چیک جمہوریہ کی آبادی 1.07 کروڑ ہے۔ ملک کے 60 فیصد شہریوں نے ٹیکے لگوانے کا ارادہ ظاہر کیا ہے۔ فی الحال ٹیکہ کاری کا پہلا مرحلہ جاری ہے۔
پراگ: چیک جمہوریہ میں اگست 2021 تک تقریبا 70 لاکھ افراد کو کورونا وائرس کے ٹیکے لگائے جانے کی توقع ہے۔
وزیر صحت جان بلاٹنی نے بتایا کہ وزارت صحت کو اگست تک 70 لاکھ کے قریب ٹیکے لگانے کی امید ہے۔
چیک جمہوریہ کی آبادی 1.07 کروڑ ہے۔ ملک کے 60 فیصد شہریوں نے ٹیکے لگوانے کا ارادہ ظاہر کیا ہے۔ فی الحال ٹیکہ کاری کا پہلا مرحلہ جاری ہے، اس دوران 80 سال سے زائد عمر کے افراد، نرسنگ ہوم کے مریض اور طبی عملہ اور کورونا وائرس کے مریضوں کے ساتھ کام کرنے والے معالجین کو ٹیکے دیئے جارہے ہیں۔
مسٹر بلاٹنی نے کہا "اب تک 382416 افراد کو ٹیکے لگائے گئے ہیں، جن میں سے 116633 کو ٹیکے کی دوسری خوراک دی گئی ہے۔ ہمیں اپریل میں ویکسین کی فراہمی تیز ہونے کی توقع ہے، جس سے اگست تک ہمارے 70 لاکھ شہریوں کو ٹیکے لگائے جاسکیں گے۔
