جمعہ کو بانسور میں ریلی سے خطاب کرتے ہوئے تتارپور چوراہے پر کسان لیڈر راکیش ٹکیت کے قافلے پر کچھ لوگوں نے حملہ کردیا تھا اور گاڑی کو نقصان پہنچایا تھا۔

الور: راجستھان میں ضلع الور کے تتارپور تھانہ پولیس نے کسان لیڈر راکیش ٹکیت پر حملہ کرنے کے معاملے میں 16 افراد کو گرفتار کیا ہے۔

پولیس نے بتایا کہ ان میں سے ایک سابق طلبا یونین کے صدر کلدیپ یادو کے علاوہ منیش، مونو، وپن، انکیت، لوکیش، روی، پرمود، ہیمنت، نتیش سمیت 16 ملزمین کو گرفتار کیا گیا ہے۔ پولیس نے ان کے پاس سے ایک گاڑی بھی ضبط کی ہے۔

دوسری طرف اس معاملے پر اب بھارتیہ جنتا پارٹی (بی جے پی) اور کانگریس کے رہنماؤں میں الزام تراشی کا دورہ بھی شروع ہوگیا ہے۔ کانگریس رہنما اور ریاست کے وزیر ٹیکارام جولی نے اس واقعہ کی تنقید کرتے ہوئے کہا کہ اس واقعہ کا بی جے پی سے کوئی تعلق نہیں ہے۔

واضح رہے کہ جمعہ کو بانسور میں ریلی سے خطاب کرتے ہوئے تتارپور چوراہے پر مسٹر ٹکیت کے قافلے پر کچھ لوگوں نے حملہ کردیا اور گاڑی کو نقصان پہنچایا تھا۔

اقوام متحدہ کے سکریٹری جنرل انتونیو گٹیرس کے مطابق موجودہ حالات میں تقریباً ایک ارب طلبا اسکول بند ہونے اور کورونا وائرس سے متعلق دیگر پابندیوں کے سبب متاثر ہوئے ہیں۔

ماسکو: اقوام متحدہ کے سکریٹری جنرل انتونیو گٹیرس نے سبھی ممالک سے کورونا وائرس سے متعلق لاک ڈاؤن کے درمیان تعلیم کو بچانے کی اپیل کی ہے۔

مسٹر گٹیرس جمعہ کی تاخیر شب ٹوئٹر پیج پر لکھا ’’اس فیصلہ کن گھڑی میں، سبھی ممالک سے تعلیم کے تحفظ اور محدود ایکسز ڈیوائسز کی ریکوری کے استعمال، ڈیجیٹل کنیکٹوٹی اور سیکھنے کی صلاحیت میں توسیع کرنے کی اپیل کرتا ہوں ‘‘۔

Almost 1 billion students are still being affected by school closures and restrictions due to #COVID19.

At this pivotal moment, I call on all countries to protect education and use the recovery to narrow access divides, expand digital connectivity & reimagine learning. pic.twitter.com/CRXxrW30zh

— António Guterres (@antonioguterres) April 2, 2021

مسٹر گٹیرس کے مطابق موجودہ حالات میں تقریباً ایک ارب طلبا اسکول بند ہونے اور کورونا وائرس سے متعلق دیگر پابندیوں کے سبب متاثر ہوئے ہیں۔

میکسیکو میں مظاہرہ کرنے والی خواتین ملک کے جنوبی حصے میں سلواڈور کی خاتون کی پولیس اہلکاروں کی جانب سے گرفتار کئے جانے کے دوران ہوئی موت پر احتجاج کررہی تھیں۔

میکسیکو سٹی: میکسیکو کی راجدھانی میکسیکو سٹی سے کم از کم 250 حقوق نسواں کے کارکنوں نے پولیس کے تشدد کے خلاف مظاہرہ کیا۔ اس دوران پولیس اور مظاہرین کے مابین جھڑپیں بھی ہوئیں۔

یونیورسل نیوز ایجنسی کی ایک رپورٹ کے مطابق، حقوق نسواں کارکنوں نے جمعہ کے روز نیشنل پلیس کی دھات کی باڑ توڑ دی اور خاتون پولیس اہلکاروں پر حملہ کیا۔ اس واقعہ میں کسی کے زخمی ہونے کی اطلاع نہیں ہے۔

مظاہرہ کرنے والی خواتین ملک کے جنوبی حصے میں سلواڈور کی خاتون کی پولیس اہلکاروں کی جانب سے گرفتار کئے جانے کے دوران ہوئی موت پر احتجاج کررہی تھیں۔

کئی یوروپی ممالک نے خون کے تھکے جمنے کی رپورٹ ملنے کے بعد سے مارچ کے وسط میں ہی ایسٹرازینیکا ویکسین کے استعمال پر روک لگادی تھی۔

پیرس: فرانس کی نیشنل ایجنسی فار میڈیسن اینڈ ہیلتھ پروڈکٹس سیفٹی (اے این ایس ایم) نے کہا کہ 19 مارچ سے 25 مارچ کے درمیان ایسٹرازینیکا ویکسین کا ٹیکہ لگوانے والوں میں سے دو لوگوں کی موت ہوئی ہے۔

اے این ایس ایم نے بتایا کہ اس عرصے کے دوران، خون کے تھکے جمنے کے 3 معاملے سامنے آئے تھے، جن میں سے دو لوگوں کی موت ہوگئی ہے۔

انہوں نے کہا کہ فرانس میں ٹیکہ کاری مہم کی شروعات سے ایسٹرازینیکا ویکسین کے استعمال کے بعد 12 ایسے معاملے درج کئے ہیں جن میں سے چار لوگوں کی موت ہو چکی ہیں۔

کئی یوروپی ممالک نے خون کے تھکے جمنے کی رپورٹ ملنے کے بعد سے مارچ کے وسط میں ہی ایسٹرازینیکا ویکسین کے استعمال پر روک لگادی تھی۔ اگرچہ ٹیکہ کاری اور خون کے تھکے جمنے کے درمیان کوئی راست تعلق نہیں ملا ہے۔ عوام میں ٹیکہ کاری کے تئیں اعتماد بحال کرنے کے لئے یوروپی یونین کے ممالک کے کئی لیڈران نے ایسٹرازینیکا کا ٹیکہ لگوایا ہے۔

سلامتی کونسل کے ارکان نے میانمار میں پرامن مظاہرین کے خلاف تشدد کے استعمال اور خواتین و بچوں سمیت سینکڑوں شہریوں کی موت کی سخت مذمت کی ہے۔

اقوام متحدہ: اقوام متحدہ کی سلامتی کونسل نے میانمار میں بگڑتے حالات پر گہری تشویش کا اظہار کرتے ہوئے ملک کی فوج سے بہت زیادہ صبر سے کام لینے اور بات چیت کو آگے بڑھانے کی اپیل کی ہے۔

اقوام متحدہ میں ویتنام کے سفیر ڈانگ دین کوئے نے جمعرات کو یہاں جاری ایک بیان میں کہا ’’سلامتی کونسل کے ارکان نے میانمار میں تیزی سے خراب ہو رہے حالات پر گہری تشویش کا اظہار کیا ہے۔ انہوں نے پرامن مظاہرین کے خلاف تشدد کے استعمال اور خواتین و بچوں سمیت سینکڑوں شہریوں کی موت کی سخت مذمت کی ہے۔

انہوں نے کہا ’’سلامتی کونسل کے ارکان نے فوج سے بہت زیادہ صبر سے کام لینے کی اپیل کا اعادہ کیا ہے۔ انہوں نے دہرایا کہ انسانی حقوق کا پوری طرح احترام کرنے اور میانمار کے لوگوں کی مرضی، مفادات کے مطابق بات چیت اور صلاح مشورہ کرنے کی ضرورت ہے۔ انہوں نے سبھی فریقین سے تشدد سے پرہیز کرنے کی اپیل کی ہے‘‘۔

ڈپٹی الیکشن کمشنر سدیپ جین نے بوئل کے علاقے میں پولنگ بوتھ کے باہر ہونے والے واقعہ اور اس سے قبل ہی کیش پور کے علاقے میں ایک شخص کی ہلاکت کے بارے میں انتظامیہ سے رپورٹ طلب کی۔

کلکتہ: الیکشن کمیشن نے نندی گرام میں بوئل علاقے جہاں کے بوتھ کا دورہ وزیر اعلیٰ ممتا نرجی نے کیا تھا میں ہوئے تشدد کے واقعات پر رپورٹ طلب کی ہے۔

مغربی بنگال کی وزیر اعلیٰ ممتا بنرجی نے نندی گرام میں متعدد بوتھس کا دورہ کیا۔ ممتا بنرجی کے خلاف ان کے ہی سابق ساتھی شوبھندو ادھیکاری سے مقابلہ ہے۔

ممتا بنرجی جیسے ہی بوئل بوتھ پر پہنچیں وہاں بی جے پی حامیوں نے جے شری رام کے نعرے لگانے لگے۔ ممتا بنرجی کے دورے کے بعد وہاں پر تشدد کے واقعات ہوئے۔ مرکزی فورسیس نے امن قائم کرنے کی بھر پور کوشش کی۔

ڈپٹی الیکشن کمشنر سدیپ جین نے بوئل کے علاقے میں پولنگ بوتھ کے باہر ہونے والے واقعہ اور اس سے قبل ہی کیش پور کے علاقے میں ایک شخص کی ہلاکت کے بارے میں انتظامیہ سے رپورٹ طلب کی۔

جمعرات کی صبح مغربی مدنی پور کے علاقے کیش پور میں ترنمول کانگریس کے ایک کارکن کو مبینہ طور پر چاقو سے وار کرکے ہلاک کردیا گیا۔ انتخابات کے دوسرے مرحلے میں 30 سیٹوں پر پولنگ ہو رہی ہے۔

خیال رہے کہ ممتا بنرجی نے الیکشن کمیشن پر غیر فعال ہونے کا الزام عائد کرتے ہوئے کہا کہ بی جے پی اور امت شاہ کے اشارے پر کمیشن کام کر رہا ہے۔

وزیر خزانہ نرملا سیتارمن نے جمعرات کے روز اس سلسلے میں ایک ٹویٹ کرتے ہوئے کہا کہ سنہ 2020-21 کی آخری سہ ماہی میں چھوٹی بچت اسکیموں پر جس شرح سے سود مل رہا تھا، وہ شرح سود 2021-22 کی پہلی سہ ماہی میں بھی برقرار رہے گا۔

نئی دہلی: چھوٹی بچت اسکیموں پر شرح سود میں کٹوتی فیصلے سے پلٹے ہوئے حکومت نے جمعرات کو کہا کہ ان اسکیموں پر حسب سابق سود ملتا رہے گا۔ وزیر خزانہ نرملا سیتارمن نے جمعرات کے روز اس سلسلے میں ایک ٹویٹ کرتے ہوئے کہا کہ سنہ 2020-21 کی آخری سہ ماہی میں چھوٹی بچت اسکیموں پر جس شرح سے سود مل رہا تھا، وہ شرح سود 2021-22 کی پہلی سہ ماہی میں بھی برقرار رہے گا۔

انہوں نے کہا کہ سود کی شرحوں میں کٹوتی کے سلسلے میں جو احکامات جاری کئے گئے تھے، ان کو واپس نہیں لیا جارہا ہے اور ان پر حسب سابق سود ملتا رہے گا۔ وزارت خزانہ ان اسکیموں پر ہر تین ماہ بعد  شرح سود کا اعلان کرتی ہے۔

Interest rates of small savings schemes of GoI shall continue to be at the rates which existed in the last quarter of 2020-2021, ie, rates that prevailed as of March 2021.
Orders issued by oversight shall be withdrawn. @FinMinIndia @PIB_India

— Nirmala Sitharaman (@nsitharaman) April 1, 2021

واضح ر ہے کہ حکومت نے چھوٹی بچت اسکیموں پر شرح سود میں آدھے فیصد سے ایک فیصد کی کٹوتی کرنے کا فیصلہ کیا تھا، جس سے پی پی ایف پر شرح سود 46 سال کی کم ترین سطح پر آگئی تھی۔ اس طرح 46 برسوں میں پہلی مرتبہ شرح سود 7 فیصد سے کم ہوکر 6.4 فیصد پر آگئی تھی۔ اسی طرح نیشنل سیونگ سرٹیفکیٹ پر بھی شرح سود 6.8 فیصد سے کم کر 5.9 فیصد کردی گئی تھی۔

اس کے ساتھ ہی سکنیا سمردھی یوجنا پر شرح سود کو بھی 7.6 فیصد سے کم کر کے 6.9 فیصد کر دیا تھا۔ سینئر سٹیزن کی بچت اسکیموں پر شرح سود کو 7.4 فیصد سے کم کر کے 6.5 فیصد کردیا گیا تھا۔ کسان وکاس پتر پر بھی سود کی شرح 6.9 فیصد سے کم کر کے 6.2 فیصد کردی گئی تھی۔ پوسٹ آفس سیونگ اسکیم پر شرح سود کو چار فیصد سے کم کرکے ساڑھے تین فیصد کردیا گیا۔

مغربی بنگال کی سب سے مشہور نندی گرام اسمبلی سیٹ پر بھی ووٹنگ ہو رہی ہے، جہاں سے ریاست کی وزیر اعلی ممتا بنرجی اور ترنمول کانگریس چھوڑ کر بھارتیہ جنتا پارٹی میں شامل ہوئے سابق وزیر شوبھندو ادھیکاری آمنے سامنے ہیں۔

نئی دہلی: مغربی بنگال اور آسام میں اسمبلی انتخابات کے دوسرے مرحلے میں جمعرات کو 69 سیٹوں پر ووٹنگ جاری ہے۔

اس مرحلے میں مغربی بنگال کی سب سے مشہور نندی گرام اسمبلی سیٹ پر بھی ووٹنگ ہو رہی ہے، جہاں سے ریاست کی وزیر اعلی ممتا بنرجی اور ترنمول کانگریس چھوڑ کر بھارتیہ جنتا پارٹی میں شامل ہوئے سابق وزیر شوبھندو ادھیکاری آمنے سامنے ہیں۔

مغربی بنگال میں آج 30 سیٹوں پر ووٹنگ ہو رہی ہے۔ ان میں ساؤتھ 24 پرگنہ کی 4 سیٹوں، بنکورا کی 8، ایسٹ مدنی پور 9، مغربی مدنی پور کی 9 سیٹیں شامل ہیں۔ 30 سیٹوں کے لئے 171 امیدوار میدان میں ہیں۔ ان میں 152 مرد اور 19 خواتین ہیں۔ دوسرے مرحلے کی ووٹنگ کے لئے 3،210 پولنگ بوتھ قائم کئے گئے ہیں۔

ریاستوں کی چار اسمبلیوں میں سیکیورٹی اہلکاروں کی 800 کمپنیاں تعینات کی گئی ہیں۔ ان میں سے 22 کمپنیاں صرف نندی گرام میں رہیں گی۔ حساس بوتھ پر دو سیکیورٹی اہلکار تعینات رہیں گے۔ الیکشن کمیشن نے انتخابات کو شفاف بنانے کے لئے نندی گرام کے پولنگ بوتھ پر سی سی ٹی وی کیمرے لگوائے ہیں۔ یہاں انتخابات کی ویڈیو گرافی اور ویب کاسٹنگ بھی ہوگی۔

وہیں آسام کی 39 سیٹوں پر جمعرات کو ووٹنگ جاری ہے۔ ان سیٹوں پر 345 امیدوار میدان میں ہیں۔ الیکشن کمیشن کے مطابق آسام کی 39 سیٹوں پر 73،44،631 رائے دہندگان اپنے حق رائے دہی کا استعمال کریں گے۔ ووٹ دیں گے اس میں 37،34،537 مرد، 36،09،959 خواتین اور 135 ووٹر ٹرانسجینڈر ہیں۔ آسام میں دوسرے مرحلے میں چار وزیر انتخابات لڑ رہے ہیں۔

ڈبلیو ایچ او کے اسٹریٹجک ایڈوائزری گروپ کے سربراہ ایلیجینڈرو کرویوٹو نے کہا کہ دونوں ویکسین کے کلینیکل ٹرائل کے ڈیٹا سے پتہ چلتا ہے کہ یہ طے شدہ معیار کے مطابق کارگر ہے۔

جنیوا: عالمی ادارۂ صحت (ڈبلیو ایچ او) کی ماہر کمیٹی کے مطابق چین کی دوا ساز کمپنی سینوفارم اور سینووک کی کورونا ویکسین ڈبلیو ایچ او کے طے شدہ معیار کے مطابق کار گر پائی گئی ہے۔

ڈبلیو ایچ او کے اسٹریٹجک ایڈوائزری گروپ کے سربراہ ایلیجینڈرو کرویوٹو نے کہا کہ دونوں ویکسین کے کلینیکل ٹرائل کے ڈیٹا سے پتہ چلتا ہے کہ یہ طے شدہ معیار کے مطابق کارگر ہے۔

مسٹر کرویوٹو نے کہا کہ دونوں ویکسینوں کے بزرگ افراد پر کی گئی آزمائش کا ڈیٹا ابھی دستیاب نہیں ہو پایا ہے۔

انہوں نے کہا کہ ویکسین کے محفوظ اور کار گر ہونے سے متعلق مزید مطالعے کی ضرورت ہے۔

ممتا بنرجی نے لکھا ہے کہ میرے اس خط کا مقصد ہندوستان کی جمہوریت کو لاحق خطرات کو اجاگر کرنا ہے۔ انہوں نے پارلیمنٹ کے دونوں ایوانوں کے ذریعے قومی دارالحکومت دہلی (ترمیمی) بل کی منظوری کا ذکر کرتے ہوئے کہا کہ یہ ایک "انتہائی سنگین” قدم ہے۔

کلکتہ: دوسرے مرحلے کی پولنگ سے قبل وزیر اعلیٰ ممتا بنرجی نے غیر بی جے پی جماعتوں کے سربراہوں کو خط لکھ کر بی جے پی کے ذریعہ ہندوستان کی جمہوریت اور آئینی فیڈرلزم پر حملے کو اجاگر کیا ہے۔

ممتا بنرجی کے اس خط کو ترنمول کانگریس کے لیڈروں نے آج جاری کیا ہے۔ اس خط کے ذریعہ اپوزیشن لیڈروں کی حمایت حاصل کی گئی ہے۔ اس خط میں بی جے پی اور مرکزی حکومت کے غیر آئینی اقدامات کا تفصیل سے ذکر ہے۔ ممتا بنرجی نے لکھا ہے کہ جان بوجھ کر ملک کے وفاقی ڈھانچے کو نقصان پہنچایا گیا ہے۔

خط کا مقصد ہندوستان کی جمہوریت کو لاحق خطرات کو اجاگر کرنا

ممتا بنرجی نے لکھا ہے کہ میرے اس خط کا مقصد ہندوستان کی جمہوریت کو لاحق خطرات کو اجاگر کرنا ہے۔ انہوں نے پارلیمنٹ کے دونوں ایوانوں کے ذریعے قومی دارالحکومت دہلی (ترمیمی) بل کی منظوری کا ذکر کرتے ہوئے کہا کہ یہ ایک "انتہائی سنگین” قدم ہے۔

اس قانون کے ساتھ ہی، مرکز میں بی جے پی حکومت نے دہلی کی جمہوری طور پر منتخب حکومت کے عملی طور پر تمام اختیارات چھین لئے ہیں۔ انھیں مرکز کے نامزد امیدوار لیفٹیننٹ گورنر کے حوالے کر دیا ہے۔ انہوں نے کہا، دہلی کے غیر اعلانیہ وائسرائے، وزیر داخلہ اور وزیر اعظم کے لئے پراکسی کی حیثیت سے کام کر یں گے۔

تین صفحات پر مشتمل خط میں کانگریس کی چیئرپرسن سونیا گاندھی، نیشنلسٹ کانگریس پارٹی کے شرد پوار، ڈی ایم کے کے سربراہ یم کے اسٹالن، سماج وادی پارٹی کے اکھلیش یادو، راشٹریہ جنتا دل کے تیجسوی یادو، شیوسینا کے ادھو ٹھاکرے سمیت دیگر لیڈروں کے نام لکھا گیا ہے۔