سپریم کورٹ نے لکھیم پور کھیری تشدد معاملے کے اہم ملزم آشیش مشرا کو الہ آباد ہائی کورٹ سے ملی ضمانت منسوخ کرتے ہوئے اسے (آشیش کو) ایک ہفتے کے اندر خودسپردگی کرنے کا حکم دیا

نئی دہلی: سپریم کورٹ نے مرکزی وزیر مملکت برائے داخلہ اجے مشرا کے بیٹے اور لکھیم پور کھیری تشدد معاملے کے اہم ملزم آشیش مشرا کو الہ آباد ہائی کورٹ سے ملی ضمانت پیر کو منسوخ کرتے ہوئے اسے (آشیش کو) ایک ہفتے کے اندر خودسپردگی کرنے کا حکم دیا۔ چیف جسٹس این وی رمن، جسٹس سوریہ کانت اور جسٹس ہیما کوہلی کی بینچ نے آشیش کی ضمانت منسوخ کرنے اور اسے خودسپردگی کرنے کا حکم دینے کے ساتھ ہی الہ آباد ہائی کورٹ سے کہا کہ وہ نئے سرے سے غور کریں کہ اسے ضمانت دی جانی چاہئے یا نہیں۔

بینچ نے ضمانت منسوخ کرنے کا حکم پاس کرتے ہوئے ہائی کورٹ نے کئی غیر متعلقہ حقائق پر غور کیا اور جلد بازی میں اپنا فیصلہ کیا۔ متاثرین کو بادی النظر میں ملزم کی ضمانت عرضی کی مخالفت کرنے کے لئے مناسب وقت دئے بغیر ہی اپنا حکم پاس کردیا۔ بینچ نے متعلقہ فریقوں کی دلیلیں سننے کے بعد چار اپریل کو اپنا فیصلہ محفوظ رکھ لیا تھا۔

واضح رہے کہ اترپردیش کے لکھیم پور کھیری میں تین اکتوبر کو اترپردیش کے نائب وزیراعلی کیشو پرساد موریہ کے ایک پروگرام کی مخالفت کرنے کے دوران تشدد کے واقعات پیش آئے تھے۔ اس تشدد میں مرکز کے اس وقت کے تین زرعی قوانین (اب منسوخ کردئے گئے) کے خلاف لمبے وقت سے تحریک کررہے چار کسانوں سمیت آٹھ لوگوں کی موت ہوگئی تھی۔ معاملے کے اہم ملزم آشیش کو الہ آباد ہائی کورٹ نے دس فروری کو ضمانت دی تھی۔ پولیس نے آشیش کو نو اکتوبر کو گرفتار کیا تھا۔

نئی دہلی: قومی دارالحکومت دہلی میں تشدد سے متاثر جہانگیر پوری علاقے میں پیر کو ایک بار پھر پتھراؤ کا واقعہ سامنے آیا۔ پولیس نے علاقے کا محاصرہ کرنے کے بعد لوگوں کو امن قائم رکھنے کی اپیل کی۔

دہلی پولیس کمشنر راکیش استھانہ جہانگیر پوری تشدد کے پس منظر میں آج میڈیا کو معلومات دے رہے تھے، اسی دوران جہانگیر پوری علاقے میں پھر سے پتھراؤ ہونے کی رپورٹ ملیں۔ مسٹر استھانہ نے نامہ نگاروں کو بتایا کہ جہانگیر پوری تشدد معاملے کی جانچ کا کام کرائم برانچ کو سونپا گیا ہے اور اس میں 14 ٹیمیں لگی ہوئی ہیں۔ انہوں نے کہا کہ سی سی ٹی وی فٹیج، سوشل میڈیا پوسٹ اور دیگر ڈیجیٹل ثبوتوں کی تفتیش کے ساتھ کا جائزہ لیا جا رہا ہے۔

انہوں نے کہا کہ اس معاملے میں اب تک 23 لوگوں کو گرفتار کیا گیا ہے جن میں سے آٹھ لوگ مختلف معاملوں میں پہلے سے شامل ہیں۔ انہوں نے ابھی اور بھی گرفتاریاں ہونے کا امکان ظاہر کیا ہے۔ انہوں نے کہا، ’’ہم معاملے سے متعلق مختلف پہلوؤں پر غور کر رہے ہیں۔ حالات معمول پر آنے تک علاقے میں پابندی نافذ رہیں گی۔‘‘

پولیس کمشنر نے بتایا کہ دہلی پولیس اور نیم فوجی دستوں کو جہانگیر پوری سمیت شہر کے دیگر حساس علاقوں میں تعینات کیا گیا ہے۔

گزشتہ ہفتے مونگ پھلی کے تیل کی قیمت میں 146 روپے، سورج مکھی کے تیل کی قیمت میں 366 روپے، سویا ریفائنڈ کی قیمت میں 147 روپے اور پام آئل کی قیمت میں 183 روپے فی کوئنٹل کی کمی ہوئی، جبکہ خوردنی تیل کی قیمت میں 146 روپے فی کوئنٹل کا اضافہ ہوا

نئی دہلی: عالمی مارکیٹ میں ملے جلے رجحان اور مقامی سطح پر سستی خرید کے سبب گزشتہ ہفتے خوردنی تیل، دالوں اور میٹھے میں ملا جلا رجحان دیکھنے میں آیا، جب کہ بازار میں اناج کی قیمتیں مستحکم رہیں۔

تیل تیلہن: عالمی سطح پر ملائیشیا میں برسا ملائیشیا ڈیریویٹوز ایکسچینج میں پام آئل سات رنگٹ گر کر 6693 رنگٹ فی ٹن ہوگیا۔ وہیںیو ایس سویا آئل فیوچر ویک اینڈ پر 1.66 سینٹ بڑھ کر 74.48 سینٹ فی پاؤنڈ رہا۔

گزشتہ ہفتے مونگ پھلی کے تیل کی قیمت میں 146 روپے، سورج مکھی کے تیل کی قیمت میں 366 روپے، سویا ریفائنڈ کی قیمت میں 147 روپے اور پام آئل کی قیمت میں 183 روپے فی کوئنٹل کی کمی ہوئی، جبکہ خوردنی تیل کی قیمت میں 146 روپے فی کوئنٹل کا اضافہ ہوا۔ اس کے ساتھ ساتھ سرسوں کے تیل کی قیمتیں سابقہ ​​سطح پر برقرار رہیں۔

سرسوں کا تیل 18754 روپے فی کوئنٹل، مونگ پھلی کا تیل 19267 روپے فی کوئنٹل، سورج مکھی کا تیل 19047 روپے فی کوئنٹل، سویا ریفائنڈ 17435 روپے فی کوئنٹل، پام آئل 15751 روپے فی کوئنٹل اور سبزیوں کا تیل 498 روپے فی کوئنٹل رہا۔

دال دلہن کے مارکیٹ میں اتار چڑھاؤ

دال دلہن: گزشتہ ہفتے دال دلہن کے مارکیٹ میں اتار چڑھاؤ رہا۔ ہفتے کے آخر میں مسور کی دال 100 روپے اور ارہر کی دال 100 روپے فی کوئنٹل سستی ہوئی، جبکہ اُڑد دال کی قیمت میں 200 روپے فی کوئنٹل کا اضافہ ہوا۔ اس کے ساتھ ہی چنے، چنے کی دال اور مونگ دال کی قیمتوں میں استحکام رہا۔

ویک اینڈ پر چنا 4750-4850، دال چنا 5750-5850، مسور کالی 8500-8600، مونگ کی دال 9100-9200، اُڑد کی دال 9800-9900، ارہر کی دال 8100-8200 روپے فی کوئنٹل رہی۔

اناج: گزشتہ ہفتے غلہ منڈی میں استحکام رہا۔ ہفتے کے آخر میں گندم اور چاول کی قیمتیں اپنی سابقہ ​​سطح پر برقرار رہیں۔ ویک اینڈ پراناج (قیمت فی کوئنٹل): گیہوں کا ریٹ 2200-2300 روپے اور چاول: 2500-2600 روپے فی کوئنٹل رہا۔

چینی-گڑ: رواں ہفتہ میٹھے بازار میں ملا جلا رجحان رہا۔ ہفتے کے آخر میں چینی کی قیمت میں 20 روپے فی کوئنٹل کا اضافہ ہوا جبکہ گڑ کی قیمت میں 50 روپے فی کوئنٹل کی کمی ہوئی۔

ہفتے کے آخر میں چینی ایس 3360-3460، چینی ایم 3700-3800، مل ڈیلیوری 3310-3410 اور گڑ 3200-3300 روپے فی کوئنٹل پر برقرار رہی۔

آندھراپردیش کے ضلع سریکاکلم میں پیش آئے سڑک حادثہ میں دس افراد زخمی ہوگئے، زخمیوں میں چار کی حالت تشویشناک بتائی جاتی ہے

حیدرآباد: مندر میں درشن کے بعد واپسی کے دوران آندھراپردیش کے ضلع سریکاکلم میں پیش آئے سڑک حادثہ میں دس افراد زخمی ہوگئے۔

یہ حادثہ ضلع کے پالناپورم کے قریب اُس وقت پیش آیا جب بولیرو گاڑی کے ڈرائیور نے اس کا توازن کھودیا اور یہ گاڑی سڑک سے کھیت میں گرپڑی۔

اس حادثہ میں بولیرو گاڑی میں سوار دس افراد زخمی ہوگئے جن کو علاج کے لئے جی جی ایچ اسپتال منتقل کیاگیا۔ زخمیوں میں چار کی حالت تشویشناک بتائی جاتی ہے۔ زخمیوں کا تعلق کوتماں دیہات سے ہے۔

دہلی کے جہانگیر پوری میں پیش آئے پرتشدد واقعات پر تشویش کا اظہار کرتے ہوئے رندیپ سنگھ سرجے والا نے کہا کہ حکومت اس معاملے میں بے حس ہے، اس لیے دہلی کے لوگوں کو اپنی فکر کرنی چاہیے اور اس کے لیے انہیں باہمی ہم آہنگی کو برقرار رکھنا چاہیے

نئی دہلی: کانگریس نے کہا ہے کہ دہلی اور ملک کے دیگر حصوں میں تشدد کے واقعات تشویشناک ہیں، لیکن ان واقعات پر حکومت کی خاموشی اور بھی تشویشناک ہے۔

کانگریس کے کمیونیکیشن ڈپارٹمنٹ کے سربراہ رندیپ سنگھ سرجے والا نے ہفتہ کو دہلی کے جہانگیر پوری میں پیش آئے پرتشدد واقعات پر تشویش کا اظہار کرتے ہوئے کہا کہ حکومت اس معاملے میں بے حس ہے۔ اس لیے دہلی کے لوگوں کو اپنی فکر کرنی چاہیے اور اس کے لیے انہیں باہمی ہم آہنگی کو برقرار رکھنا چاہیے۔

انہوں نے کہا "دہلی ہوشیار رہے.. دہلی محفوظ رہے. دہلی متحد رہے.. تشدد، فسادات اور جنون مذہب کو ‘محفوظ’ نہیں بنائے گا، کوئی بھی مضبوط نہیں ہوگا، ہاں ہمارا ہندوستان کمزور ہوگا۔”

انہوں نے اس واقعہ پر حکومت پر حملہ کیا اور کہا کہ "اقتدار میں ‘حساسیت کی خاموشی’ ہے… لہذا یہ عوام کی ذمہ داری ہے۔”

بہار قانون ساز اسمبلی کی بوچہاں سیٹ کے ضمنی انتخابات کے ووٹوں کی گنتی آج صبح 8 بجے شروع ہوگئی

پٹنہ: بہار قانون ساز اسمبلی کی بوچہاں (ریزرو) سیٹ کے ضمنی انتخابات کے ووٹوں کی گنتی آج صبح 8 بجے سخت حفاظتی انتظامات کے درمیان شروع ہوگئی۔

ریاستی الیکشن آفس کے مطابق بوچہاں (ایس یو) سیٹ کے ووٹوں کی گنتی کے لیے سیکورٹی کے سخت انتظامات کیے گئے ہیں۔ رام دیالو سنگھ مہاودیالیہ کو کاؤنٹنگ سنٹر بنایا گیا ہے۔ ووٹوں کی گنتی صبح 8 بجے سے شروع ہو گئی ہے۔ 14 ٹیبل پر تقریباً 25 راؤنڈز میں ووٹوں کی گنتی ہوگی۔  پوسٹل بیلٹ کی گنتی جاری ہے۔ اس کے بعد ای وی ایم (الیکٹرانک ووٹنگ مشین) کے ووٹوں کی گنتی کی جائے گی۔ ضمنی انتخاب کا نتیجہ دوپہر 2 بجے تک آنے کا امکان ہے۔

اس سیٹ کے ضمنی انتخاب کے لیے ووٹنگ 12 اپریل کو ہوئی تھی۔ اس دوران 59.20 فیصد ووٹروں نے اپنے حق رائے دہی کا استعمال کیا۔ اس ضمنی انتخاب میں بھارتیہ جنتا پارٹی (بی جے پی) کی بیبی کماری، راشٹریہ جنتا دل (آر جے ڈی) کے امر کمار پاسوان اور وکاس شیل انسان پارٹی (وی آئی پی) کی گیتا کماری سمیت کل 13 امیدواروں نے اپنی قسمت آزمائی ہے۔ ان میں سے تین خواتین اور 10 مرد ہیں۔

قابل ذکر ہے کہ وی آئی پی کے ایم ایل اے مسافر پاسوان کی اچانک موت کی وجہ سے خالی ہوئی بوچہاں (ایس یو) سیٹ کے لئے ضمنی انتخابات ہوا تھا۔

ایک عدالتی ذریعے نے خبر رساں ایجنسی اسپوتنک کو بتایا کہ "عدالت کو روس کے انتظامی جرائم کوڈ کے آرٹیکل 13.41 کے حصہ 2 کے تحت گوگل کے خلاف دو انتظامی پروٹوکول موصول ہوئے ہیں۔”

ماسکو: ماسکو کی ایک عدالت نے غیر قانونی مواد کو ہٹانے میں بار بار ناکامی پر دنیا کے سب سے بڑے سرچ انجن گوگل پر 144000 ڈالر کا جرمانہ عائد کیا ہے۔

ایک عدالتی ذریعے نے خبر رساں ایجنسی اسپوتنک کو بتایا کہ "عدالت کو روس کے انتظامی جرائم کوڈ کے آرٹیکل 13.41 کے حصہ 2 کے تحت گوگل کے خلاف دو انتظامی پروٹوکول موصول ہوئے ہیں۔”

میڈیا رپورٹس کے مطابق روسی قانون کے تحت نئی خلاف ورزیوں پر جرمانے کی رقم 12 ملین روبل (144000 ڈالر) تک ہوگی۔

سن 2021 کے آغاز سے ہی روسی حکام نے اس غیر ملکی ٹیک کمپنی پر اپنے پلیٹ فارم سے غیر قانونی مواد ہٹانے کے لیے دباؤ ڈالا تھا، لیکن عدالت نے تعمیل نہ کرنے پر جرمانہ عائد کیا۔

خلیج تعاون کونسل کے سکریٹری جنرل نایف الحجرف نے مسجد اقصیٰ میں نمازیوں پر اسرائیلی پولیس کے حملے کی سخت مذمت کی 

دوحہ: خلیج تعاون کونسل (جی سی سی) کے سکریٹری جنرل نایف الحجرف نے جمعہ کو یروشلم کے مسجد اقصیٰ میں نمازیوں پر اسرائیلی پولیس کے حملے کی مذمت کی ہے۔

کویتی خبر رساں ایجنسی کونا نے اپنی رپورٹ میں الحجرف کے بیان کا حوالہ دیتے ہوئے کہا ہے، "سینکڑوں کی تعداد میں نمازی یا تو زخمی ہوئے ہیں یا اسرائیلی سکیورٹی فورسز کے ذریعہ حراست میں لیے گئے ہیں۔” یہ فلسطینیوں کے خلاف جارحانہ رویوں میں اضافے کی عکاسی کرتا ہے، جو کسی بھی طرح قابل قبول نہیں ہے۔ یہ ایک سنگین خلاف ورزی ہے۔”

جے سی سی کے سیکرٹری جنرل نے فلسطینی علاقے میں اسرائیل کی غیر قانونی سرگرمیوں کو فوری طور پر بند کرنے کا مطالبہ کیا اور ساتھ ہی اسلام کے اس مقدس مقام کے تئیں احترام کا رویہ اپنانے کی اہمیت پر بھی زور دیا۔ انہوں نے عالمی برادری سے اس خطے کی سلامتی پر توجہ دینے کی بھی اپیل کی۔

جمعہ کو فلسطینی میڈیا نے اطلاع دی کہ اسرائیلی پولیس نے یروشلم کی مسجد الاقصی پر چھاپہ مارا، جو اسلام کا تیسرا سب سے بڑا مقدس مقام ہے۔ اس دوران پولیس نے بھیڑ پر قابو پانے کے لیے ربڑ کی گولیوں، نوائس بموں اور آنسو گیس کا استعمال کیا۔

اسرائیلی فوج کے ساتھ جھڑپ میں 340 سے زائد فلسطینیوں کے زخمی ہونے کی اطلاع، فلسطینی میڈیا کے مطابق اسرائیلی پولیس نے یروشلم کی مسجد الاقصیٰ پر چھاپہ مارا جو اسلام کا تیسرا سب سے بڑا مقدس مقام ہے

غزہ: یروشلم اور ویسٹ بینک میں اسرائیلی فوج کے ساتھ جھڑپ میں 340 سے زائد فلسطینیوں کے زخمی ہونے کی اطلاع فلسطینی ہلال احمر ایمرجنسی سروس نے دی ہے۔

ہلال احمر نے جمعہ کی دیرشب بتایا، ’’ہلال احمر نے یروشلم اور ویسٹ بینک میں 344 فلسطینیوں کو امداد فراہم کی ہے۔

تنظیم کے مطابق ان میں سے 154 یروشلم میں زخمی ہوئے ہیں۔

جمعہ کو فلسطینی میڈیا نے اطلاع دی کہ اسرائیلی پولیس نے یروشلم کی مسجد الاقصیٰ پر چھاپہ مارا جو اسلام کا تیسرا سب سے بڑا مقدس مقام ہے۔ اس دوران پولیس نے بھیڑ کو قابو کرنے کے لیے ربڑ کی گولیوں، شور بموں اور آنسو گیس کا استعمال کیا۔

ممتا بنرجی سے ملاقات کے بعد بیر بھوم ضلع کے دیوچا پچامی میں حصول اراضی کے کارکنان نے احتجاج ختم کرنے کا فیصلہ کیا ہے۔ تاہم تحریک جاری رکھنے کا اعلان بھی کیا ہے

کلکتہ: وزیراعلیٰ ممتا بنرجی سے ملاقات کے بعد بیر بھوم ضلع کے دیوچا پچامی میں حصول اراضی کے کارکنان نے احتجاج ختم کرنے کا فیصلہ کیا ہے۔ تاہم تحریک جاری رکھنے کا اعلان بھی کیا ہے۔ مظاہرین کی جانب سے جاری بیان میں کہا گیا ہے کہ وزیراعلیٰ ممتا بنرجی نے ہمارے مطالبات کو تسلیم کرلیا ہے۔ اس لئے ہم نے دھرنا ختم کرنے کا فیصلہ کیا ہے۔ مگر تحریک واپس نہیں لی جا رہی ہے بلکہ جاری رہے گی۔

وزیراعلیٰ ممتا بنرجی نے بدھ کو دیوچا پچامی کے مظاہرین سے ملاقات کی۔ اس کے بعد جمعرات کو مظاہرین کی میٹنگ ہوئی جس میں یہ فیصلہ لیا گیا۔ وزیراعلیٰ ممتا بنرجی نے دیوچا پچامی کوئلہ کان پراجیکٹ میں تعطل کو دور کرنے کے لیے مظاہرین سے براہ راست بات چیت کی ہے۔ گزشتہ بدھ کو وزیراعلیٰ نے تقریباً چالیس منٹ تک مظاہرین کے ساتھ میٹنگ کی۔ وزیراعلیٰ نے مظاہرین کے مطالبات تحمل سے سنا۔ وزیراعلیٰ سے ملاقات میں چیف سیکرٹری بھی موجود تھے۔ ممتا بنرجی نے پراجیکٹ کے مثبت پہلوؤں کو اجاگر کرتے ہوئے مظاہرین پر واضح کر دیا ہے کہ دیوچا پچامی پروجیکٹ کی تعمیر کے دوران کسی کو محروم نہیں رکھا جائے گا۔

زمین دینے سے ہچکچانے والوں کے ایک وفد کا ریاستی سیکریٹریٹ نو بنو کا دورہ

دیوچا پچامی پراجیکٹ کے لیے زمین دینے سے ہچکچانے والوں کے ایک وفد نے بدھ کو ریاستی سیکریٹریٹ نو بنو کا دورہ کیا تھا۔ وزیراعلیٰ نے ان میں سے 9 سے بات کی۔ 40 منٹ کی ملاقات میں وفد نے وزیراعلیٰ کو چار نکات بتائے۔ وزیر اعلیٰ سے ملاقات کے بعد انہوں نے مظاہرین کی جانب سے یہ مسئلہ بھی اٹھایا۔ ملاقات کے اختتام پر ان کا کہنا تھا کہ وزیر اعلیٰ سے براہ راست بات کر کے منصوبے کے بارے میں ان کی غلط فہمیوں کو دور کر دیا گیا ہے۔ ان کا کہنا تھا کہ وہ اپنے گاؤں واپس آنے کے بعد باقی رہائشیوں کو بھی یہی بات بتائیں گے۔ اس کے بعد مظاہرین انتظامیہ کو اپنے فیصلے سے آگاہ کریں گے۔

مظاہرین نے وزیر اعلیٰ سے مطالبہ کیا ہے کہ زمین دینے سے گریزاں لوگوں کے خلاف لگائے گئے جھوٹے الزامات کو واپس لیا جائے۔ انہوں نے وزیر اعلیٰ کے اقدام کا خیر مقدم کیا۔ سرکاری ذرائع کے مطابق دیوچا پچامی پروجیکٹ کے لیے کل 3400 ایکڑ اراضی درکار ہے۔ جس علاقے میں یہ منصوبہ تیار کیا جانا ہے وہاں تقریباً ساڑھے چار ہزار خاندان رہتے ہیں۔ ان میں سے 1906 لوگوں نے زمین دینے کی اجازت دی ہے۔ 3400 ایکڑ میں سے 1000 ایکڑ زمین حکومت کے ہاتھ میں ہے۔ زمینداروں کی رضامندی سے 756.17 ایکڑ زمین حاصل کرنا ممکن ہوا۔ ریاستی حکومت کو امید ہے کہ بدھ کو وزیراعلیٰ کے ساتھ میٹنگ کے بعد دھرنا کا مرحلہ واپس لینے کے بعد باقی زمین مظاہرین کے حوالے کر دی جائے گی۔