وزیر اعظم نریندر مودی سہ پہر دو بجے ویڈیو کانفرنس کے ذریعے کسانوں سے خطاب کریں گے۔ کسانوں کو ان کانفرنسوں میں نئے زرعی قوانین کی فائدہ مند دفعات کے بارے میں تفصیل سے معلومات فراہم کی جائیں گی۔

بھوپال: مدھیہ پردیش کے وزیر اعلی شیوراج سنگھ چوہان نے ریاست میں چار سطحی کسان بہبود پروگرام اور کانفرنسوں کے حوالے سے جمعہ کو یہاں ایک اجلاس میں تفصیلی ہدایات دیں۔

سرکاری ذرائع کے مطابق، مسٹر چوہان نے ویڈیو کانفرنس کے ذریعے ہدایت دی کہ کلکٹر ان پروگراموں کی پوری تیاری کو جنگی بنیادوں پر مکمل کرے اور کاشتکاروں کو آج ہی معلومات بھیجے۔ ریاستی سطح کی جنرل کانفرنس رائے سن میں ہوگی، جس میں وزیر اعلی شامل ہوں گے۔ دیگر کانفرنسیں ضلعی، ترقیاتی بلاک اور گرام پنچایت کی سطح پر ہوں گی۔ وزیر اعظم نریندر مودی ویڈیو کانفرنسنگ کے ذریعے کانفرنس سے خطاب بھی کریں گے۔

کسان کانفرنس کو کامیاب بنانے کے سلسلے میں کلکٹروں کو تفصیلی ہدایات

مسٹر چوہان نے کسان کانفرنس کو کامیاب بنانے کے سلسلے میں کلکٹروں کو تفصیلی ہدایات دیں۔ کسان کانفرنس میں، خریف 2020 میں فصلوں کے نقصانات کے لئے امدادی رقم کاشتکاروں کے کھاتوں میں منتقل کردی جائے گی۔ اس سے تقریباً 35 لاکھ 50 ہزار کسان مستفید ہوں گے۔ ان کاشتکاروں کے اکاؤنٹ میں تقریبا 1600 کروڑ کی رقم بھیجی جائے گی۔

مسٹر چوہان رائے سین میں ریاستی سطح کے مرکزی پروگرام میں حصہ لیں گے، جس میں تقریباً 20 ہزار کسان شامل ہوں گے۔ دوسرے اضلاع میں، وزیر ان پروگراموں میں کسانوں کو امدادی رقم تقسیم کریں گے۔ اسی طرح کے پروگرام بلاک اور دیہی سطح پر بھی ہوں گے۔

مسٹر چوہان کی کسان بہبود پروگرام کے لئے تمام تیاریاں مکمل کرنے کی ہدایت

مسٹر چوہان نے کہا کہ اسی طرح کے پروگرام بلاک اور دیہی سطح پر بھی ہوں گے۔ اس طرح ، مسٹر چوہان نے چار سطحی بڑے کسان بہبود پروگرام کے لئے تمام تیاریاں مکمل کرنے کی ہدایت دی۔

میٹنگ میں بتایا گیا کہ مجموعی طور پر 35 لاکھ کسانوں کو 1600 کروڑ روپے کی امدادی رقم تقسیم کرنے کے ساتھ ساتھ مویشی پالنے والوں کو بھی فوائد فراہم کیے جائیں گے۔ کسان کریڈٹ کارڈ کی تقسیم بھی اسی عرصے کے دوران کی جائے گی۔ محکمہ زراعت، محکمہ دیہی ترقی، محکمہ ریونیو خصوصی طور پر پروگرام کی تیاریوں کو حتمی شکل دیں گے اور دیگر محکمے تعاون کریں گے۔

معاشرتی دوری پر عمل کرنے کی ہدایت

مسٹر چوہان نے ہدایت دی کہ معاشرتی دوری پر عمل کرنے کی کوشش کریں۔ تمام کسان ماسک کا استعمال کریں۔ پروگرام ضروری احتیاطی تدابیر کے ساتھ پورا کیا جائے۔

وزیراعظم سہ پہر دو بجے ویڈیو کانفرنس کے ذریعے کسانوں سے خطاب کریں گے

مسٹر چوہان کے خطاب کے بعد، وزیر اعظم نریندر مودی سہ پہر دو بجے ویڈیو کانفرنس کے ذریعے کسانوں سے خطاب کریں گے۔ کسانوں کو ان کانفرنسوں میں نئے زرعی قوانین کی فائدہ مند دفعات کے بارے میں تفصیل سے معلومات فراہم کی جائیں گی۔

مسٹر چوہان نے کہا کہ ان کے ساتھ ساتھ، زرعی ترقی سے متعلق کاموں کا افتتاح اور سنگ بنیاد بھی رکھا جائے گا۔ کانفرنسوں میں کسان قوانین کی دفعات کے بارے میں تفصیلی معلومات دی جائیں گی۔ ہر ضلع میں تقریباً 1000 کسان شریک ہوں گے۔ مسٹر چوہان نے کہا کہ یہ پروگرام مختلف علاقائی چینلز اور ویب کاسٹ کے ذریعہ براہ راست نشر کیا جائے گا۔ انہوں نے ہدایت دی کہ آج کانفرنسوں کی تیاریوں کو حتمی شکل دی جائے۔

مودی حکومت کے زرعی شعبے سے جڑے تین قوانین کا جمعرات کو دہلی اسمبلی میں شدید مخالفت ہوئی۔ عآپ کے ممبران نے دہلی اسمبلی میں زرعی قوانین کی کاپیاں پھاڑ دیں اور جے جوان جے کسان کا نعرہ لگاتے ہوئے کہا کہ جو قانون کسانوں کے حق میں نہیں ہے، اسے قبول نہیں کریں گے۔

صوبائی اسپتال کے ذرائع نے بتایا کہ وزیر آباد کے علاقے میں سیکیورٹی کی ناکہ بندی پر دہشت گردوں کے حملے میں 13 سیکیورٹی فورسز ہلاک ہوگئے۔

کابل: افغانستان کے شمالی صوبے باگلان میں دہشت گردوں کے ساتھ تصادم میں کم از کم 13 سیکیورٹی فورسز ہلاک ہوگئے۔

صوبائی اسپتال کے ذرائع نے بتایا کہ وزیر آباد کے علاقے میں سیکیورٹی کی ناکہ بندی پر دہشت گردوں کے حملے میں 13 سیکیورٹی فورسز ہلاک ہوگئے۔ صوبہ باگلان کے ترجمان جاوید بشارت نے حملے کی تصدیق کی ہے لیکن مزید تفصیلات فراہم نہیں کیں۔

دہشت گرد تنظیم طالبان نے بھی ابھی تک اس حملے کے بارے میں کوئی تبصرہ نہیں کیا ہے۔

اسدالدین اویسی نے کہا کہ "اب تک آپ نے صرف فرمان بردار میر جعفرز اور صادقوں کے ساتھ ہی معاملہ کیا ہے۔ آپ ان مسلمانوں کو پسند نہیں کرتے جو خود سوچتے ہو اور بات کرتے ہیں۔”

کولکاتا: مغربی بنگال کی وزیر اعلی ممتا بنرجی کے ذریعہ اے ایم آئی ایم کی تنقید اور بی جے پی کی بی ٹیم قرار دئے جانے کے بعد اسد الدین اویسی نے آج ممتا بنرجی کو جواب دیتے ہوئے کہا کہ بنگال کے مسلمان ممتا بنرجی کی جاگیر نہیں ہیں۔ ممتا بنرجی نے ایک جلسے میں کہا تھا کہ بی جے پی کروڑوں روپے خرچ کرکے حیدرآباد کی ایک پارٹی کو آئندہ اسمبلی انتخابات میں کھڑا کرنے کی کوشش کررہی ہے۔

مسٹر اویسی نے ٹویٹ کرتے ہوئے لکھا ہے کہ وہ مسلمان جو اپنے لئے سوچتے اور بولتے ہیں، ممتا بنرجی انہیں پسند نہیں کرتیں۔ ترنمول کانگریس کی سپریموکے الزامات کا جواب دیتے ہوئے اویسی نے لکھا ہے کہ کوئی بھی انہیں پیسے سے نہیں خرید سکتا۔

दुनिया में कोई ऐसा आदमी पैदा नहीं हुआ जो असदुद्दीन ओवैसी को खरीद सके। ममता बनर्जी शायद भूल रही हैं कि वह अतीत में NDA का हिस्सा रह चुकी है और उसके लोग भरी तादाद में भाजपा में शामिल हो रहे हैं उन्हें अपने घर की फ़िक्र करनी चाहिए – बैरिस्टर @asadowaisi pic.twitter.com/bgVEswREpz

— AIMIM (@aimim_national) December 16, 2020

آل انڈیا مجلس اتحاد المسلمین کے صدر نے ٹویٹ کیا، "اب تک آپ نے صرف فرمان بردار میر جعفرز اور صادقوں کے ساتھ ہی معاملہ کیا ہے۔ آپ ان مسلمانوں کو پسند نہیں کرتے جو خود سوچتے ہو اور بات کرتے ہیں۔

اویسی نے لکھا ہے کہ خود آپ اپنے لوگوں کے بکھرنے سے خوف زدہ ہیں۔ آپ کے لوگ بی جے پی میں جارہے ہیں اس لئے آپ بے چین ہیں۔ اویسی نے الزام لگایا کہ ترنمول کانگریس کے رہنما نے بہار کے لوگوں کی توہین کی ہے جنہوں نے اے ایم آئی ایم کو ووٹ دیا۔

.@MamataOfficial बेचैन हैं क्यूंकि उनके लोग भाजपा में शामिल हो रहे हैं, मुझ पर बे बुनियाद इलज़ाम लगाने से बेहतर है वो अपने घर की चिंता करे। कभी कोई ऐसा आदमी पैदा नहीं हुआ जो पैसों से असदुद्दीन ओवैसी को खरीद सके। – AIMIM अध्यक्ष बैरिस्टर @asadowaisi pic.twitter.com/fetM1otZVP

— AIMIM (@aimim_national) December 16, 2020

مسٹر اویسی نے کہا کہ نام نہاد سیاسی جماعتیں بی جے پی سے شکست کے لئے ہمیں مورد الزام ٹھہرا رہے ہیں۔اپنی ناکامیوں کے لئے مجھے کیسے ذمہ دار ٹھہرا سکتے ہیں۔

پولیس ذرائع نے بتایا کہ علاقے کے گرام مانکپور کی مڑھیا کے نزدیک یہ حادثہ اس وقت پیش آیا جب علی گڑھ ڈیپو کی بس ٹینکر سے ٹکرا گئی۔ ٹکر اتنی شدید تھی کہ آدھی بس پوری طرح سے تباہ ہوگئی جبکہ ٹینکر کے اگلے حصے کے پرخچے اڑ گئے۔

سنبھل: اترپردیش کے ضلع سنبھل کے دھناری علاقے میں بدھ کو گھنے کہرے کے درمیان آگرہ ۔ مرادآباد نیشنل ہائی وے پر روڈ ویز بس اور گیس ٹینکر میں ٹکر ہوگئی۔ اس حادثے میں بس سوار آٹھ مسافروں کی موت ہوگئی، جبکہ 36 سے زیادہ افراد شدید طور سے زخمی ہوگئے۔

وزیر اعلی یوگی آدتیہ ناتھ نے حادثے میں ہلاک ہونے والے افراد کے اہل خانہ کے تئیں ہمدردی کا اظہار کرتے ہوئے انہیں تعزیت پیش کی۔ زخمیوں کو بہتر علاج فراہم کرنے کی ہدایت دی ہے۔

آدھی بس پوری طرح سے تباہ

پولیس ذرائع نے بتایا کہ علاقے کے گرام مانکپور کی مڑھیا کے نزدیک یہ حادثہ اس وقت پیش آیا جب علی گڑھ ڈیپو کی بس ٹینکر سے ٹکرا گئی۔ ٹکر اتنی شدید تھی کہ آدھی بس پوری طرح سے تباہ ہوگئی جبکہ ٹینکر کے اگلے حصے کے پرخچے اڑ گئے۔

سپرنٹنڈنٹ آف پولیس(ایس پی) چکریش مشرا نے بتایا کہ ٹینکر گیس لے کر علی گڑھ کی طرف سے مرادآباد جارہا تھا جبکہ بس مرادآباد سے علی گڑھ جارہی تھی۔ مانکپور کی مڑھیا کے نزدیک ٹینکر نے گنا لدی ٹرالی سے سائڈ لیا۔ کہرا زیادہ گھنا تھا اور ڈرائیور نے اسپیڈ بڑھا کر اوورٹیک کیا۔ اسی وقت مرادآباد کی طرف سے علی گڑی جارہی سرکاری بس سے اس کی آمنے سامنے سے ٹکر ہوگئی۔

انہوں نے بتایا کہ سڑک حادثے کی اطلاع ملتے ہی کئی تھانوں کی فورس پہنچ چکی ہے وہیں محکمہ صحت نے ہائی وے کے اسپتالوں کو الرٹ کردیا ہے۔ ایمبولنس کے ذریعہ زخمیوں کو اسپتال میں داخل کرایا گیا ہے۔ ایس پی نے ابھی پانچ افراد کے ہلاک ہونے کی تصدیق کی ہے۔ وہیں ذرائع نے بتایا کہ موقع سے آٹھ لاشیں نکالی جاچکی ہیں۔ ابھی بھی مزید ہلاکتوں کا اندیشہ ہے۔ راحت رسانی کا کام تیزی سے جاری ہے۔

تلنگانہ کے وزیراعلی کے چندر شیکھر راو چاہتے ہیں کہ غریب افراد عزت نفس کے ساتھ زندگی گذاریں۔ اسی لئے غریب افراد کی عزت نفس کی علامت کے طور پر یہ مکانات تعمیر کئے گئے ہیں۔ ملک کی کسی بھی ریاست نے اس طرح کے مکانات غریبوں کیلئے تعمیر نہیں کئے ہیں۔

حیدرآباد: تلنگانہ کے وزیر انفارمیشن ٹیکنالوجی کے تارک راما راو نے کہا کہ ریاست میں غریبوں کے لئے ڈبل بیڈ روم مکانات کی تعمیر کا سہرا وزیر اعلی کے چندر شیکھرراو کے سر جاتا ہے۔ انہوں نے شہر حیدرآباد کے ونستھلی پورم کے بھوانی نگر میں 324 ڈبل بیڈروم مکانات کا افتتاح کیا اور یہ مکانات استفادہ کنندگان کے حوالے کئے۔

اس موقع پر منعقدہ تقریب سے خطاب کرتے ہوئے انہوں نے کہا کہ ریاستی حکومت 9714 کروڑ روپے کے خرچ سے ایک لاکھ ڈبل بیڈروم مکانات غریبوں کے لئے تعمیر کررہی ہے۔

ڈبل بیڈروم مکانات تعمیر کرنے کا مقصد

انہوں نے واضح کیا کہ وزیراعلی کے چندر شیکھر راو چاہتے ہیں کہ غریب افراد عزت نفس کے ساتھ زندگی گذاریں۔ اسی لئے غریب افراد کی عزت نفس کی علامت کے طور پر یہ مکانات تعمیر کئے گئے ہیں۔ ملک کی کسی بھی ریاست نے اس طرح کے مکانات غریبوں کیلئے تعمیر نہیں کئے ہیں۔ دہلی، کولکاتہ، ممبئی اور دیگر شہروں میں بھی غریبوں کیلئے ایسے مکانات تعمیر نہیں کئے گئے۔

ڈبل بیڈروم مکانات میں ڈبل بیڈروم، ایک ہال، ایک کچن سمیت دو باتھ روم بھی بنائے گئے ہیں۔ ایسے ایک مکان کی تعمیر پر 9 لاکھ روپے کا صرفہ ہورہا ہے۔ تقریبا 50 لاکھ روپے مالیت کے مکانات وزیراعلی نے غریب افراد کو دیئے ہیں۔ انہوں نے وضاحت کی کہ ایک روپیہ بھی غریبوں سے لئے بغیر وزیراعلی ان کیلئے مکانات تعمیر کروا رہے ہیں۔ کمرشیل اپارٹمنٹ کی طرز پر ڈبل بیڈروم مکانات کی تعمیر عمل میں لائی جارہی ہے۔

انہوں نے ان مکانات کے اطراف صاف ستھرے اور بہتر ماحول کو یقینی بنانے کی ضرورت پر بھی زور دیا۔ انہوں نے مکانات حاصل کرنے والوں سے خواہش کی کہ وہ مکانات کے قریب کچرہ نہ ڈالیں۔ اپنے اطراف کے ماحول کو صاف رکھیں تاکہ بیماریوں سے بچا جاسکے۔ اس مقصد کے لئے کمیٹیاں بھی قائم کی جائیں۔

دہلی کی سرحدوں پر قریب چالیس کسان تنظیموں کی جانب سے مسلسل دھرنا مظاہرہ کیا جارہا ہے اور وہ لمبے وقت تک جدوجہد کی بات کررہے ہیں۔ حکومت پر دباؤ بڑھانے کے لئے کسانوں کی جانب سے کل ایک دن کی بھوک ہڑتال کی گئی تھی۔

مرکزی حکومت نے سپریم کورٹ کو یقین دہانی کرائی کہ ڈاکٹروں کو کچھ راحت (تعطیل) دینے پر غور کرے گی۔ یہ یقین دہانی اس وقت کرائی گئی جب کچھ ججوں پر مشتمل ڈویژن بنچ نے ڈاکٹروں کو چھٹی دینے پر غور کرنے کا مشورہ دیا تھا۔

نئی دہلی: مرکزی حکومت نے منگل کے روز سپریم کورٹ کو یقین دہانی کرائی کہ وہ کورونا وائرس کی عالمی وبا کی ڈیوٹی پر تعینات طبی عملہ (ڈاکٹروں) کو کچھ راحت (تعطیل) دینے پر غور کرے گی۔

مرکزی حکومت نے یہ یقین دہانی اس وقت کرائی جب جسٹس اشوک بھوشن، جسٹس آر سبھاش ریڈی اور جسٹس ایم آر شاہ پر مشتمل ڈویژن بنچ نے ڈاکٹروں کو چھٹی دینے پر غور کرنے کا مشورہ دیا۔

جسٹس بھوشن نے کہا کہ پچھلے سات آٹھ مہینوں سے مسلسل کورونا وائرس کے علاج میں مصروف ڈاکٹروں کی ذہنی صحت پر اثر پڑ سکتا ہے۔ لہذا انہیں راحت دینے پر غور کرنا چاہئے۔

مرکزی حکومت کی جانب سے سالیسٹر جنرل تشار مہتا نے عدالت عظمی کو یقین دلایا کہ وہ (حکومت) بنچ کے مشورے پر غور کرے گی۔ عدالت کورونا کے مریضوں کے مناسب علاج اور اسپتالوں میں لاشوں کی باعزت نگہداشت کے معاملے کی سماعت کررہی تھی۔

کورونا وائرس سے متعلق ایک اور معاملے میں عدالت عظمی نے اس بات پر تشویش کا اظہار کیا کہ لوگوں کی بڑی تعداد ایسی ہے جو ماسک پہننے کے لئے تیار نہیں ہیں۔ اس سلسلے میں اقدامات کرنے کی ضرورت ہے۔ صرف اس بات پر اکتفا نہیں کیا جاسکتا کہ کسی ریاست نے ماسک نہیں پہننے والوں سے 80 یا 90 کروڑ روپے جرمانہ وصول کرلیا ہے۔