دہلی پولیس اور فائر ڈپارٹمنٹ نے منڈکا میں چار منزلہ عمارت سے برآمد ہونے والی لاشوں کو کل سنجے گاندھی میموریل اسپتال بھیجا تھا، جہاں ان کی شناخت کی جارہی ہے

نئی دہلی: مغربی دہلی کے منڈکا علاقے میں جمعہ کو لگنے والی زبردست آگ میں ہلاک ہونے والے 27 لوگوں میں سے سات کی شناخت ہو گئی ہے۔

حکام نے ہفتہ کے روز یواین آئی کو یہ معلومات دی۔

دہلی پولیس اور فائر ڈپارٹمنٹ نے منڈکا میں چار منزلہ عمارت سے برآمد ہونے والی لاشوں کو کل سنجے گاندھی میموریل اسپتال بھیجا تھا، جہاں ان کی شناخت کی جارہی ہے۔ انہوں نے کہا کہ 27 میں سے 7 لاشوں کی شناخت کر لی گئی ہے۔

اسپتال کے سینئر ڈاکٹر نے بتایا کہ اسپتال لائی گئی لاشیں بری طرح جلی ہوئی حالت میں تھیں۔ انہوں نے کہا کہ 27 لاشوں میں سے سات کی شناخت ہو چکی ہے، باقی کی شناخت کا عمل جاری ہے۔ شناخت کے عمل کے لیے اب بھی آرہے رشتہ داریہاں پہنچ رہے ہیں۔ ۔ اس درمیان اسپتال نے ان لوگوں کو درست معلومات فراہم کرنے کے لیے ایک ہیلپ ڈیسک قائم کیا ہے۔ یہ ڈیسک ان لوگوں کے لیے ہے جن کے خاندان کے افراد لاپتہ یا زخمی اور اسپتال میں داخل ہیں۔

قابل ذکر ہے کہ اس چار منزلہ عمارت میں لگنے والی زبردست آگ میں 27 افراد ہلاک اور 12 دیگر زخمی ہو گئے تھے۔ اب بھی 29 افراد لاپتہ ہیں۔

پولیس کے مطابق عمارت کی پہلی منزل پر سی سی ٹی وی کیمرے اور وائی فائی راؤٹرز بنانے والی ایک فرم کا دفتر تھا، جس کے مالکان کو بعد میں پولیس نے گرفتار کر لیاتھا۔

ڈاکٹر مانک ساہا تریپورہ کے نئے وزیر اعلیٰ ہوں گے، ڈاکٹر ساہا کے لیڈر منتخب ہونے کے بارے میں جانکاری دیتے ہوئے مسٹر دیو نے ٹوئٹر پر انہیں مبارکباد دی

اگرتلہ: ڈاکٹر مانک ساہا تریپورہ کے نئے وزیر اعلیٰ ہوں گے۔ مسٹر بپلب کمار دیو کے ہفتہ کو وزیراعلی کے عہدے سے استعفیٰ دینے کے چند گھنٹے بعد ڈاکٹر ساہا کو ریاستی بھارتیہ جنتا پارٹی (بی جے پی) لیجسلیچر پارٹی کا لیڈر منتخب کیا گیا۔

ڈاکٹر ساہا کے لیڈر منتخب ہونے کے بارے میں جانکاری دیتے ہوئے مسٹر دیو نے ٹوئٹر پر انہیں مبارکباد دی۔

بی جے پی قیادت کی ہدایت پر مسٹر دیو کے استعفیٰ دینے کے چند گھنٹے بعد مسٹر ساہا کو بی جے پی لیجسلیچر پارٹی کا لیڈر منتخب کیا گیا۔

مسٹر دیو نے ٹویٹ کیا کہ “ڈاکٹر مانک ساہا کو پارٹی لیجسلیچر پارٹی کا نیا لیڈر بنائے جانے پر مبارکباد اور نیک خواہشات۔‘‘

Congratulations and best wishes to @DrManikSaha2 ji on being elected as the legislature party leader.

I believe under PM Shri @narendramodi Ji's vision and leadership Tripura will prosper. pic.twitter.com/s0VF1FznWW

— Biplab Kumar Deb (@BjpBiplab) May 14, 2022

ایک اور ٹویٹ میں مسٹر دیو نے کہا کہ ’’مجھے یقین ہے کہ وزیر اعظم نریندر مودی کے وژن اور قیادت میں تریپورہ مزید ترقی کرے گا۔‘‘

মাননীয় প্রধানমন্রী নরেন্দ্র মোদীজির দূরদর্শী নেতৃত্বে বিজেপি তথা এনডিএ সরকার যে অভাবনীয় উন্নয়ন সম্পন্ন করেছে তার সাক্ষী ত্রিপুরা।
আগামী দিনে ঐক্যবদ্ধভাবে আমরা এই রাজ্যকে নতুন উচ্চতায় পৌঁছে দেব। জয় হিন্দ।

— Biplab Kumar Deb (@BjpBiplab) May 14, 2022

عدالت کی ہدایت کے مطابق سروے سے وابستہ خفیہ رپورٹ عدالت میں پیش کی جانی ہے۔ عدالت 17 مئی کو اس معاملے میں سماعت کرے گی

وارانسی: اترپردیش کے ضلع وارانسی میں واقع گیان واپی مسجد کے تہہ خانوں اور دیگر حصوں کی ویڈیو گرافی سروے کا کام ہفتہ کو ہوا۔

ہندو اور مسلم فریق کے وکیلوں کے مطابق پہلے سے طے شدہ وقت کے مطابق صبح 8 بجے سے 12 بجے تک سروے کا نصف کام مکمل کرلیا گیا۔ بقیہ کام اتوار کو ہوگا۔ ہفتہ کے سروے میں عدالت کے ذریعہ نامزد ایڈوکیٹ کمشنر کی قیادت میں سروے ٹیم مسجد میں واقع چار تہہ خانوں میں گئی۔ ان میں سے کچھ تہہ خانے مسجد انتظامیہ کے قبضے میں ہیں جبکہ دیگر کاشی وشوناتھ مندر کے نیاس پریوار کے قبضے میں ہیں۔ نیاس پریوار گذشتہ کئی سالوں سے اپنے تہہ خانوں میں داخل نہیں ہوسکتا تھا۔

سروے ٹیم کے مطابق اتوار کو مسجد کے اوپری حصے کی ویڈیو گرافی سروے ہوگا۔ دونوں فریقین کے وکیلوں نے آج کے سروے کے بارے میں کوئی بھی جانکاری دینے سے انکار کردیا۔ ان کا کہنا ہے کہ عدالت کی ہدایت کے مطابق سروے سے وابستہ خفیہ رپورٹ عدالت میں پیش کی جانی ہے۔ عدالت 17 مئی کو اس معاملے میں سماعت کرے گی۔

ضلع انتظامیہ کے مطابق متعلقہ فریقین نے سروے کے کام میں پورا تعاون کیا اور کاروائی پرامن طریقے سے انجام پذیر ہوئی۔ سروے کے دوران گیان واپی مسجد، کاشی وشوناتھ دھام احاطے اور آس پاس پختہ انتظامات کئے گئے تھے۔

شمالی کوریا نے اپنی آبادی کے لیے کسی طرح کی ویکسینیشن مہم نہیں چلائی ہے

پیانگ یانگ: ڈیموکریٹک پیپلز ریپبلک آف کوریا (ڈی پی آر کے) میں جمعرات کو دو برسوں میں پہلا کووڈ-19 معاملہ سامنے آنے کے بعد شمالی کوریا کے حکام نے سخت قومی لاک ڈاؤن کا حکم دیا۔

مقامی میڈیا کے مطابق دارالحکومت پیانگ یانگ میں اومیکرون ویرینٹ کاقہرکافی زیادہ ہے، حالانکہ ابھی تک متاثرہ افراد کی تعداد کے بارے میں معلومات موصول نہیں ہوئی ہیں۔

سرکاری کورین سنٹرل نیوز ایجنسی (کے سی این اے) کے مطابق یہ سب سے بڑی ایمرجنسی ہے۔ اس معاملے کے تعلق سے شمالی کوریا کے رہنما کم جونگ ان ہنگامی بات چیت کر رہے ہیں۔

ماہرین کا خیال ہے کہ یہ وائرس ملک میں کافی عرصے سے موجود ہے۔

قابل ذکر ہے کہ شمالی کوریا نے اپنی آبادی کے لیے کسی طرح کی ویکسینیشن مہم نہیں چلائی ہے۔ ملک نے چین میں بنی سینووک ویکسین اور ایسٹرازینیکا جیبس دونوں ویکسین کو خارج کردیا تھا۔

وبائی مرض کے آغاز کے بعد سے، ملک نے اپنی سرحدیں بند کرکے انفیکشن سے بچنے کا فیصلہ کیا تھا، جس کی وجہ سے سنگین معاشی حالات اور خوراک کی قلت پیدا ہوگئی ہے۔

وزیر اعلیٰ نے پنجابی زبان میں ٹویٹ کیا کہ وہ ان تمام لوگوں سے اپیل کرتے ہیں جو سرکاری اور پنچایت کی زمینوں پر ناجائز قبضہ کر رہے ہیں، خواہ وہ سیاست دان ہوں، افسران ہوں یا بااثر لوگ، 31 مئی تک ان زمینوں پر قبضہ چھوڑ کر حکومت کو زمین واپس کر دیں

چنڈی گڑھ: پنجاب کے وزیر اعلی بھگونت مان نے بدھ کے روز سرکاری اور پنچایتی زمینوں پر غیر قانونی قبضہ کرنے والوں کو 31 مئی تک اپنا قبضہ چھوڑنے کی تنبیہ کرتے ہوئے کہا کہ زمین واپس نہ کرنے پر مقدمات درج کیے جا سکتے ہیں۔

وزیر اعلیٰ نے پنجابی زبان میں ٹویٹ کیا کہ وہ ان تمام لوگوں سے اپیل کرتے ہیں جو سرکاری اور پنچایت کی زمینوں پر ناجائز قبضہ کر رہے ہیں، خواہ وہ سیاست دان ہوں، افسران ہوں یا بااثر لوگ، 31 مئی تک ان زمینوں پر قبضہ چھوڑ کر حکومت کو زمین واپس کر دیں۔ ورنہ پرانے خرچے اور نئے پرچے ڈالے جا سکتے ہیں۔

ਜਿਹੜੇ ਵਿਅਕਤੀਆਂ ਨੇ ਸਰਕਾਰੀ ਜਾਂ ਪੰਚਾਇਤੀ ਜ਼ਮੀਨਾਂ ਤੇ ਨਾਜਇਜ਼ ਕਬਜ਼ੇ ਕੀਤੇ ਹੋਏ ਨੇ ਭਾਂਵੇ ਓਹ ਰਾਜਨੀਤਕ ਲੋਕ ਨੇ ਜਾਂ ਅਫਸਰ ਨੇ ਜਾਂ ਫੇਰ ਕੋਈ ਰਸੂਖਦਾਰ ਲੋਕ ਨੇ..ਓਹਨਾਂ ਨੂੰ ਮੈਂ ਅਪੀਲ ਕਰਦਾ ਹਾਂ ਕਿ 31 ਮਈ ਤੱਕ ਆਪਣੇ ਨਜਾਇਜ਼ ਕਬਜ਼ੇ ਛੱਡ ਕੇ ਜ਼ਮੀਨਾਂ ਸਰਕਾਰ ਨੂੰ ਦੇ ਦੇਣ .ਨਹੀਂ ਤਾਂ ਪੁਰਾਣੇ ਖ਼ਰਚੇ ਅਤੇ ਨਵੇਂ ਪਰਚੇ ਪਾਏ ਜਾ ਸਕਦੇ ਨੇ

— Bhagwant Mann (@BhagwantMann) May 11, 2022

40 بلین ڈالر مالیت کا یوکرین فنڈنگ بل منگل کو امریکی صدر جو بائیڈن کی جانب سے 33 ارب ڈالر کے امدادی پیکج کی درخواست کے بعد منظور کیا گیا

واشنگٹن: امریکی پارلیمنٹ کے ایوان زیریں ہاؤس آف ری پریزینٹیٹیو نے یوکرین کے لیے تقریباً 40 بلین ڈالر مالیت کا یوکرین فنڈنگ ​​بل منظور کیا ہے۔

یہ بل منگل کو امریکی صدر جو بائیڈن کی جانب سے 33 ارب ڈالر کے امدادی پیکج کی درخواست کے بعد منظور کیا گیا۔ ایوان نے بل کے حق میں 368 اور مخالفت میں 57 ووٹ ڈالے جس کے بعد ایڈیشنل یوکرین سپلیمنٹری اپروپریشنز ایکٹ 2022 کو قانونی شکل دے دی گئی۔

بل کی منظوری کے بعد اسپیکر نینسی پیلوسی نے ڈیموکریٹس کو خط لکھا ’’یہ پیکج یوکرین کو نہ صرف اپنی قوم بلکہ دنیا کے لیے جمہوریت کے تحفظ میں مدد فراہم کرے گا‘‘۔

اس کے بعد وائٹ ہاؤس کی پریس سیکریٹری جین ساکی نے اس قدم پر ایوان کا شکریہ ادا کیا۔

انہوں نے کہا ’’ہمارے اتحادیوں اور شراکت داروں کے تعاون سے آج تک ہماری مدد، یوکرین کے لوگوں کو کیف کی جنگ جیتنے اور ان کی آزادی کے دفاع میں مدد فراہم کرنے میں اہم کردار ادا کرتی رہی ہے‘‘۔

انہوں نے کہا کہ اس بل میں شامل اضافی وسائل ہمیں مزید توپ خانے، بکتر بند گاڑیاں اور ہتھیار بشمول گولہ بارود یوکرین بھیجنے کی اجازت دیں گے۔

واضح رہے کہ صدر نے پیر کو ایوان سے اس بل کو جلد سے جلد منظور کرنے کی اپیل کی تھی۔

سبز نشانات کے ساتھ شیئر بازار میں مڈ کیپ اور اسمال کیپ نے بھی اضافہ درج کرایا۔ بی ایس ای مڈ کیپ 89.58 پوائنٹس بڑھ کر 22,332.34 پر اور سمال کیپ 41.37 پوائنٹس بڑھ کر 26,119.95 پر کھلا

ممبئی: شیئر بازار نے بدھ کو تیزی کے ساتھ کاروبار کی شروعات کی اور بمبئی اسٹاک ایکسچینج (بی ایس ای) کا سینسیکس 180.06 پوائنٹس کے اضافے کے ساتھ 54544.91 پر کھلا، جب کہ نیشنل اسٹاک ایکسچینج (این ایس ای) کے نفٹی نے 30 پوائنٹس کے اضافے کے ساتھ 16270.05 پوائنٹس پر دستک ہوئی۔

سبز نشانات کے ساتھ شیئر بازار میں مڈ کیپ اور اسمال کیپ نے بھی اضافہ درج کرایا۔ بی ایس ای مڈ کیپ 89.58 پوائنٹس بڑھ کر 22,332.34 پر اور سمال کیپ 41.37 پوائنٹس بڑھ کر 26,119.95 پر کھلا۔

منگل کو بی ایس ای کا 30 حصص والا حساس انڈیکس سینسیکس 105.82 پوائنٹس کی کمی سے 54364.85 پوائنٹس پر اور نیشنل اسٹاک ایکسچینج (این ایس ای) کا نفٹی 94.70 پوائنٹس کی کمی کے ساتھ 16207.15 پوائنٹس پر بند ہوا تھا۔

یوکرین کے معاملے پر روس کے ساتھ بات چیت کا ایک چینل برقرار رکھنا ضروری ہے، فرانسیسی وزیر نے یہ خدشہ بھی ظاہر کیا کہ یوکرین میں جنگ طویل عرصے تک جاری رہے گی

پیرس: فرانس نے کہا ہے کہ یوکرین کے معاملے پر روس کے ساتھ بات چیت کا ایک چینل برقرار رکھنا ضروری ہے۔

یہ پوچھے جانے پر کہ کیا فرانس کو پوتن کے ساتھ بات چیت جاری رکھنی چاہیے، وزیر خارجہ ژاں یوس لی ڈریان نے بی ایف ایم ٹی وی چینل پر کہا، "مذاکرات کا ایک چینل (روسی صدر ولادیمیر پوتن کے ساتھ) کو برقرار رکھنا ضروری ہے۔ صدر میکرون بالکل یہی کرنے کی کوشش کر رہے ہیں … اس میں یوکرین کے صدر ولادیمیر زیلنسکی کی درخواست بھی شامل ہے۔ مسٹر پوتن مسٹر زیلنسکی سے بات نہیں کرنا چاہتے۔

فرانسیسی وزیر نے یہ خدشہ بھی ظاہر کیا کہ یوکرین میں جنگ طویل عرصے تک جاری رہے گی۔ انہوں نے اس بات سے بھی انکار نہیں کیا کہ یہ جنگ برسوں تک جاری رہ سکتی ہے۔

مسٹر میکرون اور مسٹر پوتن کے درمیان آخری ٹیلی فونک بات چیت 3 مئی کو ہوئی تھی۔ فرانسیسی میڈیا کے مطابق یہ گفتگو دو گھنٹے 10 منٹ تک جاری رہی۔