پولینڈ میں یوکرین کے پناہ گزینوں سے ملاقات کے بعد جب امریکی صدر سے پوچھا گیا کہ ان کا صدر پیوتن کے بارے میں کیا خیال ہے تو بائیڈن نے کہا وہ قصائی ہے
واشنگٹن: امریکہ کے صدر جو بائیڈن نے روسی صدر ولادیمیر پیوتن کو قصائی قرار دے دیا۔
پولینڈ میں یوکرین کے پناہ گزینوں سے ملاقات کے بعد جب امریکی صدر سے پوچھا گیا کہ ان کا روسی صدر پیوتن کے بارے میں کیا خیال ہے تو بائیڈن نے کہا وہ قصائی ہے۔
خیال رہے کہ اس کے علاوہ امریکی صدر جو بائیڈن نے پولینڈ میں یوکرین کے وزیر خارجہ اور وزیر دفاع سے ملاقات کی تھی۔
اس ملاقات کے دوران امریکی صدر نے یوکرین کے حکام کو مزید تعاون کی یقین دہانی کرائی تھی۔
امریکی محکمہ خارجہ کے مطابق ملاقات میں امریکہ نے یوکرین کی خود مختاری، علاقائی سالمیت کے لیے غیر متزلزل عزم کا اظہار کیا تھا۔
