جون 2024 میں ملک کی کوئلہ پیداوار میں گزشتہ سال کے مقابلے میں نمایاں اضافہ ہوا ہے۔ اس سال جون میں کوئلے کی پیداوار 14.49 فیصد بڑھ کر 84.63 میٹرک ٹن تک پہنچ گئی، جبکہ پچھلے سال اسی مدت میں 73.92 میٹرک ٹن کوئلہ پیدا ہوا تھا۔
کوئلہ وزارت نے منگل کو جاری اعداد و شمار میں بتایا کہ جون میں کول انڈیا لمیٹڈ (سی آئی ایل) نے 63.10 میٹرک ٹن کوئلہ پیدا کیا، جو سالانہ بنیاد پر 8.87 فیصد زیادہ ہے۔ پچھلے سال اسی مدت میں سی آئی ایل نے 57.96 میٹرک ٹن کوئلہ پیدا کیا تھا۔ اس کے علاوہ جون میں کیپٹیو اور دیگر کے ذریعہ کوئلہ پیداوار 16.03 میٹرک ٹن رہی، جو پچھلے سال کی اسی مدت میں 10.31 میٹرک ٹن کی نسبت 55.49 فیصد اضافہ ہے۔
وزارت کے مطابق جون میں بھارت کا کوئلہ اٹھاؤ 85.76 میٹرک ٹن تھا، جو پچھلے سال کی اسی مدت کے دوران 77.86 میٹرک ٹن کی نسبت 10.15 فیصد زیادہ ہے۔ اس کے علاوہ 30 جون، 2024 تک کوئلہ کمپنیوں کے پاس موجود کوئلے کا ذخیرہ بڑھ کر 95.02 میٹرک ٹن تک پہنچ گیا، جو 41.68 فیصد کی سالانہ اضافہ کو ظاہر کرتا ہے۔ کوئلہ وزارت کے مطابق تھرمل پاور پلانٹس (ٹی پی پی) میں کوئلے کا ذخیرہ بھی بڑھ کر 4.67 کروڑ ٹن ہو گیا، جو سالانہ بنیاد پر 30.15 فیصد زیادہ ہے۔
