طالبان اپنے دہشت گردوں کو رمضان کے مقدس مہینے کے اختتام پر عید الفطر کے بعد تین دن تک لڑائی نہ کرنے کے لئے کہے گا۔

کابل: افغانستان میں طالبان نے رمضان کے مقدس مہینے کے اختتام پر عید الفطر کے بعد تین دن تک جنگ بندی کا اعلان کیا ہے۔ تنظیم کے قریبی ذرائع نے یہ معلومات دی۔

ذرائع کے مطابق طالبان اپنے دہشت گردوں کو عید الفطر کے بعد تین دن تک لڑائی نہ کرنے کے لئے کہے گا۔ قطر کے دارالحکومت دوحہ میں افغان حکومت اور طالبان کے نمائندوں کے مابین جاری امن مذاکرات کے باوجود پرتشدد جھڑپیں اور بم دھماکوں کے واقعات پیش آ رہے ہیں۔

مسلسل چوتھا روز پٹرول – ڈیزل کی قیمتوں میں اضافہ ہوا ہے۔ آج، ان کی قیمت ریکارڈ سطح پر پہنچ گئی ہے۔ چار دن میں پٹرول 87 پیسے اور ڈیزل میں ایک روپیہ اضافہ ہوا ہے۔ انتخابی نتائج کے بعد چار مئی سے دونوں ایندھن کی قیمتوں میں مسلسل اضافہ کیا جارہا ہے۔

نئی دہلی: ملک میں پٹرول اور ڈیزل کی قیمتیں آج تاریخی سطح پر پہنچ گئی ہیں۔
پٹرول کی قیمتوں میں 28 پیسے اور ڈیزل 33 پیسے فی لیٹر کا اضافہ کیا گیا۔ یہ مسلسل چوتھا روز ہے جب دونوں ایندھنوں کی قیمتوں میں اضافہ ہوا ہے۔ آج ان کی قیمت اب تک کی ریکارڈ سطح پر پہنچ گئی ہے۔ چار دنوں کے دوران پٹرول 87 پیسے اور ڈیزل ایک روپے مہنگا ہوچکا ہے۔

ملک کی سب سے بڑی آئل مارکیٹنگ کمپنی انڈین آئل کارپوریشن کے مطابق قومی دارالحکومت دہلی میں جمعہ کو پٹرول 28 پیسے اضافے کے ساتھ 91.27 روپے فی لیٹر پر پہنچ گیا ہے۔ جبکہ ڈیزل کی قیمت 31 پیسے بڑھ کر 81.73 روپے فی لیٹر ہوگئی ہے۔

انتخابی نتائج کے بعد سے دونوں ایندھن کی قیمتوں میں مسلسل اضافہ

گزشتہ سطح ریکارڈ 27 فروری سے 23 مارچ 2021 تک رہا تھا۔ اس کے بعد چار ریاستوں اور مرکز کے زیر انتظام علاقہ پڈوچیری میں ہونے والے اسمبلی انتخابات کے دوران چار دن پٹرول اور ڈیزل کی قیمتوں میں کٹوتی کی گئی تھی جبکہ بقیہ دن قیمتیں مستحکم رکھی گئی تھیں۔

انتخابی نتائج کے بعد چار مئی سے دونوں ایندھن کی قیمتوں میں مسلسل اضافہ کیا جارہا ہے۔

ممبئی اور کولکاتہ میں آج پٹرول 27-27 پیسے اور چنئی میں 25 پیسے مہنگا ہو ا ہے۔ ممبئی میں ایک لیٹر پٹرول کی قیمت 97.61 روپے، چنئی میں 93.15 روپے اور کولکاتہ میں 91.41 روپے فی لیٹر پہنچ گئی ہے۔

ممبئی میں ڈیزل کی قیمت میں 33 پیسے، چنئی میں 30 پیسے اور کولکاتہ میں 31 پیسے کا اضافہ ہوا ہے۔ ممبئی میں ڈیزل کی قیمت 88.82 روپے، چنئی میں 86.65 روپے اور کولکتہ میں 84.57 روپے فی لیٹر ہے۔

پٹرول اور ڈیزل کی قیمتوں کا روزانہ جائزہ لیا جاتا ہے اور اسی بنیاد پر ہر دن صبح چھ بجے سے نئی قیمتیں نافذ ہوتی ہیں۔

ملک کے چار بڑے شہروں میں پٹرول اور ڈیزل کی قیمتیں مندرجہ ذیل ہیں

شہر ———   پیٹرول ——— ڈیزل

دہلی ———  91.27 ——81.73
ممبئی ———97.61 —— 88.82
چنئی ———93.15 ——86.65
کولکتہ ———91.41 ——84.57

راجستھان میں بڑھتی ہوئی عالمی مہاماری کورونا کی دوسری لہر کو توڑنے کے لئے، حکومت نے 10 سے 24 مئی تک سخت لاک ڈاؤن نافذ کرنے کا فیصلہ کیا ہے۔

جے پور: راجستھان میں بڑھتی عالمی مہاماری کورونا کی دوسری لہر کی کڑی کو توڑنے کے لیے حکومت نے 10 سے 24 مئی تک سخت لاک ڈاؤن نافذ کرنے کا فیصلہ کیا ہے۔ وزیراعلیٰ اشوک گہلوت کی صدارت میں جمعرات کی رات ویڈیو کانفرنس کے ذریعہ ہوئی کابینیہ کی میٹنگ میں یہ فیصلہ کیا گیا۔

ریاست میں 10 مئی صبح پانچ بجے سے 24 مئی صبح پانچ بجے تک یہ لاک ڈاؤن جاری رہے گا۔ شادی کی تقریب بھی 31 مئی تک نہیں ہوگی۔ اس دوران ہر طرح کے مذہبی مقامات بند رہیں گے۔ گاؤں میں منریگا کے کام بھی بند رہیں گے۔

اس دوران نجی اور روڈویز بسوں کو بھی بند کیا جائے گا۔ ایک ضلع سے دوسرے ضلع میں آمد و رفت بند رہے گی۔ گھر پر شادی کرنے کی اجازت ہوگی لیکن 11 سے زیادہ مہمانوں کی اجازت نہیں۔ کورٹ میرج کی اجازت بھی ہوگی۔ شادی کی جگہ مالکوں، ٹینٹ کاروباریوں، کیٹرنگ چلانے والوں اور بینڈ-باجا والوں وغیرہ کو ایڈوانس بکنگ کی رقم لوٹانا ہوگی یا بعد میں انعقاد ہونے پر شامل کرنا ہوگی۔

محکمہ داخلہ کی جانب سے سخت لاک ڈاؤن کی گائڈ لائن بھی جاری

محکمہ داخلہ نے سخت لاک ڈاؤن کی گائڈ لائن بھی جاری کردی۔ نئی گائڈ لائن میں پہلے سے جاری پابندیوں کو جاری رکھتے ہوئے پبلک ٹرانسپورٹ پر پابندی لگائی گئی ہے۔ 17 مئی تک کے لیے پہلے سے جاری پابندیوں کو جاری رکھا گیا ہے۔ لاک ڈاؤن کے دوارن بس، ٹیکسی بند رہیں گی۔ بازار بند رہیں گے۔

لاک ڈاؤن میں پہلے کی طرح پھل، سبزی، دودھ، کرانہ جیسی عام ضرورت کی چیزیں ملتی رہیں گی۔ ان کے کھلنے اور بند رہنے کا وقت پہلے کی طرح ہی رہے گا۔
میڈیکل خدمات کے علاوہ ہر طرح کے پرائیویٹ اور سرکاری ٹرانسپورٹ کے وسائل-بس، جیپ وغیرہ پوری طرح بند رہیں گے۔ بارات کے لیے بس، آٹو، ٹیمپو، جیپ وغیرہ کی اجازت نہیں ہوگی۔

ہر طرح کی آمد و رفت پر پابندی

میڈیکل، ایمرجنسی خدمات اور پرمیٹیڈ کٹیگری کو چھوڑ کر ایک ضلع سے دوسرے ضلع، ایک شہر سے دوسرے شہر، شہر سے گاؤں، گاؤں سے شہر اور ایک گاؤں سے دوسرے گاؤں میں ہر طرح کی آمد و رفت پر پابندی رہے گا۔

صنعتوں اور تعمیرات سے متعلق تمام یونٹس میں کام کرنے کی اجازت ہوگی۔ مزدوروں کو آئی کارڈ جاری کرنے ہوں گے۔ صنعتوں میں اہلکاروں کو لانے لے جانے کے لیے بس کی اجازت، پاس جاری ہوں گے۔ صنعتوں میں مینوفیکچرنگ یونٹس میں مزدوروں کو لانے لے جانے کے لیے خصوصی بسوں کو چلانے کی اجازت ہوگی۔

مزدوروں کے پاس جاری ہوں گے۔ ان اداروں کو مزدوروں کے پاس کے لیے مجاز شخص کے دستخط اور تفصیلات، اسپیشل بس نمبر، ڈرائیور کا نام ضلع کلیکٹر دفتر میں دینے ہوں گے۔

دارالحکومت میں کورونا انفیکشن کے نئے معاملوں سے متاثرہ افراد کی تعداد بڑھ کو مجموعی طور سے 12،73،035 ہوگئی ہے۔ مزید 335 افراد کی ہلاکت کے ساتھ ہی مرنے والوں کی تعداد بڑھ کر مجموعی طور سے 18،398 ہوگئی ہے۔

نئی دہلی: قومی دارالحکومت دہلی میں جمعرات کو کورونا انفیکشن کے 19،133 نئے معاملے رپورٹ ہوئے جبکہ 335 ​​افراد اس وبا کی وجہ سے ہلاک ہوگئے۔

دارالحکومت میں کورونا وائرس انفیکشن کے نئے معاملوں سے متاثرہ افراد کی تعداد بڑھ کو مجموعی طور سے 12،73،035 ہوگئی ہے۔ مزید 335 افراد کی ہلاکت کے ساتھ ہی مرنے والوں کی تعداد بڑھ کر مجموعی طور سے 18،398 ہوگئی ہے۔ اس سے قبل بدھ کو دہلی میں کورونا کے 20،960 نئےمعاملے اور 311 مزید افراد کی موت ہوئی تھی۔

دہلی میں پوزیٹو آنے کی شرح 24.29 فیصد ریکارڈ کی گئی ہے۔ گزشتہ 18 دنوں میں یہ پہلا موقع ہے جب یہ شرح 25 فیصد سے نیچے آئی ہے۔ گذشتہ روز دارالحکومت میں کم از کم 78،780 کورونا ٹیسٹ کئے گئے جبکہ 20،028 افراد کورونا سے صحتیاب ہوئے اور انہیں اسپتال سے چھٹی دی گئی۔ دارالحکومت میں کورونا سے صحتیاب ہونے والوں کی مجموعی تعداد 16،64،008 ہوگئی ہے۔

اس وقت شہر میں کورنٹائن میں 50،562 کووڈ مریض ہیں۔ فعال معاملوں کی تعداد 90،629 ہوگئی ہے۔ دارالحکومت میں کنٹیمنٹ زون کی تعداد بڑھ کر 49،123 ہوگئی ہے۔

اس دوران حکومت نے گذشتہ 24 گھنٹوں کے دوران 68،025 افراد کو کورونا وائرس سے بچاؤ کے ٹیکے لگائے۔ جن میں سے 56،857 کو کورونا کی پہلی ویکسین دی گئی جبکہ 11،348 کو دوسری خوراک دی گئی۔ قومی دارالحکومت میں اب تک 35،52،037 افراد کو کورونا وائرس سے بچاؤ کے ٹیکے لگائے جاچکے ہیں۔

مدھیہ پردیش میں کورونا کی دوسری لہر سے پیدا ہوئی صورتحال بڑی حد تک قابو میں آگئی ہے۔ لیکن اس پر مکمل طور پر قابو پانے کے لئے پوری ریاست میں 15 مئی تک کورونا کرفیو نافذ کرنے کا فیصلہ کیا گیا ہے۔

بھوپال: مدھیہ پردیش کے وزیراعلیٰ شیوراج سنگھ چوہان نے آج کہا کہ کورونا کی دوسری لہر کے سبب پیدا شدہ صورتحال کافی حد تک کنٹرول میں آئی ہے۔ لیکن اس پر مکمل قابو پانے کے لیے پورے ریاست میں 15 مئی تک کورونا کرفیو لگانے کا فیصلہ کیا گیا ہے۔

مسٹر چوہان نے یہاں ’کِل کورونا 2 مہم‘ کے سلسلے میں ویڈیو کانفرنسنگ کے ذریعہ ریاست کے مختلف عوامی نمائندوں، افسران اور فیلڈ عملے سے خطاب کیا۔

وزیراعلیٰ نے اس بات پر تشویش کا اظہار کیا کہ اس بار کورونا وائرس گاؤں تک میں پھیل گیا ہے۔ اس وائرس کی چین کو توڑنا ہوگا اور اس کے لیے 15 مئی تک مکمل مدھیہ پردیش میں کرفیو رہے گا۔

وزیراعلیٰ نے کہا کہ تمام عوامی نمائندے، انتظامی عملے کے ساتھ مل کر گاؤں گاؤں تک پہنچیں اور کورونا مریضوں کی شناخت کرکے ان کے گھروں کو چھوٹے چھوٹے علاقے کے طور پر بنائے۔ اس کے ساتھ ہی متعلقہ مریض کا فوراً علاج شروع کیا جائے۔ یہ کام تمام گاؤں کے ساتھ ہی چھوٹے قصبوں اور شہروں میں بھی کیا جائے۔ انہوں نے دعویٰ کیا کہ یہ کرنے کے بعد ہم ریاست میں کورونا کی چین کو توڑ کر اس پر مؤثر ڈھنگ سے قابو پا سکتے ہیں۔

امریکی صدر جو بائیڈن کے افغانستان سے امریکی افواج کے انخلا کے فیصلے کی ملک کی دو تہائی آبادی نے حمایت کی۔ چارلس کوچ انسٹی ٹیوٹ کے ایک سروے میں ان حقائق کا انکشاف ہوا ہے۔

واشنگٹن: افغانستان میں تعینات امریکی افواج کے انخلا کے تعلق سے امریکی صدر جو بائیڈن کے فیصلے کی ملک کے دوتہائی آبادی نے حمایت کی ہے۔ چارلس کوچ انسٹی ٹیوٹ کے ایک سروے میں ان حقائق کا انکشاف ہوا ہے۔

اگلے ستمبر تک، عام لوگوں سے امریکی فوجوں کے انخلا کے بارے میں رائے طلب کی گئی تھی۔ جس میں 66 فیصد نے جواب دیا اور وہ مضبوطی سے یا کسی حد تک اس کی حمایت کرتے ہیں۔

اڑتیس فیصد فوجی خاندانوں کے لوگوں اور بزرگ شہریوں کا کہنا ہے کہ وہ افغانستان میں تعینات امریکی افواج کے انخلا کی مکمل حمایت کرتے ہیں۔ جبکہ تیس فیصد نے کچھ حد تک حمایت کا اظہار کیا ہے۔

کولمبیا میں 28 اپریل سے 4 مئی کے درمیان ہونے والے مظاہروں کے دوران 31 افراد مارے گئے ہیں۔ اس کے علاوہ 1220 مظاہرین زخمی ہوئے ہیں، جن میں سے 18 کی حالت تشویشناک ہے۔ وہیں 87 افراد لاپتہ ہیں۔

میکسیکو سٹی: کولمبیا میں محصول اصلاحات کے خلاف ملک گیر احتجاجی مظاہروں کے دوران مرنے والوں کی تعداد 31 ہوگئی ہے۔ جبکہ 87 افراد لاپتہ ہیں۔ وہیں 1220 افراد زخمی ہو گئے ہیں۔

ڈویلپمنٹ اینڈ پیس اسٹڈی انسٹی ٹیوٹ کے مطابق 28 اپریل سے 4 مئی کے درمیان ہونے والے مظاہروں کے دوران 31 افراد مارے گئے ہیں۔ مرنے والوں میں ایک پولیس افسر بھی شامل ہے۔ اس کے علاوہ 1220 مظاہرین زخمی ہوئے ہیں، جن میں سے 18 کی حالت تشویشناک ہے۔ وہیں 87 افراد لاپتہ ہیں۔

صدر ایوان ڈوک نے وزارت خزانہ کو ٹیکس اصلاحات کے مسودے میں ترمیم کرنے کی ہدایت دی تھی۔ اتوار کے روز اسے مسترد بھی کردیا گیا۔ تاہم اس کے باوجود دیگر مختلف مطالبات کے سلسلے میں ملک میں احتجاج جاری ہے۔

ٹریڈ یونینیں اور طلبہ تنظیمیں سینیٹری ایمرجنسی اور طبی اصلاحات کا جائزہ لینے اور مظاہرین کی موت کے ذمہ داروں کو سزا دینے کا مطالبہ کررہی ہیں۔

راہل گاندھی نے کورونا سے دوچار لوگوں کے لئے غیر ملکی امداد کی تقسیم میں شفافیت کے بارے میں سوالات اٹھاتے ہوئے دریافت کیا کہ یہ مدد کہاں جارہی ہے اس بارے میں حکومت کو جواب دینا چاہئے۔

نئی دہلی: سابق کانگریس صدر راہل گاندھی نے بدھ کو کورونا سے دوچار لوگوں کے لئے غیر ملکی امداد کی تقسیم میں شفافیت کے بارے میں سوالات اٹھاتے ہوئے دریافت کیا کہ یہ مدد کہاں جارہی ہے اس بارے میں حکومت کو جواب دینا چاہئے۔

مسٹر راہل گاندھی نے ٹویٹ کے ذریعہ غیر ملکی امداد سے متعلق کچھ سوالات پوچھے:
– ہندوستان کو بیرون ممالک سے کتنی مدد ملی؟
– کہاں ہے وہ امداد؟
– اس مدد کا فائدہ کن چار لوگوں کو مل رہا ہے؟
– ریاستوں کو یہ کس طرح مختص کیا جارہا ہے؟
– کیوں اس کام میں شفافیت نہیں ہے؟
– حکومت ہند کے پاس اس کا کوئی جواب ہے؟

Questions about Covid foreign aid:

– What all supplies has India received?
– Where are they?
– Who is benefitting from them?
– How are they allocated to states?
– Why no transparency?

Any answers, GOI?

— Rahul Gandhi (@RahulGandhi) May 5, 2021

اس سے پہلے مسٹر گاندھی نے مرکزی حکومت کو کورونا سے لڑائی میں ناکام قرار دیا تھا اور کہا تھا کہ "کوئی ویکسین نہیں، روزگار نہیں ہے، کورونا نے لوگوں کو مار ڈالا، بالکل ناکام مودی حکومت!۔‘‘

بنگال اسمبلی انتخابات میں زبردست فتح کے بعد ترنمول کانگریس کی سپریمو ممتا بنرجی کو راج بھون میں آج ایک سادہ تقریب میں گورنر جگدیپ دھنکر سے وزارت اعلیٰ کا حلف لیا۔ کورونا بحران کی وجہ سے مہمانوں کی تعداد کو بہت ہی محدود کیا گیا تھا۔

کلکتہ: ترنمول کانگریس کی سپریمو ممتا بنرجی بنگال اسمبلی انتخابات میں شاندار جیت حاصل کرنے کے بعد آج راج بھون میں ایک سادہ تقریب میں گورنر جگدیپ دھنکر سے وزارت اعلیٰ کا حلف لیا۔ کورونا بحران کی وجہ سے مہمانوں کی تعداد کو بہت ہی محدود کیا گیا تھا۔

2 مئی کو آئے نتائج میں ترنمول کانگریس نے 294 میں سے 213 سیٹوں پر ریکارڈ جیت حاصل کی تھی۔

ممتا بنرجی نے حلف لینے کے بعد کہا ہے کہ وہ ترجیحی بنیادوں پر کورونا وائرس اور ریاست میں امن و امان قائم کرنے کی کوشش کریں گے۔ انہوں نے کہا کہ بڑے پیمانے پر انتظامی امور میں تبدیلی کی جائے گی۔ گزشتہ تین مہینے سے ریاست میں انتظامی امور الیکشن کمیشن کے ہاتھوں میں ہے اس لئے ہمیں اپنے طور پر تبدیلی کرنی ہوگی۔ انہوں نے سیاسی جماعتوں سے اپیل کی کہ ریاست میں امن و امان قائم کرنے میں تعاون کریں گے۔

تمام سیاسی جماعتوں سے ریاست میں امن و امان برقرار رکھنے کی اپیل

ممتا بنرجی نے کہا کہ اب وہ تشدد کو برداشت نہیں کریں گی، میں تمام سیاسی جماعتوں سے ریاست میں امن و امان برقرار رکھنے کی اپیل کرتی ہوں۔ بنگال تشدد اور جھڑپ کی حمایت نہیں کرتی ہے۔ ممتا بنرجی نے کہا کہ وہ سہ پہر تین بجے کورونا کی صورت حال پر ہنگامی میٹنگ کریں گی جس میں اہم فیصلے لئے جائیں گے۔ اس کے علاوہ انتظامی ڈھانچے میں بھی کچھ تبدیلیاں اور افسران کا تبادلہ کیا جائے گا۔

گورنر جگدیپ دھنکر نے کہا کہ انتخابات کے بعد ریاست میں امن و امان کی صورتحال خراب ہوتی جارہی ہے۔ انہوں نے ممتا بنرجی کو ریاست میں انتخابات کے بعد کی صورتحال کی یاد دلاتے ہوئے کہا کہ چھوٹی بہن کی حیثیت سے، میں توقع کروں گا کہ وزیر اعلی ممتا بنرجی ریاست میں انتخابات کے بعد ہونے والی جھڑپوں کو روکنے کے لئے ضروری اور فوری اقدامات کریں گی۔ بنگال میں انتخابات کے نتائج آنے کے بعد سے ہی تشدد کے واقعات ہو رہے ہیں۔ اس لئے اس پر قابو پانے کی کوشش ہے۔ اس کے جواب میں ممتا بنرجی نے کہا کہ وہ فوری طور پر حالات کو قابو میں کریں گی چوں کہ لا اینڈ آرڈر الیکشن کمیشن کے ہاتھ میں تھا اس لئے اس میں بڑے پیمانے پر تبادلہ کردیا تھا۔ اب میں مضبوط ہاتھوں سے اس میں تبدیلی لاؤں گی اور حالات کو قابو میں کرنے کی کوشش کروں گی۔

حلف برداری کی تقریب میں بی جے پی کے ریاستی صدر دلیپ گھوش نے شرکت نہیں کی

حلف برداری کی تقریب میں ریاستی کانگریس کے صدر ادھیر رنجن چودھری، بائیں محاذ کے چیئرمین بمان بوس اور بی جے پی کے ریاستی صدر دلیپ گھوش شریک نہیں ہوئے جب کہ انہیں دعوت دی گئی تھی۔ سابق ریاستی وزیر اعلی بدھا دیب بھٹاچاریہ بیماری کی وجہ سے مدعو ہونے کے باوجود ممتا بنرجی کی تقریب حلف برداری میں شرکت نہیں کرسکے۔ دریں اثنا دلیپ گھوش نے کہا کہ ان حالات میں جب ہمارے ورکر مارے جارہے ہیں تو ہم تقریبب حلف بردار میں کیسے شریک ہوسکتے ہیں۔ جب کہ ادھیر رنجن چودھری نے کہا کہ انہیں کوئی دعوت نہیں ملا۔

انڈین آئل کارپوریشن کے مطابق قومی دارالحکومت دہلی میں آج پٹرول 19 پیسے مہنگا ہو کر 90.74 روپے فی لیٹر پر پہنچ گیا۔ اس سے قبل منگل کو اس کی قیمت میں 15 پیسے کا اضافہ کیا گیا تھا۔

نئی دہلی: پٹرول اور ڈیزل کی قیمتوں میں بدھ کو مسلسل دوسرے روز بھی اضافہ کیا گیا ہے۔ دو ماہ سے زیادہ کے وقفے کے بعد منگل کے روز ان کی قیمتوں میں اضافہ ہوا تھا۔

ملک کی سب سے بڑی آئل مارکیٹنگ کمپنی انڈین آئل کارپوریشن کے مطابق قومی دارالحکومت دہلی میں آج پٹرول 19 پیسے مہنگا ہو کر 90.74 روپے فی لیٹر پر پہنچ گیا۔ اس سے قبل منگل کو اس کی قیمت میں 15 پیسے کا اضافہ کیا گیا تھا۔

ڈیزل کی قیمت آج 21 پیسے بڑھی اور یہ 81.12 روپے فی لیٹر ہوگیا۔ گزشتہ روز اس کی قیمت میں 18 پیسے کا اضافہ ہوا تھا۔

ممبئی میں پٹرول 17 پیسے، چنئی میں 15 پیسے اور کولکتہ میں 16 پیسے بڑھ کر بالترتیب 97.12، 92.70 اور 90.92 روپے فی لیٹر تک پہنچ گیا۔

ڈیزل ممبئی میں 21 پیسے، چنئی میں 19 پیسے اور کولکتہ میں 20 پیسے مہنگا ہوگیا۔ اس کی قیمت ممبئی میں 88.19 روپے، چنئی میں 86.09 روپے اور چنئی میں 83.98 روپے فی لیٹر رہی۔

پٹرول اور ڈیزل کی قیمتوں کا روزانہ جائزہ لیا جاتا ہے اور اسی بنیاد پر ہر دن صبح چھ بجے سے نئی قیمتیں لاگو ہوتی ہیں۔

ملک کے چار بڑے شہروں میں آج پٹرول اورڈیزل کی قیمتیں مندرجہ ذیل ہیں:

شہر ————— پیٹرول  —————— روپے

دہلی ————— 90.74 —————— 81.12

ممبئی ۔———— 97.12 —————— 88.19

چنئی ———— 92.70 ——————86.09

کولکتہ ———— 90.92 —————— 83.98