اجمیر درگاہ کمیٹی کے صدر سید شاہد حسین رضوی نے کہا ہے کہ کسی بھی خادم کی جانب سے کوئی متنازعہ بیان نہیں دیا جائے گا، اگر وہ ایسا کرتا ہے تو اس کی رکنیت پر بھی غور کیا جائے گا
اجمیر: راجستھان میں اجمیر درگاہ کمیٹی کے صدر سید شاہد حسین رضوی نے کہا ہے کہ درگاہ شریف پر کسی کی وجہ سے کچھ کہنا غلط ہے۔ کوئی چشتی لکھے اور دکھائی نہ دے ایسے لوگوں کو کوئی توجہ نہ دی جانی چاہئے۔
اجمیر میں اشتعال انگیز تقریروں اور جھوٹے بیانات پر انہوں نے کہا کہ قانون اپنا کام کرے۔ انجمنوں اور درگاہ سے منسلک تمام جماعتوں کے ساتھ تبادلہ خیال کے بعد یہ فیصلہ کیا گیا ہے کہ کسی بھی خادم کی جانب سے کوئی متنازعہ بیان نہیں دیا جائے گا۔ اگر وہ ایسا کرتا ہے تو اس کی رکنیت پر بھی غور کیا جائے گا۔
مسٹر رضوی اجمیر ضلع انتظامیہ کے ساتھ منی عرس کے انتظامات پر تبادلہ خیال کرنے آج کلکٹریٹ آئے، جہاں انہوں نے 31 جولائی سے شروع ہونے والے منی عرس (محرم) کے موقع پر ضلع کلکٹر انشدیپ اور پولیس سپرنٹنڈنٹ چونارام جاٹ سے ملاقات کی، انتظامی اور پولیس سیکورٹی انتظامات کے سلسلے میں ہر پہلو پر بات چیت کی گئی۔
انہوں نے بتایا کہ منی عرس میں پورے ملک سے عقیدت مند اجمیر شریف آتے ہیں۔ ایسے میں خواجہ غریب نواز کا امن کا پیغام ملک وبیرون ملک میں جائے اس کے لئے بہتر انتظامات اور خوشگوار ماحول ضروری ہے۔ انتظامیہ نے تمام انتظامات کی یقین دہانی کرائی ہے۔ رضوی کے ہمراہ نائب صدر منور خان اور سینئر ممبر سید بابر اشرف موجود تھے۔
