سینسیکس اور نفٹی میں آج گزشتہ تین دنوں کی گراوٹ کو روکتے ہوئے نصف فیصد سے زیادہ کا اضافہ درج کیا گیا
ممبئی: عالمی منڈیوں میں کمزور رجحان کے باوجود مقامی سطح پر توانائی، ایف ایم سی جی، مالیاتی خدمات اور آٹو سمیت دس زمروں میں خریداری کی وجہ سے سینسیکس اور نفٹی میں آج گزشتہ تین دنوں کی گراوٹ کو روکتے ہوئے نصف فیصد سے زیادہ کا اضافہ درج کیا گیا۔
بی ایس ای کا 30 حصص کا انڈیکس سنسیکس 300.44 پوائنٹس کی چھلانگ لگا کر 59141.23 پوائنٹس پر اور نیشنل اسٹاک ایکسچینج (این ایس ای) کا نفٹی 91.40 پوائنٹس بڑھ کر 17622.25 پوائنٹس پر پہنچ گیا۔ تاہم، بی ایس ای کی درمیانی درجے اور چھوٹی کمپنیوں میں فروخت کا دباؤ رہا ، جس کی وجہ سے مڈ کیپ 0.16 فیصد گر کر 25,517.81 پوائنٹس پر اور اسمال کیپ 0.17 فیصد گر کر 29,149.78 پوائنٹس پر آ گیا۔ اس عرصے کے دوران بی ایس ای میں کل 3749 کمپنیوں کے حصص کا کاروبار ہوا، جن میں سے 1715 میں اضافہ، 1899 میں گراوٹ درج ہوئی اور 135 میں کوئی تبدیلی نہیں ہوئی۔
بی ایس ای کے دس گروپ خریداری کی بدولت مضبوط رہے جبکہ بقیہ 9 گروپ سرخ نشان پر رہے۔ اس عرصے کے دوران انرجی 0.33، ایف ایم سی جی 0.98، فنانشل سروسز 0.58، آئی ٹی 0.30، آٹو 0.78، بینکنگ 0.34، آئل اینڈ گیس 0.35 اور ٹیک گروپ میں 0.43 فیصد کا اضافہ ہوا۔ دوسری جانب ٹیلی کام 1.13، یوٹیلٹیز 0.58، کیپٹل گڈز 0.71، میٹلز 1.25، پاور 0.52 اور ریئلٹی گروپ میں 0.99 فیصد گراوٹ درج ہوئی۔
دریں اثناء، بین الاقوامی سطح کے انڈیکس میں گراوٹ کا دور جاری رہا۔ اس دوران برطانیہ کے ایف ٹی ایس ای میں 0.62 فیصد، جرمنی کے ڈی اے ایکس میں 0.93 فیصد، جاپان کا نکی 1.11، ہانگ کانگ کا ہینگ سینگ 1.04 اور چین کے شنگھائی کمپوزٹ میں 0.35 فیصد گراوٹ درج کی گئی۔
