وزیر اعلیٰ نے کہا کہ سولر اسٹریٹ لائٹ لگانے کے ساتھ ساتھ اس کے مینٹننس اور مسلسل نگرانی کا بہتر انتظام ہو۔ ہم لوگوں کا مقصد ہے کہ سولر اسٹریٹ لائٹ کے ذریعہ لوگوں کو مسلسل فائدہ ملتا رہے
پٹنہ: وزیر اعلیٰ نتیش کمار نے 1 انے مارگ واقع سنکلپ میں ویڈیو کانفرنسنگ کے توسط سے وزیر اعلیٰ سات عزائم منصوبہ 2 کے تحت ’وزیر اعلیٰ رورل سولر اسٹریٹ لائٹ منصوبہ‘ کی پیش رفت سے متعلق جائزہ میٹنگ کی۔
جائزہ میٹنگ کے دوران وزیر اعلیٰ نے کہا کہ سات عزائم 2 کے تحت ’وزیر اعلیٰ رورل سولر اسٹریٹ لائٹ اسکیم‘ پر عمل درآمد 15 اپریل سے شروع کریں۔ اس کی شروعات ہو نے سے گاﺅں کے راستے اور اہم مقامات سولر لائٹ سے روشن ہوں گے۔ شام سے صبح تک سولر اسٹریٹ لائٹ جلے گی، اس سے گاﺅں کی تصویر بدلے گی اور لوگ بہت خوش ہوں گے۔
وزیر اعلیٰ نے کہا کہ ’وزیر اعلیٰ رورل سولر اسٹریٹ لائٹ اسکیم‘ کے حوالے سے لوگوں میں بہت جوش و خروش ہے۔ تجرباتی طور پر محکمہ اسے تمام اضلاع کے کم سے کم ایک ایک پنچایت میں شروع کرائیں۔
وزیر اعلیٰ نے کہا کہ سولر اسٹریٹ لائٹ لگانے کے ساتھ ساتھ اس کے مینٹننس اور مسلسل نگرانی کا بہتر انتظام ہو۔ ہم لوگوں کا مقصد ہے کہ سولر اسٹریٹ لائٹ کے ذریعہ لوگوں کو مسلسل فائدہ ملتا رہے۔
اس سے مقامی لوگوں کو روزگار ملے گا
انہوں نے کہا کہ اس کی پروڈکشن اکائی کو ریاست میں ہی قائم کر نے کے لیے کارو باری لوگوں کو ترغیب دیں تاکہ سولر لائٹ کے سامان کی پیداوار بھی یہیں ہو، ساتھ ہی مقامی لوگوں کو روزگار ملے۔ انہوں نے کہا کہ سولر لائٹ میں استعمال کی جارہی اشیا کا معیار بہتر ہو اسے بھی یقینی بنائیں۔
میٹنگ میں پنچایت راج محکمہ کے پرنسپل سیکریٹری مسٹر اروند کمار چودھری نے اپنے پرزنٹیشن کے ذریعہ ’وزیر اعلیٰ رورل سولر اسٹریٹ لائٹ اسکیم‘ کی پیش رفت کی تفصیلی جانکاری دی۔ انہوں نے اس کی زمین، اہداف، نفاذ اور رابطہ کمیٹی، مالیاتی انتظام، سولر اسٹریٹ لائٹ کے منیٹننس، سولر اسٹریٹ لائٹ کی تنصیب کے لیے جگہوں کا انتخاب کے بارے میں جانکاری دی۔
ہر وارڈ میں اوسطاً 10 سولر اسٹریٹ لائٹ لگائے جائیں گے
انہوں نے بتایا کہ ہر وارڈ میں اوسطاً 10 سولر اسٹریٹ لائٹ لگائے جائیں گے، اس کے علاوہ دیگر اہم عوامی مقامات پر بھی سولر لائٹ لگائی جائے گی۔
میٹنگ میں محکمہ توانائی کے پرنسپل سیکریٹری مسٹر سنجیو ہنس نے پرزنٹیشن کے توسط سے ’وزیر اعلیٰ رورل سولر اسٹریٹ لائٹ اسکیم‘ کے تکنیکی معاون کی شکل میں بہار رینیوئیبل انجری ڈیولپمنٹ ایجنسی (بریڈا) کی طرف سے کیے جارہے کام کی موجودہ پیش رفت کی تفصیلی جانکاری دی۔ انہوں نے اس کے مختلف اجزا سولر پینل، بیٹری، بلب کی تکنیکی خصوصیات وغیرہ کے بارے میں جانکاری دی۔ انہوں نے بتایا کہ ریمورٹ مانیٹرنگ سسٹم کے ذریعہ سولر اسٹریٹ لائٹ کے نفاذ کی بہتر طریقہ سے نگرانی کی جائے گی۔
میٹنگ میں وزیر اعلیٰ کے پرنسپل سیکریٹری مسٹر دیپک کمار، چیف سیکریٹری مسٹر عامر سبحانی، وزیر اعلیٰ کے سیکریٹری مسٹر انوپم کمار اور وزیر اعلیٰ کے او ایس ڈی مسٹر گوپال سنگھ موجود تھے۔ جبکہ ویڈیو کانفرنسنگ کے ذریعہ بجلی کے وزیر جناب بجندر پرساد یادو، پنچایتی راج کے وزیر جناب سمراٹ چودھری، پنچایت راج محکمہ کے پرنسپل سیکریٹری مسٹر اروند کمار چودھری اور بجلی محکمہ کے پرنسپل سیکریٹری مسٹر سنجیو ہنس منسلک تھے۔
