پولیس ذرائع کے مطابق تقریباً 10 دن قبل آسنسول درگاپور پولیس کی ایک خصوصی ٹیم دہلی پہنچ کر بی جے پی لیڈر کی مختلف جگہوں پر تلاشی لی۔ اس کے بعد انہیں آج نوئیڈا سے تلاش کرتے ہوئے گرفتار کیا گیا ہے
کلکتہ: بی جے پی لیڈر اور آسنسول کے سابق میئر جتیندر تیواری کو کمبل تقسیم کرنے کے معاملے میں دہلی سے گرفتار کیا گیا ہے۔ آسنسول درگاپور پولیس کمشنریٹ کی خصوصی ٹیم نے گرفتار کیا ہے۔
پولیس ذرائع کے مطابق تقریباً 10 دن قبل آسنسول درگاپور پولیس کی ایک خصوصی ٹیم دہلی پہنچ کر بی جے پی لیڈر کی مختلف جگہوں پر تلاشی لی۔ اس کے بعد انہیں آج نوئیڈا سے تلاش کرتے ہوئے گرفتار کیا گیا ہے۔
گزشتہ سال 14 دسمبر کو آسنسول کارپوریشن کے وارڈ نمبر 27 میں کمبل تقسیم کرنے کا پروگرام منعقد کیا گیا تھا۔ جتیندر تیواری اور ان کی اہلیہ کونسلر چیتالی تیواری اس تقریب کے منتظم تھے۔ تقریب کے دوران روندنے سے تین افراد جاں بحق ہوگئے۔ اس واقعہ میں ایک متوفی کے اہل خانہ نے آسنسول نارتھ پولیس اسٹیشن میں شکایت درج کرائی تھی۔ جتیندر اور اس کی بیوی چیتالی اس معاملے میں ایک اہم ملزم تھے۔
قبل ازیں بی جے پی لیڈر نے گرفتاری سے بچنے کے لیے کلکتہ ہائی کورٹ سے رجوع کیا تھا۔ تاہم عدالت نے درخواست مسترد کر دی تھی۔ اس کے بعد جتیندر تیواری نے سپریم کورٹ سے رجوع کیا۔ اس کیس کی سماعت پیر کو سپریم کورٹ میں ہونی تھی۔ اس سے پہلے جتیندر کو آسنسول درگاپور کمشنریٹ پولیس نے یمنا ایکسپریس وے سے گرفتار کرلیا ہے۔ پولیس ممکنہ طور پر آج دوپہر ہوائی جہاز سے بی جے پی لیڈر کے ساتھ کلکتہ آئے گی۔
