دہلی اسٹیٹ حج کمیٹی کی چیئر پرسن محترمہ کوثر جہاں کی جانب سے جاری پریس بیانیہ کے مطابق حج بیت اللہ 2023 کے اخراجات کی دوسری قسط 1,70,000.00 (ایک لاکھ ستر ہزار) روپیے جمع کرنے کی تاریخ میں توسیع کردی ہے

نئی دہلی: دہلی اسٹیٹ حج کمیٹی کی چیئر پرسن محترمہ کوثر جہاں کی جانب سے جاری پریس بیانیہ کے مطابق حج بیت اللہ 2023 کے اخراجات کی دوسری قسط 1,70,000.00 (ایک لاکھ ستر ہزار) روپیے جمع کرنے کی تاریخ میں توسیع کردی ہے۔ جس کا اعلان حج کمیٹی آف انڈیا نے اپنے سرکلر نمبر 12 کے ذریعے کردیا ہے۔ اب یہ رقم 28/اپریل 2023 تک جمع کرائی جا سکتی ہے۔ پہلے یہ تاریخ24/اپریل2023 مقرر کی گئی تھی۔

محترمہ کوثر جہاں نے ان تمام عازمین سے گذارش کی ہے جنہوں نے اب تک دوسری قسط جمع نہیں کی ہے وہ جلد سے جلد جمع کرادیں اور رقم جمع کرنے کے بعد اس کی رسید دہلی اسٹیٹ حج کمیٹی کے دفتر میں جمع کرنے کی بجائے وہ اسے اپنے پاس ہی محفوظ رکھیں۔ مزید تفصیلات کے لیے دہلی اسٹیٹ حج کمیٹی کے فون نمبر011-23230507پر رابطہ کر سکتے ہیں۔