برطانوی وزیر اعظم بورس جانسن کا کہنا ہے کہ لگتا ہے پوری زندگی اس وبائی امراض کے نتیجے میں ہونے والی تباہی کا سامنا کرنا پڑے گا۔

لندن: برطانیہ کے وزیر اعظم بورس جانسن نے کہا ہے کہ کورونا وائرس کی وبا کے اثرات سے نکلنے میں کئی سال لگیں گے۔

اپنی رہائش ڈاؤننگ اسٹریٹ میں پریس کانفرنس کرتے ہوئے وزیر اعظم بورس جانسن نے خبردار کیا ہے کہ کورونا وائرس غیرمعینہ مدت تک ساتھ رہے گا۔

برطانوی وزیر اعظم کا کہنا تھا کہ لگتا ہے کہ پوری زندگی اس وبائی امراض کے نتیجے میں ہونے والی تباہی کا سامنا کرنا پڑے گا۔

دوسری جانب حکومت کے چیف میڈیکل ایڈوائزر پروفیسر کرس وائٹی کا کہنا تھا کہ لاک ڈاؤن کی وجہ سے پائے جانے والی احساس محرومی لوگوں کی صحت پر طویل عرصے تک بڑے پیمانے پر اثر انداز ہو سکتی ہے۔

برطانیہ میں گزشتہ 24 گھنٹوں میں کورونا وائرس کی وجہ سے 112 افراد ہلاک ہو گئے جس کے بعد اموات کی مجموعی تعداد سوا لاکھ سے متجاوز کر گئی ہے۔

گزشتہ روز فائرنگ کا یہ واقعہ کولوراڈو کی ایک سپر مارکیٹ میں پیش آیا تھا جس میں 10 افراد ہلاک ہوگئے تھے۔ اس واقعہ کے بارے میں پولیس کا کہنا تھا کہ فائرنگ کنگ سپر مارکیٹ میں ہوئی جس میں اے آر پندرہ رائفل استعمال کی گئی تھی۔

واشنگٹن: امریکہ کی ایک ریاست کولوراڈو کی سپر مارکیٹ میں فائرنگ کرنے والے مشتبہ شخص پر 10 افراد کے قتل کے الزامات عائد کئے گئے ہیں۔

خبر رساں ایجنسی کے مطابق 21 برس کے حملہ آور کی شناخت احمد علیسا کے نام سے کی گئی۔ ملزم کو بولڈر کاؤنٹی کی جیل منتقل کردیا گیا۔ فائرنگ کا مقصد تاحال ظاہر نہیں کیا گیا ہے۔

واضح رہے کہ گزشتہ روز فائرنگ کا یہ واقعہ ایک سپر مارکیٹ میں پیش آیا تھا جس میں 10 افراد ہلاک ہوگئے تھے۔ اس واقعہ کے بارے میں پولیس کا کہنا تھا کہ فائرنگ کنگ سپر مارکیٹ میں ہوئی جس میں اے آر پندرہ رائفل استعمال کی گئی تھی۔ اس فائرنگ میں متعدد افراد زخمی بھی ہوئے تھے۔

انتخابی ریلی میں کورونا کے اصول و ضوابط کی پاسداری نہیں کئے جانے پر کلکتہ شہریوں کے ایک گروپ نے کلکتہ ہائی کورٹ میں عرضی دائر کیا ہے۔ درخواست میں کہا گیا ہے کہ آخر انتخابات ملتوی کیوں نہیں کئے جا رہے ہیں۔

کلکتہ: انتخابی جلسے اور جلوس میں کورونا کے اصول و ضوابط کی پاسداری نہیں کئے جانے پر کلکتہ شہریوں کے ایک گروپ نے کلکتہ ہائی کورٹ میں عرضی دائر کرتے ہوئے کہا ہے کہ ریاست میں کورونا کی دوسری مہم آنے کا خدشہ بڑھ گیا ہے۔ اس کے باوجود سیاسی جماعتوں کے جلسے و جلوس میں کورونا وائرس کے اصول و ضوابط پر عمل نہیں کیا جارہا ہے۔

الیکشن کمیشن نے مداخلت نہیں کی

مفاد عامہ کی عرضی میں کہا گیا ہے کہ ڈاکٹروں کے متنبہ کرنے کے بعد الیکشن کمیشن کی توجہ اس جانب مبذول کرائی گئی تھی کہ سیاسی جماعتوں کے جلسے و جلوس میں کورونا وائرس کے اصول و ضوابط پر عمل نہیں کیا جارہا ہے۔ اس کے باوجود الیکشن کمیشن نے مداخلت نہیں کی ہے۔ اگر سیاسی جماعتوں کے جلسے و جلوس پر روک نہیں لگائی گئی تو سیاسی جماعتوں کے جلسے و جلوس کی وجہ سے کورونا وائرس کا خطر ہ کئی گنا بڑھ جائے گا۔

درخواست میں کہا گیا ہے کہ آخر انتخابات ملتوی کیوں نہیں کئے جا رہے ہیں۔ کلکتہ ہائی کورٹ کے چیف جسٹس اس معاملے کی سماعت اگلے ہفتے کریں گے۔

الیکشن کمیشن سے کئی سوالات

عرضی گزار سومناتھ رائے کے وکیل، شیامک باگچی نے بتایا کہ کلکتہ ہائی کورٹ میں عوامی مفادات میں قانونی چارہ جوئی کی گئی ہے کہ موجودہ صورت حال میں انتخابات کیوں ہو رہے ہیں۔ مدعی یہ بھی جاننا چاہتے تھے کہ انفیکشن کی روک تھام کے لئے کیا اقدامات کیے گئے ہیں۔ کورونا صورتحال میں، حکومت نے پولنگ ورکرز اور سرکاری ملازمین کے لئے ویکسین فراہم کی ہیں۔ لیکن اس صورتحال میں، حکومت نے میٹنگ میں جانے والے لوگوں کی بڑی تعداد کے لئے کیا کیا ہے؟ کیس میں یہ بھی پوچھا گیا کہ کیا الیکشن کمیشن نے انسانی حقوق کے نفاذ کے لئے کووڈ قواعد کی تعمیل کی ہے؟

ریاست میں کورونا کی صورتحال تشویشناک موڑ لینا شروع

اسمبلی میں رائے دہندگی کے پیش نظر، ریاست میں کورونا کی صورتحال تشویشناک موڑ لینا شروع کر رہی ہے۔ ریاست میں ایک بار پھر انفیکشن پھیل رہا ہے۔ خاص طور پر کلکتہ شہر می بہت سنگین ہے۔  پچھلے 24 گھنٹوں کے دوران، ریاست میں 60 افراد نئے متاثر ہوئے ہیں۔ دو افراد ہلاک ہوگئے ہیں۔ ریاست میں اب تک 5 لاکھ 80 ہزار 999 افراد متاثر ہوئے ہیں۔ ان میں 5 لاکھ 8 ہزار 116 افراد صحت یاب ہونے کے بعد گھر لوٹ آئے ہیں۔ بنگال میں صحت یاب ہونے کی شرح 97.61 فیصد ہے۔

کانگریس اور دیگر اپوزیشن جماعتوں نے دہلی میں حکومت اور لیفٹیننٹ گورنر کے حقوق سے متعلق قومی راجدھانی ترمیمی بل پر آج راجیہ سبھا میں زور دار ہنگامہ کیا جس کے سبب ایوان کی کارروائی چار مرتبہ ملتوی کی گئی اور بعد میں چھ بجکر دس منٹ پر پورے دن کے لئے ملتوی کردی گئی۔

نئی دہلی: قومی راجدھانی ترمیمی بل پر آج کانگریس اور دیگر اپوزیشن جماعتوں نے راجیہ سبھا میں زوردار ہنگامہ کیا جس کی وجہ سے چار بار ملتوی کئے جانے کے بعد ایوان کی کارروائی پورے دن کیلئے ملتوی کردی گئی۔

کانگریس اور دیگر اپوزیشن جماعتوں نے دہلی میں حکومت اور لیفٹیننٹ گورنر کے حقوق سے متعلق قومی راجدھانی ترمیمی بل پر آج راجیہ سبھا میں زور دار ہنگامہ کیا جس کے سبب ایوان کی کارروائی چار مرتبہ ملتوی کی گئی اور بعد میں چھ بجکر دس منٹ پر پورے دن کے لئے ملتوی کردی گئی۔

وزیر مملکت برائے داخلہ جی کشن ریڈی نے جیسے ہی یہ بل ایوان میں پیش کیا کانگریس اور دیگر اپوزیشن جماعتوں نے اس کی سخت مخالفت کی۔ ایوان میں اپوزیشن کے لیڈر ملک ارجن کھڑگے نے کہا کہ اس میں دہلی حکومت کے اختیارات پر سخت حملہ کیا گیا ہے۔

دہلی میں حکمراں عام آدمی پارٹی کے اراکین نے بھی بل کی سخت مخالفت کرتے ہوئے شوروغل کیا۔  ڈپٹی چیئرمین ہری ونش نے اراکین سے پرسکون رہنے کی اپیل کی لیکن اس کا اثر نہیں ہونے پر انہوں نے کارروائی پندرہ منٹ کے لئے پانچ بجکر 24 منٹ تک ملتوی کردی۔ اس کے بعد کارروائی پندرہ۔پندرہ منٹ کے لئے تین بار ملتوی کی گئی اور پھر پورے دن کے لئے ملتوی کردی گئی۔

امریکہ میں ایک اور فائرنگ کے نتیجے میں ایک پولیس افسر سمیت کم از کم 10 افراد ہلاک ہوگئے ہیں۔ وائٹ ہاؤس نے بتایا کہ صدر جو بائیڈن کو اس کی اطلاع دے دی گئی ہے۔

واشنگٹن: امریکہ میں فائرنگ کا ایک اور واقعہ سامنے آیا ہے، جس میں ایک پولیس افسر سمیت 10 افراد کی موت ہو گئی ہے۔

یہ واقعہ پیر کے روز کولاراڈو ریاست میں گراسری (کیرانہ کے سامان) کے ایک بازار میں ہوا، جہاں ایک بندوق بردار اچانک سے فائرنگ کرنے لگا جس سے 10 افراد کی موت ہو گئی۔

عینی شاہدین نے گولی باری کے اس واقعہ کا ویڈیو بنا کر یوٹیوب پر اپلوڈ کر دیا۔ پیر کے روز مشتبہ شخص اچانک گراسری اسٹور میں داخل ہوا اور تقریباً 14:30 بجے فائرنگ کرنے لگا۔ پولیس نے بتایا کہ مشتبہ شخص کو حراست میں لے لیا ہے۔

اس درمیان وائٹ ہاؤس نے بتایا کہ صدر جو بائیڈن کو اس کی اطلاع دے دی گئی ہے۔

وزیراعظم نے ایک ٹویٹ میں کہا، ’آزادی کے انقلابی سفیر امر شہید ویر بھگت سنگھ ، سکھ دیو اور راج گرو کو شہیدی دیوس پر صدہا سلام۔ ماں بھارتی کے ان عظیم سپوتوں کی قربانیاں ملک کی ہر نسل کے لیے باعث تحریک رہے گی۔ جے ہند!‘

نئی دہلی: وزیراعظم نریندر مودی نے آج ’شہیدی دیوس‘ کے موقع پر بھگت سنگھ، سکھ دیو اور راج گرو کو خراج عقیدت پیش کیا۔

وزیراعظم نے ایک ٹویٹ میں کہا، ’آزادی کے انقلابی سفیر امر شہید ویر بھگت سنگھ ، سکھ دیو اور راج گرو کو شہیدی دیوس پر صدہا سلام۔ ماں بھارتی کے ان عظیم سپوتوں کی قربانیاں ملک کی ہر نسل کے لیے باعث تحریک رہے گی۔ جے ہند!‘

आजादी के क्रांतिदूत अमर शहीद वीर भगत सिंह, सुखदेव और राजगुरु को शहीदी दिवस पर शत-शत नमन। मां भारती के इन महान सपूतों का बलिदान देश की हर पीढ़ी के लिए प्रेरणास्रोत बना रहेगा। जय हिंद! #ShaheedDiwas pic.twitter.com/qs3SqAHkO9

— Narendra Modi (@narendramodi) March 23, 2021

ساتھ ہی مسٹر مودی نے ایک ویڈیو بھی پوسٹ کی ہے جس میں جنگ آزادی میں ان تینوں انقلابیوں کا ذکر کرتے ہوئے جلیاں والا باغ سمیت دیگر اہم واقعات کا ذکر کیا گیا ہے۔

پولیس ذرائع کے مطابق مدھیہ پردیش کے ضلع گوالیار میں مرینا کی جانب سے جانے والے آٹو کی ٹکر سامنے آنے والی بس سے ہو گئی۔

گوالیار: مدھیہ پردیش کے ضلع گوالیار کی پرانی چھاؤنی تھانہ حلقے میں آج صبح بس اور آٹو کے درمیان ہوئی زبردست ٹکر میں آٹو سوار سمیت 10 افراد کی موت ہو گئی اور دیگر تین زخمی ہو گئے، جنھیں استپال میں داخل کیا گیا ہے۔

پولیس ذرائع کے مطابق مرینا کی جانب سے جانے والے آٹو کی ٹکر سامنے آنے والی بس سے ہو گئی۔  اس حادثے میں آٹو سوار سمیت 10 افراد کی موت ہو گئی ہے جبکہ دیگر تین زخمی ہو گئے ہیں جنھیں قریب کے اسپتال میں داخل کیا گیا ہے۔ ہلاک ہونے والوں میں نو خواتین اور ایک مرد شامل ہے۔

انوراگ ٹھاکر نے کہا کہ بینکنگ سیکٹر میں کارپوریٹ گروپوں کے داخلے کی اجازت سے متعلق آر بی آئی نے فی الحال کوئی فیصلہ نہیں کیا ہے۔ اس معاملے میں صارفین کے مفادات کو ذہن میں رکھ کر ہی آگے فیصلہ ہوگا۔

نئی دہلی: خزانہ کے مرکزی وزیر مملکت انوراگ ٹھاکر نے پیر کو لوک سبھا میں کہا کہ بینکنگ کے شعبے میں کارپوریٹ گروپوں کے داخلے کی اجازت دینے کے سلسلے میں ریزرو بینک آف انڈیا (آر بی آئی) نے فی الحال کوئی فیصلہ نہیں لیا ہے اور صارفین کے مفادات کو ذہن میں رکھ کر ہی آگے کوئی فیصلہ ہوگا۔

مسٹر ٹھاکر نے وقفہ سوال کے دوران ضمنی سوال کے جواب میں کہا کہ بینکنگ کے شعبے میں کارپوریٹ گروپوں کے داخلے کی اجازت سے متعلق آر بی آئی نے فی الحال کوئی فیصلہ نہیں کیا ہے۔ اس معاملے میں صارفین کے مفادات کو ذہن میں رکھ کر ہی آگے فیصلہ ہوگا۔

لوک سبھا میں بی ایس پی کے رتیش پانڈے کے ضمنی سوال کے جواب میں مسٹر ٹھاکر نے کہا کہ ایسا نہیں ہے کہ پرائیویٹ سیکٹر میں کوئی بینک نہیں چل رہا ہے۔ ایچ ڈی ایف سی، آئی سی آئی سی آئی اور کچھ دیگر بینک ہیں جن میں پرائیویٹ سیکٹر کے ساتھ ساتھ غیر ملکی سرمایہ کاری بھی ہے۔ یہ کہنا کافی جلد بازی ہوگی کہ کارپوریٹ سیکٹر آئے گا تو سرمایہ خود کی کمپنی میں لگا لے گا۔

انہوں نے کہا کہ حکومت اور آر بی آئی کی طرف سے بھی فیصلہ صارفین کے مفادات کو ذہن میں رکھ کر لیا جائے گا۔

کسانوں کی تنظیموں نے 26 مارچ کو بھارت بند کا اعلان کیا ہے جسے کانگریس کی بھرپور عملی حمایت رہے گی اور کانگریس کے کارکنان و عہدیداران اس دن ریاست بھر میں بھوک ہڑتال کریں گے۔

ممبئی: مرکز کی بی جے پی حکومت کے ذریعے کسانوں پر مسلط کیے گئے سیاہ زرعی قوانین سے ملک بھر کے کسان اور ان کی زراعت تباہ ہونے والی ہے۔ ایک جانب اگر مودی حکومت کسانوں کو سرمایہ داروں کا غلام بنا رہی ہے تو دوسری جانب پٹرول، ڈیژل و کوکنگ گیس سلنڈر کی قیمتوں میں بے تحاشہ اضافہ کرکے عوام کا جینا دوبھر بنارہی ہے۔ اس مہنگائی سے نہ صرف غریب بلکہ ملازمت پیشہ و اوسط طبقے کے لوگوں کا جینا محال کردیا ہے۔ ملک میں افراتفری کی حالت پیدا ہوچکی ہے مگر مودی حکومت ہے کہ کمبھ کرن کی نیند سو رہی ہے۔ اس سوئی ہوئی حکومت کو بیدار کرنے کے لیے کسانوں کی تنظیموں نے 26 مارچ کو بھارت بند کا اعلان کیا ہے جسے کانگریس کی بھرپور عملی حمایت رہے گی اور کانگریس کے کارکنان و عہدیداران اس دن ریاست بھر میں بھوک ہڑتال کریں گے۔ یہ اطلاع آج یہاں مہاراشٹر پردیش کانگریس کمیٹی کے صدر نانا پٹولے نے دی ہے۔

سینئر کانگریسی لیڈران و وزراء سمیت ممبئی میں بھوک ہڑتال پر بیٹھنے والے ہیں

اس بارے میں اطلاع دیتے ہوئے نانا پٹولے نے مزید کہا کہ کسانوں کی تنظیموں کی جانب سے بھارت بند کی حمایت کرتے ہوئے کانگریس پارٹی کی جانب سے 26 مارچ کو صبح 11 بجے سے 4 بجے تک ریاست بھر میں ضلع و تعلقہ ہیڈ آفس کے سامنے بھوک ہڑتال کرنے والے ہیں۔ ممبئی کانگریس کے صدر بھائی جگتاپ، سینئر کانگریسی لیڈران و وزراء سمیت ممبئی میں بھوک ہڑتال پر بیٹھنے والے ہیں۔ جبکہ ناگپور میں چندرکانت ہنڈورے، امراؤتی میں کنال پاٹل، اورنگ آباد میں شیواجی راؤ موگھے، پونے میں بسوراج پاٹل، ناسک میں ایم ایل اے پرنیتی شندے تو تھانے میں نسیم خان پارٹی کے عہدیداران وکارکنان کے ساتھ بھوک ہڑتال کرنے والے ہیں۔

بی جے پی حکومت کو کسی کی کوئی پرواہ

نانا پٹولے نے کہا کہ سیاہ زرعی قوانین کے خلاف کسان دہلی کی سرحد پر گزشتہ 100 دنوں سے دھرنا دیے بیٹھے ہوئے ہیں۔ اس احتجاج میں تقریباً 300 کسان شہید ہوچکے ہیں۔ مودی حکومت نے ابتداء میں بات چیت کا دکھاوا کیا لیکن قوانین کو رد کرنے پر رضامند نہیں ہوئی۔ زرعی قوانین میں تبدیلی کی وجہ سے راشننگ بند ہونے والی ہے جس کی وجہ سے غریب و محنت کش لوگوں کو بھوکوں مرنے کی نوبت آجائے گی۔ لیکن ہٹلر کی مانند مودی حکومت اس بارے میں کچھ بولنے کے لیے بھی تیار نہیں ہے۔ دوسری جانب یہی مودی حکومت ایندھن کی قیمتوں پر من مانے طریقے سے ٹیکس لگاکر غریبوں کی جیب پر ڈاکہ ڈال رہی ہے۔ پٹرول 100 روپئے تو کوکنگ گیس سلنڈر کی قیمت 850 روپئے تک پہونچ چکا ہے۔ مگر مرکز کی بی جے پی حکومت کو کسی کی کوئی پرواہ نہیں ہے۔ سیاہ زرعی قوانین کی وجہ سے ملک تباہ ہوجائے گا۔

شوپیاں کے مانی ہل میں مسلح تصادم کے دوران لشکر طیبہ سے وابستہ چار دہشت گرد ہلاک ہوئے ہیں اور ان کی تحویل سے ایک 47 رائفل اور دو پستول بر آمد کئے گئے۔

سری نگر: جنوبی ضلع شوپیاں کے مانی ہل میں ایک شبانہ مسلح تصادم کے دوران لشکر طیبہ سے وابستہ چار دہشت گرد ہلاک ہوئے ہیں اور تلاشی آپریشن ہنوز جاری ہے۔

جموں و کشمیر پولیس کے ایک ترجمان نے بتایا کہ شوپیاں کے مانی ہل میں تصادم کے دوران کالعدم دہشت گرد تنظیم لشکر طیبہ سے وابستہ چار دہشت گرد ہلاک ہوئے ہیں۔

انہوں نے بتایا کہ دہشت گردوں کی تحویل سے اسلحہ و گولہ بارود کے علاوہ کچھ قابل اعتراض مواد بھی بر آمد ہوئے ہیں۔

ان کا مزید کہنا تھا کہ علاقے میں تلاشی آپریشن ہنوز جاری ہے اور مہلوک دہشت گردوں کی شناخت معلوم کی جا رہی ہے۔

دریں اثنا ایک فوج نے اپنے ایک ٹویٹ میں کہا کہ مانی ہل تصادم میں چار دہشت گرد مارے گئے اور ان کی تحویل سے ایک 47 رائفل اور دو پستول بر آمد کئے گئے۔

بعض میڈیا رپورٹس کے مطابق تصادم کے دوران ایک فوجی جوان بھی زخمی ہوا ہے تاہم سرکاری سطح پر ابھی اس کی تصدیق نہیں ہوئی ہے۔

قبل ازیں سرکاری ذرائع نے بتایا کہ شوپیاں کے مانی ہل میں دہشت گردوں کی موجودگی سے متعلق خفیہ اطلاع ملنے پر جموں و کشمیر پولیس اور دیگر سیکیورٹی فورسز نے گزشتہ رات دیر گئے مذکورہ علاقے کو محاصرے میں لے کر تلاشی آپریشن شروع کیا۔

انہوں نے بتایا کہ ایک مشتبہ جگہ کی جانب پیش قدمی کے دوران وہاں موجود دہشت گردوں نے سیکیورٹی فورسز پر فائرنگ کی جس کے بعد طرفین کے درمیان باضابطہ طور تصادم شروع ہوا۔