بی جے پی۔ٹی ایم سی کے کارکن اتوار کو شمالی24 پرگنہ کے بھاٹ پارا میں نیتاجی سبھاش چندر بوس کی سالگرہ منانے کے لئے منعقدہ ایک پروگرام کے دوران آپس میں لڑ پڑے۔
کولکتہ: مغربی بنگال کی حکمراں ترنمول کانگریس (ٹی ایم سی) اور اپوزیشن بھارتیہ جنتا پارٹی (بی جے پی) کے کارکن اتوار کو شمالی24 پرگنہ کے بھاٹ پارا میں نیتاجی سبھاش چندر بوس کی 125ویں سالگرہ منانے کے لئے منعقدہ ایک پروگرام کے دوران آپس میں لڑ پڑے۔
بی جے پی کے ریاستی نائب صدر ارجن سنگھ نے الزام لگایا کہ پارٹی کے رکن اسمبلی پون سنگھ اس وقت ترنمول کارکنوں کے نشانہ پر آئے جب وہ نیتاجی کو خراج عقیدت پیش کرنے کے لئے ایک پروگرام میں شامل ہونے گئے تھے۔
سنگھ نے یہ بھی الزام لگایا کہ اس دورا ن انہیں بھی نہیں بخشا گیا اور ان کی کار میں توڑ پھوڑ کی گئی۔
خیال رہے کہ بھاٹ پارا گزشتہ کئی برسوں سے بی جے پی اور ٹی ایم سی کے مابین سیاست کا اکھاڑہ بنا ہوا ہے۔ اکثر یہاں سے اس طرح کے و اقعات سامنے آتے رہتے ہیں۔
