شمال مشرقی ریلوے عزت نگر ڈویژن کے ریلوے منیجر آشوتوش پنت نے میڈیا نمائندوں سے بات چیت میں کہا کہ ریلوے بورڈ کی ہدایت پر ‘زیرو وے ورکنگ ٹائم ٹیبل’ کا عمل پورا ہونے پر ہی معمول کے مطابق ٹرینوں کا آغاز مرحلہ وار طریقے سے ممکن ہو پائے گا۔
فرخ آباد: شمال مشرقی ریلوے عزت نگر ڈویژن کے ریلوے منیجر آشوتوش پنت نے جمعہ کو کہا کہ ریلوے بورڈ کی ہدایت پر ‘زیرو وے ورکنگ ٹائم ٹیبل’ کا عمل پورا ہونے پر ہی جنرل ٹرینیں دھیرے دھیرے چلائی جائیں گی۔
مسٹر پنت نے ڈویژن کے کاس گنج ۔ فرخ آباد ریلوے روٹ کے مختلف اسٹیشنوں اور ٹریک لائن کا ونڈو جائزہ لیا۔ اس کے بعد فرخ آباد جنکشن اسٹیشن پر مسٹر پنت نے میڈیا نمائندوں سے بات چیت میں کہا کہ ریلوے بورڈ سے ٹرینوں کے چلانے کا فیصلہ ہونے پر ہی دھیرے دھیرے گاڑیوں کی تعداد میں اضافہ ہورہا ہے جن میں پرائیویٹ شعبے کی ٹرینیں الگ سے چل رہی ہیں۔
ڈویژن ریل منیجر نے کہا کہ معمول کے مطابق لوکل ٹرینوں کے بند رہنے سے ریل مسافروں کو کافی دقتوں کا سامنا ہے لیکن کورونا انفیکشن سے بچاؤ کے لئے اچانک سبھی ٹرینیں نہیں چل سکتی ہیں۔ ریلوے بورڈ کی ہدایت پر ‘زیرو وے ورکنگ ٹائم ٹیبل’ کا عمل پورا ہونے پر ہی معمول کے مطابق ٹرینوں کا آغاز مرحلہ وار طریقے سے ممکن ہو پائے گا۔ اس ٹائم ٹیبل کا سبھی انتظار کررہے ہیں۔
