ایم بی کو بھیجے گئے تھے۔ سی سی ایم بی کے سائنس دانوں نے یہ انکشاف کیا کہ یہ شخص برطانیہ میں تیزی سے پھیلنے والے نئی شکل کے کورونا سے متاثر ہوا ہے۔ معلوم ہوا ہے کہ اس شخص کے نمونے پونے میں ویرولوجی لیب کو بھیجے گئے۔ اس کی ماں بھی کورونا سے متاثر ہوئی ہے تاہم یہ عام شکل کا وائرس ہے۔ سی سی ایم بی کے مطابق تلنگانہ کا ایک شخص اور اے پی کا ایک شخص اس کورونا کی نئی شکل سے متاثر ہوئے ہیں۔

متاثرین کے قریبی رشتہ دار بھی قرنطینہ میں

وزارت صحت کے مطابق، ان متاثرین کو متعلقہ حکومتوں کی جانب سے بنائے گئے نگہداشت صحت کے مراکز میں الگ تھلگ رکھا گیا ہے جہاں ان کا علاج کیا جا رہا ہے۔ ان کے قریبی رشتہ داروں کو بھی قرنطینہ میں رکھا گیا ہے۔ ساتھ ہی ان کے ساتھ سفر کرنے والے افراد کا بھی پتہ چلانے کی کوشش کی جارہی ہے۔

وزارت نے کہا کہ صورتحال قابو میں ہے اور ریاستوں کو نگرانی میں اضافہ، وبا کی روک تھام، معائنے کروانے اور نمونے آئی این ایس اے سی او جی لیب کو بھیجنے کے معمول کے مشورے دیئے گئے ہیں۔

مزید اسے بھی پڑھیں:

کورونا وائرس کی نئی شکل دنیا کے دوسرے ممالک میں بھی پھیلنے لگی

جو بائیڈن نے کہا کہ امریکہ کو چین کا سامنا کرنے کے لئے ہم خیال ممالک سے اتحاد قائم کرنے کی ضرورت ہے۔

40 کسان تنظیموں کو بھیجے گئے خط میں کہا گیا ہے کہ حکومت صاف نیت اور کھلے ذہن کے ساتھ متعلقہ امور کو عقلی طریقے سے حل کرنے کے لئے پرعزم ہے۔

نئی دہلی: حکومت نے زرعی اصلاحاتی قوانین کے خلاف تحریک چلانے والے کسان تنظیموں کو 30 دسمبر کو بات چیت کے لئے مدعو کیا ہے۔

سکریٹری زراعت سنجے اگروال نے آج 40 کسان تنظیموں کو بھیجے گئے خط میں کہا ہے کہ حکومت صاف نیت اور کھلے ذہن کے ساتھ متعلقہ امور کو عقلی طریقے سے حل کرنے کے لئے پرعزم ہے۔ حکومت تینوں زرعی اصلاحاتی قوانین اور فصلوں کی خریداری کو کم از کم سہارا قیمت پر تبادلہ خیال کے لئے تیار ہے۔

اس سے قبل حکومت نے کسانوں کی تنظیموں سے بات چیت کے وقت اور مقام کی نشاندہی کرنے کو کہا تھا۔ کسان تنظیموں نے 29 دسمبر کو حکومت سے مذاکرات کی تجویز پیش کی تھی۔

مزید پڑھیں:

کسان تحریک کو تیز کرنے کی کوششیں، کسان تنظیموں کے نمائندوں کا دارالحکومت آنا شروع

پرینکا گاندھی نے کہا ہے کہ کسان نئے زراعتی قانون سے پیدا ہوئے بحران کی وجہ سے احتجاج کررہے ہیں اور حکومت کو اپنی جوابدہی پر کاربند رہتے ہوئے ان سے بات کرنی چاہئے۔

نئی دہلی: کانگریس جنرل سکریٹری پرینکا گاندھی واڈرا نے کہاہے کہ کسان نئے زراعتی قانون سے پیدا ہوئے بحران کی وجہ سے احتجاج کررہے ہیں اور حکومت کو اپنی جوابدہی پر کاربند رہتے ہوئے ان سے بات کرنی چاہئے۔

محترمہ پرینکا گاندھی نے کانگریس کے قیام کے 135 سال مکمل ہونے پر یہاں پارٹی ہیڈکوارٹر میں منعقدہ پروگرام میں شرکت کے بعد صحافیوں سے کہا کہ حکومت کو کسانوں سے بات کرنی چاہئے۔ انکی بات سننی چاہئے اور کسان مخالف تینوں قوانین واپس لینے چاہئیں۔

کانگریس نے آج اپنے قیام کے 135 سال مکمل ہونے پر یہاں ایک پروگرام کا انعقادکیا جس میں محترمہ پرینکا گاندھی سمیت پارٹی کے کئی سرگردہ رہنماؤں نے شرکت کی۔ اس دوران پرچم لہرایاگیا اور سبھی رہنماؤں نے ملکر قومی ترانہ گایا۔

اسے بھی پڑھیں: 

اداکارہ پرینکا چوپڑا نے زرعی قانونوں کے خلاف کسانوں کے احتجاج کی حمایت کی

ترکی کو چین سے کووڈ 19 ویکسین ملنے میں تاخیر ہوسکتی ہے۔ بیجنگ کسٹم ڈپارٹمنٹ میں کووڈ 19 کی وجہ سے اس کا آپریشن عارضی طور پر روک دیا گیا ہے۔

انقرہ: ترک وزیر صحت فرطین کوکا نے کہا کہ چین سے آنے والی سائنوویک بایوٹیک ویکسین کی پہلی کھیپ وہاں کے کسٹم ڈپارٹمنٹ کی جانب سے روکے جانے کی وجہ سے تاخیر کا شکار ہوسکتی ہے۔

مسٹر کوکا نے ٹویٹ کیا ’’بیجنگ کسٹم ڈپارٹمنٹ میں کووڈ 19 کی وجہ سے اس کا آپریشن عارضی طور پر روک دیا گیا ہے۔ لہذا ویکسین کی آمد میں ایک سے دو دن کی تاخیر ہو سکتی ہے۔‘‘

توقع کی جا رہی ہے کہ ترکی کو سائنوویک ویکسین کی 50 ملین خوراکیں اور ساتھ ہی فائزر اور بایو نٹیک ویکسین کی 4.5 کروڑ خوراکیں ملیں گی۔ ملک میں زیادہ متاثرہ علاقوں میں چار مرحلوں میں پولیو کے قطرے پلائے جائیں گے۔

صدر رجب طیب اردگان کے کورونا وائرس کو پھیلنے سے روکنے کے منصوبے کے تحت 31 دسمبر سے 4 جنوری کی صبح تک لاک ڈاؤن عمل میں لایا جائے گا۔

ایک نظر ادھر بھی:

جنوری تک کورونا کی چار کروڑ ویکسین تیار ہوگی: امریکہ

کورونا وائرس کی نئی شکل کے کیسز اب سوئیڈن، کینیڈا، اسپین، جاپان سمیت 15 ملکوں تک پہنچ گئے ہیں۔

جنیوا: مہلک ترین اور جان لیوا عالمی وبا کورونا وائرس ’کووڈ – 19‘ کی نئی شکل برطانیہ میں سامنے آنے کے بعد دنیا کے دوسرے ممالک میں بھی پھیلنا شروع ہوگئی ہے۔ عالمی میڈیا کی رپورٹوں میں بتایاگیا ہے کہ وائرس کی نئی قسم کے کیسز اب سوئیڈن، کینیڈا، اسپین، جاپان سمیت 15 ملکوں تک پہنچ گئے۔

خیال رہے یوروپ کے مختلف ممالک میں طبی عملے اور کیئر ہوم کے مکینوں کو ویکسین لگانے کا آغاز کر دیا گیا ہے جبکہ قبرص (سائپرس) اور عمان میں بھی کورونا ویکسی نیشن شروع کردی گئی۔

کورونا وائرس سے بری طرح پریشان فرانسیسی حکومت تیسرے لاک ڈاؤن پر غور کررہی ہے۔

دریں اثنا آسٹریلیا کے سڈنی میں لوگ سال نو کے جشن کے لئے حکومت کی اجازت کے منتظر ہیں۔

دنیا بھر میں جان لیوا کورونا وائرس سے متاثرہ افراد کی تعداد 8 کروڑ 7 لاکھ 27 ہزار 380 تک جا پہنچی ہے جبکہ اس موذی وائرس سے ہلاکتیں 17 لاکھ 64 ہزار 778 ہو چکی ہیں۔

مزید اسے بھی پڑھیں:

دنیا کے متعدد ممالک میں کورونا وائرس کی نئی شکل کی تصدیق

مولانا خالد رشید فرنگی محلی نے کہا ہے کہ اگر کسی دوا میں کوئی حرام چیز بھی شامل ہو اور جان بچانے کے لئے اس کا کوئی متبادل نہ ہو تو وہ لی جا سکتی ہے۔

اسلام میں جان کی حفاظت

برطانیہ میں کورونا وائرس کی ایک نئی شکل کی تصدیق کی گئی ہے، جو ملک میں بہت تیزی سے پھیل رہی ہے۔ وائرس کی یہ نئی شکل 70 فیصد زیادہ متعدی ہے۔

لندن: برطانیہ میں کورونا وائرس کی نئی شکل کے پائے جانے کے بعد متعدد یوروپی ممالک میں بھی پہلے سے 70 فیصد زیادہ متعدی شمار کی جانے والی کورونا وائرس کی نئی شکل کی تصدیق ہوگئی ہے۔

یوروپ کے علاوہ کورونا وائرس کی نئی شکل جاپان اور کناڈا جیسے ممالک میں بھی پائی گئی ہے۔

برطانیہ کے سفر کے بعد اسپین، سوئٹزرلینڈ، سویڈن اور فرانس واپس لوٹنے والے بہت سارے مسافروں میں کورونا وائرس کی اس نئی شکل کے پائے جانے کی تصدیق ہوئی ہے، جس سے خدشات کافی بڑھ گئے ہیں۔

بی بی سی کی ایک خبر کے مطابق ہسپانوی دارالحکومت میڈرڈ میں جمعرات کے روز برطانیہ سے واپس آنے والے ایک شخص کے تین رشتہ داروں میں کورونا وائرس کی نئی شکل پائے جانے کی تصدیق ہوگئی ہے۔

دریں اثناء، جاپان 29 دسمبر سے کورونا وائرس کی نئی شکل پھیلنے کے پیش نظر غیر ملکی شہریوں کے ملک میں داخل ہونے پر مکمل پابندی عائد کرنے کا منصوبہ بنا رہا ہے۔

سوئٹزرلینڈ واحد ملک ہے جس نے کرسمس کے موقع پر غیر ملکی سیاحوں کے لئے اپنی سرحدیں کھول رکھی ہیں اور یہی وجہ ہے کہ گزشتہ چند ہفتوں کے دوران بڑی تعداد میں برطانوی باشندے وہاں چھٹیاں منانے پہنچے ہيں۔

ڈنمارک، جرمنی، اٹلی، نیدرلینڈ اور آسٹریلیا میں لوگوں کو کورونا وائرس کی نئی شکل کی لپیٹ میں آنے کا خطرہ ہونے کی تصدیق کی گئی ہے۔

واضح رہے کہ گزشتہ ہفتہ برطانیہ میں کورونا وائرس (کووڈ ۔ 19) کی ایک نئی شکل دریافت کی گئی ہے، جو ملک میں بہت تیزی سے پھیل رہی ہے۔ کورونا وائرس کی یہ نئی شکل 70 فیصد زیادہ متعدی ہے۔

اسے بھی پڑھیں:

برطانیہ، جنوبی افریقہ میں کورونا وائرس کی نئی شکل و صورت سے نائب صدر کو متعارف کرایا گیا