یوکرین کے وزیر خارجہ دیمترو کولیبا نے کہا کہ روس نے یوکرین کے خلاف جنگ چھیڑ دی ہے جس کی وجہ سے پرامن یوکرینی شہروں پر ہوائی حملے شروع ہوگئے ہیں
کیو: یوکرین کے وزیر خارجہ دیمترو کولیبا نے ان کے ملک پر روسی حملے کو ’جارحیت کی جنگ‘ کا نام دیا ہے اور دنیا بھر کے ملکوں سے روس کے خلاف پابندی لگا کر اسے الگ تھلگ کرنے کی اپیل کی ہے۔
مسٹر کولیبا نے ٹویٹ کرکے کہا، ’’روس نے یوکرین کے خلاف جنگ چھیڑ دی ہے جس کی وجہ سے پرامن یوکرینی شہروں پر ہوائی حملے شروع ہوگئے ہیں۔ یہ جارحیت کی جنگ ہے اور یوکرین اس حملے سے نہ صرف نمٹے گا بلکہ جیتے گا بھی۔‘‘
انہوں نے دنیا بھر کے ملکوں سے اس معاملے میں تیزی سے کارروائی کرنے کی اپیل کرتے ہوئے ایک ’ٹوڈو لسٹ‘ جاری کرنے کو کہا ہے۔ اس لسٹ میں روس پر ابھی سے سخت پابندیان لگائے جانے اور اسے ہر طرح سے الگ تھلگ کئے جانے کے علاوہ یوکرین کے لئے فوری طور پر فوجی مدد کے ساتھ مالی اور انسانی مدد مہیا کرائے جانے کے التزام ہونے چاہئے۔‘‘
انہوں نے کہا کہ پوری دنیا مل کر پوتن کو روک سکتی ہے اور ایسا کیا جانا چاہئے۔ دنیا بھر کے ملکوں کو فوری کارروائی کرنی چاہئے کیونکہ اس وقت نہ صرف یورپ بلکہ پوری دنیا کا مستقبل داؤ پر لگا ہے۔
