ڈھاکہ: بنگلہ دیش میں گزشتہ 24 گھنٹوں کے دوران مزید 21 افراد کی موت ہوئی ہے اور اس کے ساتھ اس سال اب تک متعدی بیماری سے مرنے والوں کی تعداد بڑھ کر 618 ہو گئی ہے۔
بنگلہ دیش کے ڈائریکٹوریٹ جنرل آف ہیلتھ سروسز (ڈی جی ایچ ایس) کے مطابق اس عرصے کے دوران 2,352 مزید مریضوں کو وائرل بخار کے علاج کے لیے مختلف اسپتالوں میں داخل کیا گیا۔ نئے مریضوں میں سے 982 کو ڈھاکہ کے اسپتالوں میں اور باقی کو دارالحکومت سے باہر داخل کیا گیا ہے۔
ڈینگی کے کل 8,632 مریض جن میں دارالحکومت ڈھاکہ میں 3,903 شامل ہیں، اب ملک بھر کے مختلف اسپتالوں میں زیر علاج ہیں۔ ڈی جی ایچ ایس نے اس سال اب تک ڈینگی کے 127,694 کیسز اور 118,444 ریکوری ریکارڈ کی ہیں۔
دریں اثنا، اقوام متحدہ کے عالمی ادارہ صحت (ڈبلیو ایچ او) نے بنگلہ دیش میں ڈینگی کے کیسز میں اضافے پر فوری کارروائی پر زور دیا ہے۔ ڈبلیو ایچ او نے کہا کہ "ڈینگی کے کیسز غیر معمولی بارشوں کے ساتھ ساتھ زیادہ درجہ حرارت اور زیادہ نمی کی وجہ سے ہو رہے ہیں، جس کی وجہ سے پورے بنگلہ دیش میں مچھروں کی آبادی میں اضافہ ہوا ہے۔”
