وزیر تعلیم میوالال چودھری کا استعفیٰ گورنر نے وزیراعلیٰ نتیش کمار کی صلاح پر منظور کرلیا ہے۔ محکمہ تعلیم کی اضافی ذمہ داری عمارت تعمیرات کے وزیر اشوک چودھری کو سونپی گئی ہے۔
پٹنہ: بہار کے گورنر پھاگو چوہان نے وزیراعلیٰ نتیش کمار کی صلاح پر وزیر تعلیم ڈاکٹر میوالال چودھری کا استعفیٰ منظور کرلیا ہے۔
گورنر ہاﺅس سے موصولہ اطلاع کے مطابق گورنر مسٹر پھاگو چوہان نے آج وزیراعلیٰ نتیش کمار کی صلاح پر وزیر تعلیم ڈاکٹر میوالال چودھری کا استعفیٰ منظور کرلیا ہے۔ اس کے ساتھ ہی وزیراعلیٰ کی صلاح پر گورنر نے محکمہ تعلیم کی اضافی ذمہ داری عمارت تعمیرات کے وزیر اشوک چودھری کو سونپ دی ہے۔
غور طلب ہے کہ بھاگلپور ایگریکلچر یونیورسیٹی تقرری گھوٹالے میں الزامات کی وجہ سے وزیر تعلیم کا عہدہ سنبھالنے کے تین گھنٹے کے اندر ہی مسٹر چودھری نے اپنے عہدہ سے استعفیٰ دے دیا تھا۔ اس سے قبل مسٹر چودھری نے وزیراعلیٰ نتیش کمار سے ملاقات کی تھی اور ایسا سمجھا جاتا ہے کہ وزیراعلیٰ نے ان پر لگے بدعنوانی کے الزامات کی وجہ سے انہیں فوراً استعفیٰ دینے کو کہا۔
