مدھیہ پردیش میں اربن باڈی انتخابات – 2022 کے دوسرے اور آخری مرحلے میں آج 43 اضلاع کے 214 شہری اداروں میں ووٹنگ شروع ہوگئی ہے، 49 لاکھ نو ہزار 280 ووٹرز اپنا حق رائے دہی استعمال کر سکیں گے جو کہ شام 5 بجے تک جاری رہے گی

بھوپال: مدھیہ پردیش میں اربن باڈی انتخابات-2022 کے دوسرے اور آخری مرحلے میں آج 43 اضلاع کے 214 شہری اداروں میں ووٹنگ شروع ہوگئی۔

سرکاری معلومات کے مطابق پولنگ کے دوران کل چھ ہزار 829 پولنگ اسٹیشنز پر 49 لاکھ نو ہزار 280 ووٹرز اپنا حق رائے دہی استعمال کر سکیں گے جو کہ شام 5 بجے تک جاری رہے گی۔ ان میں سے 25 لاکھ 20 ہزار 923 مرد، 23 لاکھ 88 ہزار 65 خواتین اور 292 دیگر ووٹرز ہیں۔

ریاستی الیکشن کمشنر بسنت پرتاپ سنگھ نے بتایا کہ دوسرے مرحلے میں پانچ میونسپل کارپوریشنوں، 40 میونسپلٹیزاور 169 میونسپل کونسلوں میں ووٹنگ جاری ہے۔ ووٹر کے لیے ووٹنگ کے لیے کمیشن کی طرف سے تجویز کردہ 20 شناختی کارڈز میں سے کوئی ایک ساتھ لانا لازمی ہے۔