مدھیہ پردیش کے کھنڈوا سے بھارتیہ جنتا پارٹی (بی جے پی) کے رکن پارلیمنٹ نند کمار سنگھ چوہان کا انتقال ہو گیا۔ مسٹر چوہان کھڈوا سے لوک سبھا کے لئے چھٹی بار جیتے تھے۔ وہ 2015 میں مدھیہ پردیش بی جے پی کے صدر بنائے گئے تھے۔
نئی دہلی: مدھیہ پردیش کے کھنڈوا سے بھارتیہ جنتا پارٹی (بی جے پی) کے رکن پارلیمنٹ نند کمار سنگھ چوہان کا منگل کی صبح یہاں گوروگرام میں واقع میدنتا اسپتال میں انتقال ہو گیا۔
مسٹر چوہان 68 سال کے تھے۔ وہ گزشتہ تقریبا ایک ماہ سے اسپتال میں داخل تھے۔ 11 جنوری کو کورونا پازیٹو پائے جانے کے بعد بھوپال کے ایک اسپتال میں زیر علاج تھے۔ صحت مزید بگڑنے کی وجہ سے انہیں گورو گرام کے میدنتا اسپتال لایا گیا تھا۔\
مسٹر چوہان کےخاندانی ذرائع نے بتایا کہ ان کے جسد خاکی کو دوپہر میں ان کے آبائی شہر کھنڈوا لے جایا جائے گا۔
مسٹر چوہان کھڈوا سے لوک سبھا کے لئے چھٹی بار جیتے تھے۔ وہ 2015 میں مدھیہ پردیش بی جے پی کے صدر بنائے گئے تھے۔
