بھارت رتن گلوکارہ لتا منگیشکر کی موت پر سری لنکا، افغانستان، پاکستان اور بنگلہ دیش سمیت دنیا بھر کے رہنماؤں اور سفارت کاروں نے اظہارِ تعزیت کیا
نئی دہلی: دنیا بھر کے رہنماؤں اور سفارت کاروں نے اتوار کو بھارت رتن گلوکارہ لتا منگیشکر کی موت پر اظہارِ تعزیت کیا۔
سری لنکا کے وزیر اعظم کا ٹویٹ
سری لنکا کے وزیر اعظم مہیندرا راج پکشے نے ٹویٹ کیا، ’ہندوستان کی صدائے سامری، لتا منگیشکر زندہ باد رہیں۔ سرحدوں کو عبور کرنے والے دہائیوں کے انٹرٹینمنٹ کے لیے شکریہ۔ آپ نے کہاوت ’موسیقی عالمی زبان ہے‘ کو مجسم کیا‘۔
Rest In Peace Nightingale of #India, #LataMangeshkar. Thank you for the decades of entertainment that transcended borders & gave life to the phrase ‘music is a universal language.’ My deepest condolences to her family & the people of India. Her memory will live through her music. pic.twitter.com/DGrnzNBDfN
— Mahinda Rajapaksa (@PresRajapaksa) February 6, 2022
مسٹر راج پکشے نے کہا، ’ان کے خاندان اور ہندوستان کے عوام کے ساتھ میری تعزیت۔ ان کی یادیں ان کی موسیقی کے ذریعے سے زندہ رہیں گی‘۔
حامد کرزئی کا ٹویٹ
افغانستان کے سابق صدر حامد کرزئی نے ٹویٹ کیا، ’لتا منگیشکر نے اپنی آواز سے لاکھوں لوگوں کے دلوں کو خوشی سے بھر دیا۔ ان کی دھن آفاقی اور ہمیشہ کے لیے ہے۔ ان کے خاندان اور ہندوستان کے عوام کے تئیں میری گہری تعزیت ہے۔ ان کی روح کو سکون ملے‘۔
With her voice #LataMangeshkar filled millions of hearts with joy. Her melodies are universal and forever. My profound condolence to her family and the people of #India.
May the nightingale of #India Rest In Peace. pic.twitter.com/b7OFGgSaez— Hamid Karzai (@KarzaiH) February 6, 2022
لتا منگیشکر کی موت، پاکستان میں سوگ کی لہر
لتا کی موت کی خبر پاکستان میں ٹویٹر پر سب سے زیادہ زیر بحث موضوعات میں تھی۔ پاکستان کے وزیر اطلاعات و نشریات چودھری فواد حسین وہاں کی ان ہستیوں میں ہیں جنہوں نے لتا جی کی موت پر اظہار تعزیت کیا اور خراج عقیدت پیش کیا۔ بہت سے لوگوں نے لتا منگیشکر کو بہن کہہ کر اپنے غم کا اظہار کیا
فواد چودھری نے کہا کہ وہ موسیقی کی بے تاج ملکہ تھیں۔ انہوں نے ٹویٹ کیا، ’ایک عظیم ہستی ہمارے بیچ نہیں رہیں۔ لتا منگیشکر سروں کی رانی تھیں۔ انہوں نے کئی دہائیوں تک موسیقی کی دنیا پر راج کیا۔ وہ موسیقی کی بے تاج ملکہ تھیں۔ ان کی آواز ہمیشہ لوگوں کے دلوں پر راج کرتی رہے گی۔ خراج عقیدت‘۔
لتا منگیشکر کا انتقال موسیقی کے ایک عہد کا خاتمہ ہے، لتا جی نے عشروں تک سر کی دنیا پر حکومت کی اور ان کی آواز کا جادو رہتی دنیا تک رہے گا، جہاں جہاں اردو بولی اور سمجھی جاتی ہے وہاں لتا منگیشکر کو الوداع کہنے والوں کا ہجوم ہے، #LataMangeshkar
— Ch Fawad Hussain (@fawadchaudhry) February 6, 2022
شہباز شریف نے کہا کہ لتا منگیشکر کے انتقال سے موسیقی کی دنیا ایک ایسی گلوکارہ سے محروم ہوگئی جس نے اپنی سریلی آواز سے نسلوں کو مسحور کیا۔
In the passing of Lata Mangeshkar, the world of music has lost a singing legend who mesmerized generations with her melodious voice. The people of my generation grew up listening to her beautiful songs that will remain part of our memory. May she rest in peace!
— Shehbaz Sharif (@CMShehbaz) February 6, 2022
بی بی سی کا اظہار تعزیت
بی بی سی نیوز کی پنجابی سروس نے لتا منگیشکر کی موت پر اظہار تعزیت کرتے ہوئے پاکستانی عوام کا ایک ویڈیو جار ی کیا۔ عوام کا کہنا تھا کہ لتا منگیشکر کی سریلی آواز سن کر ان کی آنکھوں میں آنسو آجاتے ہیں۔ بعض نے ان کا موازنہ نور جہاں سے بھی کیا۔
ਭਾਰਤ ਦੀ ਮਸ਼ਹੂਰ ਗਾਇਕਾ ਲਤਾ ਮੰਗੇਸ਼ਕਰ ਦੇ ਦੇਹਾਂਤ ਮਗਰੋਂ ਪਾਕਿਸਤਾਨ ਵਿੱਚ ਲੋਕ ਉਨ੍ਹਾਂ ਨੂੰ ਕੁਝ ਇਸ ਤਰ੍ਹਾਂ ਚੇਤੇ ਕਰ ਰਹੇ ਹਨ pic.twitter.com/bjfdzigmbO
— BBC News Punjabi (@bbcnewspunjabi) February 6, 2022
کالم نگار دوردانہ نجم نے لتا کو میوزیکل نائٹنگل کہا۔ لتا منگیشکر بھی ہندوستان کی طرح پاکستان میں بھی چاہی جاتی تھیں۔
سیاسی تجزیہ کار شاہد مسعود کا تعزیتی پیغام
سیاسی تجزیہ کار شاہد مسعود نے بھی کہا کہ لتا منگیشکر کی رخصتی ایک دور کا خاتمہ ہے۔ وہ پاکستان میں بھی اتنی ہی مقبول تھیں جتنی وہ ہندوستان یا کہیں اور تھیں۔ انہوں نے لتا جی کو ’ہماری بہن‘ کہہ کر خراج عقیدت پیش کیا۔
محمد طاہر نامی ایک اور شخص نے ٹویٹ کیا کہ ہندوستان-پاکستان میں کوئی ایسا گھر نہیں ہے جہاں لوگ ان کے نغموں سے لطف اندوز نہ ہوں۔ انہوں نے لکھا کہ ہماری زندگی کی ایک عمر ہے، اس کے بعد ظالمانہ موت سامنے کھڑی ہو جاتی ہے۔
جرمنی کے سفیر والٹر جے لنڈنر کا ٹویٹ
ہندوستان اور بھوٹان میں جرمنی کے سفیر والٹر جے لنڈنر نے ہندی میں منگیشکر کے مشہور نغمےکے جز کو ٹویٹ کیا، "میری آواز ہی پہچان ہے، گر یاد رہے…” ہندوستان کی صدائے سامری لتا منگیشکر، گلوکارہ اور موسیقی ہنر کی 92 برس کی عمر میں موت ہو گئی۔ ایک لیجنڈ، ایک ناقابل تلافی آواز اور سات دہائیوں کے لیے موسیقی کا مرکز! بہت افسوسناک خبر، ان کی میراث ہمیشہ زندہ رہے گی۔ خراج عقیدت لتا منگیشکر جی‘۔
"मेरी आवाज़ ही, पहचान है.. गर याद रहे.." #NightingaleofIndia #LataMangeshkar Singer & musical genius passes away at the age of 92. A legend, an irreplaceable voice & an institution of music for 7 decades! Very sad news.. her legacy will live forever.. #RIP #latamangeshkarji 🙏🕯 pic.twitter.com/tluxC44Rer
— Walter J. Lindner (@AmbLindnerIndia) February 6, 2022
بنگلہ دیش کا اظہار تعزیت
بنگلہ دیش کے صدر عبدالحمید، وزیر اعظم شیخ حسینہ اور پارلیمنٹ کی اسپیکر شرمین چودھری نے لتا منگیشکر کے انتقال پر گہرے رنج و غم کا اظہار کیا ہے۔
اتوار کو الگ الگ تعزیتی پیغامات میں مسٹر عبد الحمید اور محترمہ شیخ حسینہ نے گلوکارہ کی آتما کی شانتی کے لیے دعا کی اور سوگوار خاندان سے دلی تعزیت کا اظہار کیا۔
92 برس کی عمر میں بھارت رتن لتا منگیشکر چار ہفتوں تک زندگی کی جنگ لڑنے کے بعد بالآخر اتوار کے روز یہ جنگ ہار گئیں اور 29 دن بعد ممبئی کے بریچ کینڈی ہسپتال میں آج صبح 8.12 بجے انتقال کر گئیں۔
