کشمیر کے ضلع کولگام میں سیکیورٹی فورسز اور دہشت گردوں کے مابین تصادم کے بعد لشکر طیبہ کے دو دہشت گردوں کو گرفتار کرلیا گیا۔

سری نگر: جنوبی کشمیر کے ضلع کولگام میں منگل کی علی الصبح سیکیورٹی فورسز اور دہشت گردوں کے مابین مختصر تصادم کے بعد لشکر طیبہ سے وابستہ ۲ دہشت گردوں کو گرفتار کیا گیا۔

پولیس ذرائع نے تفصیلات فراہم کرتے ہوئے بتایا کہ دہشت گردوں کے چھپنے کی مصدقہ اطلاع موصول ہونے پر فوج کی 34 آر آر، سی آر پی ایف اور پولیس کی ایک مشترکہ ٹیم نے ضلع کولگام کے ٹونگڈونو علاقے کو منگل کی علی الصبح محاصرے میں لے کر تلاشی آپریشن شروع کر دیا۔ جوں ہی تلاشی آپریشن کی ایک ٹیم مشتبہ مقام کے نزدیک پہنچی تو وہاں چھپے دہشت گردوں نے فائرنگ شروع کر دی جس کے نتیجے میں طرفین کے درمیان تصادم چھڑ گیا۔

ذرائع نے بتایا کہ اہل خانہ، جنہیں جائے تصادم پر طلب کیا گیا، کی طرف سے اپیلوں کے بعد دو دہشت گردوں نے سرنڈر کیا۔
انہوں نے بتایا کہ سرنڈر کرنے والے دہشت گردوں کا تعلق لشکر طیبہ نامی دہشت گرد تنظیم سے ہے۔

دریں اثنا کشمیر پولیس زون کے انسپکٹر جنرل وجے کمار نے تصدیق کرتے ہوئے کہا کہ کولگام میں مختصر تصادم کے بعد دو دہشت گردوں نے سرنڈر کیا اور یہ دونوں دہشت گرد پی ڈٰ پی لیڈر حاجی پرویز احمد کے ذاتی محافظ کے قتل میں ملوث تھے۔

آج صبح تقریبا ساڑھے چار بجے آگرہ کے کھنڈولی علاقے میں یمنا ایکسپریس وے پر دہلی کی طرف جارہی ایک کار اوور ٹیک کرنے کی کوشش میں آگے چل رہے کنٹینر کے ڈیزل ٹینک سے ٹکرا گئی جس سے اس میں آگ بھڑک اٹھی۔

آگرہ: اتر پردیش کے آگرہ کے کھنڈولی علاقے میں آج صبح یمنا ایکسپریس وے پر ایک دلدوز سڑک حادثہ میں کار میں سوار پانچوں افراد آگ سے زندہ جل گئے جس سے ان کی موت ہوگئی۔

اس دلدوز سڑک حادثہ پر اظہار افسوس کرتے ہوئے وزیر اعلی یوگی آدتیہ ناتھ نے افسران کو فوری طور پر موقع پر پہنچنے اور متاثرین کو ہر ممکن مدد فراہم کرنے کی ہدایت دی ہے۔

سینئر سپرنٹنڈنٹ پولیس ببلو کمار نے  جائے حادثہ سے واپس آنے کے بعد یہ اطلاع دیں۔ انہوں نے بتایا کہ آج صبح تقریبا ساڑھے چار بجے کھنڈولی علاقے میں یمنا ایکسپریس وے پر ٹول کے قریب دہلی کی طرف جارہی ایک کار اوور ٹیک کرنے کی کوشش میں دوسری لائن میں آگے چل رہے کنٹینر کے ڈیزل ٹینک سے ٹکرا گئی جس سے اس میں آگ بھڑک اٹھی۔ آگ اتنی شدید تھی کہ کار میں سوار پانچوں افراد کی جلنے سے موت ہوگئی۔ انہوں نے بتایا کہ کنٹینر میں بھی آگ لگی لیکن کوئی جانی نقصان نہیں ہوا۔

انہوں نے بتایا کہ ہلاک ہونے والے دو افراد کی شناخت ان کے آئی کارڈ کی بنیاد پر کار ڈرائیور سندیپ، ساکن عالم باغ اور اناؤ کے اور اس علاقہ کے مرلی منوہر بتائے گئے ہیں۔ پولیس دوسروں کی شناخت کے لئے کوشاں ہیں۔

ایک نظر ادھر بھی:

مدھیہ پردیش: سڑک حادثہ میں سات کی موت، پانچ زخمی

بشنو پور میں پریس کانفرنس کرتے ہوئے سومترا خان نے روتے ہوئے کہا کہ سوجاتا منڈل نے جو قدم اٹھایا ہے ممکن ہے کہ ان کے لئے بہتر ہوگا مگر میرے تعلقات ان سےختم ہوگئے ہیں۔ میں جلد ہی ان کو طلاق کا نوٹس بھیجواؤں گا۔

کلکتہ: بی جے پی کے رکن پارلیمنٹ اور بی جے پی یوتھ ونگ کے صدر سومترا خان نے کہا کہ آج کا دن ان کے لئے مایوسی والا دن ہے۔ وہ اپنی اہلیہ سوجاتا منڈل خان کے اس قدم سے دکھی ہیں اور جب انہوں نے یہ قدم اٹھا لیا ہے تو میں نے سوجاتا منڈل کو طلاق دینے کا فیصلہ کیا ہے۔

پریس کانفرنس کے دوران سومترا خان کی آنکھوں میں آنسو

بشنو پور میں پریس کانفرنس کرتے ہوئے سومترا خان نے روتے ہوئے کہا کہ سوجاتا نے جو کچھ قدم اٹھایا ہے ممکن ہے کہ ان کے لئے بہتر ہوگا مگر میرے تعلقات ان سےختم ہوگئے ہیں میں جلد ہی ان کو طلاق کا نوٹس بھیجواؤں گا۔ 2019 کے لوک سبھا انتخابات میں سوجاتا نے ہی سومترا خان کے انتخابی مہم کی پوری ذمہ داری اٹھائی تھی۔ انتخابی مہم کے دوران ترنمول کانگریس کے خلاف سخت بیانات بھی دئے تھے۔ سوجاتا بی جے پی میں بہت ہی زیادہ سرگرم تھیں۔

ذرائع کے مطابق گزشتہ چند مہینوں سے سوجاتا اور سومترا کے درمیان تعلقات بہتر نہیں تھے اور دونوں کے درمیان فاصلے بڑھ رہے تھے۔ اس درمیان سوجاتا نے بی جے پی چھوڑ کر ترنمول کانگریس میں شامل ہونے کا فیصلہ کرلیا ہے۔

سومترا خان بیوی سوجاتا کے اس قدم سے کافی مایوس

سومترا خان نے کہا کہ وہ سوجاتا کے اس قدم سے کافی مایوس ہیں۔ میں جلد ہی انہیں طلاق کا نوٹس بھیجوں گا۔ انہوں نے کہا ممکن ہے کہ سوجاتا کا قدم بہتر ہوگا مگر میرے تعلقات ان سے ختم ہوگئے۔ اگر آپ زندگی میں بڑی غلطی کرتے ہیں تو میں طلاق کا نوٹس بھیجتا ہوں آ، اس پر دستخط کریں۔

بی جے پی کے ممبر پارلیمنٹ سومترا خان نے کہا کہ ترنمول کانگریس نے ان کے گھر کو توڑنے کی کوشش کی ہے۔ سیاست کرتے وقت مجھے سمجھ نہیں آرہی تھی کہ میرے ہی گھر کی لکشمی کب چوری ہوگئی۔ دس سالوں سے میرا ان سے تعلق تھا۔ مگر آج ہم دونوں اس مقام پر آگئے ہیں۔ آج میں نے سوجاتا کو خان کے لقب سے رہا کرنے کا فیصلہ کیا۔ براہ کرم آئندہ سے آپ اپنے نام کے ساتھ خان نہیں لگائیں گی۔ میں بی جے پی کے لئے کام کرتا رہوں گا۔ اس کے ساتھ ہی انہوں نے کہا کہ سوجاتا کو سیکیورٹی ملنی چاہیے۔

ترنمول کانگریس کے نصف درجن ممبران اسمبلی کو دودن قبل ہی بی جے پی میں شامل کرکے ممتا بنرجی کو جھٹکا دیا گیا تھا۔ ترنمول نے بھی سوجاتا منڈل کو پارٹی میں شامل کرکے جواب دیا ہے۔

کلکتہ: دو دن قبل ہی ترنمول کانگریس کے نصف درجن ممبران اسمبلی کو بی جے پی میں شامل کرکے ممتا بنرجی کو جھٹکا دینے کی کوشش کئے جانے کے بعد ترنمول کانگریس نے بھی بی جے پی یوتھ ونگ کے صدر اور ممبر پارلیمنٹ سومترا خان کی اہلیہ سوجاتا منڈل کو ترنمول کانگریس میں شامل کرکے جواب دیا ہے۔

سوجاتا منڈل خان نے آج ترنمول کانگریس کے ہیڈکوارٹر میں سینئر ممبر پارلیمنٹ سوگت رائے کی موجودگی میں پارٹی میں شمولیت اختیار کی۔ سومترا خان 2014 میں ترنمول کانگریس کے ٹکٹ پر لوک سبھا انتخابات میں کامیابی حاصل کی تھی۔ 2019 کے لوک سبھا انتخابات سے قبل بی جے پی میں شامل ہوئے تھے۔ اس وقت بنگال یوتھ فرنٹ کے سربراہ بھی ہیں۔

شوبھندو ادھیکاری لیڈر نہیں بلکہ غنڈہ ہیں

ترنمول کانگریس میں شامل ہونے کے بعد سوجاتا منڈل نے کہا کہ بی جے پی کے پاس زمینی حقیقت نہیں ہے۔ اس لئے ترنمول کانگریس کے لیڈرو ں کو وزیر اور نائب وزرائے اعلیٰ کی لالچ دے کر پارٹی میں شامل کر رہے ہیں۔ انہوں نے کہا کہ شوبھندو ادھیکاری لیڈر نہیں ہیں بلکہ غنڈہ ہیں۔ انہوں نے کہا کہ میں بی جے پی چھوڑ کر ترنمو ل کانگریس میں سکون کی سانس لینے کے لئے آئی ہوں۔

خیال رہے کہ سومترا خان اور ان کی اہلیہ کے درمیان کچھ دنوں سے اختلافات ہیں۔

بی جے پی نااہل لوگوں کو جگہ دیتی ہے

انہوں نے کہا کہ بی جے پی نااہل لوگوں کو جگہ دیتی ہے۔ پارٹی کے لئے لڑنے والوں کو بی جے پی میں کوئی جگہ نہیں ہے۔ سوجاتا نے کہا کہ شوبھندو ادھیکاری لیڈر نہیں ہے بلکہ ظالم ہے میں انہیں لیڈر نہیں مانتی ہوں۔ لوگوں کو خوف زدہ کرکے سیاست کررہے ہیں۔ اس سوال پر کہ سومترا خان بی جے پی چھوڑ کر ترنمول کانگریس میں شامل ہوں گے؟ سوجاتا نے کہا کہ ’’اگر سومترا عقل مند ہیں تو ترنمول کانگریس میں واپس آ جائیں گے۔

سوجاتا نے کہا کہ ممتا بنرجی کی قیادت میں مغربی بنگال میں ترنمول کانگریس کی اگلی حکومت بنے گی۔
گزشتہ لوک سبھا انتخابات میں سومترا خان کی جیت میں سوجاتا نے ہی اہم کردار ادا کیا تھا۔ چونکہ بشن پور لوک سبھا حلقے میں سومترا خان کو جانے کی اجازت نہیں تھی تو سوجاتا خان ہی مہم چلاتی تھیں۔ وزیر اعظم مودی کے ساتھ اسٹیج شیئر بھی کیا تھا۔

اطلاعات کے مطابق، آل انڈیا کسان سبھا کی قیادت میں مہاراشٹر کے 21 اضلاع سے تعلق رکھنے والے کسان پیر کی صبح ناسک کے گولف کلب میدان میں جمع ہوئے اور وہاں سے انہوں نے اپنی ‘گاڑی جتھا’ (مارچ) مہم کا آغاز کیا۔

ممبئ: مرکزی حکومت کے زرعی قانون کے خلاف آج یہاں مھاراشٹر سے ہزاروں کسانوں کی کار ریلی دہلی میں جاری کسان احتجاج کے لئے روانہ ہوئی-

اطلاعات کے مطابق، آل انڈیا کسان سبھا (اے آئی کے ایس) کی قیادت میں ریاست کے 21 اضلاع سے تعلق رکھنے والے کسان پیر کی صبح ناسک کے گولف کلب میدان میں جمع ہوئے اور وہاں سے انہوں نے اپنی ‘گاڑی جتھا’ (مارچ) مہم کا آغاز کیا۔

کسانوں نے پہلے آئین ہند کے معمار ڈاکٹر بابا صاحب امبیڑکر، شیواجی مہاراج اور جیوتی با پھلے اور دیگر مذہبی رہنماؤں کی یادگاروں پر گلہائے عقیدت پیش کیا اور پھر اپنی مہم کا آغاز کیا۔

انہوں نے کار ریلی سے قبل ایک احتجاجی جلسے کا بھی انعقاد کیا جس سے کسان رہنماؤں نے خطاب کرتے ہوئے مرکزی حکومت سے فوری طور پر زرعی بل واپس لینے کا مطالبہ کرتے ہوئے دہلی میں جاری کسان احتجاج سے اپنی یکجھتی کا اظہار کیا۔

اسے بھی پڑھیں:

کسان تحریک کے پیش نظر دہلی پولیس کی جانب سے ٹریفک ایڈوائزری جاری

کسانوں کے جاری احتجاج کی وجہ سے دہلی کی بہت سی سرحدیں اب بھی بند ہیں۔ اس کے پیش نظر دہلی پولیس نے آج ایک ٹریفک ایڈوائزری جاری کی ہے۔

نئی دہلی: مرکزی حکومت کے تینوں زرعی قوانین کے خلاف کسانوں کے جاری احتجاج کے پیش نظر دہلی پولیس نے پیر کے روز لوگوں کو پریشانیوں سے بچانے کے لئے ٹریفک ایڈوائزری جاری کی ہے۔

کسانوں کی نقل و حرکت کی وجہ سے دہلی کی بہت سی سرحدیں اب بھی بند ہیں۔ اس کے پیش نظر دہلی پولیس نے آج ایک ٹریفک ایڈوائزری جاری کرتے ہوئے کہا ہے کہ کسانوں کے مظاہرے کی وجہ سے سنگھو، اوچنڈی، پیاؤ منیاری اور منگیش بارڈر بند ہیں۔ پولیس نے لوگوں کو لام پور، صفیہ آباد سابولی اور سنگھو اسکول ٹول ٹیکس بارڈر استعمال کرنے کا مشورہ دیا ہے۔

ٹکری اور ڈھانسا بارڈر بھی کسی بھی طرح کی آمد و رفت کے لئے بند ہے۔ جھٹیکرا بارڈر پیدل چلنے والوں اور ٹووہیلرز کے لئے کھول دیا گیا ہے۔ جھرودہ بارڈر کا ایک کیرج وے کھلا ہے۔ اس کے علاوہ، دورالہ، کاپسہیڑا، بدوسرائے، رجوکری این ایچ ۔8، بجواسان، پالمم وہار اور ڈنڈہیرہ بارڈر کھلے ہوئے ہیں۔

دہلی-نوئیڈا موڑ پر چلا بارڈر کا ایک کیرج وے بند ہے، تاہم دہلی سے نوئیڈا کا روٹ کھلا ہوا لیکن نوئیڈا سے دہلی جانے والے روٹ پر کسان ہیں۔ غازی آباد سے دہلی جانے والے راستے کسانوں کے مظاہرے کی وجہ سے بند ہیں۔

خیال رہے کسان تحریک کا آج 25 واں دن ہے۔

9 اگست کو بیلاروس کے صدارتی انتخابات کے بعد صدر الیگزینڈر لوکاشینکو کو چھ سال کے لئے دوبارہ منتخب کیا گیا تھا اس کے بعد سے ملک بھر میں مظاہرے جاری ہیں۔

ماسکو: بیلاروس میں حکومت مخالف مظاہروں کے دوران 150 سے زائد افراد کو حراست میں لیا گیا۔ غیر رجسٹرڈ ویزنا ہیومن رائٹس سنٹر نے یہ اطلاع دی ہے۔

ویزنا ویب سائٹ کے تازہ ترین اعداد و شمار کے مطابق، اتوار کے روز بیلاروس کے مختلف شہروں میں 151 افراد کو حراست میں لیا گیا۔ ان میں سے زیادہ تر افراد کو دارالحکومت منسک سے حراست میں لیا گیا۔

اس سے قبل منسک سٹی ایگزیکٹیو کمیٹی کے محکمہ پولیس کا کہنا تھا کہ پولیس افسران نے دارالحکومت میں حکومت کے خلاف احتجاج کرنے والے 100 کے قریب افراد کو حراست میں لیا ہے۔

قابل ذکر ہے کہ 9 اگست کو بیلاروس کے صدارتی انتخابات کے بعد صدر الیگزینڈر لوکاشینکو کو چھ سال کے لئے دوبارہ منتخب کیا گیا تھا اس کے بعد سے ملک بھر میں مظاہرے جاری ہیں۔ حزب اختلاف کی پارٹیاں اس انتخابات میں بڑے پیمانے پر دھاندلی کا الزام لگا رہی ہیں۔

ایک نظر ادھر بھی:

لندن میں لاک ڈاؤن کے خلاف مظاہرہ میں 60 افراد گرفتار

برطانیہ میں کورونا وائرس پھیلنے کے تناظر میں، سعودی حکومت نے اپنی سرحدوں کو ایک ہفتے کے لئے بند کرنے اور بین الاقوامی پروازوں کو معطل کرنے کا فیصلہ کیا ہے۔

قاہرہ: مملکت سعودی عرب نے برطانیہ میں کورونا وائرس پھیلنے کے تناظر میں اپنی ملکی سرحدوں کو ایک ہفتے کے لئے بند کرکے بین الاقوامی پروازیں معطل کرنے کا فیصلہ کیا ہے۔ سرکاری سعودی پریس ایجنسی (ایس پی اے) نے میڈیکل کے داخلی ذرائع کے حوالے سے یہ اطلاع دی ہے۔

ذرائع کا کہنا ہے کہ نئی پابندی کو مزید ایک ہفتہ کیلئے بڑھایا جاسکتا ہے۔

ایس پی اے کے مطابق وہ تمام افراد جو یوروپی ممالک کے ساتھ ساتھ دوسرے ممالک سے بھی سعودی عرب پہنچے ہیں جہاں کورونا وائرس کی ایک نئی لہر چل رہی ہے، کو دو ہفتوں تک گھر پر آئسو لیشن میں رہنا پڑے گا۔ جن لوگوں نے گزشتہ تین مہینوں میں ان ممالک کا دورہ کیا ہے ان کو کورونا ٹسٹ سے گزرنا ہے۔

قابل ذکر ہے کہ برطانیہ میں کورونا وائرس کی نئی لہر کے پیش نظر وہاں کی حکومت نے لندن سمیت ملک کے دیگر حصوں میں لاک ڈاؤن لگا دیا ہے جہاں کورونا وبا زیادہ پھیل رہی ہے۔ جس کی وجہ سے بہت سے ممالک نے اپنی سرحدیں بند کردی ہیں۔

شہریت ترمیمی ایکٹ اور این آر سی سے متعلق پوچھے گئے سوال کا جواب ٹالتے ہوئے مرکزی وزیر داخلہ امت شاہ نے کہا کہ شہریت ترمیمی ایکٹ کے قوانین ابھی نہیں بنے ہیں۔

کلکتہ: مغربی بنگال کے دو روزہ دورے کے دوران ایک پریس کانفرنس میں شہریت ترمیمی ایکٹ اور این آر سی سے متعلق پوچھے گئے سوال کا جواب ٹالتے ہوئے مرکزی وزیر داخلہ امت شاہ نے کہا کہ شہریت ترمیمی ایکٹ کے قوانین ابھی نہیں بنے ہیں۔ ملک بھر میں کورونا وائرس کے بحران کی وجہ سے ہم نے اس جانب توجہ نہیں دی ہے اور اس وقت ملک اتنے بڑے مہم کا متحمل نہیں ہوسکتا ہے۔

امت شاہ این آر سی کے سوال پر خاموش

پریس کانفرنس کے دوران ایک نامہ نگار نے مرکزی وزیر داخلہ کے بیان کا حوالہ دیتے ہوئے سوال کیا کہ آپ شہریت ترمیمی ایکٹ اور این آرسی سے متعلق کورونا لوجی کی بات کرتے تھے مگر ایک سال بیت جانے کے باوجود شہریت ترمیمی ایکٹ نافذ نہیں ہوا ہے اور این آر سی کا۔ اس سوال کے جواب پر امت شاہ نے کہا کہ کورونا وائرس کی وجہ سے شہریت ترمیمی ایکٹ کے قوانین نہیں بنے ہیں۔ جب یہ قانون بن جائیں گے اور ملک کے حالات پرامن ہوجائیں گے تو شہریت ترمیمی ایکٹ نافذ کردیا جائے گا۔ تاہم امت شاہ نے این آر سی کے نفاذ سے متعلق کچھ بھی نہیں کہا۔

خیال رہے کہ بی جے پی کے جنرل سکریٹری کیلاش وجے ورگی نے اس سے قبل کہا تھا کہ بنگال میں جنوری سے شہریت ترمیمی ایکٹ نافذ کردیا جائے گا۔

بنگال کے دو وزہ دورے کے دوران امت شاہ شمالی 24 پرگنہ کے متوا برادری کے گڑھ کا دورہ کرنے والے تھے۔مگر ذارئع کے مطابق شہریت ترمیمی ایکٹ کے نفاذ میں تاخیر کی وجہ سے اس دورے کو رد کردیا گیا ہے۔
مغربی بنگال میں غیرقانونی دراندازی کے لئے ترنمول کانگریس کو ذمہ دار ٹھہراتے ہوئے امت شاہ نے کہا کہ جب تک مغربی بنگال میں ممتا بنرجی کا اقتدار ہے اس وقت تک بنگلہ دیش سے دراندازی کا سلسلہ نہیں روکے گا۔ غیرقانونی دراندازی روکنے کے لئے بی جے پی کا اقتدار میں آنا ضروری ہے۔

غیر قانونی دراندازی کے لئے مرکزی حکومت ذمہ دار

ترنمول کانگریس دراندازی کے لئے بی جے پی کو ذمہ دار ٹھہراتی رہی ہے کہ سرحد کی حفاظت مرکزی فورسیس کی ہے۔ اس لئے اگر غیر قانونی دراندازی ہوتی ہے تو اس کے لئے بھی مرکزی حکومت ذمہ دار ہے۔

اس سے قبل شانتی نکتین میں روڈ شو کے بعد امت شاہ نے کہا کہ میں نے اپنی زندگی میں متعدد روڈ شوز میں شرکت کی اور اس کا اہتمام کیا لیکن اس سے پہلے کبھی بھی اتنا بڑا روڈ شو نہیں دیکھا ہے۔ یہ روڈ شو ممتا بنرجی حکومت کے خلاف لوگوں کے غم و غصے کی عکاس ہے۔ یہ ہجوم نریندر مودی جی کے ترقیاتی ایجنڈے پر لوگوں کے اعتماد کی عکاسی کرتا ہے۔ انہوں نے کہا کہ رابندر ناتھ ٹیگور کے سونار بنگلہ کا خواب پورا کیا جائے گا اور بنگال کی عظمت واپس دلائی جائے گی۔

امت شاہ نے باہری قرار دئیے جانے پر کہا کہ ممتا بنرجی اپنا دماغی توازن کھودی ہیں۔ انہیں ملک کی سالمیت اور اتحاد کی کوئی فکر نہیں ہے۔ انہوں نے کہا کہ بنگال اس طرح کی تنگ نظری کا متحمل نہیں ہوسکتا ہے۔ کیا ممتا بنرجی کے زمانے میں اندرا گاندھی، راجیو گاندھی اور نرسمہا راؤ بنگال کا دورہ نہیں کرتے تھے۔

اترپردیش کے بلیا ضلع میں دو بچوں کے 15 سالہ پرانے اغوا کیس میں 6 مجرموں کو عمر قید اور دس دس ہزار روپے کے جرمانے کی سزا سنائی گئی۔

بلیا: اترپردیش میں بلیا ضلع کے اڈیشنل سیشن جج (اول) چندر بھان سنگھ نے دو بچوں کے اغوا کے 15 سال پرانے مقدمے میں چھ مجرموں کو عمر قید اور دس دس ہزار روپے کے جرمانے کی سزا سنائی۔

استغاثہ فریق کے مطابق ریوتی کی رہنے والی کنک پانڈے نے سات مارچ 2005 کو تھانے میں رپورٹ درج کرائی تھی کہ اس کے دو چچا زاد بھائی رتنیش اور شبھم کوچنگ جارہے تھے۔ راستے میں بائیک سوار بدمعاشوں نے ان کا اغوا کرلیا۔

پولیس نے اس معاملے میں گوپال نگر سے بچے کو برآمد کرتے ہوئے میر حسن اور پردیپ کو گرفتار کیا تھا۔ جانچ کے دوران پولیس نے اس معاملے میں چار اور ملزمین گوپال نگر کے اصغر، ریوتی کے منیر اور بہار صوبے کے سیوان ضلع کے رگھوناتھ پور علاقے کے نرہن کے رہنے والے ستیندر اور سرل کو بھی ملزم پاتے ہوئے عدالت میں سبھی کے خلاف چارج شیٹ داخل کی تھی۔

اس مقدمے کی سماعت کرتے ہوئے ہفتہ کو جج نے دونوں فریقوں کی دلیل سننے کے بعد سھبی چھ ملزمین کو قصوروار قرار دیتے ہوئے عمر قید کے ساتھ ساتھ دس دس ہزار روپے کا جرمانہ لگایا۔