سفارتخانے نے اپنی ویب سائٹ پر ایک بیان جاری کرکے کہا کہ بیلاروس میں مقیم امریکی شہریوں کو فوری طور پر تجارتی یا نجی ذرائع سے یہاں سے نکل جانا چاہئے
واشنگٹن: بیلاروس کی راجدھانی منسک میں واقع امریکی سفارت خانے نے اپنے شہریوں سے جلد از جلد ملک چھوڑنے کی اپیل کی ہے۔
سفارت خانے نے اپنی ویب سائٹ پر ایک بیان جاری کرکے کہا ’’قوانین کے من مانے طریقے سے نافذ ہونے، نظر بندی کے خطرے اور یوکرین سے متصل بیلاروس کی سرحد پر روسی افواج کے غیر معمولی اور تشویشناک طریقے سے یکجا ہونے، کووڈ۔ 19 اور اس سے متعلق داخلے کی پابندیوں کی وجہ سے بیلاروس کا سفر نہ کریں‘‘۔
بیان میں کہا گیا ہے کہ بیلاروس میں مقیم امریکی شہریوں کو فوری طور پر تجارتی یا نجی ذرائع سے یہاں سے نکل جانا چاہئے۔
