ریلوے کی وزارت نے یہاں ایک جاری ریلیز میں کہا کہ پرنٹ اور سوشل میڈیا پر آر پی ایف میں 9000 سب انسپکٹرز اور کانسٹیبلوں کی بھرتی کے بارے میں ایک غلط اور گمراہ کن پیغام جاری کیا جا رہا ہے
نئی دہلی: ریلوے کی وزارت نے آج واضح کیا کہ ریلوے پروٹیکشن فورس (آر پی ایف) میں 9000 سب انسپکٹرز اور کانسٹیبلوں کی بھرتی سے متعلق پرنٹ اور سوشل میڈیا میں شائع خبریں بے بنیاد اور فرضی ہیں۔
ریلوے کی وزارت نے یہاں ایک جاری ریلیز میں کہا کہ پرنٹ اور سوشل میڈیا پر آر پی ایف میں 9000 سب انسپکٹرز اور کانسٹیبلوں کی بھرتی کے بارے میں ایک غلط اور گمراہ کن پیغام جاری کیا جا رہا ہے۔ تمام متعلقہ لوگوں کو مطلع کیا جاتا ہے کہ اس سلسلے میں آر پی ایف یا وزارت ریلوے نے اپنی ویب سائٹ پر یا کسی پرنٹ یا الیکٹرانک میڈیم کے ذریعے ایسا کوئی نوٹیفکیشن جاری نہیں کیا ہے۔
