نئی دہلی: ملک کی راجدھانی دہلی میں مجرمانہ واقعات میں مسلسل اضافہ ہو رہا ہے۔ بھوگل کے جیولری شو روم میں لوٹ کے بعد اب راجدھانی میں ایک اور بڑی لوٹ کی واردات انجام دی گئی ہے۔ اب بابا ہری داس نگر علاقہ میں 3.20 کروڑ روپے لوٹ لئے گئے ہیں۔ رپورٹ کے مطابق بدمعاشوں نے خود وک ای ڈی افسر ظاہر کر کے لوٹ کو انجام دیا۔
متاثرہ نے بتایا کہ وہ رات کو گھر سے کھانے کے لیے کچھ لینے گیا تھا۔ اسی دوران ایک کار میں پانچ چھ لوگ ان کے گھر آئے۔ انہوں نے اپنا تعارف ای ڈی افسر کے طور پر دیا۔ بدمعاش متاثرہ کے دو گھنٹے تک متراون اور سورکھ پور علاقے میں گھماتے رہے۔ اس دوران بدمعاشوں کے ساتھی اس کے گھر سے پیسے لے کر فرار ہوگئے۔ پولیس نے اس معاملے میں کیس درج کر لیا ہے۔ پولیس نے سونی پت کے رہنے والے ایک ملزم وکی کو گرفتار کیا ہے۔ باقی ملزمان کی تلاش جاری ہے۔
