ابتدائی جانچ میں یہ بات سامنے آئی ہے دو گروپ کے درمیان لین دین کے تنازع کی وجہ سے یہ قتل ہوا ہے، دونوں کی لاشیں آج صبح شیرپور، موگرہاٹ میں ایک فیکٹری سے برآمد ہوئیں، مقامی لوگوں کے مطابق دونوں کو گلا دبا کر گولی مار کر قتل کیا گیا
کلکتہ: جنوبی 24 پرگنہ کے ڈائمنڈ ہاربر کے تلگام میں ایک سیوک پولیس اور ایک نوجوان کا قتل کردیا گیا ہے۔ اس واقعے سے ناراض لوگوں نے گاڑی میں توڑ پھوڑ اور گاڑیوں میں آگ لگادی۔ حالات کو سنبھالنے کیلئے بڑی تعداد میں پولیس اہلکار موقع پر پہنچ گئے ہیں۔ مرنے والوں کی شناخت ورون چکرورتی اور مالے اداک کے طور پر ہوئی ہے۔
ابتدائی جانچ میں یہ بات سامنے آئی ہے دو گروپ کے درمیان لین دین کے تنازع کی وجہ سے یہ قتل ہوا ہے۔ دونوں کی لاشیں آج صبح شیرپور، موگرہاٹ میں ایک فیکٹری سے برآمد ہوئیں۔ مقامی لوگوں کے مطابق دونوں کو گلا دبا کر گولی مار کر قتل کیا گیا۔
سڑک بلاک کرنے کے بعد مشتعل ہجوم نے گاڑیوں میں توڑ پھوڑ کی اور گاڑیوں میں آگ لگا دی۔ اطلاع ملتے ہی پولیس اور فائر بریگیڈ موقع پر پہنچ گئی۔ پولیس اور فائر فائٹرز نے آگ پر قابو پانے کے ساتھ ساتھ مشتعل ہجوم کو بھی پرسکون کیا۔
موقع پر پہنچ کر ڈائمنڈ ہاربر پولیس کے ضلع سپرنٹنڈنٹ آف پولیس ابھیجیت بندیوپادھیائے اور ڈائمنڈ ہاربر کے ایس ڈی پی اوموقع پر پہنچ کر مظاہرین سے بات چیت کی۔ پولیس نے بتایا کہ عالم ملا نامی ایک شخص پر قتل کا الزام ہے۔ اس نے تعمیراتی سامان کی فراہمی کے نام پر بہت سے لوگوں سے رقم لی تھی۔ قتل ہونے والے دونوں افراد کافی عرصے سے ملزمان سے پیسے بھی وصول کرتے تھے۔
ورون اور مالے بار بار عالم سے رقم واپس کرنے کے لیے کہہ رہے تھے۔ پولیس کا خیال ہے کہ یہ قتل اسی جھگڑے کی وجہ سے ہوا ہے۔ آج صبح ورون اور مالے نامی دو لوگ پیسے لینے فیکٹری گئے تھے۔ اس کے بعد ایسا ہوا۔ ملزم کی تلاش شروع کر دی گئی ہے۔
