آسام میں، الیکشن چھ مارچ 2022 کو ہوں گے اور نتیجوں کا اعلان نو مارچ کو کیا جائے گا
گوہاٹی: آسام میں ریاستی الیکشن کمیشن نے 36 بلدیاتی اداروں کے لئے ووٹنگ کی تاریخوں کا اعلان کردیا ہے۔
الیکشن کمیشن نے بدھ کو یہاں کہا، ’’الیکشن چھ مارچ 2022 کو ہوں گے اور نتیجوں کا اعلان نو مارچ کو کیا جائے گا۔ سبھی پولنگ مراکز پر ووٹنگ کے لئے الیکٹرونک ووٹنگ مشین (ای وی ایم) کا استعمال کیا جائے گا۔ متعلقہ میونسیپلٹی بورڈس میں فوری طور پر انتخابی ضابطہ اخلاق نافذ ہوگا۔‘‘
نامزدگی کی آخری تاریخ 16 فروری ہوگی، جبکہ 20 فروری تک امیدوار اپنا نام واپس لے سکتے ہیں۔ الیکشن کمیشن نے کہا کہ کووڈ19 کے پیش نظر الیکشن کے انعقاد کے دوران میونسیپل بورڈ کو ترمیمی ہدایات پر عمل کرنا ہوگا۔
ووٹر فوٹو شناختی کارڈ (ای پی آئی سی) رائے دہندگان کی پہچان کے لئے بنیاد دستاویز ہوگا۔
کمیشن نے کہا کہ سلچر میونسیپل بورڈ کا موضوع بھی عدالت میں زیر غور ہے، اس لئے سلچر میونسیپل بورڈ کے الیکشن کو نوٹیفائی نہیں کیا گیا ہے۔
