شیئر مارکیٹ نے آج نصف فیصد سے زیادہ کی چھلانگ کے ساتھ نئے سال کا استقبال کیا، سینسیکس 0.54 فیصد کی چھلانگ لگا کر 61 ہزار پوائنٹس کی نفسیاتی سطح 61167.79 پوائنٹس کو عبور کر گیا
ممبئی: یورپی منڈیوں میں ملے جلے رجحان کے درمیان مقامی سرمایہ کاروں کی طرف سے ہمہ گیر خریداری کی وجہ سے شیئر مارکیٹ نے آج نصف فیصد سے زیادہ کی چھلانگ کے ساتھ نئے سال کا استقبال کیا۔
بی ایس ای کا تیس شیئروں والا حساس انڈیکس سینسیکس 327.05 پوائنٹس یعنی 0.54 فیصد کی چھلانگ لگا کر 61 ہزار پوائنٹس کی نفسیاتی سطح 61167.79 پوائنٹس کو عبور کر گیا اور نیشنل سٹاک ایکسچینج (این ایس ای) نفٹی 92.15 پوائنٹس یعنی 0.151 فیصد اضافے کے ساتھ 18197.45 پوائنٹس پر پہنچ گیا۔ اسی طرح بی ایس ای مڈ کیپ بھی 0.57 فیصد کی تیزی لیکر 25,458.77 پوائنٹس اور اسمال کیپ 0.84 فیصد چڑھ کر 29,169.29 پوائنٹس پر پہنچ گیا۔
اس عرصے کے دوران بی ایس ای پر مجموعی طور پر 3788 کمپنیوں کے شیئروں میں کاروبار ہوا جن میں سے 2306 میں خریداری 1304 میں فروخت جبکہ 178 میں کوئی تبدیلی نہیں ہوئی۔ اسی طرح این ایس ای میں 31 کمپنیاں سبز جبکہ 18 سرخ نشان پر رہیں، جبکہ ایک کی قیمت مستحکم رہی۔
بی ایس ای میں پاور، ہیلتھ کیئر اور کمزیومر ڈیوریبلس گروپ کی 0.55 فیصد تک کی گراوٹ کو چوڑ کر، باقی 18 گروپوں میں تیزی رہی۔ اس دوران میٹل 2.83، کموڈٹیز 1.23، فنانشل سروسز 0.61، انڈسٹریلز 0.76، ٹیلی کام 1.32، آٹو 0.43، بینکنگ 0.46، ریئلٹی 0.99، ٹیک 0.62 اور سروسز گروپ کے شیئر 1.08 فیصد مضبوط رہے۔
یورپی منڈیوں میں ملا جلا رجحان رہا جبکہ نئے سال کی تعطیل کے باعث ایشیائی مارکیٹوں میں کاروبار معطل رہا۔ اس عرصے کے دوران برطانیہ کا ایف ٹی ایس ای 0.81 فیصد گرا جبکہ جرمنی کے ڈی اے ایکس میں 0.87 فیصد اضافہ ہوا۔
