سپریم کورٹ نے پانچ خواتین کو نوٹس جاری کیا جنہوں نے راکھی سنگھ کی قیادت میں پوجا کرنے کی اجازت کے لیے نچلی عدالت میں درخواست دائر کی تھی۔ ان خواتین نے وارانسی کے کاشی وشوناتھ مندر اور گیان واپی مسجد کمپلیکس میں پوجا کرنے کی اجازت کے لیے درخواست دی تھی
نئی دہلی: سپریم کورٹ نے منگل کو ریاستی حکومت کو ہدایت دی کہ وہ اتر پردیش کے وارانسی میں کاشی وشواناتھ مندر سے متصل گیان واپی مسجد کمپلیکس میں اس علاقے کی حفاظت کرے جہاں ہندوؤں کے مطابق ایک ‘شیولنگ پایا گیا تھا۔
سپریم کورٹ نے یہ بھی حکم دیا کہ وہاں کسی مسلمان کو نماز پڑھنے سے نہیں روکا جائے گا اور نہ ہی کوئی رکاوٹ ڈالی جائے گی۔
جسٹس ڈی وائی چندر چوڑ اور جسٹس پی ایس نرسمہا کی ڈیویژن بنچ نے متعلقہ فریقین کے دلائل سننے کے بعد اس سلسلے میں ضلع مجسٹریٹ کو ہدایات جاری کیں۔
سپریم کورٹ نے پانچ خواتین کو نوٹس جاری کیا جنہوں نے راکھی سنگھ کی قیادت میں پوجا کرنے کی اجازت کے لیے نچلی عدالت میں درخواست دائر کی تھی۔ ان خواتین نے وارانسی کے کاشی وشوناتھ مندر اور گیان واپی مسجد کمپلیکس میں پوجا کرنے کی اجازت کے لیے درخواست دی تھی۔
سپریم کورٹ اس معاملے کی اگلی سماعت 19 مئی کو کرے گی۔
