صومالیہ کی راجدھانی موغادیشو کے قریب سڑک کنارے ہوئے بم دھماکے میں کم از کم 17 افراد ہلاک ہوگئے ہیں۔ اس حملے کے لئے شدت پسند تنظیم الشباب کو ذمہ دار مانا جا رہا ہے۔
موغادیشو: صومالیہ کی راجدھانی موغادیشو کے نزدیک سڑک کے کنارے ہوئے بم دھماکے میں کم از کم 17 لوگوں کی موت ہوگئی۔
مقامی میڈیا نے اس کی اطلاع دی۔ میڈیا رپورٹ کے مطابق اس دھماکے میں دو لوگ زخمی ہوئے ہیں۔ دھماکے کی زد میں ایک بس بھی آگئی جو کہ راجدھانی موغادیشو سے جنوبی شوبیلے علاقے کی جانب جا رہی تھی۔
اس حملے کے لئے شدت پسند تنظیم الشباب کو ذمہ دار مانا جا رہا ہے۔ مشرقی افریقہ میں سرگرم الشباب صومالیہ میں حکومت کے خلاف طویل عرصے سے مہم چلا رہا ہے۔ یہ تشدد پسند تنظیم صومالیہ میں شرعی قانون نافذ کرنا چاہتی ہے۔
