مودی کی موجودگی میں یوگی آدتیہ ناتھ نے یوپی کے وزیر اعلی اور کیشو پرساد موریہ نے نائب وزیر اعلی کا حلف لیا

لکھنؤ: اترپردیش کے گورنر آنندی بین پٹیل نے یوگی آدتیہ ناتھ کو جمعہ کے روز ملک کے کثیر آبادی والے صوبہ یوپی کے وزیر اعلی کی حیثیت سے دوسری بار حلف دلایا ہے۔ ان کے ساتھ گورنر نے برجیش پاٹھک اور کیشو پرساد موریہ کو نائب وزیر اعلی کا حلف دلایا۔

ریاستی راجدھانی کے اکانا اسٹیڈیم میں منعقد ہوئے حلف برداری تقریب میں ریاست کی گورنر آنندی بین پٹیل نے16 کابینی وزراء، 14مملکتی وزراء برائے آزادانہ چارج اور 20 وزراء کو مملکتی وزیر کے حیثیت سےحلف دلایا۔

تقریب میں متعدد معروف سیاسی و سماجی شخصیات کی شرکت

تقریب میں وزیر اعظم مودی، بی جے پی صدر جے پی نڈا، وزیر داخلہ امت شاہ سمیت متعدد مرکزی وزراء، بی جے پی حکمرانی والی ریاستوں کے وزراء سمیت متعدد معروف سیاسی و سماجی شخصیات و بی جے پی کارکنان موجود رہے۔

یوگی کابینہ میں کابینی وزیر کی حیثیت سےحلف لینے والوں میں سریش کمار کھنہ، سوریہ پرتاپ شاہی، سوتنتر دیو سنگھ، بیبی رانی موریہ، لکشمی نارائن چودھری، جیویر سنگھ، دھرمپا سنگھ، نند گوپال گپتا نندی، بھوپیندر چودھری، انل راج بھر، جتن پرساد، راکیش سچان، اروند کمار شرما، یوگیندر اپادھیائے، آشیش پٹیل،سنجئے نشاد کے نام شامل ہیں۔

وہیں مملکتی وزیر (آزادانہ چارج ) کی حیثیت سے حلف لینے والو ں میں نتن اگروال، کپل دیو اگروال، روندر جیسوال، سندیپ سنگھ، گلاب دیوی، گریش چندر یادو، دھرمویر پرجاپتی، اسیم ارون، جے پی ایس راٹھور، دیا شنکر سنگھ، نریندر کشیپ، دنیش پرتاپ سنگھ، ارون کمار سکسینا، دیا شنکر مشر ’دیالو‘ کے نام شامل ہیں۔

جبکہ مملکتی وزراء میں مینکیشور سنگھ، دنیش کھٹک، سنجئے گوڑ، بلدیو سنگھ اولکھ، اجیت پال، جسونت سینی، رام کیشو نشاد، منوہر لال منو کوری، سنجئے گنگوار، برجیش سنگھ، کے پی ملک، سریش راہی، سومیندر تومر، انوپ پردھام والمیکی، پرتبھا شکلا، راکیش راٹھر گرو، رجنی تیواری، ستیش شرما، دانش آزاد انصاری، وجئے لکشمی گوتم نے حلف لیا ہے۔

یوگی کابینہ میں کن کو جگہ نہیں ملی؟

دلچسپ ہیں کہ ستیش مہانا، رما پتی شاستری، جئے پرتاپ سنگھ، شری کانت شرما، سدھارتھ ناتھ سنگھ، آشوتوش ٹنڈن، ڈاکٹر نریندر سنگھ، رام نریش اگنیہوتری، سریش رانا، ڈاکٹر نیل کنٹھ تیواری، اشوک کٹاریا، شری رام چوہان ایسے نام ہیں جو سابقہ حکومت میں وزیر تھے، لیکن اس بار انہیں یوگی کابینہ میں جگہ نہیں ملی ہے۔

جبکہ گلاب دیوی اور سندیپ سنگھ کو کو مملکتی وزیر سے مملکتی وزیر ( آزدانہ چارج) کے عہدے پر پرموشن دیا گیا ہے۔ سندیپ سنگھ کلیان سنگھ کے پوتے ہیں۔

قابل ذکر ہے کہ 10مارچ کو یوپی اسمبلی انتخابات کے آئے نتائج میں بی جے پی اور اس کی اتحادی جماعتوں نے 273 سیٹوں پر جیت درج کیا تھا۔

حجاب پہننے پر پابندی کو جاری رکھنے کے کرناٹک ہائی کورٹ کے فیصلے کے چند گھنٹے بعد، اسے سپریم کورٹ میں چیلنج کیا گیا، اس کے بعد کئی عرضیاں دائر کی گئیں

نئی دہلی: سپریم کورٹ نے ‘حجاب’ کے معاملے میں کرناٹک ہائی کورٹ کے فیصلے کو چیلنج کرنے والی عرضیوں کی سماعت کے لیے جمعرات کو کوئی مقررہ تاریخ طے کرنے سے انکار کر دیا۔

چیف جسٹس این۔ وی رمنا کی سربراہی والی بنچ نے سینئر وکیل دیودت کامت کے ذریعہ جلد سماعت کے لئے کسی مقررہ تاریخ پر درج کرنے کی التجا کو مسترد کردیا۔ مسٹر کامت نے کرناٹک میں 28 مارچ سے ہونے والے امتحانات (بشمول درخواست گزار) کا حوالہ دیتے ہوئے ہائی کورٹ کے فیصلے کو چیلنج کرنے والی کچھ طالبات کی درخواست کی سماعت کے لیے فہرست بنانے کی درخواست کی تھی۔

مسٹر کامت کی جانب سے ‘خصوصی ذکر’ کے دوران امتحان کی تاریخ کا حوالہ دیتے ہوئے معاملے کو سماعت کے لئے درج کرنے کی درخواست پر چیف جسٹس نے کہا، "اس کا امتحان سے کوئی تعلق نہیں ہے۔ یہ ایک حساس معاملہ ہے۔”

چیف جسٹس نے 16 مارچ کو فوری سماعت کی درخواست کے پیش نظر ہولی کے بعد اس معاملے پر غور کرنے کا اشارہ دیا تھا۔

سینئر وکیل سنجے ہیگڑے نے اس معاملے کو انتہائی ضروری قرار دیتے ہوئے 16 مارچ کو خصوصی ذکر کے دوران فوری سماعت کی درخواست کی تھی۔

اسکولوں اور کالجوں میں حجاب پہننے پر پابندی کو جاری رکھنے کے کرناٹک ہائی کورٹ کے فیصلے کے چند گھنٹے بعد، اسے سپریم کورٹ میں چیلنج کیا گیا۔ اس کے بعد کئی عرضیاں دائر کی گئیں۔

درخواست گزاروں میں شامل نبا ناز نے ہائی کورٹ کے فیصلے کو وکیل انس تنویر کے ذریعہ سپریم کورٹ سے رجوع کیا تھا۔

سی این جی کی قیمت میں اس اضافے کے ساتھ ہی، راجدھانی دہلی میں نئی ​​قیمت 59.01 روپے فی کلو گرام ہو گئی ہے

نئی دہلی: ملک میں سی این جی کی تقسیم کرنے والی کمپنی اندرا پرستھ گیس لمیٹڈ (آئی جی ایل) نے جمعرات کو گاڑیوں میں ایندھن کی شکل میں استعمال ہونے والی کمپریسڈ نیچرل گیس (سی این جی) کی قیمت میں ایک روپے کا اضافہ کر دیا ہے۔

کمپنی کی طرف سے یہ اضافہ آج سے نافذ کر دیا گیا ہے۔ سی این جی کی قیمت میں اس اضافے کے ساتھ ہی، راجدھانی دہلی میں نئی ​​قیمت 59.01 روپے فی کلو گرام ہو گئی ہے۔

ایک روپے کے اضافے کے ساتھ نوئیڈا، گریٹر نوئیڈا اور غازی آباد میں قیمت 61.58 روپے، مظفر نگر، میرٹھ اور شاملی میں 66.26 روپے، گروگرام میں 67.68 روپے، ریواڑی میں 69.48 روپے، کرنال اور کیتھل میں 67.68 روپے، کانپور، ہمیر پور اور فتح پور میں 70.8 روپے، اجمیر، پالی اورراجسمند میں 69.31 روپے فی کلو ہو گئی ہے۔

آئی جی ایل نے آج ہی گھریلو پائپ نیچرل گیس (پی این جی) کی قیمت میں ایک روپے کے اضافے کے ساتھ نئی قیمت جاری کردی ہے۔

پی این جی کی قیمتوں میں اضافے کے ساتھ ہی دہلی میں اس کی قیمت 36.61 روپے فی ایس سی ایم ہو گئی ہے، جب کہ نوئیڈا، گریٹر نوئیڈا اور غازی آباد میں اسے 35.86 روپے فی ایس سی ایم کے حساب سے صارفین کو فراہم کیا جائے گا۔

بین الاقوامی مارکیٹ میں جہاں خام تیل کی قیمت مسلسل اتار چڑھاؤ کے درمیان 100 ڈالر سے اوپر جا رہی ہے۔ وہیں ملک میں توانائی کی مصنوعات کی قیمتوں میں اضافہ دیکھا جارہا ہے۔ پٹرول، ڈیزل، ایل پی جی، پی این جی اور سی این جی کی قیمتوں میں اضافہ ہوا ہے۔

روس کے کمیونیکیشن ریگولیٹر نے الزام لگایا ہے کہ گوگل یوزرس کو یوکرین میں روسی فوجی مہم کے بارے میں غلط خبریں بتا رہا ہے

ماسکو: روس کے کمیونیکیشن ریگولیٹر نے یہ اعلان کیا ہے کہ ان کے ذریعہ الفابیٹ انک کے گوگل کی نیوز ایگریگیٹر سروس کو بلاک کیا جارہا ہے۔ الجزیرہ نے جمعرات کو یہ اطلاع دی۔

ریگولیٹر نے الزام لگایا ہے کہ گوگل یوزرس کو یوکرین میں روسی فوجی مہم کے بارے میں غلط خبریں بتا رہا ہے۔

اس سے قبل، یوٹیوب نے روسی حکومت کی میڈیا تنظیم آرٹی سمیت کئی روسی چینلز کو اپنے ویڈیوز کے ساتھ چلنے والے اشتہارات سے پیسہ کمانے پر روک لگادی تھی یعنی کہ انہیں ڈیمونیٹائز کردیا تھا۔ اس کے علاوہ گوگل نے بھی روس میں آن لائن اشتہارات کی فروخت روک دی تھی۔

روسی فوج کو بدنام کرنے والے کسی بھی واقعہ کی رپورٹ کو غیرقانونی قراردئے جانے کے ایک نئے روسی قانون کی منظوری کے بعد روس کے اسٹیٹ میڈیا واچ ڈاگ روسکومناڈزور نے روسی پراسیکیوٹر جنرل کے دفتر کی درخواست پر یہ کارروائی کی ہے۔

یوکرین میں ایک ماہ قبل روسی فوجی آپریشن شروع ہونے کے بعد سے تقریباً 64 ہسپتالوں پر حملے ہو چکے ہیں

واشنگٹن: یوکرین میں تقریباً ایک ماہ قبل شروع ہوئے روسی فوجی آپریشن کے بعد سے یہاں تقریباً 64 اسپتالوں پر حملے کئے جا چکے ہیں۔ اس کی تصدیق عالمی ادارہ صحت (ڈبلیو ایچ او) نے کی ہے، جس کی اطلاع الجزیرہ نے جمعرات کو اپنی رپورٹ میں دی ہے۔

تنظیم نے ایک بیان میں کہا ہے کہ 24 فروری سے 21 مارچ کے دوران حملوں میں روزانہ دو سے تین اسپتالوں کو نقصان پہنچا اور کم از کم 15 افراد ہلاک ہوئے۔

یوکرین مسلسل روس پر یہاں کے ہسپتالوں اورطبی مراکز پر حملے کا الزام لگاتا رہا ہے۔ ان میں ماریوپول میں واقع بچوں اور حاملہ خواتین کا ایک ہسپتال بھی شامل ہے۔

تاہم روس نے یوکرین کے شہریوں کو نشانہ بنانے کے الزامات کی بار بار تردید کی ہے۔

یوکرین میں جاری فوجی مہم کے پیش نظر یہاں اسپتالوں کی دوبارہ تعمیر نو کی جا رہی ہے تاکہ زخمیوں کا علاج کیا جا سکے اور لوگوں کو صحت کی بنیادی سہولیات فراہم کرائی جا سکیں۔

ڈبلیو ایچ او نے کہا ہے کہ تقریباً 1,000 ہسپتال یا طبی مراکز ایسے ہیں جو یا تو روسی سرحد کے قریب ہیں یا روس کے زیر قبضہ علاقے میں ہیں۔

مسٹر پریم چند اگروال نے حلف برداری کی تقریب میں سنسکرت میں حلف لیا۔ تقریب میں محترمہ ریکھا آریہ روایتی کمونی لباس میں توجہ کا مرکز رہیں

دہرادون: گورنر لیفٹیننٹ جنرل (ریٹائرڈ) گرمیت سنگھ نے وزیر اعظم نریندر مودی کی موجودگی میں بدھ کے روز یہاں پریڈ گراؤنڈ میں منعقدہ تقریب میں وزیر اعلیٰ پشکر سنگھ دھامی کو عہدے اور رازداری کا حلف دلایا۔ ان کے ساتھ آٹھ وزراء نے بھی عہدہ اور رازداری کا حلف لیا۔

پروگرام میں گورنر نے مسٹر ستپال مہاراج، مسٹر پریم چند اگروال، مسٹر گنیش جوشی، ڈاکٹر دھن سنگھ راوت، مسٹر سبودھ اونیال، محترمہ ریکھا آریہ، مسٹر چندن رام داس اور مسٹر سوربھ بہوگنا کو عہدے اور رازداری کا حلف دلایا۔

مسٹر پشکر سنگھ دھامی نے بدھ کے روز پریڈ گراؤنڈ میں وزیر اعلیٰ کا حلف لینے سے پہلے سنتوں پر پھول چڑھائے اور ان کا آشیرواد لیا۔

مسٹر پریم چند اگروال نے حلف برداری کی تقریب میں سنسکرت میں حلف لیا۔ تقریب میں محترمہ ریکھا آریہ روایتی کمونی لباس میں توجہ کا مرکز رہیں۔

اس موقع پر وزیر اعظم نریندر مودی، بی جے پی کے قومی صدر جے پی نڈا، مرکزی وزیر داخلہ امت شاہ، مرکزی وزیر دفاع راج ناتھ سنگھ، مرکزی وزیر ٹرانسپورٹ نتن گڈکری، پارلیمانی امور کے وزیر پرہلاد جوشی، مرکزی وزیر مملکت برائے دفاع و سیاحت اجے بھٹ، مرکزی وزیر مملکت برائے ثقافت میناکشی لیکھی، گجرات کے وزیر اعلیٰ بھوپیندر بھائی پٹیل، آسام کے وزیر اعلیٰ ہیمنت بسوا سرما، مدھیہ پردیش کے وزیر اعلیٰ شیوراج سنگھ چوہان، ہریانہ کے وزیر اعلیٰ منوہر لال کھٹر، ہماچل پردیش کے وزیر اعلی جے رام ٹھاکر، اترپردیش کے نگراں وزیر اعلی یوگی آدتیہ ناتھ، گوا کے نگراں وزیر اعلی پرمود ساونت، راجستھان کی سابق وزیر اعلی وسندھرا راجے، سابق وزیر اعلی اور رکن پارلیمنٹ ڈاکٹر رمیش پوکھریال نشنک، سابق وزیر اعلی اور ایم پی تیرتھ سنگھ راوت، سینئر عہدیدار اور دیگر معززین موجود تھے۔

چیف سکریٹری ڈاکٹر ایس ایس سندھو نے پروگرام کی نظامت کی۔

اہل خانہ کے مطابق آر کے رانا کے پیٹ اور لیور میں پانی بھر گیا تھا، اسی وجہ سے انہیں آکسیجن کی کمی ہوگئی تھی اور انہیں رانچی کے ریمس میں دو دنوں تک وینٹی لیٹر پر رکھا گیا تھا

رانچی: جھارکھنڈ میں چارہ گھوٹالہ معاملے کے سزا یافتہ اور بہار کے سابق رکن پارلیمنٹ آر کے ۔ رانا کا آج نئی دہلی واقع ایمس میں انتقال ہوگیا۔

اہل خانہ کے مطابق آر کے رانا کے پیٹ اور لیور میں پانی بھر گیا تھا، اسی وجہ سے انہیں آکسیجن کی کمی ہوگئی تھی اور انہیں رانچی کے ریمس میں دو دنوں تک وینٹی لیٹر پر رکھا گیا تھا۔ ملٹی آرگن فیلیر کی وجہ سے انہیں کل ہی رانچی سے بذریعہ ایئر ایمبولینس دہلی ریفر کیا گیا تھا۔

اس سے قبل 16 مارچ کو رانچی کے ہوٹوار واقع برسا منڈا مرکزی جیل میں بند آر کے رانا کی طبیعت خراب ہوگئی تھی، جس کے بعد انہیں ریمس کے ایمرجنسی وارڈ میں داخل کرایا گیا۔ بعد میں انہیں ریمس کے ٹراما سینٹر لایا گیا اور وینٹی لیٹر پر رکھا گیا۔ لیکن چھ دنوں تک ریمس میں علاج کرانے کے بعد بھی ان کی طبعیت میں کوئی بہتری نہیں آئی، جس کے بعد منگل کو انہیں دہلی ایمس لے جایا گیا۔

سابق رکن پارلیمنٹ آر کے رانا کے قریبی اور اہل خانہ کا الزام ہے کہ ریمس میں ان کا مکمل علاج نہیں ہو پایا اور دہلی ریفر کرنے میں تاخیر ہوئی۔

غور طلب ہے کہ چارہ گھوٹالہ کے ڈرونڈا خزانے سے غیر قانونی نکاسی معاملے میں آر جے ڈی سپریمو لالو پرساد کے ساتھ ہی آر کے رانا کو بھی 5 سال کی سزا اور 60 لاکھ روپے جرمانے کی سزا سنائی گئی تھی۔

قومی راجدھانی دہلی میں آج پٹرول ڈیزل کی قیمتوں میں پھر 80-80 پیسے فی لیٹر کا اضافہ کیا۔ کمپنیوں نے منگل کو بھی قیمتوں میں اضافہ کیا تھا

نئی دہلی: روس اور یوکرین کے درمیان جاری جنگ کی وجہ سے عالمی سطح پر تیل کی قیمتوں میں اضافہ کے ساتھ ہی ملک میں تیل کی مارکیٹنگ کرنے والی کمپنیوں نے 137 دنوں کے استحکام کے بعد پٹرول اور ڈیزل کی قیمتوں میں اضافہ کرنا شروع کر دیا ہے۔

قومی راجدھانی دہلی میں آج دونوں ایندھن کی قیمتوں میں پھر 80-80 پیسے فی لیٹر کا اضافہ کیا۔ کمپنیوں نے منگل کو بھی قیمتوں میں اضافہ کیا تھا۔

اس اضافے کے بعد راجدھانی میں پٹرول 80 پیسے بڑھ کر 97.01 روپے فی لیٹر اور ڈیزل 80 پیسے کے اضافے کے ساتھ 88.27 روپے فی لیٹر پر پہنچ گیا ہے۔ ممبئی میں پٹرول اور ڈیزل کی قیمتیں 85 پیسے بڑھ کر بالترتیب 111.67 روپے اور 95.85 روپے فی لیٹر ہو گئیں۔

یوکرین پر روس کے حملے کی وجہ سے عالمی سطح پر تیل اور قدرتی گیس کی سپلائی متاثر ہونے کے خدشے پر تیل اور قدرتی گیس کی قیمتوں میں اضافہ ہوا ہے۔ بین الاقوامی سطح پر اس کی وجہ سے خام تیل کی قیمتیں 13 سال کی بلند ترین سطح پر پہنچ گئیں ہیں۔

بین الاقوامی مارکیٹ میں آج منگل کے مقابلے میں اعداد و شمار میں اضافہ ہوا ہے۔ لندن برینٹ کروڈ 1.55 فیصد اضافے کے ساتھ 117.27 ڈالر فی بیرل اور یو ایس کروڈ 1.39 فیصد اضافے کے ساتھ 110.79 ڈالر فی بیرل پر ٹریڈ کر رہا تھا۔

پٹرول اور ڈیزل کی قیمتوں کا روزانہ جائزہ لیا جاتا ہے اور اسی کی بنیاد پر نئی قیمتیں روزانہ صبح 6 بجے سے لاگو ہوتی ہیں۔

آج ملک کے چار بڑے میٹرو میں پٹرول اور ڈیزل کی قیمتیں کچھ یوں رہیں:

میٹرو……….    پٹرول……….   ڈیزل
دہلی ………….97.01…….. 88.27
کولکتہ ……    106.34…….91.42
ممبئی …………111.67………95.85
چنئی ………. 102.91………92.95

روس نے کہا ہے کہ اس کے وجود کو خطرہ لاحق ہوا تو اسی صورت یوکرین کے خلاف جوہری ہتھیار استعمال کریں گے

کیف: جنگ زدہ یوکرین کے شہر ماریوپول میں دو بم دھماکوں کے بعد افراتفری پھیل گئی اور کئی عمارتوں کے شیشے ٹوٹ گئے۔

غیر ملکی میڈیا کے مطابق دھماکوں کی آواز دوردراز علاقوں میں بھی سنی گئی۔

ہیومن رائٹس واچ کے مطابق ماریوپول میں 2 لاکھ سے زائد افراد ابھی تک پھنسے ہیں۔

دوسری جانب روس نے کہا ہے کہ اس کے وجود کو خطرہ لاحق ہوا تو اسی صورت جوہری ہتھیار استعمال کریں گے۔ ملکی سلامتی سے متعلق اصول متعین اور سب کے سامنے ہیں۔

یوکرین روس کی جنگ کے کے حوالے سے ترجمان پنٹاگن نے کہا کہ روس کی جانب سے جوہری ہتھیاروں کا ممکنہ استعمال تباہ کن ہوسکتا ہے۔

روس نے یوکرین کے خلاف جوہری ہتھیاروں کے استعمال کے امکان کو مسترد کر دیا ہے

ماسکو: روسی صدر ولادیمیر پوتن کے چیف ترجمان دیمتری پیسکوف نے یوکرین کے خلاف جوہری ہتھیاروں کے استعمال کے امکان کو مسترد کر دیا ہے۔

منگل کو سی این این کے ساتھ ایک انٹرویو میں مسٹر پیسکوف نے بار بار جوہری ہتھیاروں کے استعمال کی تردید کی۔

"اگر یہ ہمارے ملک کے لیے ایک وجودی خطرہ بن کر ابھرتا ہے، تو ایسا ہو سکتا ہے،” انہوں نے کہا۔

فروری میں روس کے صدر ولادیمیر پوتن نے کہا تھا کہ ’’اگر کوئی ہمارے راستے میں کھڑا ہوتا ہے یا ہمارے شہریوں کو دھمکیاں دینے کی کوشش کرتا ہے تو وہ جان لے کہ روس فوراً جواب دے گا اور اس کے نتائج کچھ یوں ہوں گے۔‘‘ جیسا کہ آپ نے پوری تاریخ میں کبھی نہیں دیکھا ہوگا۔

یہ پوچھے جانے پر کہ کیا یوکرین کے بارے میں پوتن کی سوچ اب حاصل ہو گئی ہے، مسٹر پیسکوف نے کہا، "نہیں، یہ ابھی تک حاصل نہیں ہوا ہے۔”

انہوں نے بتایا کہ یوکرین میں روسی فوجی آپریشن پلان کے مطابق جاری ہے اور ہم اپنے مقصد کی طرف بڑھ رہے ہیں۔

اس دوران انہوں نے مسٹر پوتن کے مطالبات کو دہرایا کہ "ہماری مہم کا مقصد صرف یوکرین کی فوجی صلاحیت سے چھٹکارا حاصل کرنا ہے۔” یہ ایک حصہ تھا اور ساتھ میں لوہانسک اور ڈونیٹسک بھی الگ الگ ملک بن چکے ہیں۔

انہوں نے یہ بھی دعویٰ کیا کہ روس نے صرف فوجی اہداف پر حملہ کیا، شہریوں پر نہیں۔