بہرائچ میں پٹاخہ بازار میں آتشزدگی، 50 لاکھ سے زیادہ کی ملکیت کا نقصان
بہرائچ: اترپردیش کے ضلع بہرائچ کے موتی پور علاقے میں بدھ کی دیر شام پٹاخہ بازار کی ایک دکان میں لگی آگ نے 12 دیگر دکانوں کو اپنی زد میں لے لیا۔
پولیس ذرائع نے بتایا کہ مہی پوروا میں واقع نو یوگ انٹر کالج احاطے میں پٹاخوں کی بازار لگی ہوئی تھی جہاں کافی تعداد میں مقامی افراد پہنچ کر خریداری کررہے تھے۔ اسی اثنا ایک پٹاخہ کی دکان میں نامعلوم وجوہات سے آگ لگ گئی۔ دیکھتے ہی دیکھتے آگ نے خوفناک شکل اختیار کرلیا۔ ایک ایک کر کے پٹاخے کی دکانوں میں آگ لگتی چلی گئی ہے وہاں بھگدڑ مچ گئی۔
تھانہ انچارج برج آنند سنگھ پولیس ٹیم کے ساتھ موقع پر پہنچے۔ فائر ملازمین کو مطلع کیا گیا۔ فائر ملازمین نے مقامی افراد کی مدد سے ڈیڑھ گھنٹوں کی سخت مشقت کے بعد آگ پر کنٹرول حاصل کیا۔ تھانہ انچارج نے بتایا کہ پٹاخہ بازار میں 13 دکانوں کا سامان پوری طرح سے جل کر خاکستر ہوگیا ہے۔ انہوں نے بتایا کہ محتاط اندازے کے مطابق 50 لاکھ سے زیادہ کی ملکیت کا نقصان ہوا ہے۔ رپورٹ ملنے کے بعد ہی آگ لگنے کی وجوہات کا پتہ چل سکے گا۔
