شام میں اتوار کی رات تقریبا 9 بجکر 30 منٹ پر ایندھن والے ٹرکوں اور تین مسافر بسوں کے قافلے کو نشانہ بنا کر دہشت گردوں نے حملہ کیا جس میں 9 افراد ہلاک اور دیگر چار زخمی ہوگئے۔

بیروت: شام کے صوبہ حماہ کے سلمیہ شہر کے نزدیک دہشت گردوں نے تین مسافر بسوں اور ایندھن والے ٹرکوں کو نشانہ بنا کر حملہ کیا جس میں 9 افراد ہلاک اور دیگر چار زخمی ہوگئے۔ صوبہ حماہ کے گورنر محمد طارق کرشتی نے یہ اطلاع دی۔

شام کے روزنامہ الوطن نے فوجی ذرائع کے حوالے سے اتوار کے روز اپنی ایک رپورٹ میں اس حملے کی جانکاری دی تھی۔ ذرائع کے مطابق یہ حملہ سلمیہ الرقہ شاہراہ پر ہوا ہے۔

اس کے بعد وہاں تعینات شامی سیکیورٹی فورسز اور دہشت گردوں کے مابین جھڑپ شروع ہو گئی، جس کی وجہ سے شاہراہ کو بند کرنا پڑا۔

گورنر کرشتی نے شام کے سرکاری ٹیلی ویژن کو بتایا کہ اتوار کی رات تقریبا 9 بجکر 30 منٹ پر ایندھن والے ٹرکوں اور تین مسافر بسوں کے قافلے کو نشانہ بنا کر حملہ کیا گیا۔

حملے میں 9 افراد ہلاک ہوئے ہیں جبکہ چار دیگر زخمی ہوئے ہیں۔ جائے وقوعہ سے تمام افراد کو محفوظ مقامات پر منتقل کردیا گیا ہے جبکہ زخمیوں کو سلمیہ کے ایک اسپتال میں داخل کرایا گیا ہے۔ اس حملے میں دہشت گردوں نے چھوٹے ہتھیاروں کا استعمال کیا ہے ۔

آل انڈیا کسان سبھا کے پریس سکریٹری صوبے سنگھ بورہ نے کہا کہ کل 4 جنوری کو ہونے والی بات چیت میں حکومت نے مطالبات نہیں مانے تو کسان آر پار کی لڑائی لڑیں گے اور 6 جنوری کو کسان سبھا کی جانب سے آئندہ تحریک کا اعلان کیا جائے گا۔

حصار: آل انڈیا کسان سبھا کے ضلع حصار کے سربراہ شمشیر سنگھ نمبردار سمیت کسان رہنماؤں نے آج مرکزی وزیر نتن گڈکری کے اس بیان کی مذمت کی ہے جس میں انہوں نے مبینہ طور پر کہا ہے کہ تینوں زرعی قوانین اچھے ہیں اور اب تک کوئی بھی ان قوانین کو غلط بتانے والا آگے نہیں آیا۔

یہاں ٹول پلازہ چودھریواس میں ٹول فری تحریک کے دسویں دن دھرنے کے مظاہرے کے دوران مسٹر نمبردار، سبھا کے پریس سکریٹری صوبے سنگھ بورہ اور چیف ایڈوائزر راجکمار ٹھولے دار وغیرہ رہنماؤں نے کہا کہ یہ بڑے تعجب کی بات ہے کہ پچھلے تین ماہ سے ملک کے لاکھوں کسان احتجاج کررہے ہیں اور حکومت سے مسلسل مطالبہ کر رہے ہیں کہ تینوں سیاہ زرعی قوانین کو واپس لیا جائے اور مسٹر گڈکری اس قسم کا بیان دے رہے ہیں۔

انہوں نے کہا کہ زرعی قوانین نہ صرف کسان مخالف ہیں بلکہ ملک دشمن بھی ہیں۔ انہیں غیر جمہوری انداز میں جلدی سے منظور کیا گیا، جس کی وجہ سے ملک بھر میں احتجاج کی لہر دوڑ گئی ہے۔ انہوں نے کہا کہ مرکزی حکومت کے بڑے وزراء نے کسان رہنماؤں کے ساتھ متعدد بار بات چیت کی ہے۔ ملک کے وزیر داخلہ امیت شاہ نے کسانوں کی تنظیموں سے گفتگو کرتے ہوئے اعتراف کیا ہے کہ تینوں بلوں میں خامیاں ہیں, اس طرح مسٹر گڈکری کے بیان سے کچھ اور ہی لگ رہا ہے۔ کسان رہنماؤں نے الزام لگایا کہ اس سے مرکزی حکومت کا ارادہ ٹھیک نہیں لگتا اور مطالبہ کیا کہ حکومت کل (4 جنوری) کو کسانوں کے ان مطالبات پر سنجیدگی سے بات چیت کرکے اس پورے معاملے کو حل کرے۔

مسٹر بورہ نے کہا کہ کل ہونے والی بات چیت میں حکومت نے مطالبات نہیں مانے تو کسان آر پار کی لڑائی لڑیں گے اور 6 جنوری کو کسان سبھا کی جانب سے آئندہ تحریک کا اعلان کیا جائے گا۔

مزید اسے بھی پڑھیں:

کسان تنظیموں نے دی دھمکی، بات چیت ناکام ہونے پر کریں گے تحریک تیز

ہندوستان بایوٹیک کی ملک میں تیار کورونا ویکسین، کو ویکسین اور پنے کے سیرم انسٹی ٹیوٹ آف انڈیا کی تیار کردہ کووڈ شیلڈ کو ہندوستان میں ایمرجنسی استعمال کی ملی منظوری۔

نئی دہلی: ڈرگس کنٹرولر جنرل آف انڈیا (ڈی سی جی آئی) نے ہندوستان بایوٹیک کی ملک میں تیار کورونا ویکسین، کو ویکسین اور پنے کے سیرم انسٹی ٹیوٹ آف انڈیا (ایس آئی آئی) کی تیار کردہ کووڈ شیلڈ کے ہندوستان میں ایمرجنسی استعمال پر آج اپنی مہر ثبت کردی ہے۔

ڈی سی جی آئی ڈاکٹر وینو گوپال جی سومانی نے اتوار کو نیشنل میڈیا سینٹر میں صحافیوں کو یہ جانکاری دی کہ ماہرین کی کمیٹی کی سفارشات کو تسلیم کرتے ہوئے سنٹرل ڈرگ اسٹینڈرڈ کنٹرول آرگنائزیشن (سی ڈی ایس سی او) نے کو ویکسین اور کووڈ شیلڈ کے ہنگامی حالات میں استعمال کو منظوری دی ہے۔

کووڈ شیلڈ اصل میں آکسفورڈ یونیورسٹی اور دوا ساز کمپنی اسٹراجنیکا کی تیار کردہ ہے۔ ایس آئی آئی نے ایک معاہدے کے تحت ہندوستان میں اس کے دوسرے اور تیسرے مرحلے کے معیار کا تجربہ کیا ہے اور ساتھ ہی اسے یہاں تیار بھی کیا ہے۔

ماہرین کی کمیٹی کی سفارشات

ملک میں کورونا ویکسین کے استعمال کے سلسلے میں بنائی گئی سی ڈی ایس سی او کی سبجیکٹ کمیٹی نے جمعہ اور ہفتہ کے روز میٹنگ کی تھی۔ اس کمیٹی نے میٹنگ میں کووڈ شیلڈ اور کو ویکسین کے ہنگامی حالات میں استعمال کے تعلق سے اپنی سفارشات ڈی سی جی آئی کے سامنے پیش کیں۔ کمیٹی نے اس کے ساتھ ہی دوا ساز کمپنی کیڈیلا ہیلتھ کیئر کے تیسرے مرحلے کے معیار کے تجربے کے سلسلے میں بھی سفارش کی۔

انڈیا بایوٹیک نے انڈین کونسل آف میڈیکل ریسرچ (آئی سی ایم آر) کے ساتھ مل کر کو ویکسین کو تیار کیا ہے۔ انڈیا بایو ٹیک نے سنیچر کو یہ اطلاع دی کہ کو ویکسین کے معیار کے تجربے میں شامل والنٹیئر کی تعداد جلد ہی اس کے نانے کے مطابق 26000 ہوجائے گی۔

محمد رفیق اب تک اڈیشہ ہائی کورٹ کے چیف جسٹس تھے۔ حال ہی میں ان کا تبادلہ مدھیہ پردیش کے چیف جسٹس کے طور پر کیا گیا ہے۔

بھوپال: مدھیہ پردیش کی گورنر محترمہ آنندی بین پٹیل آج یہاں راج بھون میں منعقدہ ایک باوقار تقریب میں اسٹیٹ ہائی کورٹ کے چیف جسٹس محمد رفیق کو حلف دلائیں گی۔

سرکاری ذرائع کے مطابق راج بھون میں دوپہر 2 بجے منعقد حلف برداری کی تقریب میں وزیر اعلی شیوراج سنگھ چوہان کے علاوہ سینئر وزراء، ممتاز عدالتی شخصیات اور سینئر ایڈمنسٹریٹیو آفیسر بھی موجود ہوں گے.

واضح ہو کہ محترم محمد رفیق اب تک اڈیشہ ہائی کورٹ کے چیف جسٹس تھے۔ حال ہی میں ان کا تبادلہ مدھیہ پردیش کے چیف جسٹس کے طور پر کیا گیا ہے۔

پولیس افسران کے مطابق اسرائیلی نوجوان کی موت کے واقعہ سے مشتعل ہجوم کے مظاہرہ میں 5 پولیس اہلکار زخمی ہوگئے۔ 11 مظاہرین کو حراست میں لے لیا گیا ہے۔

تل ابیب: اسرائیل میں ایک نوجوان کی کار حادثے میں موت سے مشتعل لوگوں کے مظاہرے کے دوران پانچ پولیس اہلکار زخمی ہوگئے۔ وہیں 11 مظاہرین کو حراست میں لیا گیا ہے۔

پولیس افسران کے مطابق نوجوان کی موت کے واقعہ سے مشتعل ہجوم نے ہفتہ کے روز یروشلم میں مظاہرہ کیا۔ اسی دوران مظاہرین نے پتھراؤ شروع کردیا جس میں 5 پولیس اہلکار زخمی ہوگئے۔ 11 مظاہرین کو حراست میں لے لیا گیا ہے۔

واضح رہے کہ گزشتہ 21 دسمبر کو یروشلم میں فلسطینیوں کے مبینہ طور پر پتھراؤ کئے جانے سے ایک کار حادثے کا شکار ہوگئی تھی۔ جس کی زد میں آکر 17 سالہ ایک اسرائیلی نوجوان کی موت ہوگئی تھی۔ واقعہ کے بعد یروشلم اور ویسٹ بینک میں کشیدگی کا ماحول ہے۔

4 جنوری کو حکومت کے ساتھ آٹھویں دور کی بات چیت ہے اور اس کے ناکام ہونے پر 26 جنوری کو یوم جمہوریہ کے موقع پر دارالحکومت دہلی میں ٹریکٹر ٹرالی پریڈ نکالی جائے گی۔

نئی دہلی: زرعی اصلاحات قوانین کو واپس لینے اور کم از کم امدادی قیمت کو قانونی تصدیق دینے کے مطالبے پر 4 جنوری کو حکومت کے ساتھ میٹنگ میں معاہدہ نہ ہونے پر کسان تنظیموں نے پورے ملک میں تحریک تیز کرنے کی دھمکی دی ہے۔

کسان رہنما بی ایس راجے وال، درشن پال، گرنام سنگھ چڈھونی، حنان مولا، جگجیت سنگھ ڈلے والا، شیو کمار شرما ککا جی اور یوگیندر یادو نے ہفتے کو پریس کانفرنس میں کہا کہ 4 جنوری کو حکومت کے ساتھ آٹھویں دور کی بات چیت ہے اور اس کے ناکام ہونے پر 26 جنوری کو یوم جمہوریہ کے موقع پر دارالحکومت دہلی میں ٹریکٹر ٹرالی پریڈ نکالی جائے گی۔ اس سے پہلے دہلی کے آس پاس کے کسانوں کے ٹریکٹر ٹرالی کو 25 جنوری کو قومی دارالحکومت میں بلایا جائےگا۔

انہوں نے کہا کہ 23 جنوری کو سبھاش چندر بوس کی جینتی کے موقع پر ملک بھر میں راج بھونوں پر مظاہرہ کیا جائےگا۔ ان کا کہنا تھا کہ گورنر مرکز کے نمائندے ہوتے ہیں جس کی وجہ سے احتجاجی مظاہرہ کیا جائےگا۔

بات چیت ناکام ہونے پر 5 جنوری سے ملک بھر میں احتجاجی مظاہرہ تیز

کسان رہنماؤں نے کہا کہ بات چیت ناکام ہونے پر 5 جنوری سے ہی ملک بھر میں احتجاجی مظاہرہ تیز کردیا جائےگا۔ کسان تنظیموں نے چھ جنوری کو پہلے ہی کے ایم پی ہائی وے پر ٹریکٹر ٹرالی مظاہرہ کرنے کا اعلان کیا ہے۔

انہوں نے کہا کہ بھارتیہ جنتا پارٹی حکومت پر دباؤ بڑھانے کا وقت آگیا ہے جس کی وجہ سے احتجاجی مظاہرہ کے ہر طریقے اختیار کئے جائیں گے۔

کسان تنظیم پچھلے 38 دنوں سے زرعی اصلاحات قانونوں کو واپس لینے اور کم از کم امدادی قیمت کو قانونی حیثیت دینے کے مطالبے کے سلسلے میں قومی دارالحکومت میں احتجاجی مظاہرہ کررہے ہیں۔

مزید اسے بھی پڑھیں:

چھٹے دور کی بات چیت: کسانوں کے مسائل کے حل کے لیے کمیٹی تشکیل دینے کی تجویز

اپوزیشن سماج وادی پارٹی سربراہ اکھلیش یادو نے میڈیا نمائندوں سے بات چیت میں کہا کہ میں یہاں بغیر ماسک کے آیا ہوں اور آپ تمام کے درمیان بیٹھا ہوں۔ آپ لوگ ہی ہمیں مطلع کریں ‘کہاں ہے کورونا’۔

لکھنؤ: سماج وادی پارٹی (ایس پی) سربراہ اکھلیش یادو نے ہفتہ کو اپنے ایک متنازع بیان میں دعوی کیا کہ ملک میں کوئی بھی کورونا نہیں ہے۔ حکومت اپوزیشن و عوام کو نشانہ بناتے ہوئے انہیں خائف کرنے کے لئے کورونا کا رونا رو رہی ہے۔ انہوں نے یہ بھی اعلان کیا کہ نہ تو وہ بی جے پی کی ویکسین لیں گے اور نہ ہی اس کی کسی سازش کا شکار ہونگے۔

بی جے پی کورونا کی کہانیاں گڑھ کر عوام کو ڈرا رہی ہے

مسٹر یادو نے ہفتہ کو میڈیا نمائندوں سے بات چیت میں کہا کہ ملک میں کہیں بھی کوئی کورونا نہیں ہے۔ بی جے پی کورونا کی کہانیاں گڑھ کر اپوزیشن سیاسی پارٹیوں اور ان کے خلاف احتجاج کرنے والے افراد کو نشانہ بناتے ہوئے انہیں خائف کررہی ہے۔ انہوں نے کہا کہ میں یہاں بغیر ماسک کے آیا ہوں اور آپ تمام کے درمیان بیٹھا ہوں۔ آپ لوگ ہی ہمیں مطلع کریں ‘کہاں ہے کورونا’۔

انہوں نے کہا کہ کورونا بحران کا اعلان کرنے کے باجود بی جے پی ہر چیز کررہی ہے اور جب اپوزیشن کسی بھی پروگرام کے انعقاد کے لئے اجازت طلب کرتا ہے تو انہیں کورونا کا حوالہ دیتے ہوئے منع کردیا جاتا ہے۔ جو اس بات کا غماز ہے کہ کس طرح حکمراں جماعت کورونا کے نام پر اپوزیشن کو ٹارگیٹ کررہی ہے۔

میں بی جے پی کی ویکسین پر کیسے اعتماد کرسکتا ہوں

سابق وزیر اعلی نے کہا کہ میں ابھی کورنا ویکسین کا ٹیکہ نہیں لگواؤنگا میں بی جے پی کی ویکسین پر کیسے اعتماد کرسکتا ہوں۔ جب ہماری حکومت آئے گی ہر شہری کو مفت میں کورنا ویکسین فراہم کی جائے گی۔ ہم بی جے پی کی ویکسین کو نہین لے سکتے ہیں۔

سماج وادی سربراہ کا یہ متنازع بیان ایسے وقت میں آیا ہے جب یوپی حکومت کووڈ ویکسین کے لئے ‘ڈرائی رن’ مہم چلارہی ہے اور مکرسنکرانتی کے مناسبت سے ریاست میں ویکسینیشن کا آغاز کرنے کا منصوبہ بنا رہی ہے۔ انہوں اس پر ٹویٹ بھی کیا۔

हमें वैज्ञानिकों की दक्षता पर पूरा भरोसा है पर भाजपा की ताली-थाली वाली अवैज्ञानिक सोच व भाजपा सरकार की वैक्सीन लगवाने की उस चिकित्सा व्यवस्था पर भरोसा नहीं है, जो कोरोनाकाल में ठप्प-सी पड़ी रही है।

हम भाजपा की राजनीतिक वैक्सीन नहीं लगवाएँगे।

सपा की सरकार वैक्सीन मुफ़्त लगवाएगी। pic.twitter.com/yo328VLXZk

— Akhilesh Yadav (@yadavakhilesh) January 2, 2021

اکھلیش کی اجودھیا کے سادھو سنتوں سے ملاقات

اکھلیش یادو نے آج اجودھیا کے کئی سادھو سنتوں سے ملاقات کی اور ان سے سال 2022 کے اسمبلی انتخابات کے لئے دعا کی گذار ش کی۔ اس موقع پر انہوں نے اعلان کیا کہ جب ان کی ریاست میں حکومت بنے گی پورا اجودھیا ٹیکس فری ہوگا۔ جس کے بعد ہر دن یا سال کے 365 دن اجودھیا کے لوگ دیوالی مناسکیں گے۔

اکھلیش نے کہا کہ اجودھیا اتحاد و ہم آہنگی کی علامت ہے لیکن بی جے پی نے سیاسی مفاد کے پیش نظر اسے سیاسی رشتہ کشی کے مقام پر تبدیل کردیا ہے۔ ہم نے تمام مذاہب کی قدر اور ان کی حمایت کر کے جمہوریت و انسانیت کو بچانے کی کوشش کی ہے۔ بی جے پی مذہب کے نام پر سماج کو تقسیم کرنا چاہتی ہے۔

جبری تبدیلی مذہب آرڈیننس پر تبصرہ

جبری تبدیلی مذہب آرڈیننس پر تبصرہ کرتے ہوئے اکھلیش نے کہا کہ ایک طرف بی جے پی حکومت بین ذاتیوں کی شادی کے لئے 50 ہزار روپے فراہم کررہی ہے تو وہیں دوسری جانب وہ لوجہاد قانون لے کر آئی ہے۔ یہ ان کے دوہرے کردار کو ظاہر کرتا ہے۔ انہوں نے کسانوں کے حالت زار کو نظر انداز کرنے کے لئے بھی بی جے پی کو ہدف تنقید بنایا۔

اکھلیش یادو نے کہا کہ جب میری حکومت ریاست میں تشکینل پائے گی ہر کسی کو مفت میں ویکسین فراہم کی جائے گی۔ ہم بی جی پی کی ویکسین نہیں لے سکتے۔

لکھنؤ: اترپردیش کی یوگی حکومت کے ذریعہ مکر سنکراتی سے کووڈ ۔ ویکسین کا ٹیکہ لگانے کی تیاریاں زوروں پر ہیں تو دوسری طرف اب ویکسینیشن میں بھی سیاست در در آئی ہے اور اکھلیش یادو نے ‘بی جے پی کی ویکسین’ نہ لگوانے کا دعوی کیا ہے۔

اپنے ایک اچانک فیصلے میں ریاست کی مین اپوزیشن سماج وادی پارٹی سربراہ اکھلیش یادو نے ہفتہ کو کہا کہ وہ بی جے پی کی ویکسین کا ٹیکہ نہیں لگوائیں گے۔ مسٹر یادو نے کہا کہ ‘اس وقت میں کووڈ ویکسین کا ٹیکہ نہیں لگوا رہا۔ میں بی جے پی کی ویکسین پر کیسے اعتماد کرسکتا ہوں۔ جب میری حکومت ریاست میں تشکیل پائے گی ہر کسی کو مفت میں ویکسین فراہم کی جائے گی۔ ہم بی جی پی کی ویکسین نہیں لے سکتے۔

یوپی حکومت ہفتہ کو ریاستی راجدھانی کے لئے 6 اسپتالوں میں ویکسین کے لئے ڈرائی مہم کا انعقاد کررہی ہے۔ یہ مہم آئندہ منگل کو پوری ریاست میں منعقد کی جائے گی۔ تاہم آفیشیل ذرائع نے بتایا کہ ریاست میں ویکسینیشن عمل کا آغاز ‘مکر سنکراتی’ کے موقع پر ہوسکتا ہے جو کہ 15 جنوری کو ہے۔

سردار بوٹا سنگھ 21 مارچ 1934 کو پنجاب کے ضلع جالندھر کے گاؤں مصطفیٰ پور میں پیدا ہوئے، بوٹا سنگھ سیاست میں آنے سے پہلے صحافت سے وابستہ تھے۔ انہوں نے پہلا الیکشن اکالی دل سے جیتا تھا، بعد میں وہ کانگریس میں شامل ہوگئے۔

نئی دہلی: کانگریس کے سینئر رہنما اور سابق مرکزی وزیر سردار بوٹا سنگھ کا ہفتہ کے روز یہاں انتقال ہوگیا۔ وہ 86 سال کے تھے ۔ ان کی فیملی میں اہلیہ، دو بیٹے اور ایک بیٹی ہے۔

سردار بوٹا سنگھ 21 مارچ 1934 کو پنجاب کے ضلع جالندھر کے گاؤں مصطفیٰ پور میں پیدا ہوئے، بوٹا سنگھ سیاست میں آنے سے پہلے صحافت سے وابستہ تھے۔ انہوں نے پہلا الیکشن اکالی دل سے جیتا تھا، بعد میں وہ کانگریس میں شامل ہوگئے۔

آنجہانی بوٹا سنگھ نے آٹھ بار لوک سبھا کا انتخاب جیتا تھا۔ مرکزی وزیر کی حیثیت سے انہوں نے داخلہ، زراعت، ریلوے اور مواصلات اور دیگر اہم وزارتوں کے ساتھ بہار کے گورنر کی ذمہ داری بھی نبھائی۔ وہ ڈاکٹر منموہن سنگھ کے دور حکومت میں قومی درج فہرست ذات و قبائل کمیشن کے چیئرمین (2007 سے 2010 ) بھی رہے تھے۔

سینیٹ نے قومی دفاع اتھارٹی ایکٹ (اے ڈی اے اے) کے نام سے یہ دفاعی بل 81–13 کے فرق سے منظور کیا ہے۔

واشنگٹن: امریکی کانگریس کے ایوان بالا سینیٹ نے مالی سال 2021 کے قومی دفاعی بل پر صدر ڈونلڈ ٹرمپ کے ویٹو کو مسترد کردیا ہے۔

جمعہ کے روز اس بل کی حمایت کرنے والے سینیٹ کے دو تہائی سے زیادہ ارکان نے ٹرمپ کے اس ویٹو کو مسترد کردیا۔

سینیٹ کے اس فیصلہ کو مسٹر ٹرمپ کے لئے ایک بڑا دھچکا سمجھا جارہا ہے کہ ان کے دور میں یہ ایسا پہلی بار ہوا ہے۔ سینیٹ نے قومی دفاع اتھارٹی ایکٹ (اے ڈی اے اے) کے نام سے یہ دفاعی بل 81–13 کے فرق سے منظور کیا ہے۔

23 دسمبر کو امریکی صدر نے اس بل پر ویٹو کا اعلان کیا تھا۔ امریکی اراکین پارلیمنٹ کے ایوان زیریں اور ایوان نمائندگان نے 740 ارب ڈالر کے دفاعی اخراجات کے بل کو 322۔87 کے فرق سے پیر کو ہی منظور کرلیا تھا۔ ایوان نمائندگان نے بل پر غور کے لئے اسے ریپبلکن اکثریتی سینیٹ کو بھیجا تھا۔

صرف اس بل کے ذریعے ہی آئندہ ایک سال تک امریکہ کی دفاعی پالیسی پر خرچ کیا جائے گا۔

ڈونلڈ ٹرمپ نے بل کی کچھ شقوں پر مخالفت کی

ڈونلڈ ٹرمپ جو چند ہفتوں میں صدارت چھوڑنے والے ہیں، نے بل کی کچھ شقوں پر مخالفت کی تھی۔ انہوں نے ان پالیسیوں کی مخالفت کی ہے جو افغانستان اور یوروپ سے امریکی فوجیوں کے انخلا کی تعداد کو محدود کرتی ہیں۔

این ڈی اے اے میں نارڈ اسٹریم 2 پائپ لائن منصوبے پر پابندی عائد کرنے اور روسی میزائل دفاعی نظام ایس -400 خریدنے کے حوالہ سے ترکی کے خلاف کارروائی کرنے کیلئے بھی ایک شق ہے۔

اہم بات یہ ہے کہ امریکی کانگریس کو قانون سازی کے لئے منظور کردہ بل پر صدر کے دستخط لازمی ہیں۔

کچھ غیر معمولی حالات میں صدر بل پر دستخط نہیں کرتے اور نہ ہی اسے ویٹو کرتے ہیں۔ ایسے پالیسی ساز معاملوں میں اختلافات ہوتا ہے۔ لیکن ایوان کے اراکین دونوں ایوانوں میں دو تہائی سے زیادہ اکثریت کے ساتھ بل پاس کرکے صدر کے ویٹو کو مسترد کرکے اس بل کو قانون بنا سکتے ہیں۔