وینزویلا کی وزارت خارجہ نے مشرقی شام میں امریکی فضائی حملوں کی مذمت کی ہے۔ یہ افسوسناک ہے کہ امریکہ شدید جنگ کی طرف لوٹ رہا ہے اور سفارت کاری اور بین الاقوامی قانون کو ترک کر رہا ہے۔

کراکس: وینزویلا کی وزارت خارجہ نے مشرقی شام میں امریکی فضائی حملوں کی مذمت کی ہے اور اسے شدید جنگ کی واپسی قرار دیا ہے۔

وزارت نے جمعہ کی شام دیر گئے ٹویٹ کرتے ہوئے کہا ”وینزویلا شام کی سرزمین پر امریکی فوج کی کارروائی کی شدید مذمت اور اتحادی ممالک کے لوگوں اور وہاں کی حکومت کے ساتھ بھر پور یکجہتی کا اظہار کررہا ہے۔” یہ افسوسناک ہے کہ امریکہ شدید جنگ کی طرف لوٹ رہا ہے اور سفارت کاری اور بین الاقوامی قانون کو ترک کر رہا ہے۔

خیال رہے جمعرات کو دیر رات امریکہ نے عراقی شام کی سرحد کے قریب ایران نواز ملیشیا کے ٹھکانوں پر بمباری کی تھی۔ دوسری جانب شام اور روس نے بھی امریکی فضائی حملے کی مذمت کی ہے۔

جو بائیڈن نے کہا کہ میں نے کل سعودی عرب کے شاہ سے بات کی تھی، شہزادہ سے نہیں۔ میں نے انھیں واضح کردیا کہ قوانین تبدیل ہو رہے ہیں اور ہم آج اور پیر کے روز اہم تبدیلیوں کا اعلان کرنے جارہے ہیں۔

واشنگٹن: امریکی صدر جو بائیڈن نے کہا ہے کہ کالم نگار جمال خشوگی کے قتل پر امریکہ سعودی عرب کے لئے اپنی پالیسی میں نمایاں تبدیلی لائے گا۔

جو بائیڈن نے یہ بات ’یونی ویژن‘ نیوز چینل کو انٹرویو دیتے ہوئے کہی۔

انہوں نے کہا ’’میں نے کل سعودی عرب کے شاہ سے بات کی تھی، شہزادہ سے نہیں۔ میں نے انھیں واضح کردیا کہ قوانین تبدیل ہو رہے ہیں اور ہم آج اور پیر کے روز اہم تبدیلیوں کا اعلان کرنے جارہے ہیں۔ اور حقیقت میں یہ یقینی بنائیں کہ اگر وہ ہم سے تعلقات بنانا چاہتے ہیں تو انہیں انسانی حقوق کی خلاف ورزیوں کے معاملوں سے نمٹنا ہوگا‘‘۔

امریکہ نے کہا کہ عراقی کردستان میں ایربل ہوائی اڈہ پر پندرہ فروری کے راکٹ حملے کے جواب میں کارروائی کرتے ہوئے یہ حملہ کیا گیا تھا۔

تہران: مشرقی شام میں حالیہ امریکہ کے فضائی حملہ سے 17 لوگوں کی موت ہوگئی۔ ایرا ن کے ٹیلی ویزن اینڈ ریڈیو براڈکاسٹر آئی آر آئی بی نے جمعہ کو ایک رپورٹ میں یہ اطلا ع دی۔

محکمہ دفاع نے جمعرات کی دیر رات کہا کہ امریکہ نے ایران حمایت یافتہ لڑاکوں کے بنیادی ڈھانچہ کو نشانہ بنایا تھا جس میں مشرقی شام میں کائتب حزب اللہ اور کائتب سیدالشہدا بھی شامل تھے۔ امریکہ نے کہا کہ عراقی کردستان میں ایربل ہوائی اڈہ پر پندرہ فروری کے راکٹ حملے کے جواب میں کارروائی کرتے ہوئے یہ حملہ کیا گیا تھا۔

ایرانی براڈکاسٹر کے مطابق یہ ہوائی حملہ عراق کی سرحد سے ملحق البکامل علاقہ کو نشانہ بناکر کیا گیا تھا۔

امریکہ میں کیپٹل ہل پولیس چیف یوگانند پٹمین نے کہا ’’ہم جانتے ہیں کہ 6 جنوری کو موجود باغی گروپوں کے ممبر کیپیٹل ہل میں دھماکے اور زیادہ سے زیادہ ارکان کو مارنا چاہتے ہیں‘‘۔ دھمکی کے پیش نظر کیپیٹل پولیس فورس کو بڑھایا جائے گا اور سیکیورٹی کو مزید مستحکم کیا جائے گا۔

واشنگٹن: امریکہ میں کیپٹل ہل پولیس چیف یوگانند پٹمین نے کہا کہ اس بات کی خفیہ اطلاع ملی ہے کہ امریکی باغی گروپ صدر جو بائیڈن کے آئندہ خطاب کے دوران کیپیٹل پر حملہ کرنے کی دھمکی دے رہے ہیں۔

پٹمین نے جمعرات کو کانگریس میں سماعت کے دوران کہا ’’ہم جانتے ہیں کہ 6 جنوری کو موجود باغی گروپوں کے ممبر کیپیٹل ہل میں دھماکے اور زیادہ سے زیادہ ارکان کو مارنا چاہتے ہیں‘‘۔

انہوں نے کہا کہ اس دھمکی کے پیش نظر کیپیٹل پولیس فورس کو بڑھایا جائے گا اور سیکیورٹی کو مزید مستحکم کیا جائے گا۔

انہوں نے بتایا کہ اس کے علاوہ 6 جنوری کو ہونے والے واقعہ کے دوران پولیس افسران کی جانچ کی جارہی ہے اور 6 جنوری کو واقعہ کے دوران کرپشن کی پاداش میں دیگر 6 کو معطل کردیا گیا ہے۔

یہ معاہدہ دونوں ممالک کے ڈائریکٹرز جنرل آف ملٹری آپریشنز کے درمیان ہاٹ لائن پر بات چیت کے دوران طے پایا۔ دونوں فوجی افسران نے خوشگوار ماحول میں لائن آف کنٹرول اور تمام سیکٹروں میں صورتحال کا جائزہ لیا۔

نئی دہلی: ہندوستان اور پاکستان نے کنٹرول لائن کے ساتھ ساتھ اس سے متصل سبھی سیکٹروں میں بدھ کی رات سے جنگ بندی اور دیگر سمجھوتوں پر عمل کرنے پر اتفاق ظاہر کیا ہے۔

یہ معاہدہ دونوں ممالک کے ڈائریکٹرز جنرل آف ملٹری آپریشنز کے درمیان ہاٹ لائن پر بات چیت کے دوران طے پایا۔ دونوں فوجی افسران نے خوشگوار ماحول میں لائن آف کنٹرول اور تمام سیکٹروں میں صورتحال کا جائزہ لیا۔

مذاکرات کے بعد جاری مشترکہ بیان میں کہا گیا ہے کہ سرحد پر مستقل امن قائم رکھنے اور ایک دوسرے کے خدشات کو سمجھنے کے لئے جنگ بندی اور دیگر معاہدوں پر مکمل طور پر عمل کیا جائے گا۔ دونوں فریقوں نے یہ بھی کہا کہ ان کے مابین ہاٹ لائن کا انتظام پہلے کی طرح جاری رہے گا اور کسی بھی غلط فہمی کو فلیگ میٹنگ کے ذریعے حل کیا جائے گا۔

واضح رہے کہ 2003 سے ہندوستان اور پاکستان کے مابین کنٹرول لائن پر جنگ بندی نافذ ہے لیکن وقتا فوقتا پاکستان اس کی خلاف ورزی کرتا رہا ہے۔

افغانستان کے صوبے اورزگان میں ایک منی وین کے انجن میں پانی بھرنے سے دھماکہ، ایک ہی خاندان کے 10 افراد ہلاک ہوگئے۔ ہلاک ہونے والوں میں تین کم عمر بچے بھی شامل تھے جبکہ ؍دولہا اور ؍دلہن دوسری گاڑی میں ہونے کی وجہ سے بچ گئے۔

کابل: افغانستان کے صوبے اورزگان میں ایک منی وین کے انجن میں پانی بھر جانے سے اس میں ہونے والے دھماکے کے بعد آگ لگ گئی. اس کے نتیجے میں ایک ہی خاندان کے 10 افراد ہلاک ہو گئے۔

افغان میڈیا کے مطابق اورزگان کے پولیس ترجمان نے بتایا کہ بدقسمت خاندان شادی کی ایک تقریب میں شرکت کے بعد واپس اپنے گھر جا رہا تھا کہ ان کی گاڑی دریائے ہلمند میں پھنس گئی۔

پولیس ترجمان کے مطابق دریا میں پانی کا دباؤ اس قدر شدید تھا کہ پانی گاڑی کے انجن میں داخل ہو گیا اور انجن زوردار دھماکے سے پھٹ گیا جس سے گاڑی میں آگ لگ گئی۔

اورزگان پولیس ترجمان کا کہنا ہے کہ آگ نے آنا فاناٍ پوری گاڑی کو اپنی لپیٹ میں لے لیا جس کے نتیجے میں گاڑی میں موجود ایک ہی کنبہ کے 10 افراد ہلاک ہو گئے۔ ہلاک ہونے والوں میں تین کم عمر بچے بھی شامل تھے جبکہ دولہا اور دلہن دوسری گاڑی میں ہونے کی وجہ سے بچ گئے۔

امریکی صدر جو بائیڈن نے عہدہ سنبھالنے کے بعد سے سابق صدر ڈونلڈ ٹرمپ کے متعدد پابندیوں کو کم کیا ہے جو ٹرمپ کی ’زیرو ٹالرینس‘ امیگریشن پالیسی کا حصہ تھے۔

واشنگٹن: امریکی صدر جو بائیڈن نے سابق صدر ڈونلڈ ٹرمپ کے کورونا وائرس کے وبا کے دوران بعض ویزوں پر عائد پابندی کے حکم کو رد کردیا۔

امریکی صدر کے دفتر سے بدھ کے روز جاری ایک بیان میں کہا ’’یہ فیصلہ امریکہ کے مفاد میں نہیں تھا، اس کے برعکس، یہ امریکی عوام کے لئے مشکلات پیدا کرنے کا فیصلہ تھا۔ اس سے امریکی شہریوں اور جائز مقامی رہائشیوں کو ان کے اہل خانہ سے ملنے اور امریکی کاروبار کو نقصان پہنچایا‘‘۔

خیال رہے سابق صدر ڈونلڈ ٹرمپ نے جون 2020 میں یہ پابندی عائد کرتے ہوئے کہا تھا کہ کورونا وائرس کی وبا سے پیدا ہونے والی بھاری بے روزگاری کے درمیان امریکی ملازمین کے مفادات کا تحفظ ضروری ہے۔ ان پابندیوں کے تحت غیر مہاجر ورک ویزوں کی کچھ اقسام کو امریکی معیشت کی بحالی کی کوششوں میں معطل کردیا گیا تھا۔ اس فہرست میں ہائی ٹیک صنعتوں میں کام کرنے کے لئے ایچ -1 بی ویزا اور کم ہنر مند کارکنوں، ٹرینیوں، اساتذہ اور کمپنی کے لئے منتقلی کے ویزے شامل ہیں۔

عہدہ سنبھالنے کے بعد سے مسٹر بائیڈن نے متعدد پابندیوں کو کم کیا ہے جو ڈونلڈ ٹرمپ کی ’زیرو ٹالرینس‘ امیگریشن پالیسی کا حصہ تھے۔

اسے بھی پڑھیں:

مسلم ممالک پر ٹرمپ کی جانب سے نافذ سفری پابندی کو بائیڈن کریں گے ختم

احتجاجی لوگ، جن میں اکثریت سکھ مرد و زن کی تھی، نے قومی شاہراہ کو کچھ دیر کے لیے بند کیا نیز ‘جموں و کشمیر پولیس ہائے ہائے، مرکزی حکومت ہائے ہائے’ جیسے نعرے لگائے۔

جموں: دہلی پولیس کے ہاتھوں جموں میں ایک کے خلاف منگل کو یہاں جموں – پٹھان کوٹ قومی شاہراہ پر شدید احتجاج دیکھنے میں آیا۔

احتجاجی لوگ، جن میں اکثریت سکھ مرد و زن کی تھی، نے قومی شاہراہ کو کچھ دیر کے لیے بند کیا نیز ‘جموں و کشمیر پولیس ہائے ہائے، مرکزی حکومت ہائے ہائے’ جیسے نعرے لگائے۔

احتجاج کے حاشئے پر ایک سکھ احتجاجی نے نامہ نگاروں کو بتایا: ‘وہ دلی گئے تھے پاکستان نہیں۔ دلی بھارت کی راجدھانی ہے۔ وہاں کوئی بھی جا سکتا ہے۔ وہاں لاکھوں لوگ رہتے ہیں۔ جموں و کشمیر سے صرف مہیندر سنگھ اور مندیپ سنگھ کو اس لئے گرفتار کیا گیا ہے کیونکہ وہ یہاں کسانوں کی آواز بلند کر رہے تھے’۔

ان کا مزید کہنا تھا: ‘مودی حکومت طاقت کا غلط استعمال کر رہی ہے۔ یہ سرعام دیکھا جا رہا ہے۔ جو بھی اس حکومت کے خلاف بولتا ہے اس کو غیر قانونی طور پر گرفتار کیا جاتا ہے۔ جھوٹے مقدمے درج کئے جا رہے ہیں۔ پرامن طریقے سے احتجاج کرنے کے حقوق کو کچلا جا رہا ہے’۔

واضح رہے کہ دلی پولیس کی ایک ٹیم نے جموں سے یوم جمہوریہ کے موقع پر پیش آنے والے لال قلعہ تشدد واقعے میں مبینہ طور ملوث ہونے کے پاداش میں ایک کسان لیڈر سمیت دو افراد کو گرفتار کیا ہے۔

پولیس ذرائع نے منگل کے روز بتایا کہ دلی پولیس کی کرائم برانچ ٹیم نے جموں پولیس کی مدد سے پیر کی شام جموں سے ایک کسان لیڈر سیمت دو افراد کو گرفتار کیا ہے۔

دہلی کرائم برانچ کے مطابق دونوں گرفتار شدگان نے لال قلعہ تشدد واقعے میں اہم کردار ادا کیا تھا۔ دونوں کو دہلی منتقل کیا گیا ہے جہاں انہیں عدالت میں پیش کیا جائے گا۔

جموں: دہلی پولیس کی ایک ٹیم نے جموں سے یوم جمہوریہ کے موقع پر پیش آنے والے لال قلعہ تشدد واقعے میں مبینہ طور پر ملوث ہونے کے پاداش میں ایک کسان لیڈر سمیت دو افراد کو گرفتار کیا ہے۔

پولیس ذرائع نے منگل کے روز بتایا کہ دہلی پولیس کی کرائم برانچ ٹیم نے جموں پولیس کی مدد سے پیر کی شام جموں سے ایک کسان لیڈر سیمت دو افراد کو گرفتار کیا ہے۔

گرفتار شدگان کی شناخت 45 سالہ مہیندر سنگھ ساکن چھاتھہ جموں، جو جموں و کشمیر یونائیٹڈ کسان فرنٹ کے چیئرمین ہیں اور 23 سالہ مندیپ سنگھ ساکن گول جگرال جموں کے بطور ہوئی ہے۔

دہلی کرائم برانچ کے مطابق دونوں گرفتار شدگان نے لال قلعہ تشدد واقعے میں اہم کردار ادا کیا تھا۔ پولیس ذرائع نے بتایا کہ دونوں کو دہلی منتقل کیا گیا ہے جہاں انہیں عدالت میں پیش کیا جائے گا۔

گرفتار شدگان کی فوری رہائی کے لئے اہلخانہ و رشتہ داروں کا احتجاج

دریں اثنا مہیندر سنگھ کے اہلخانہ اور دیگر رشتہ داروں نے پیر کی شام دیر گئے ستوری چوک میں گرفتار شدگان کی فوری رہائی کے لئے احتجاج درج کیا۔

مہیندر سنگھ کی اہلیہ نے میڈیا کو بتایا: ’میرے شوہر کو ایک پولیس افسر نے گاندھی نگر پولیس اسٹیشن پر طلب کیا اور اس کے بعد ان کا فون بند آرہا تھا‘۔

انہوں نے کہا کہ پھر ہمیں معلوم ہوا کہ انہیں گرفتار کرکے دہلی منتقل کیا گیا ہے۔ ان کا دعویٰ تھا کہ لال قلعہ میں جس دن تشدد کا واقعہ پیش آیا اس دن ان کے شوہر وہاں موجود نہیں تھے۔

ادھر مذکورہ دو افراد کی گرفتاری کے خلاف لوگوں نے منگل کے روز یہاں جموں- پٹھان کوٹ قومی شاہراہ کو بند کرکے احتجاج درج کیا۔

مہاراشٹر کے اورنگ آباد سے آل انڈیا مجلس اتحاد المسلمین کے رکن پارلیمان امتیاز جلیل نے ٹویٹر پر خود یہ اطلاع دی کہ انہیں علاج کے لئے راشد پورہ کے ایک پرائیوٹ اسپتال میں داخل کرایا گیا ہے۔

اورنگ آباد: مہاراشٹر کے اورنگ آباد سے آل انڈیا مجلس اتحاد المسلمین (اے آئی ایم آئی ایم) کے رکن پارلیمان سید امتیاز جلیل کورونا وائرس سے متاثر ہو گئے ہیں۔

اے آئی ایم آئی ایم کے ریاستی صدر مسٹر جلیل نے ٹویٹر پر خود یہ اطلاع دی۔ انہیں علاج کے لئے راشد پورہ کے ایک پرائیوٹ اسپتال میں داخل کرایا گیا ہے۔ انہوں نے کہا کہ ان کی طبیعت ٹھیک ہے اور فکر مند ہونے کی ضرورت نہیں ہے۔ ڈاکٹر ان کا علاج کر رہے ہیں۔

https://twitter.com/imtiaz_jaleel/status/1363920410132144128?s=19

گجرات میونسپل کارپوریشن کی انتخابی مہم کے بعد وہ تین دن قبل اورنگ آباد آئے تھے۔ ان کی طبیعت اس وقت بگڑ رہی تھی جس کی وجہ سے وہ گھر میں کسی سے نہیں ملے اور خود کو آئیسولیشن میں رکھا تھا۔ طبیعت بگڑنے پر انہوں نے کورونا ٹیسٹ کرایا، جس کی رپورٹ پازیٹو آئی۔ مسٹر جلیل نے اپنے رابطے میں آئے سبھی لوگوں سے کورونا ٹیسٹ کرانے کی اپیل کی ہے۔