سیکرامنٹو کاؤنٹی شیرف دفتر کے سارجنٹ راڈ گراس مین نے سی بی ایس کے حوالے سے بتایا ہے کہ چرچ میں ہونے والی فائرنگ میں پانچ افراد ہلاک ہوئے
واشنگٹن: شمالی امریکہ میں واقع کیلیفورنیا کے شہر سیکرامنٹو میں ایک چرچ میں ہوئی فائرنگ سے پانچ افراد ہلاک ہو گئے ہیں۔ مقامی انتظامیہ نے یہ اطلاع دی ہے۔
کیلیفورنیا کے گورنر گیون نیوزوم نے کہا ’’امریکہ میں پرتشدد فائرنگ کا واقعہ پیش آیا ہے، جو دلدوز واقعہ ہے۔ چرچ کے اندر بچے بھی تھے۔ ہماری تعزیت مرنے والوں، ان کے اہل خانہ اور برادری کے ساتھ ہے۔ ہم مقامی پولیس کے ساتھ مل کر اس کی باریک بینی سے تفتیش کر رہے ہیں‘‘۔
سیکرامنٹو میٹرو فائر کی تصدیق سی بی ایس 13 نے کی۔ جہاں چرچ میں پیر کی دوپہر کو فائرنگ ہوئی۔
سیکرامنٹو میں سٹی ایڈمنسٹریشن آفس کے سربراہ ایرک گویرا نے پیر کو ٹویٹ کیا ’’براہ کرم ہوشیار اور چوکس رہیں۔ مقامی قانون نافذ کرنے والی ایجنسیاں کاؤنٹی میں 2041 وایاڈا وے میں واقع چرچ میں بڑے پیمانے پر ہوئی فائرنگ کی تحقیقات کر رہی ہیں۔ اس دوران علاقے میں موجود رہتے ہوئے چوکس رہیں۔ پولیس جوابی کارروائی میں مصروف ہے۔
سیکرامنٹو کاؤنٹی شیرف دفتر کے سارجنٹ راڈ گراس مین نے سی بی ایس کے حوالے سے بتایا ہے کہ چرچ میں ہونے والی فائرنگ میں پانچ افراد ہلاک ہوئے۔ ایک شخص نے اپنے کنبے کے چار افراد کو گولی مار کر ہلاک کردیا اور خود کو بھی گولی مار لی۔ اس دوران ایک پانچواں شخص بھی مارا گیا ہے۔ ابھی تک یہ واضح نہیں ہے کہ یہ پانچواں شخص اس کنبے کا رکن تھا یا نہیں۔
نیویارک ٹائمز کے مطابق، مسٹر گراس مین نے گزشتہ شام صحافیوں کو بتایا ’’اب تک ایسا لگتا ہے کہ یہ معاملہ گھریلو تشدد کا ہے‘‘۔
