بی ایس ای سینسیکس 627.43 پوائنٹس کی کمی کا شکار ہوا، جس کی وجہ سے سینسیکس 50 ہزار کے نیچے گر کر 49،509.15 اور نیشنل اسٹاک ایکسچینج (این ایس سی) نفٹی بھی 154.40 پوائنٹس کی کمی سے 14،690.70 پر بند ہوا۔

ممبئی: عالمی سطح پر بیشتر کلیدی انڈیکس میں کمی اور کورونا کی وبا کی وجہ سے بڑھتی ہوئی تشویش بدھ کے روز گھریلو اسٹاک مارکیٹ میں زبردست فروخت کا باعث بنی۔ اس کی وجہ سے سینسیکس میں 627 پوائنٹس کی کمی ہوگئی اور یہ 50 ہزار کے نشان کے نیچے آگیا اور نفٹی میں 154 پوائنٹس کی کمی درج کی گئی۔ اس سے گذشتہ روز سرمایہ کاروں کی خریداری میں اضافے سے گھریلو اسٹاک مارکیٹ میں زبردست تیزی رہی۔

اس عرصے کے دوران بی ایس ای سینسیکس 627.43 پوائنٹس کی کمی کا شکار ہوا، جس کی وجہ سے سینسیکس 50 ہزار کے نیچے گر کر 49،509.15 اور نیشنل اسٹاک ایکسچینج (این ایس سی) نفٹی بھی 154.40 پوائنٹس کی کمی سے 14،690.70 پر بند ہوا۔

دن کے آغاز سے ہی، سینسیکس میں کمی دیکھی گئی اور سینسیکس 87 پوائنٹس کی کمی سے کھل گیا اور گذشتہ دن کے مقابلہ میں نفٹی میں بھی 33 پوائنٹس کی کمی رہی۔

اس مدت کے دوران، بی ایس ای کا مڈ کیپ 14.72 پوائنٹس یا 0.07 فیصد اضافے سے 20،181.31 پوائنٹس پر پہنچ گیا۔ اس کی وجہ سے بڑی، درمیانے اور چھوٹی کمپنیوں میں خریداری رہی اور اس اسمال کیپ بھی 105.94 پوائنٹس یا 0.52 فیصد اضافے سے 20،649.33 پوائنٹس تک پہنچ گیا۔

اس عرصے کے دوران، بینکنگ گروپ کمپنیوں نے سب سے زیادہ 545.38 پوائنٹس یا 1.43 فیصد کی کمی ریکارڈ کی اور صارفین کے پائیدار شعبے کی کمپنیوں میں 242.90 پوائنٹس یا 0.75 پوائنٹس کا اضافہ ہوا۔

بہادر علی جموں و کشمیر کے باشندے اور لشکر طبیہ سے وابستہ ابو سعد اور ابو درداء کے ساتھ مل کر قومی دارالحکومت دہلی سمیت ملک کے مختلف حصوں میں دہشت گردانہ حملے کرنے کے لئے نوجوانوں کو تربیت دیتا تھا۔

نئی دہلی: دہلی کی پٹیالہ ہاؤس عدالت نے پاکستانی شہری اور لشکر طیبہ کے دہشت گرد بہادر علی عرف سیف اللہ منصور کو 10 سال قید کی سزا سنائی ہے۔

قومی تفتیشی ایجنسی (این آئی اے) نے بدھ کے روز یہ اطلاع دی۔ این آئی اے نے بتایا کہ عدالت نے بہادر علی کو تعزیرات ہند کی دفعات 120 بی، 121 اے، 489 سی اور انسداد غیر قانونی سرگرمی ایکٹ کی دفعات 17، 18، 20 اور 38 کے تحت قصوروار قرار دیا ہے۔

اس کے علاوہ عدالت نے بہادر علی کو اسلحہ ایکٹ کی دفعہ 7،10، اور 25، نیز دھماکہ خیز مواد ایکٹ کی دفعہ 9B اور فارینرس ایکٹ کی دفعہ 14 اور دفعہ 6 (1A) کے تحت قصوروار قرار دیتے ہوئے 10 سال قید اور جرمانے کی سزا سنائی ہے۔

قابل ذکر ہے کہ بہادر علی جموں و کشمیر کے باشندے اور لشکر طبیہ سے وابستہ ابو سعد اور ابو درداء کے ساتھ مل کر قومی دارالحکومت دہلی سمیت ملک کے مختلف حصوں میں دہشت گردانہ حملے کرنے کے لئے نوجوانوں کو تربیت دیتا تھا۔

این آئی اے نے بتایا کہ بہادر علی کو 25 جولائی 2016 کو جموں و کشمیر کے ضلع کپواڑہ کے یہاما گاؤں سے گرفتار کیا تھا۔ اس کے پاس سے ایک اے کے- 47 رائفل کے ساتھ دیگر اسلحہ برآمد ہوئے تھے۔

مرکزی وزارت صحت کی جانب سے بدھ کے روز جاری اعداد و شمار کے مطابق گذشتہ 24 گھنٹوں کے دوران کورونا وائرس کے 53480 نئے کیسز سامنے آئے۔ اس کے بعد متاثرین کی تعداد ایک کروڑ 21 لاکھ 49 ہزار 335 ہو گئی ہے۔ وہیں اس دوارن 53480 مریض صحتیاب ہوئے ہیں۔

نئی دہلی: گذشتہ 24 گھنٹوں کے دوران ملک میں کورونا وائرس (کووڈ-19) کے کیسز میں معمولی کمی درج کی گئی ہے اور یہ تقریباً 53 ہزار ہیں۔

مرکزی وزارت صحت کی جانب سے بدھ کے روز جاری اعداد و شمار کے مطابق گذشتہ 24 گھنٹوں کے دوران کورونا وائرس کے 53480 نئے کیسز سامنے آئے۔ اس کے بعد متاثرین کی تعداد ایک کروڑ 21 لاکھ 49 ہزار 335 ہو گئی ہے۔ وہیں اس دوارن 53480 مریض صحتیاب ہوئے ہیں۔ مجموعی طور پر اب تک 15493301 مریض کورونا سے نجات پا چکے ہیں۔ فعال کیسز 552566 ہو گئے ہیں۔ اس دوران مزید 354 مریضوں کی موت کے ساتھ اس بیماری سے ہلاکتوں کی تعداد 162568 ہو گئی ہے۔

ملک میں ریکوری ریٹ جزوی طور پر کم ہو کر 94.11 فیصد اور فعال کیسز کی شرح بڑھ کر 4.55 فیصد ہو گئی ہے جبکہ شرح اموات کم ہو کر 1.34 فیصد ہو گئی ہے۔

مہاراشٹر کورونا کے فعال کیسز 3559 بڑھ کر 341887 ہو گئی ہے۔ گذشتہ 24 گھنٹوں میں ریاست میں مزید 23820 مریض صحتیاب ہوئے، مجموعی طور پرکورونا کو شکست دینے والوں کی تعداد 2377127 تک پہنچ گئی ہے جبکہ مریضوں کی موت سے ہلاکتوں کے اعداد و شمار بڑھ کر 54422 ہو گئے ہیں۔

کانگریس کی جنرل سکریٹری پرینکا گاندھی نے کٹآاکڈا اسمبلی حلقے میں پارٹی کے رہنماؤں کے ساتھ میٹنگ کرنے کے بعد مندر میں پوجا کی۔ انہوں نے ترووننت پورم میں ایک روڈ شو میں حصہ لیا۔

ترووننت پورم: کانگریس کی جنرل سکریٹری پرینکا گاندھی واڈرا نے منگل کی دیر رات اٹّوکل دیوی مندر میں پوجا کی۔ یہ مندر خواتین کا سبری مالا کے نام سے بھی جانا جاتا ہے۔ 

پرینکا گاندھی کے ساتھ نیموم سیٹ سے کانگریس امیدوار مرلی دھر اور وٹّیوٹکاوو سے وینا ایس نائر سمیت پارٹی کے کئی دیگر رہنما موجود تھے۔ 

کانگریس کی جنرل سکریٹری نے کٹآاکڈا اسمبلی حلقے میں پارٹی کے رہنماؤں کے ساتھ میٹنگ کرنے کے بعد مندر میں پوجا کی۔ انہوں نے ترووننت پورم میں ایک روڈ شو میں حصہ لیا۔ 

غور طلب ہے کہ ہر سال پونگل کے موقع پر لاکھوں خواتین اٹّوکل مندر کا چکر (پریکرما) لگاتی ہیں اور بہتر فصل کے لیے پوجا کرتی ہیں۔

دہلی کے نائب وزیر اعلی منیش سسودیا نے میٹنگ سے خطاب کرتے ہوئے کہا کہ دہلی میں ہمارے سبھی بچوں کے لئے اعلی معیار کی تعلیم یقینی بنانے کی سمت میں دہلی بورڈ فار ایجوکیشن ایک اہم قدم ہے۔

نئی دہلی: دہلی کے نائب وزیر اعلی منیش سسودیا کی صدارت میں دہلی بورڈ آف اسکول ایجوکیشن کی پہلی میٹنگ کا انعقاد کیا گیا جس میں تعلیمی سیشن 2022-2021 سے اس کے کام کاج کے ساتھ ساتھ بورڈ کے رکن /نامزد اراکین کا تعارف اور بورڈ کے ویژن سے مطلع کروانا تھا۔

مسٹر سسودیا نے میٹنگ سے خطاب کرتے ہوئے کہا کہ دہلی میں ہمارے سبھی بچوں کے لئے اعلی معیار کی تعلیم یقینی بنانے کی سمت میں دہلی بورڈ فار ایجوکیشن ایک اہم قدم ہے۔ پچھلے چھ برسوں میں دہلی میں ہمارے کام نے ہندوستان کے سرکاری اسکولوں کے تاثر کو بدل دیا ہے۔ حالانکہ ہم جانتے ہیں کہ اصلی کام اب شروع ہوتا ہے۔ اگلی نسل کی تعلیم میں بہتر تشخیص میں اصلاحات پر منحصر کرتے ہیں۔ انہوں نے کہا کہ اب 360 ڈگری تشخیص ہونی چاہئے، جہاں اہم مکمل طور پر ایک طالب علم کے علم، نظریہ اور مہارت کا جائزہ کر پائیں گے۔

دہلی بورڈ آف اسکول ایجوکیشن کے مقاصد

دہلی بورڈ آف اسکول ایجوکیشن کے مقصد پر تبادلہ خیال کرتے ہوئے انہوں نے کہا، ’’دہلی بورڈ آف اسکول ایجوکیشن کے تین مقصد ہیں۔ پہلا، بورڈ سیکھنے کے لئے رٹنے کے نظام کو ختم کرنے کا کام کرے گا۔ یہ بورڈ ہر طالب علم کی ایک مکمل تصویر دینے کی سمت میں آگے بڑھے گا، جو مضامین میں تعلیم صلاحیت سے آگے بڑھکر طلبہ میں مستقبل کی ضروری مہارت جیسے کریٹیکل تھنکنگ، اختراعی، 21 ویں صدی کی مہارت وغیرہ تیار کرے گا۔ دوسرا، بورڈ مسلسل فارمیٹو اسسمنٹ پر زور دے گا۔ بورڈ کے قیام کا بنیادی مقصد تشخیصی نظام کو ’پارٹنر آف لرننگ بنانا ہے نہ کہ اتھاریٹی آف ٹیسٹنگ ‘‘ اور تیسرا مقصد، ہم طلبہ میں گروتھ مائنڈ سیٹ کو فروغ دینا چاہتے ہیں جو باقاعدہ تشخیص کا حصہ بن کر یقینی ہوسکے گا۔‘‘

تعلیم میں گروتھ مائنڈ سیٹ کی اہمیت

تعلیم میں گروتھ مائنڈ سیٹ کتنا اہم ہے، اس پر تفصیل سے بات کرتے ہوئے نائب وزیراعلی نے کہا کہ ہمارے ذریعہ شروع کئے گئے ہیپی نیس کرکولم، انٹر پرونیور شپ مائنڈ سیٹ کری کولم اور حب الوطنی نصاب نے طلبہ میں ایک صحت مند ذہنیت پیدا کی ہے۔

انہوں نے کہا کہ بچوں کی روایتی تعلیم کے آخر میں ہم صرف ان کے مضامین پر مبنی علم کی تشخیص کرتے ہیں لیکن اس وقت ہمیں یہ بھی یقینی بنانا چاہئے کہ کیا طلبہ میں اسکول چھوڑنے سے پہلے مسلسل نیا سیکھنے اور کسی بھی مسئلے کو حل کرنے کے نظریے کی ذہنیت پیدا ہوئی ہے یا نہیں۔ ہمیں یہ یقینی بنانا ہوگا کہ ہمارے بچے نہ صرف اپنے مضامین میں مہارت حاصل کریں، بلکہ وہ اپنے کنبے، سماج اور ملک سے بھی گہرائی سے جڑ سکیں۔ ایک طرف، ہمارا مقصد یہ ہے کہ طلبہ اپنے علم کا استعمال اپنے کنبے، اپنے سماج اور ملک کی ترقی کے لئے پوری ذمہ داری کے ساتھ کر سکیں۔

انہوں نے کہا، ’بورڈ ٹیچروں کو ان کی پوری صلاحیت حاصل کرنے کے لئے با اختیار بنائے گا، ساتھ ہی انہیں خصوصی کاموں پر وقت پر فیڈ بیک دے گا جس سے وہ اپنی کلاس میں ہر بچے کو سیکھنے میں مدد کر سکیں۔

انہوں نے کہا کہ موجودہ تشخیصی نظام ٹیچروں کو طلبہ کی ضرورتوں کے مطابق بدلنے کے لئے بہت کم موقع دیتی ہے۔ اپنے تعلیمی نظام کو بدلنے کے لئے بہت کم موقع دیتی ہے۔ بورڈ تشخیص کے زیادہ پرسنلائزڈ اور مسلسل شکل کے ساتھ، ٹیچروں کو زیادہ موثر انپٹ دے گا کہ وہ کیسے طلبہ کی کلاس میں آنے والی مشکلات کو دور کرنے میں مدد کرسکتے ہیں۔

واضح رہے کہ دہلی کابینہ نے چھ مارچ کو دہلی بورڈ آف اسکول ایجوکیشن کے قیام کو منظوری دی، جس کے بعد بورڈ کے لئے سوسائٹی 19 مارچ کو رجسٹر کی گئی۔ دہلی بورڈ آف اسکول ایجوکیشن کی تشکیل اسکولی تعلیم میں معیار اور بہتر نظام کے مقصد کے ساتھ ساتھ دہلی کے اسکولوں میں پائدار تعلیمی تشخیص کو ڈیزائن/آپریشن کرنا، طلبہ کی مہارت اور علم کو بڑھانا ہے۔

اس مرتبہ اسمبلی انتخابات میں بائیں محاذ نے کانگریس اور آئی ایس ایف کے ساتھ اتحاد کیا ہے۔ بدھا دیب بھٹا چاریہ نے بنگال کی جمہوریت پسند عوام سے اپیل کی کہ وہ اس اتحاد کو حکومت میں لائیں تاکہ بنگال ترقی کر سکے۔

کلکتہ: سابق وزیر اعلی اور سی پی آئی ایم کے سینئر رہنما بدھا دیب بھٹا چاریہ نے یکم اپریل کو مغربی بنگال میں پولنگ کے دوسرے مرحلے سے قبل ایک آڈیو پیغام جاری کرکے ریاست کے عوام سے سی پی آئی ایم، کانگریس اور آئی ایس ایف اتحاد کو ووٹ دینے کی اپیل کی ہے۔

بدھا دیب نے کہا ہے کہ بائیں محاذ نے ہمیشہ زراعت کو ماضی اور صنعت کو مستقبل کی طرح سمجھا ہے اور اس پر ہمیشہ عمل کیا ہے۔

اس مرتبہ اسمبلی انتخابات میں بائیں محاذ نے کانگریس اور آئی ایس ایف کے ساتھ اتحاد کیا ہے۔

بدھا دیب بھٹا چاریہ نے بنگال کی جمہوریت پسند عوام سے اپیل کی کہ وہ اس اتحاد کو حکومت میں لائیں تاکہ بنگال ترقی کر سکے۔

وزیر اعلی ممتا بنرجی کی تنقید کرتے ہوئے بدھا دیب بھٹاچاریہ نے کہا ہے کہ ممتا بنرجی کے دور حکومت میں گذشتہ 10 سالوں کے دوران بنگال میں انڈسٹری تباہ ہوگئی ہے۔ امن و امان تباہ ہوگیا ہے۔ مجرم کھلے عام آرکسٹائزنگ کر رہے ہیں اور خواتین کے حقوق اور تحفظ بالکل ختم ہوچکا ہے۔

انہوں نے دعوی کیا ہے کہ مخلوط حکومت کی تشکیل کے بعد سی پی آئی ایم بنگال میں جمہوریت کی بحالی کرے گی۔

اساتذہ کی جے اے سی کی جانب سے یہ دھرنا دیا گیا، جس میں سینکڑوں کی تعداد میں اساتذہ نے حصہ لیتے ہوئے حکومت کے اس قدم کی شدید مخالفت کی اور یہ سوال کیا کہ پرائیویٹ اسکول کو بند کرنے سے کورونا کی روک تھام ممکن ہے تو پھر شراب خانے کیوں بند نہیں کئے گئے۔ ان سے بھی کورونا پھیل سکتا ہے۔

حیدرآباد: کورونا کی روک تھام کے لئے پرائیویٹ تعلیمی اداروں کو بند کرنے کے تلنگانہ حکومت کے اقدام کے خلاف کریم نگر ضلع کلکٹریٹ کے سامنے پرائیویٹ اسکول کے اساتذہ نے دھرنا دیا۔

اساتذہ کی جے اے سی کی جانب سے یہ دھرنا دیا گیا، جس میں سینکڑوں کی تعداد میں اساتذہ نے حصہ لیتے ہوئے حکومت کے اس قدم کی شدید مخالفت کی اور یہ سوال کیا کہ پرائیویٹ اسکول کو بند کرنے سے کورونا کی روک تھام ممکن ہے تو پھر شراب خانے کیوں بند نہیں کئے گئے۔ ان سے بھی کورونا پھیل سکتا ہے۔

انہوں نے افسوس کا اظہار کرتے ہوئے کہا کہ اسکولس کو بند کرنے کی وجہ سے وہ سڑکوں پر آگئے ہیں۔ دھرنے کے موقع پر شدید گرمی کے نتیجہ میں جیوتی نامی ٹیچر اچانک گر گئی۔ اس کی ساتھی اساتذہ نے اس کو سڑک سے اٹھایا۔ اساتذہ نے اپنے ہاتھوں میں پلے کارڈس تھامتے ہوئے حکومت کے خلاف اور اپنے مطالبہ کی حمایت میں نعرے بازی کی۔

ایم وی گیوین جہاز دنیا کا سب سے بڑا مال بردار جہاز ہے۔ یہ چین سے نیدرلینڈز کے پورٹ روٹیرڈم جا رہا تھا۔ راستے میں سوئز نہر میں جہاز گھوم گیا اور پھنس گیا۔ اسی سبب نہر کا راستہ بلاک ہو گیا۔ مصر کے افسران نے بتایا تھا کہ تیز ہوا کی وجہ سے جہاز گھوم گیا اور پھنس گیا تھا۔

قاہرہ: مصر کی سوئز نہر میں تقریباً ایک ہفتے سے پھنسے ہوئے مال بردار جہاز کو ہٹا دیا گیا ہے جس کے ساتھ ہی اس نہر میں جہازوں کی آمد و رفت دوبارہ شروع ہو گئی ہے۔

مصر ی صدر کے صلاح کار نے پیر کے روز یہ اطلاع دی۔

جہاز کا نام ایم وی ایور گیوین ہے جو تقریباً 400 میٹر لمبا اور 59 میٹر چوڑا تھا۔ یہ مال بردار جہاز چین سے نیدر لینڈ کی جانب جا رہا تھا۔ گذشتہ ہفتے سوئز نہر میں اس جہاز کے پھنسنے سے کم از کم 367 جہاز پھنس گئے تھے۔ اب راستہ کھلنے سے یہ جہاز یہاں سے گذر سکیں گے۔

ایم وی گیوین جہاز دنیا کا سب سے بڑا مال بردار جہاز ہے۔ یہ چین سے نیدرلینڈز کے پورٹ روٹیرڈم جا رہا تھا۔ راستے میں سوئز نہر میں جہاز گھوم گیا اور پھنس گیا۔ اسی سبب نہر کا راستہ بلاک ہو گیا۔ مصر کے افسران نے بتایا تھا کہ تیز ہوا کی وجہ سے جہاز گھوم گیا اور پھنس گیا تھا۔

کاروبار کےنقطۂ نظر سے سوئز نہر بڑی اہمیت کی حامل ہے۔ اس نہر کو کاروبار کے لیے 1869 میں کھولا گیا تھا۔ یہ نہر ایشیا کو یورپ سے اور یورپ کو ایشیا سے جوڑتی ہے۔ پوری دنیا میں تیل کا جتنا کاروبار ہوتا ہے، اس کا سات فیصد اسی نہرکے ذریعے سے کیا جاتا ہے۔ وہی عالمی بازار کا 10 فیصد کاروبار سوئز نہر ہی ہوتا ہے۔

امریکی وزیر خارجہ بلنکن نے مسٹر گٹیرس کے ساتھ افغانستان میں سیاسی استحکام لانے اور مستقل طور پر جنگ بندی کے نفاذ کی سمت کی جانے والی کوششوں کی بابت مذاکرہ کیا۔ علاوہ ازیں دونوں رہنماؤں نے سیریا میں راحت ساز و سامان پہنچانے کے سلسلے میں بھی تفصیل سے بات چیت کی۔

واشنگٹن: امریکی وزیر خارجہ انٹونی بلنکن نے اقوام متحدہ کے سکریٹری جنرل انتونیو گٹیرس کے ساتھ سیریا، لیبیا اور افغانستان سے متعلق اہم مسائل پر مذاکرہ کیا ہے۔ امریکی وزارت خارجہ کے ترجمان نیڈ پرائس نے پیر کے روز ایک بیان جاری کرکے دونوں کے درمیان ہوئی بات چیت کی اطلاع دی۔

مسٹر پرائس نے کہا، ’وزیر خارجہ بلنکن نے مسٹر گٹیرس کے ساتھ افغانستان میں سیاسی استحکام لانے اور مستقل طور پر جنگ بندی کے نفاذ کی سمت کی جانے والی کوششوں کی بابت مذاکرہ کیا۔ علاوہ ازیں دونوں رہنماؤں نے سیریا میں راحت ساز و سامان پہنچانے کے سلسلے میں بھی تفصیل سے بات چیت کی‘۔

امریکی وزیر خارجہ نے لیبیا میں قومی اتحاد کے پیش نظر نئی عبوری حکومت کی تشکیل کا خیر مقدم کیا ہے۔ انہوں نے لیبیا میں رواں برس ہونے والے عام انتخابات کے سلسلے میں بھی بات چیت کی۔ امریکہ نے لیبیا میں اقوام متحدہ کے مشن اور اس کے خصوصی ایلچی جان کیوبس کی حمات کی بات کی۔

ہندو مسلم اتحاد کا پیغام دینے والے صوفی بزرگ حاجی وارث علی شاہ کی درگاہ پر کھیلی جانے والی ہولی میں مذہب کی حدیں ٹوٹتی نظر آتی ہیں۔ یہاں ہندو اور مسلمان ایک ساتھ ہولی کھیل کر ایک دوسرے کے گلے مل کر ہولی کی مبارکباد دیتے ہیں۔

بارہ بنکی: ہندو مسلم اتحاد کی مثال اترپردیش کے دارالحکومت لکھنؤ سے متصل ضلع بارہ بنکی کے دیوا شریف کی انوکھی ہولی کے اپنے ہی رنگ ہیں اور یہاں تمام مذاہب کے لوگ ملک کے کونے کونے سے ہولی کھیلنے آتے ہیں۔

ہولی رنگوں کا تہوار ہے۔ یہ تہوار ہر جگہ اپنے انداز سے منایا جاتا ہے۔ متھرا ورینداون اور برسانا کی ہولی کو دیکھنے کے لئے بیرون ممالک سے سیاح بھی آتے ہیں۔ ہولی کو لوگ آپسی بھائی چارے کا تہوار بھی سمجھتے ہیں، برسانا کی لٹھ مار ہولی پورے ملک اور بیرون ممالک میں مشہور ہے۔ لیکن ابھی بات بارہ بنکی میں واقع صوفی بزرگ حاجی وارث علی شاہ کی مزار پر کھیلی جانے والی ہولی کی ہے۔

درگاہ پر کھیلی جانے والی ہولی میں مذہب کی حدیں ٹوٹتی نظر آتی ہیں

اتحاد کا پیغام دینے والے صوفی بزرگ حاجی وارث علی شاہ کی درگاہ پر کھیلی جانے والی ہولی میں مذہب کی حدیں ٹوٹتی نظر آتی ہیں۔ یہاں ہندو اور مسلمان ایک ساتھ ہولی کھیل کر ایک دوسرے کے گلے مل کر ہولی کی مبارکباد دیتے ہیں۔

ملک بھر سے ہندو، مسلمان، سکھ یہاں آکر حاجی وارث علی شاہ کی درگاہ پر ایک ساتھ ہولی کھیلتے ہیں۔ رنگ، گلاب اور پھولوں سے مختلف مذاہب کی طرف سےکھیلی جانے والی ہولی دیکھنے میں حیرت انگیز نظر آتی ہے۔

سینکڑوں برسوں سے جاری اس انوکھی ہولی کو دہلی سے مسلسل 30 برسوں سے کھیلنے آرہے سردار پرمجیت سنگھ بتاتے ہیں کہ وہ ہولی پر گھر میں قید ہو جایا کرتے تھے، لیکن تیس سال قبل یہاں ہولی کھیلنے آئے تو یہاں کے بسنتی رنگ میں رنگ گئے اور شاید زندگی بھر یہ رنگ اترنے والا نہیں ہے۔ مرزاپور سے ہولی کھیلنے آئی خاتون نے بتایا کہ حاجی وارث علی شاہ کے پیغام سے اتنی متاثر ہوئی کہ وہ اب ہمیشہ یہاں ہولی کھیلنے آتی ہیں۔

یہاں ہولی گزشتہ 100 سے زیادہ سے کھیلی جا رہی ہے۔ پہلے یہاں اتنی بھیڑ نہیں ہوتی تھی اور قصبے کے ہی لوگ یہاں کی وارث سرکار کے قدم پر رنگ چڑھاتے تھے۔ وقت گزرنے کے ساتھ ساتھ ہولی کی شکل تبدیل ہوگئی اور باہر سے لوگ یہاں ہولی کھیلنے آنا شروع ہوگئے۔