سی یو ای ٹی۔یوجی 2022 کا پہلا مرحلہ جمعہ کی صبح 9 بجے پورے ملک کے تقریباً 500 شہروں اور ملک سے باہر کے 10 شہروں میں شروع ہوا
نئی دہلی: کامن یونیورسٹی انٹرنس ٹیسٹ انڈر گریجویٹ (سی یو ای ٹی۔یوجی) 2022 کا پہلا مرحلہ جمعہ کی صبح 9 بجے پورے ملک کے تقریباً 500 شہروں اور ملک سے باہر کے 10 شہروں میں شروع ہوا۔
پہلے مرحلے میں سی یو ای ٹی۔ یوجی 2022 کا امتحان 15، 16، 19 اور 20 جولائی 2022 کو ہونا ہے۔ اس امتحان کے لیے تقریباً 14 لاکھ 90 ہزار امیدواروں نے رجسٹریشن کرائی ہے، جن میں سے آٹھ لاکھ 10 ہزار امیدوار پہلے مرحلے میں اور چھ لاکھ 80 ہزار امیدوار دوسرے مرحلے میں شرکت کریں گے۔
سی یو ای ٹی۔ یوجی 2022 اب جے ای ای۔مین کو پیچھے چھوڑتے ہوئے ملک کا دوسرا سب سے بڑا داخلہ امتحان بن گیا ہے۔ قومی اہلیت-کم-داخلہ ٹیسٹ-گریجویٹ لیول (این ای ای ٹی۔یوجی) ملک کا سب سے بڑا داخلہ امتحان ہے، جس میں اوسطاً 18 لاکھ امیدوار رجسٹر ہوتے ہیں۔
یو جی سی کے چیئرمین نے امتحان دینے والے تمام طلباء کو مبارکباد دی
یونیورسٹی گرانٹس کمیشن (یو جی سی) کے چیئرمین جگدیش کمار نے ٹویٹ کیا کہ "صبح 9 بجے شروع ہونے والے سی یو ای ٹی کے پہلے امتحان کی تیاریاں زوروں پر ہیں۔ سی یو ای ٹی کا امتحان دینے والے تمام طلباء کو بہت بہت مبارک ہو۔”
All set to start the first CUET at 9.00 am. Best wishes to all the students who are writing CUET.
— Mamidala Jagadesh Kumar (@mamidala90) July 15, 2022
نیشنل ٹیسٹنگ ایجنسی (این ٹی اے) نے کہا کہ تمام امتحانی مراکز سی سی ٹی وی کی نگرانی میں ہیں اور منصفانہ امتحانات کے انعقاد کے لیے جیمرز سے لیس ہیں۔ امتحانی مرکز میں امیدواروں کو ماسک فراہم کیے جائیں گے اور ان کے ذاتی ماسک بھی وہاں ٹھکانے لگائے جائیں گے۔
سی یو ای ٹی۔یوجی امتحان کا دوسرا مرحلہ اگلے مہینے کی 4 سے 10 تاریخ تک منعقد کیا جائے گا۔ جن امیدواروں نے فزکس، کیمسٹری یا بائیلوجی کا انتخاب کیا ہے انہیں سی یو ای ای امتحان کے دوسرے مرحلے میں رکھا جاتا ہے۔ اس کے پیش نظر این ای ای ٹی (یوجی)-2022 کا امتحان 17 جولائی کو ہوگا۔
