حملہ آور طالب علم ابھی تک پولیس کی گرفت سے باہر ہے۔ واقعہ کے بعد اسکول کو بند کر دیا گیا ہے۔
واشنگٹن: امریکہ کے نارتھ کارولینا صوبہ کے ایک ہائی اسکول میں فائرنگ سے ایک طالب علم کی موت ہوگئی۔
ونسٹن سلیم پولیس سربراہ کترینہ تھامسن نے ایک پریس کانفرنس میں بتایا کہ بدھ کو شہر کے ماؤنٹ تابور ہائی اسکول میں فائرنگ سے ایک طالب علم زخمی ہوگیا۔ زخمی طالب علم کو فوری طور پر ویک فاریسٹ یونیورسٹی بپٹسٹ میڈیکل سینٹر لے جایا گیا، جہاں اس نے دم توڑ دیا۔
انہوں نے کہا کہ مشتبہ حملہ آور طالب علم ابھی تک پولیس کی گرفت سے باہر ہے۔ واقعہ کے بعد اسکول کو بند کر دیا گیا ہے۔
اس سے قبل پیر کے روز، ایک طالب علم کو ولیمنگٹن کے نیو ہینوور ہائی اسکول میں اسی طرح کے ایک واقعے میں گولی مار دی گئی تھی۔
