حکومت نے اگر جلد ہی تینوں زرعی قوانین واپس نہیں لیتی ہے تو عآپ کسانوں کی حمایت میں بی جے پی رہنماؤں کا گھیراؤ کرے گی۔
حصار: ہریانہ ریاستی عام آدمی پارٹی (عآپ) نے وارننگ دی ہے کہ مرکزی حکومت نے اگر جلد ہی تینوں زرعی قوانین واپس نہیں لیے تو پارٹی کسانوں کی حمایت میں بھارتیہ جنتا پارٹی (بی جے پی) رہنماؤں کا گھیراؤ کرنے پر مجبور ہو جائے گی۔
عآپ ضلع صدر سنجے بورا کی قیادت میں پارٹی کے ایک وفد نے زرعی قانون واپس لینے کے مطالبہ کے تعلق سے نلوا حلقے کے پارٹی عہدیداروں کے ساتھ اسمبلی ڈپٹی اسپیکر رنبیر گنگوا سے ملاقات کی۔ انہیں اس تعلق سے ایک میمورنڈم پیش کیا اور اس مطالبے کو مناسب پلیٹ فارم پر اٹھانے کے لیے کہا۔ مسٹر گنگوا نے وفد کو ان کا مطالبہ مناسب پلیٹ فارم پر رکھنے کی یقین دہانی کرائی۔
عآپ لیڈران نے کہا کہ کسان گزشتہ ایک ماہ سے سڑکوں پر بیٹھے ہیں لیکن مرکز کی بی جے پی حکومت ان کے مطالبات پورے کرنے کے بجائے محض باتوں سے انہیں ورغلانے کی کوشش کر رہی ہے۔ انہوں نے کسانوں کے مطالبات کی حمایت کرتے ہوئے کہا کہ عآپ پوری طرح سے کسانوں کے ساتھ ہے اور ان کی ہر جدوجہد میں ہمیشہ ساتھ رہے گی۔
اسے بھی پڑھیں:
مجلس نے زرعی قانون کے خلاف احتجاج کرنے والے کسانوں کی حمایت کی
