حکمراں جماعت کے طور پر بی جے پی کے منتخب لیڈر یوگی آدتیہ ناتھ کی قیادت میں نئی ​​حکومت کی حلف برداری کے بعد اب 18 ویں اسمبلی کی تشکیل کا باقاعدہ عمل نو منتخب اراکین کی حلف برداری اور نئے اسمبلی اسپیکر کے ساتھ ہی مکمل کیا جائے گا

لکھنؤ: اترپردیش کے وزیر اعلی یوگی آدتیہ ناتھ اور 18 ویں اسمبلی میں اپوزیشن لیڈر نامزد کئے گئے سماج وادی پارٹی (ایس پی) کے صدر اکھلیش یادو سمیت اسمبلی کے دیگر تمام نو منتخب ممبران اسمبلی آج حلف لیں گے۔

گورنر کی جانب سے نو مقرر کردہ پروٹیم اسپیکر رماپتی شاستری پیر کو اسمبلی میں یوگی اور اکھلیش سمیت تمام ممبران اسمبلی کو حلف دلائیں گے۔ اس کے بعد منگل کو پروٹیم اسپیکر شاستری اسمبلی کے اسپیکر کا انتخاب کرکے 18 ویں اسمبلی کی تشکیل کا عمل مکمل کروائیں گے۔

قابل ذکر بات یہ ہے کہ 403 رکنی اسمبلی کے لیے حال ہی میں ختم ہوئے اسمبلی انتخابات میں بھارتیہ جنتا پارٹی (بی جے پی) 255 سیٹیں جیت کر سب سے بڑی پارٹی بن کر ابھری ہے۔

حکمراں جماعت کے طور پر بی جے پی کے منتخب لیڈر یوگی آدتیہ ناتھ کی قیادت میں نئی ​​حکومت کی حلف برداری کے بعد اب 18 ویں اسمبلی کی تشکیل کا باقاعدہ عمل نو منتخب اراکین کی حلف برداری اور نئے اسمبلی اسپیکر کے ساتھ ہی مکمل کیا جائے گا۔

اترپردیش انتخابات میں 111 ایم ایل اے جیتنے والی ایس پی ایوان میں اہم اپوزیشن پارٹی بن گئی ہے۔ وہیں ایس پی صدر اکھلیش کو پہلے ہی اپوزیشن پارٹی کا لیڈر مقرر کیا جا چکا ہے۔