ترکی کے وزیر صحت فرحتین کوکا نے کہا کہ آئندہ ہفتہ ہمیں کورونا وائرس کا ٹیکہ مل جائے گا۔ ترک شہریوں کو کووڈ – 19 ٹیکہ مفت دیا جائے گا۔ شہریوں کو یہ ٹیکہ 14 دن کے اندر دو مرتبہ لگایا جائے گا‘‘۔
انقرہ: ترکی کے شہریوں کو کورونا وائرس کا ٹیکہ مفت دیا جائے گا۔ یہ اطلاع ملک کے وزیر صحت فرحتین کوکا نے دی ہے۔
مسٹر کوکا نے کہا ’’آئندہ ہفتہ ہمیں یہ ٹیکہ مل جائے گا۔ اس کی جانچ کی جائے گی اور اگر یہ سبھی ٹیسٹ میں کامیاب ہوجاتا ہے تو ہم اس کے استعمال کی اجازت دیں گے۔ شہریوں کو یہ ٹیکہ 14 دن کے اندر دو مرتبہ لگایا جائے گا‘‘۔
وزیر نے توقع ظاہر کی کہ کورونا ٹیکہ آنے سے اس وبا کو ختم کرنے میں مدد ملے گی۔ نومبر میں مسٹر کوکا نے بتایا تھا کہ ترکی کے مختلف علاقوں میں کورونا سب سے اوپر ہے۔ یہاں کورونا معاملات میں مسلسل اضافہ ہورہا ہے۔
ترکی کی وزارت صحت نے بتایا تھا کہ یہاں کورونا کے 31712 نئے کیسز سامنے آئے ہیں جس سے ملک میں متاثرہ مریضوں کی تعداد 558517 ہوگئی ہے۔ 217 اموات کے ساتھ مرنے والوں کی تعداد 15531 ہوگئی ہے۔
