کلکتہ ہائی کورٹ کی ہدایت پر سی بی آئی نے رام پور ہاٹ قتل عام کی جانچ شروع کردی ہے
کلکتہ: کلکتہ ہائی کورٹ کی ہدایت پر رام پور ہاٹ قتل عام کی سی بی آئی نے جانچ شروع کردی ہے۔ سی بی آئی کے سینئر افسران کی ایک ٹیم نے بوگتوئی پور کا دورہ کیا۔
سی بی آئی کے ذرائع کے مطابق ان کے ساتھ فارنسک ٹیم کے اہلکار بھی تھے۔
نامعلوم افراد نے 21 مارچ کو گاؤں میں 10 گھروں کو آگ لگا دی تھی، جس میں کم از کم 10 افراد ہلاک ہو گئے تھے، جن میں خواتین اور بچے بھی شامل تھے۔
تقریباً 20 ارکان پر مشتمل سی بی آئی کی ٹیم گھر کے اندر گئی جہاں سات لوگوں کی جلی ہوئی لاشیں ملی تھیں۔
سی بی آئی کے سینئر افسران نے کہا کہ ہم آج سے تفتیش شروع کر رہے ہیں۔ ہمیں جنگی بنیادوں پر جانچ کرنی ہے۔
سی بی آئی کی ایک یونٹ سنٹرل فارنسک سائنس لیبارٹری کے سلیوتھس نے بھی تباہ شدہ مکانات کا دورہ کیا اور نمونے اکٹھے کرنا شروع کردیئے۔
کلکتہ ہائی کورٹ نے جمعہ کو بیر بھوم قتل کی تحقیقات سی بی آئی کو سونپ دی اور اپنی پیش رفت رپورٹ پیش کرنے کے لیے 7 اپریل کی آخری تاریخ مقرر کی۔
