مدھیہ پردیش کے ضلع چھتر پور میں بجاور علاقے میں آج کرنٹ لگنے کی وجہ سے چھ افراد کی موت ہوگئی۔
چھتر پور: مدھیہ پردیش کے ضلع چھتر پور کے بیجاور علاقے میں بجلی کی زد میں آنے سے 6 افراد کی موت ہوگئی۔
پولیس ذرائع نے بتایا کہ مہوجالا گاؤں میں زیر تعمیر مکان میں ٹینک بنایا گیا تھا۔ اس ٹینک سے پانی نکالنے کے لئے روشنی کے انتظام کے لئے لائٹ لگائی گئی تھی۔ ایک شخص پانی نکالتے وقت بجلی کی زد میں آگیا۔ اسے بچانے کی کوشش میں رشتہ داروں اور جاننے والوں نے کوشش کی اور چھ افراد یکے بعد دیگر ے ہلاک ہوگئے۔
ذرائع نے بتایا کہ متوفیوں کی شناخت لکشمن، شنکر، ملن، نریندر، رام پرساد اور وجئے کے نام سے ہوئی ہے۔ ان سب کا تعلق ایک ہی کنبہ سے بتایا جاتا ہے۔ اطلاع ملتے ہی پولیس موقع پر پہنچ گئی اور سب کو بیجاور کے صحت مرکز لے جایا گیا، جہاں ڈاکٹروں نے سبھی کو مردہ قرار دے دیا۔
